رواية حورية الصعيد الفصل الرابع عشر 14 بقلم محمد احمد

 رواية حورية الصعيد الفصل الرابع عشر 

رواية حورية الصعيد الفصل الرابع عشر 

حوريه الصعيد 14   ؤؤنسرين وقفت وقربت منها وهمست:تطلقى من ادم...

حور بدموع وقلبها بيوجعها:انتى بتقولى اي لي بتعملى معايا كدا أنا اذيتك في اي...

نسرين:لما يا شاطرة تاخدي حاجه مش بتاعتك بييجي يوم وتسبيها غصب عنك وانا قولتلك قبل كدا متلعبيش معايا واختاري يا اخوكى يا آدم ...أنا قولت اللي عندى ..

نسرين قعدت مكانها بتكبر وقالت:قدامك اربعه وعشرين ساعه لو خبر الطلاق مجاليش اعتبري أن اخوكي قضى بقيت عمره في السجن...

حور بدموع وهى بتحاول تتماسك:طيب ممكن تسيبيني اسبوع بس عقبال ما امهد الموضوع وادم ميشكش فى حاجه...

_تؤ هم يومين علشان كدا ابقى عملت معاكى الواجب يلا روحى زي الشاطره كدا شوفي هتعملى اي...

حور مشيت وفاطمه خرجت وراها وكمان مى..

فاطمه:هى قالتلك اي الصفرا دي خلتك شكلك مش طبيعي كدا وقربت منها:مالك يا حور قالتلك اي ...

حور بتعب:مفيش يا بطه أنا هروح ارتاح شويه علشان تعبانه..

مي:طيب استنى هاجى معاكى..

فاطمه:وانا كمان...

حور:لا خليكوا أنا عوزا ابقى لوحدى علشان تعبانه شويه وكمان أنا رايحه بيت عمار مش القصر ...

فاطمه:اي هيوديكي..

حور :مفيش البيت وحشني بس عوزا اقعد هناك شويه .

مى:خلاص روحى وانا هبقى اقول لادم

حور هزت راسها ومشيت...

راحت البيت وقفلت الباب وانهارت من العياط اول مره تكون في الحاله دى روحها اتدفنت بسجن اخوها ...

*هم السبب في كل اللي حصلي يا ريتنى ما قابلته ولا شوفته ولا حبيته يارب العون من عندك يارب هون على قلبي أنا تعبانه اوووي اغلى اتنين على قلبي بيضيعوا منى ...بس لازم اختار اخويا لانه هوا اللي ربانى هوا السبب في انى عايشه لحد دلوقتي هوا ابويا...

فضلت تعيط لحد ما جه الليل عليها وهى دموعها منشفتش من على وشها ....

فجأه لقت الباب بيخبط...

مسحت دموعها بسرعه:مين...

ادم من ورا الباب :أنا يا حور افتحى..

حور اتوترت مش عارفه تقوله اي ولا تعمل اي بس قررت تمثل البرود..

فتحت الباب ..

ادم قرب منها وحضنها:حبيبتي اي اللى مقعدك هنا مروحتيش القصر لي مى اللي قالتلي انك هنا...

حور ببرود:عادى ...

ادم يصلها:مالك يا حور اي اللي مضايقك..

حور:مفيش حاجه مضايقانى أنا زي الفل حتى شوف..

ورسمت على وشها ابتسامه:أنا بضحك أنا مبسوطه مفيش حاجه هتضايقنى واللى يضايقنى بشيله من حياتى...

ادم باستغراب:اي لازمته الكلام دا ...

حور:مفيش حاجه...ادم ممكن تسيبنى هنا النهارده تعبانه ومش عوزا اتكلم...

ادم:طيب هفضل معاكى ومتتكلميش بس أكون متطمن عليكي ...

حور:لا متبقاش معايا أنا عوزا ابقى لوحدى ممكن ...

ادم:لا مش هينفع..

حور بعصبية:قولتلك سيبني في حالى حل عنى بقى أنا من ساعت ما شوفتك وانا معشتش يوم حلو ....

وبدأت تعيط:أنا اي اللي خلانى اقابلك أنا اي خلانى اروح مع فاطمه القصر يا ريتني ما قابلتك ولا وافقت انى اتجوزك ولا اقابل عيلتك ولا اشوف نسرين ولا اخويا يعرفكوا...

اخويا عاش طول عمره مبصش لاي واحده ولا عمره اتعدى حدوده والبلد كلها بتحلف بيه وباخلاقه جيتوا انتو قلبتوا الموازين أنا كرهت اليوم اللي شوفتك فيه وكرهت الساعه اللي اتجوزتك فيها...

ادم :اي الكلام اللي بتقوليه دا يا حور اي حصل لكل دا ...

_حور!احنا طول عمرنا عايشين في حالنا ،من وقت مانتو جيتوا والبلد كلها انقلبت أنا محستش بكل دا الا لما اخويا اتاخد قدام عيني بسببكوا....

حلو عننا واخرجوا من حياتنا بقى ...

ادم حس انها منهاره قرب منها علشان يحضنها ويطمنها زقته بعيد

_متقربش منى ابعد عنى أنا بكرهك انت وعيلتك انتو دموتوني ودمرتوا اخويا اللي مليش غيره...

نسرين خدت منى اعز شخص على قلبي وكله بسببك...

أنا مليش ذنب في كل دا بس الظاهر فعلا انى لازم مكنتش احلم بأكتر من اللي أنا عايشه فيه دا ...

هوا دا مكانى الحقيقي يا ادم بيه ...

ادم :أنا بس مقدر موقفك دا يا حور ...لكن مش هستحمل كلامك دا كتير ...

حور ببرود:وانا مش عوزاك تستحمل ومش عوزا منك حاجه ولا عوزا القصر ولا عوزا اي حد أنا مش عوزا الا اخويا اللي اتسجن ظلم دا علشان كده انت لازم تطلقني...

ادم:انتى بتقولى اي انتي اتجننتي اي دخل علاقتنا باللي حصل

_دا اوامر السنيوره بتاعتك علشان تحل عن اخويا وتخرجه علشان كدا لازم ابعد عنك وتنسانى للابد ...

_انتى قصدك أن نسرين اللي طلبت منك الطلب دا

حور بدموع وقهره:ايوا ..

ادم قرب منها وحاوطها بايديه:وانا مش هطلقك واخوكى هيخرج صدقيني يا حور خليكي واثقه فيا ...

حور ضعفت بين ايديه واترمت في حضنه وفضلت تعيط:أنا كل الكلام اللي كنت بقوله دا كان من ورا قلبى أنا مش بكرهك ولا عمري هقدر اكرهك بس انا عوزا اخويا وهى هددتنى بس مقدرتش مقولكش مش عوزا اخسرك ...

ادم غمض عينيه بعصبية:نسرين زودتها وانا عارف هعمل اي معاها اصبري بس عليا

_قالتلي يومين لو متطلقتش منك هتخليه مسجون ومش هتطلعه..

_صدقيني وانا قبل اليومين دا هتكون الكلابشات في ايديها هى ....هى فتحت على نفسها طاقة جهنم تستحمل اللي هيجرالها بقى...

حور مسكت في هدومه ببكاء:أنا مش عوزا ابعد عنك يا آدم ارجوك متسبنيش...

ادم:مانتى اللي كنتى عوزا تسبيني...

حور بصتله بدموع:كان من ورا قلبي كل الكلام دا أنا اسفه ...

ادم:متتسافيش يا حبيبتي ودموعك دى مش عاوزها على خدك العسل دا تاني ولو على عمار يومين بالكتير وهيخرج متقلقيش ومتخافيش...

حور :ياريت يا آدم انا خايفه اووي سردين دي شريره اووي دي غلبت ابو لهب...

ادم:طيب اي مش هترجعى معايا البيت..

_لا عوزا افضل هنا النهارده..

ادم:طيب وانا معاكى.....

حور:تعالى اوريك الاوضه بتاعتى...

خدته من أيده ودخلوا الاوضه بتاعتها اللي كانت بسيطه جدا زي البيت ...

_احم دي اوضتى ودا سريري...

ادم:امممم حلوين اووي وراح قعد على السرير ومد أيده ليها

قعدت جنبه:مش عاوز الدموع تبقى على خدك تانى ضحكتك احلى يا حوريتي..

حور ابتسمت:طول مانت معايا الضحكه مش هتفارق وشي ربنا يديمك ليا يا آدم..

ادم قرب منها وحضنها وبعدين نسيبهم مع بعض شويه...

في الصباح.

عند نسرين ..

كان ابوها متعصب وهى كمان..

_يعنى اي يحجزوا على معظم املاكى

بتقول اي ديون ...

طيب اقفل وانا هتصرف...

فضل يتصل بكل اللي يعرفهم واصحاب الشركات وكلهم مردوش عليه وكمان اصحابه ردوا بس محدش رضى يساعده...

نسرين:يعنى اي يا بابي احنا كدا بقينا على الحديده اتصرف..

الاب:كل اللي مستلف منهم مش بيردوا عليا وكلهم اتخلوا عنى مع أن الدفع لسه مجاش وقته وكمان الضرايب حجزت على معظم الأملاك يعنى كدا احنا بقينا في الشارع...

نسرين:ازاي الكلام دا وازاي كل دا حصل من يوم وليله ...

انت لازم تتصرف ..

_انتى السبب في كل دا لو مكنتيش ضيعني ادم من اديكى كان زمانا كل الديون مدفوعه ودخلت في شراكه معاه بس اعمل اي طلعتى هبله وحته بت فلاحه جت خدته منك...

نسرين:منا سجنتلها اخوها وطلبت منها تطلق منه اعمل اي تاني يعنى ...

_واي كمان كملى...

نسرين بصدمه:ادم...

•تابع الفصل التالي "رواية حورية الصعيد" اضغط على اسم الرواية