رواية عشق طفولتي الفصل الثامن
رواية عشق طفولتي الفصل الثامن
البارت الثامن والاخير
: نور اهدي كدة ونتكلم بهدوء لان العصبية ملهاش لازمة
_اهدى ايه انت عبيط
: يبنتي لمي لسانك انا ساكتلك عشان متعصبة بس لكن وربنا ماهسكت اكتر
_لا والله وهتعملي ايه بقى غلطان وكمان بتزعق
: طب اسكتي بقااا عشان اتزفت افهمك
لما زعق انا حقيقي قلبت كتكوت مبلول دا يخوف ياجماعة
_طب ممكن تقول بقى
: طيب هو انتي ادتيني فرصة ولا حتى جربتي ترني على الرقم وتشوفي مين هيرد عليكي
_ارن عشان اسمع الملزقة دي يعني ولا ايه
: ياغبية انتي اصبري شوية واسمعي
لقيته بيشد الفون وبيرن على الرقم وسمعت صوت بنت بس ثواني دي مش اي بنت
دي طفلة نعاام هنهزر ياجماعة 😅
: الو يامي ياحبيبتي عاملة ايه
/انا كويسة ياعمو انت وحشتني اوي عامل ايه
: ياقلب عمو انتي بتسمعي كلام ماما ولا مغلباها بقى
/والله لا بسمع الكلام ومش بزعل مامي خالص
شطورة ياقمر وانا هبقى اجي ازورك انا وطنط نور عشان نفسها تشوفك
/وانا كمان عايزة اشوفها تعالوا قريب
: حاضر ياحبيبتي عايزة حاجه
/هاتلي شكولاتة وانت جاي
_عنيا اكبر شوكلاتة ليكي ياقمر يلا سلام
/باي
قفل معاها وانا كنت عايزة اجري على الاوضة من الاحراج
_احم معلش
: نعم ياختي معلش بعد كل دا معلش دنا شكيت ف نفسي وانا مش عامل حاجه بس من اسلوبك شكيت بردو قطعت الخلف حرام عليكي
_خلاص بقى يامودي مكنتش اعرف والله
: وايه الغيرة دي كلها دانتي واقعة بقى
_لا علفكرة ولا في اي حاجة انا بس مقبلهاش على نفسي
: لا والله يعني لو عملت اي حاجة من وراكي عادي
_طب جرب وانا اضربك كدة
: ههه يبنتي متحاوليش تداري باين اوي انك بتموتي فيا
_ايوة بحبك خلاص بقى
: وانا بعشقك يانور انتي الحاجه الوحيدة الحلوة ف حياتي الي مقدرش ابعد عنها ابدا ازاي ممكن ازعلك ولا اعمل اي حاجة تضايق القمر بتاعي
_يااحمد بس بقى بؤحرج وربنا
: طب تعالي هنا ياست المحرجة انتي
:_اهو جيت نعم عاي
سكتني بحضن بحسه بالنسبالي حياة مش مجرد حضن ابدا اد ايه بحبه هو وصاحب الحضن وفهمني ان البنت دي بنت واحد صاحبه مات ف هو بيزورها دايما عشان ميحسسهاش بالزعل
حياتي معاه ممكن متكونش واو اوي كفاية انه بيقدرني ويحترمني ويحبني وحتويني دا كله عندي بالدنيا ودلوقتي هيبقى في ضيف جديد معانا وهموت واقوله عشان اشوفه هيبقى عامل ازاي اصلي بحبه وهو مبسوط كدة شبه الاطفال
استنيته يخرج للشغل وزينت الشقة وجبت شوز بيبي صغنن وحطيته على السفرة جنب الشموع
سمعت الباب بيتفتح
: عاملة ايه ياقلبي النهاردة وحشتيني اوي ايه دا اي الحاجات الحلوة دي وشموع كمان لا افهم بقى
_هو انا ياعمري لو عملت كدة يبقى لازم سبب
: لا بس مستغرب
_هو ماشي بصراحة في سبب فعلا بس هيفرحك جداا
: ايه هو بقى قولي
_امم مش ملاحظ ان في حاجة غريبة على السفرة
: حاجة ايه
ويادوب بيلف يدور لقى العلبة الي حطاها بصلي باستغراب الي هو نعم يعني ايه دا😅
_افتحها
فتحها ولقى فيها الشوز وورقة مكتوب عليها هقابلك بعد تمن شهور
فضل مصدوم نص دقيقة كدة لدرجة قلقتني معقول ميحبش انه يخلف
بس فجأة لقيت الي بيتنطت من الفرحة وبيزعق
: داا بجد يانور بجد انتي حامل بجد لا لا مش مصدق هيبقى عندي بيبي وهبقى بابا وكدة
_ياروحي هتبقى احلى بابا ف الدنيا كلها
فرحته بانه هيبقى اب نستني اي زعل ممكن اكون زعلته ف يوم اصلا
وتعدي الايام والشهور واولد
ف اوضة المستشفى
: مبروك ياقلبي الف سلامه عليكي اسف انك تعبتي اوي كدة انا اسف حقك على قلبي والله
_والله لو كنت تعبانة كلامك نساني اي تعب بس ابننا فين
: قصدك ولادنا فين
_يعني ايه
لسة بكمل كلامي لقيت ماما وبابا داخلين الاوضة وكل واحد فيهم شايل بيبي كنت هتجنن من الفرحة بقى انا خلفت تؤام
+ولد وبنت زي القمر يابنتي مبارك عليكم
_الله يبارك فيك يابابا
÷مبروك يانور عيني
_الله يبارك فيكي يااحلى ام ف الدنيا كلها
قربوهم مني وشلتهم وحسيت اني بجد مش عايزة اي حاجة ف الدنيا تاني
وبتمر الايام علينا مابين فرح وزعل لكن ولا يوم احمد نيمني زعلانة ابدا ولا مرة خلاني اندم اني وافقت عليه كانلي اب واخ وزوج وحبيب وابن تالت ليا واخيرا حققنا حلمنا سوا وبقيت دكتورة شاطرة وهو دايما واقف ف ضهري ومساعدني ودلوقتي قاعدة ف حضنة وكل واحد فينا شايل بيبي وبنتفرج على التلفزيون واتمنيت ان ربنا يديمه ليا دايما هو وعيلتي الصغيرة الي بقت كل حياتي..
من يسكن الروح كيف للقلب ان ينساه ♥
يتبع الفصل كاملا اضغط هنا ملحوظه اكتب في جوجل "رواية عشق طفولتي كوكب الروايات" لكي تظهر لك كاملة
•تابع الفصل التالي "رواية عشق طفولتي" اضغط على اسم الرواية
تعليقات
إرسال تعليق