رواية قصتي انا الفصل الخامس
رواية قصتي انا الفصل الخامس
طول الليل صاحيه معرفتش انام مش عارفه ليه صحيت الفجر
صليت قرأت الورد بتاعي قرأت اذكار الصباح والمساء ولبست
واستنيت مني تيجي عدت ساعات طويله يووووه هي لسه
مجتش ليه بصيت علي الساعة لقيتها لسه 9 ايه تسعه امال
حاسه ان احنا بقينا الضهر ﻻ بقي هروح اصحيها خبطت علي مني وفتحت
منى:ايه يابنتي ايه اللي مصحيكي بدري كدا .
انا: لسه منمتش اصﻻ .
منى:من انبارح ليه
انا:مش عارفه يمكن علشان بابا وحشني .
منى:بابا بردو ها
انا:خﻻص بقي انجزي عايزه افطر هطلب فطار علي ما تخلصي وتصلي
منى:ماشي بس مش مرتاحه
فطرنا وصحي عمر واتقابلنا ف استقبال الفندق
عمر :صباح الخير يا بنات جاهزين
مني :صباح النور جاهزين .
انا :جاهزين ان شاءالله
ركبنا السياره مش عارفه ايه اللي جرالي لما سمعت صوت
عمر ضربات قلب سريعه وحاسه اني دايخه ومش مركزه .
مني:منار منار ﻻ انتي مش طبيعيه النهارده.
انا:في ايه انتي بتكلميني انا .
مني :ﻻ والله فيكي حاجه بكلمك من الصبح مش بتردي عليا ومتقوليش بابا وحشني.
عمر:في ايه مالك تعبانه نروح علي المستشفي .
انا:ﻻ ابدا والله مش تعبانه وﻻ حاجه.
عمر: يﻻ بقي انزلي هركن ونروح علي الموقع انا ومني ونتقابل بعد التصوير ماشي
هزيت راسى بالموافقة وقعدت ف مكاني علي صخور الشط
وﻻول مره مكونش بتأمل ف خلق الله ف حاجه شغﻻني مش
عارفه ليه وانا قاعده وسرحانه لقيت حد بيقول الجو جميل
النهارده وقفت بسرعه مين حضرتك وبتوجهلي كﻻم ليه
رامي: انا رامي صاحب عمر وبﻻقيكي كل يوم ف المكان دا
وبتقعدي لوحدك قلت اونسك وندردش مع بعض
انا:في ايه ندردش ونقعد مع بعض بتاع ايه حضرتك قريبي
وﻻ حد اعرفه بعد اذنك ممكن تمشي
رامي:وان قلتلك ﻻ هتعملي ايه يعني
انا: همشي انا..
ولسه رايحه امشي لقيته رايح يمسك ايدي زعق فيه
ايه دا ايه اللي انت عايز تعملو احترم نفس ياستاذ ولسه
مكملتش كﻻمي لقيت صوت عاااالي جدا وبزعيق
راااااااامي
رامي :عمر في ايه
عمر :انت بتعمل ايه هنا وايه خﻻك تكلمها انت مش سألتني
عليها وقلتلك صاحبة مني المفروض تحترم نفسك ومتكلمهاش
رامي:ماهي اختك زي اختي بﻻش اقوم بالواجب مع صحبتها
عمر:رامي متكلمهاش تاني البنت مش من نوع دي بنت
محترمه ومتربيه مش زي البنات اللي تعرفها خﻻص دا اخر
تنبيه .....يﻻ تعالي روحي عند منى ولو اتعرضلك تاني قوليلي
انا :حاضر ..بقولها وانا مش عارفه ايه الإحساس دا
خلص تصوير وركبنا السياره ومتكلمش خالص الا كلمتين بس
عمر:معدتيش تقعدي لوحدك خﻻص ...هنروح الفندق نغير ونطلع نتغدي خﻻص
مني مرديتش شكلها مش طبيعي... وانا قلت ان شاء الله
غيرت هدومي وطالعه من الغرفه انده علي
مني لقيت عمر واقف علي بابها وبيخبط
منار.السلام عليكم هي مني مصحتش
عمر وعليكم السلام لسه بخبط عليه من بدري
وفتحت مني بعد محاولات وقالت انا تعبانه مش هقدر اروح معاكم روحو انتو
اناا:الف سﻻمه عليكي خﻻص مش ﻻزم
نتغدي برا النهاردا ايه رايك نتغدي ف الفندق
منى: مش هاقدر تعبانه ومش جعانه
عمر:يﻻ يابنتي بﻻش دلع انتي عارفه لو انتي مجتيش منار مش هاتيجي
مني:امري لله ثواني وجايه معاكو
عمر:انا هنزل علي ماتخلصو اطلب الاكل
واجهز المكان اللي هناكل فيه .
نزلت انا ومني لقيناه حاجز مكان علشان ناكل براحتنا قعدت
على كرسي ضهري للباب ومني قعدت قدامي وعمر علي
طربيزه بعيده عننا ووشه للباب جا الاكل وبدأنا وفجأه دخل رجل المكان
عمر :رامي بتعمل ايه هنا .(وبغيره).منار نزلي النقاب
رامي:ياوحشين بتتغدو من غيري وانا اللي كنت جاي اعزمكو
عمر :تعزمنا بتاع ايه يﻻ اطلع عشان البنات ياكلو
رامي :ليه اطلبلي اكل وانا هقعد معاهم افتح نفسهم.
عمر:راااامي يﻻ انا مش هاكل تعالي هنروح مشوار انا وان
رامي:بس انا جعان طب اسلم بس وامشي استني ياعمر
...بيقولها رامي وعمر ماسكه من دراعه ومجرجره برا
بعد ماهما مشو ببص لمني لقيتها نايمه علي
الطربيزه ومكلتش حاجه بصحي فيها مش
راديه تصحي ..مني مني اصحي يامني باين
مغمي عليها اعمل ايه ياربي مش عارفه لقيت تليفونها جبت رقم عمر
عمر:الو ايوا يامني اتغدو انتو براحتكم
انا: السﻻم عليكم استاذ عمر مني اغمي عليها ومش عارفه اعمل ايه
عمر: منار هتصل علي الاسعاف بسرعه متقلقيش ....
رامي :في ايه ياعمر
عمر:مني اغمي عليها روح انتي وانا هروح لمني
رامي :ﻻوالله مش هسيبك رجلي علي رجلك
وصلت سيارة الاسعاف واخدت مني وانا معاها ماسكه ايدها
وعمر ورامي ورانا بالسياره ..وصلنا
المستشفي وقامو الدكاتره باسعاف مني واحنا قاعدين برا مسنين
بكيت عشانها اول مره يبقي ليا صديقه
وحسيت انها اختي وانا ببكي لقيت رامي بيقولي .
:متزعليش ان شاءالله هتبقي كويسه
عمر:رامي تعالي هنا قلتلك ملكش دعوه بيها
خالص انتي مبتفهمش هي مبتكلمش رجاله
بيقولها وهو مدايق حسيتها من نبرة صوته.....
الدكتور طلع وقال: هي كويسه والحراره نزلت بس هي نايمه دلوقتي
الحمدلله
رامي:الحمدلله تعالي اروحك وبكره الصبح اجي اجيبك
انا :شكرا مش همشي اﻻ معاها
عمر خﻻص روح انتي يارامي واحنا هنفضل معاها .
انا:لوسمحت ياستاذ عمر ممكن تروح انتي
كمان اصلي مش هاخد راحتي وانت موجود
عمر:خﻻص ماشي بس خلي بالك من نفسك قصدي من مني
بعد مامشيو قعدت شويه ونمت شويه عملت لمني كمادات شويه .......
رامي:عمر في ايه مﻻحظ انك قلقان علي منار اكتر من مني
وكمان كان باين عليك انك غيران مني
عمر:ﻻ ابدا بس علشان هي بنت متعرفش
حاجه هنا ويمكن مني تتعب وﻻ يحتاجو
حاجه وهغير منك ليه
رامي:ﻻ مش دا قصدي قصدي انت بتحب منار ....
عمر :بحب مين ﻻﻻﻻﻻ انت دماغك راحت لبعيد
رامي :بس بحسب انك نسيت انك خاطب
سوزي بقالك فتره وبتهرب من موضوع الجواز
عمر: سوزي تصدق نسيت انها هتوصل من امريكا بكرا........
•تابع الفصل التالي "رواية قصتي انا" اضغط على اسم الرواية
تعليقات
إرسال تعليق