رواية لم اختارك الفصل الثالث
رواية لم اختارك الفصل الثالث
عند منصور و عصمت
عصمت بخضه : في ايه
منصور : ولاد الكلب مش عايزيني اعيش انا لازم اطلعهم من هنا في أسرع وقت
عصمت : وانا عندي الحل
منصور : اي هو
عصمت : اسمعني
في اليوم التالي
أحمد بصوت واطي : سحرر
سحر بخمول : اممم
أحمد : اصحى يا سحر و اسمعيني ضروري
سحر بفزع فتحت عنيها : في ايه يا احمد انت كويس
أحمد : متخافيش اهدي اهدي انا بخير انا بصحيكي علشان اقولك انا هطلع برا هروح ادور على بيت إيجار علشان نعيش فيه بعيدا عن بابا و مراته
سحر بفرحه : بجد
أحمد بحب : بجد يا سحر انا مش هسافر تاني هشتغل هنا و نعيش سوا يالا بقااا انا هروح ادور على بيت خليكي هنا و انا هجي لك اول ما القى بيت
قاطعته سحر : لاا لااا و النبي خدني معاك انا خايفه اقعد معاهم لوحدي ل حسن بابا يجي يضربني و النبي يا احمد خدني معااك
أحمد : انتي بس تخليكي هنا في الاوضه متتحركيش وان حصل اي حاجه اقعدي عند خالتك فريده جارتنا اقعدي معاها في القهوه و متخافيش
سحر : ماشي بس و النبي متتاخر عليا
احمد : حاضر و الله يالااا انا ماشي
و طلع و قفل عليها الباب
عند عصمت و منصور
عصمت : منصور اصحى يا منصور
منصور بخمول : سبيني يا عصمت
عصمت : لاا قوم انا جهزت كل حاجه و كل حاجه هتخلص النهارده
منصور بفرحه : بجد هنخلص منها اخيرا
عصمت : ااه و الله يالا بقاا الناس هتجي النهارده
منصور : تب والواد الغلس اللي اسمه احمد
عصمت :طلع برا سمعته بيتكلم معاها و بيقولها انه احتمال يتاخر قوم بقاا
منصور : ماشي يالا
عند سحر
سحر فضلت تبص على صوره امها
سحر بحب : صباح الخير يا ماما وحشتيني اوي انا زعلانه منك اوي ليه اتاخرتي عليا كدا هو دا كان اتفقنا قولتي لي انك هتخلصي الحج و تجي بسرعه اييه اللي اخرك هناك تب بابا ليه سابك و جه امتى بقااا تنزلي و ترجعي لي شوفتي بابا من غيرك بيعمل فيا اييه والا ايه رايح يتجوز عليكي و يقولي مامتك ماتت هو اكيد كداب انا عارفه انا عارفه انك موجوده في الحج و عايشه و هتجي النهارده او بكرا مش كدا بابا وحش و كذاب بس احمد حبيبي واخويا وروح قلبي واقف له وواقف معايا و عارف ان بابا بيكذب و ان انتي عايشه و هنفضل احنا الاتنين مستنينك انتي عارفه يا ماما احمد راح يدور لينا على شقه بعيد عن بابا و مراته دي اللي معرفش شكلها كدا عامل زي الرقصات اللي كنا بنشوفهم في التليفزيون مع بعض اللي بيكونوا في الأفلام اللي كانوا بيرحوا كباريهات دول بس دي على حربايه شويه.
قاطعها دخول عصمت فجأه
سحر بحده : جرا ايه يا حربايه انتي مش في بابا تخبطي قبل ما تخشي
عصمت بندفاع : انا حربايه امممم
سحر بعصبيه : ااه حربايه و ستين حربايه
عصمت في نفسها : ماشي ماشي مش هرد عليكي دلوقتي مهو كدا كدا شويه و هخلص منك
عصمت بحب مصطنع : انا اسفه يا سحور قومي تعالي معايا اظبطك علشان جاي لينا ضيوف
سحر بحده : لا ضيوف بلا جاموس اطلعي برا و اقفلي الباب انا مش عايزه اشوف حد ولا اطلع من هنا
قاطعتها عصمت : علفكره بابا اشتري لك لبس جديد
سحر بفرحه : بجد
عصمت : ااه قالي ان سحر معندهاش لبس و بتلبس لبس من آخوها قولت له و شرط عليه لا سحر هنروح نجيب لها فساتين و حاجات حلوه زي البنات
سحر بفرحه : حبيبي يا بابا ربنا يخليك
عصمت : يالا علشان نلبس
سحر بفرحه : يالا
بعد مرور الوقت
عصمت : بسم الله ماشاء الله عليكي قمر
سحر بفرحه : الله فستان جميل اوي
عصمت : تعالي بقاا اما احط لك روج و مكياج
سحر باستغراب : يعني ايه
عصمت : زي اللي انا حطاه كدا
سحر : بويه لا مش عايزه مليش فيها كفايه كدا
عصمت : لا لازم تتزوقي
سحر : وانا مش عايزه انا مبسوطه بشكلي كدا
عصمت لسه جايه تتكلم
قاطعها منصور : الناس وصلوا
في الصاله
رعد : هااه البنت اللي عندكم فين
منصور بارتباك : هتجي حالا يالا يا عصمت
عصمت وهي ماسكه ايدي سحر : جايين اهوا
وطلعوا
عصمت : بسم الله ماشاء قمر
سحر بخوف : اا انتوا مين
رعد : حلو اوي مهارها ١٠٠ الف و الفلوس قدامك اهي
منصور بفرحه : تب متهزهم شويه
رعد : دا اللي عندي وقدامي علشان البيه مستني برا علشان تكتبوا كتب الكتاب و تعملوا عقد قران
منصور بفرحه : يالا
و طلعوا برا
سحر ل عصمت : هو في ايه
عصمت : بعدين بعدين تعالي ورايا
وطلعوا و سابوها
سحر في نفسها : انا مش هروح في حته قبل ما افطر انا جعانه اوي
وراحت دخلت المطبخ لقت حمام محشي
سحر بفرحه : الله الله ربنا يخليكي ليا يا ماما عملتي لي الاكله اللي بحبها
شالت الحمامه و قعدت على الكنبه و فتحت التليفزيون و قاعده تأكل
وفجا سمعت في الميكرفون
بسم الله الرحمن الرحيم ومن آياته ان خلق لكم من أنفسكم ازواحا لتسكونوا إليها و جعل بينكم موده ورحمه
سحر بفرحه : الله مين اللي بيتجوز عندنا في الشارع
و سابت اللي في ايديها و طلعت
سحر بفرحه : مين اللي بيتجوز يا خاله فريده
الخاله فريده : هروح اشوف
و طلعت تجري
سحر : تب خذيني معاكي
لسه جايه تطلع قاطعها عصمت بحده : خشي جوا بسرعه
سحر : بس انا عايزه اتفرج
عصمت بحده : بقولك خشي جوا احسن لك
قاطعها الرجل بحده ل عصمت : سبيها لو عايزه تتفرج تجي
الرجل وهو بيبص ل سحر باعجاب : تعالي يا سحوره
سحر وهي راحه معاه : ربنا يستر عرضك يا شيخ و يكرمك يارب يالاا
الرجل : هههه تب و هتمشي حافيه كدا
سحر : عديها يالا و النبي عايزه اتفرج
اسلام بص بحده ل عصمت
عصمت بخوف : تب خدي جزمتي اهي
سحر بفرحه : هاتي يا خاله حربايه
خدتها منها
سحر ل اسلام : هات ايدك ربنا يسترك
سحر سندت على ايده ولبست الجزمه و لسه هتمشي بيها انقلبت
اسلام بلهفه : انتي كويسه
سحر : ااه ااه الدور العالي صعب شويه يا خويا الا هو انت صاحب أحمد اخويا و النبي و ديني ليه
اسلام : تب تعالي
وراحوا الجامع
واول ما دخلوا الماذون كان واقف و جنبه منصور
سحر : اخيرا عملت حاجه خير في حياتك يا بابا بتشهد على عقد جواز و تجمع راسين في الحلال ربنا يتوب عليك و ترجع احسن اب زي زمان
قاطعها اسلام : هجي لك تاني
وراح قعد جنبهم و كتبوا الكتاب
الماذون : بارك الله لكما و بارك عليكما وجمع بينكما في خير
اسلام قام ورايح ناحيه سحر
سحر بفرحه : الف الف مبروووك ليك يا خويا أمال فين العروسه علشان ابارك لها
اسلام : انتي العروسه يا سحور
سحر : مين العروسه
اسلام : انتي
سحر : بردوا انت مش فاهم سؤالي بردوا مين العروسه
اسلام : ورب العزه انتي
سحر : يا نهار اسود على الغباء مين العروسه يا اخي استغفر الله العظيم يارب
اسلام : حد يقول لها يا جماعه سحر انتي العروسه ودا كان كتب كتابنا
سحر بصدمه : والله هههههه و......................
•تابع الفصل التالي "رواية لم اختارك" اضغط على اسم الرواية
تعليقات
إرسال تعليق