رواية الطفلة والصعيدي الفصل العاشر
رواية الطفلة والصعيدي الفصل العاشر
حنين وهيا ماشية وروح سنداها خبطت في زين ومسكته وقالتله انت كمان هـطلقني
زين بغضب مصطنع : مفيش طلاق
هبة : اهدي دلوقتِ يا بنتي يلا نروح لـ شذى الاول
حنين : انا هـ سكت دلوقتِ بس كدا ولا كدا هـ تطلقني
روح راحت حضنت حنين من دون اي دافع لـكن هي وحنين كانت مشاعرهم بريئة جداً تحسوا انهم حاسين بـ بعض الحضن دا نسى حنين اي حاجه و حسسها بالحب والدفئ
بعد كدا روح اخدت تسند حنين وراوحو عند شذى
زين كان بيتفرج عليهم قد ايه هم كيوت سوى وقد ايه هما متفاهمين
حنين وروح اول ما دخلوا اوضة شذى حنين دموعها نزلت تلقائياً على حالة اختها الصغيرة حنين وشذى قريبين من بعض جداً عشان كدا حنين اول ماشفتها كدا راحت قعدت جنبها وبدأت تحسس على وشها حنين كان صعبان عليها شذى جداً
اما روح كان واقفه والدموع بتلمع في نن عنيها كان صعبان عليها شذى جداً وكان في شعور تاني شاددها لـ شذى وحنين
هبة مامتهم راحت قعدت جنبهم وبدأت تحضنهم وتخفف عنهم اما شذى فـ هي كدا كدا مغمى عليها
اما زين فـ خرج برى كان عايز يروح يقتل رعد لـكنه فكر كويس وبعد كدا بلغ عنه والشرطة جات اخدت افادة حنين وشذى
الشرطي : حابب اخد افادتك عن البلاغ الـ متقدم عن رعد
حنين بكل اسف وهيا بتفتكر اختها : ايوه للأسف حقيقي كل كلمة زين قالها لحضرتك صح
الشرطة اخدت افادة حنين بالتفصيل بعد كدا رعد اتسجن
ولـكن يا ترى كدا كل مشاكلهم هـ تخلص ؟
حنين ما كانتش عاوزة تدي افادتها لـكنها كانت بتفكر في اختها وازاي تحميها
وبعد الحادثة دي عدي 3 اسابيع حنين وشذى في الفيلا عند حنين وزين وفي ممرضة موجودة تعتني بيها ورجليها فاضل كام يوم وتفك الجبس وشذى مازال مغمى عليها وحنين وروح على تواصل دائم واتقربوا من بعض جداً وزين هو وحنين مكانوش بيتواجهوا سوى ولما كانوا يشوفوا بعض كان زين يدعي القسوة وهيا تدعي البرود واساساً اغلب وقت زين في الشركة وحنين وزين وروح وهبة كانوا متجمعين في الجناح عند شذى
فجأة حنين شافت شذى وهيا بتفتح عنيها حنين دموع الفرح كانوا واضحين عليها وراحت حضنت شذى : وحشتيني
روح راحت اتجمعت في حضنهم كإن في مغناطيس شاددها ليهم وهبة راحت حضنتهم التلاتة وهيا بتبكي
شذى : حنين وحشتيني اكتر
بعد كدا شذى بتاخد بالها من روح وحنين شذى ببراءة : ازاااي دا هو دا بجد ولا انا بتخيل و ...
•تابع الفصل التالي "رواية الطفلة والصعيدي" اضغط على اسم الرواية
تعليقات
إرسال تعليق