رواية احببت مجنونه الفصل الخامس عشر 15 بقلم نجمه براقه

 رواية احببت مجنونه الفصل الخامس عشر

رواية احببت مجنونه الفصل الخامس عشر 

احببت مجنونة 15 

مراد تنزل دموعه غصب عنه _ انا اسف والله انا اسف، يلا هنروح المستشفى، وقبل ما يشيلها ابوها يوقفه 

الاب_ ببساطه كده، بقا انت اللي كانت هربانه معاك تعاله بقا وبيحاول يضر'به بس'كينه لكن مراد بيتفاداها وبغ'ضب يمسكه ويضر'ب فيه 

مراد _ انت والي زيك مش لازم يعي'شو دقيقه، ويمس'ك رقبته بايده ويضغ'ط عليها هتمو'ت زي ما مو'تها 

شوية من الناس اللي واقفين حاشوه عنه بالعافيه

 وبالفعل بيقدرو يغلبوه ويمسكوه بالضر'ب ليعود ابو مي ويسدد ليه طعن'ه 

في تلك الاثناء بيدخل أحمد الشارع بيلاقي الناس ملمومه وفي صوت صر'يخ بيجري بسرعه يشوف في ايه يلاقي مي ومراد مر'مين علي الارض، بيحاول ينقذهم بس ابوها بيهد'ده ف بيطلع من الزحمة ويتصل بالبوليس 

في المكتب 

هشام _ ياسمين تعالى عايزك، بس مش بيلاقي رد.... ياسمين انتي سمعاني وبردو مفيش رد.. هتكون راحت فين دي، بيقوم يروح عندها بيلاقيها قاعده ومسهمه وشارده تماماً وحاطه ايدها على شفايفها

هشام بخب'ث _ مالك مسمهمه كده  

ياسمين _ هه 

هشام _ بقول في ايه 

ياسمين بغيظ_ وليك عين تسأل 

هشام _ الله هو ايه اللي حصل 

ياسمين _ يعني مش عارف، انت بوس....  

هشام _ ايه كملي 

ياسمين _ متستهبلش انت عارف اقصد ايه كويس  

هشام _ وانا هعرف منين يابنتي انا مش لسه من شويه داخل وسايبك لوحدك وقت ما عمرو كان هنا 

ياسمين بذهول _ يعنى ايه 

هشام _ هو انتي لسه زعلانه علشان قولتلك شوفي شغلك ومتقوليش ياعم هنا صح 

ياسمين _ انت عاوز تجنني قصدك ان انا كنت بحلم انك بوستني 

هشام بذهول مصتنع_ لا لا بتهزري حلمتي اني ببوسك تاني يا حول الله، ياسمين انا خايف عليكي بجد  

ياسمين _ قصدك انا مجنونه،، ازاي ده كان حلم يعني

هشام _ ايوه طبعا بتحلمي، ابوسك ازاي وانا مخنو'ق منك 

ياسمين _ ما انت بوستني وانت مخنو'ق مني في الحلم بردو

هشام بمسكنه_ تؤتؤ ياسمين انا عرفت الأحلام دى سببها ايه 

ياسمين _ ايييه 

هشام يحط ايده على كتفها وبهدوء_ الحب انتي حبتيني وبجنون كمان  

ياسمين _ لااااء متهزرش انا بحبك ازاي 

هشام _ يعني انا هكدب عليكي، ماهي الاعراض باينه كل شوية تحلمي اني ببوسك 

ياسمين بحيره _ طيب والحل يا هشام 

هشام _ مفيش حل غير اني اتجوزك بجد؛ بس للأسف انتي متلفتيش نظري خالص ومش ذوقي كمان  

ياسمين بغي'ظ _ ولا انت ذوقي ولا بحبك انت مبتفهمش في تحليل الشخصيات اصلا  

هشام بإبتسامة _ تعالى نفترض حآجه  

ياسمين _ ايه 

هشام بهدوء _ افرضي مثلا مثلا بقول افرضي، انك حبيتيني بجد او انا حبيتك 

ياسمين _ وبعدين

هشام_ ممكن الاتفاق يكون حقيقه ونتجوز بجد

ياسمين تشرد بتفكيرها ومتردش ليفاجأها  

هشام _ بحبك يا ياسمين

ياسمين بذهول_ هه 

هشام _ بحبك 

ياسمين تبصله بصدمه ومش مصدقه اللي سمعته لغيت ما يقاطع شرودها بضحكته 

هشام _ ههههههههههههههه عبيطه؛ انتي ما صدقتي انا احبك انتي يا مسلوعه انا بس كنت بعالجك من احلامك الغبي'ه 

ياسمين _ اه بس انا بحبك ومن اول مره شوفتك فيها كمان 

هشام يبصلها بفرحه ومش مستوعب_ ياسمين انتي بجد بتحبيني 

ياسمين _ ايوة واستنيتك تحس بيه وتبتدي انت الاول بس لما ابتديت طلعت بتضحك عليه

هشام _ انا كنت بتكلم ج...  

ياسمين _ ههههههااااي وصدقني وصدقني، مش انت لوحدك بتعرف تمثل 

هشام _ ههههه ماشي غلبتيني يلا شوفي شغلك وبطلي حوارات ويمشي وهو بيضحك عليها

وهي تبص عليه باعجاب هو وماشي وتشرد بذهنها لتظهر على وشها ابتسامه جميله

ياسمين بهمس _ ياخوفي 

هشام لنفسه _ مبتعرفيش تكد'بي انتي بتحبيني ومن زمان فعلاً، بس ماشي انا مستنيكي تقولي بنفسك ويرجع يبصلها فجاه وهو عارف انها بتبصله  

ياسمين تبص الجهه التانيه بسرعه بس بعد ما شافها خلاص، 

هشام بإبتسامة _ بقول ايه 

ياسمين تعمل انها مشغوله علشان متبصش _ قول 

هشام_ خلاص التليفون بيرن اخلص المكالمة واقولك ... الو 

احمد _ ياسمين معاك 

هشام_ ايوه مالك يا احمد 

احمد_ مصيب'ه 

هشام_ يا ساتر ايه اللي حصل يا احمد ما تتكلم

احمد_ صاحبك اياه و مي!

هشام_ مالهم 

احمد _ ابو مي حا'ول يقتل'هم ومعرفش ما'تو ولالا 

هشام بفزع _ انت بتقول ايه هما فين دلوقتى 

ياسمين تيجي وبقلق_ في ايه يا هشام،  

هشام_ اي مستشفى

ياسمين_ مستشفى ما ترد عليه مالو احمد 

هشام _ مي ومراد ابو مي حاول يق'تلهم 

ياسمين بصر'اخ_ نها'ر اسود نهار اسو'د 

في المستشفى 

الظابط _ اي الاخبار عا'يشين ولا لا 

الدكتور_ ايوه بنسبه لشاب هو حالته مستقره احنا خيطناله الجر'ح وتقدر حضرتك تستجوبه بعد ساعتين يكون فاق بس البنت حالتها صعبه لانها خسرت د'م كتير

الظابط _ رايك ممكن تعيش ولا لا  

الدكتور _ والله احنا هنعمل اللي نقدر عليه والباقي علي ربنا  

ابو مراد يدخل هو والبادي جارد_ مراد ابني حصله ايه،  

الدكتور_ ابنك بخير متقلقش  

الظابط _ انت والد المجني عليه  

الاب _ ايوه انا؛ مين اللي اتجراء يعمل فيه كده 

الظابط _ ابو البنت اللي كانت معاه بيقول انه حاول يقت'لهم بدافع الدفاع عن الشرف ايه علاقة ابنك بالبنت دي 

الاب _ معرفش هي مين دي وبنت مين 

الظابط _ هتعرف كل حآجه بعدين، هنحتاجك وهنبعتلك الف سلامه عليه ويمشي

الاب يشاور لاحدا رجاله 

الرجل _ أمرك سلام باشا 

سلام _ ساعة وتكون عندي كل تفاصيل البنت دي، منين وبنت مين وتعرف ايه اللي حصل في مكان الحا'دث مفهوم  

الراجل _ تحت امرك،  

ياسمين وهشام بيدخلو جري 

هشام _ عمي مراد فين حصله ايه  

سلام بهدوء _ هو كويس 

ياسمين بقلق شديد_ ومي اللي معاه 

سلام _ هممم انتي تعرفيها 

ياسمين بب'كاء _ ايوة دي اكتر من اختي قولي هي حصلها ايه 

سلام _ كويسه الدكتور لسة مطمني عليهم 

ياسمين _ الحمدلله يارب الحمدلله حسبي الله ونعم الوكيل فيك يا ابو حماده 

اسلام _ لو سمحتي محتاج اعرف اي طبيعة العلاقه بينها هي وابني 

ياسمين بأستغراب _ مكنش في بينهم اي علاقه بتسال ليه  

سلام _ مفيش اي علاقه ازاي امال ابوها عمل كده ليه  

هشام _ اصل ياعمي مراد كان بيساعد البنت دي ف تقريبا ابوها فهم غلط 

سلام _ ايه هي المساعدة دي عاوز اعرف بتفصيل 

بيبتدي هشام يتكلم ويقوله علي كل حآجه 

سلام _ اااه يعني لما هو راح يتقدملها ابوها وافق وبعدين كان عاوز يجوزها لغيره 

هشام _ ايوه صح 

سلام _ طيب وبيمشي ويطلب حآجه من احدي رجاله ليرد الراجل ب تؤمر سلام باشا ويمشي 

ياسمين _ يعني مي هر'بت مع مراد 

هشام _ الظاهر كده  

ياسمين _ اخص عليكى يا مي بقيت غريبه عنك لدرجة متقوليليش 

بعد ساعات 

مراد نايم علي السرير وفاقد للوعي تماماً........ في مخيلته 

مراد بصر'اخ _ انا فين افتحولي، الدنيا ضلمه وفجاه بيظهر شعاع نور بيروح نحيته وبيشوف خيال شخص مش باين ملامحه 

مراد _ انت مين 

صوت مي _ تعاله مستنياك

مراد بفرحه _مي انتي لسه عايشه 

مي _ تعاله يا مراد 

مراد _هنروح فين  

مي _ هطلعك من الضلمه دي انت مش بتخاف منها  

مراد _ بخاف منها اوي متسبنيش لوحدي فيها 

مي _ هات ايدك... بيمسك ايدها وبتمشي بيه في مكان كله نور ومبهج 

مراد _ ايه المكان ده احنا فين  

مي _ في النور  

مراد _ مي انا مبخفش من حآجه قد الضلمة متسبنيش فيها... مي روحتى فين وفجاه ابوه بيظهر في وشه وكأ'نه شيطا'ن بيمسكه ويذقه وفجاه بيلاقي نفسه في غرفه مقفوله وهو مربوط جواها وبيصر'خ 

هشام _ مراد وبيجري عليه  

هشام _ مراد انت فوقت 

مراد بينهج _ انا فين 

هشام _ متتعبش نفسك ارتاح،   

مراد _ مي كانت بتمو'ت حصلها ايه 

هشام _ هي كويسه بس خليك في نفسك دلوقتي  

مراد _ طيب هي فين عاوز اشوفها  

هشام _ مش هينفع انت لسه تعبان 

مراد يقوم _ سيبني انا كويس  

هشام _ مش هينفع يا مراد 

مراد _ هشام من فضلك ابعد عني انا هروح يعني هروح، هي في اي اوضه 

هشام _ طيب استني يجي الدكتور 

مراد بعصب'يه _ فين اوضتها يا هشام  

هشام _ اهدي طيب تعالي اسند عليه هوديك وقبل ما يطلع بيتفاجاء بابوه في وشه 

مراد _ انت ايه جابك هنا 

اسلام بهدوء _ جيت اشوف ابني الراجل الناضج وقع نفسه في ايه وانا غايب عنه 

مراد _ هشام قوله يطلع بره وينسا ان ليه ابن 

اسلام _ هعرفك معني كلامك ده بس بعدين، خد أمضى 

مراد بعص'بيه _ امضى على ايه في الوقت ده انت مش شايف يعني 

اسلام _ هتمضي ولا تقول علي العروسه الله يرحمها وانت عارف اني اقدر وع فكره راجل من بتوعي مستني رنه 

مراد بقلة حيله وخوف على مي مسك الورق ومضا عليه من غير ما يبص فيه اصلا.... اهو اتفضل بقا من هنا وخلي راجلك يسيبها 

إسلام _ انا اللي اقول امتي امشي وبيشاور لراجل بتاعه يجيبله علبة ويمسكها ويقوله ابصم هنا 

مراد باستغراب يشوف الورق يلاقي اللي صدمه، الشيء اللي طول عمره مش عاوز يعمله _ عقد جواز، انت هتجوزني علي مزاجك وانا في الحاله دي انت ايه وبيحاول يطقع الورق لكن ابوه بيوقفه

اسلام بهدوء _ دلوقتى فى حد عندها وبرنه هينفذ ف اخلص ابصم 

مراد بقلة حيله وايد مهزوزه ابتدا يبصم علي الورق اسلام يسحبهم منه ويقول لرجالته، روح الاوضه التانيه وبصمها واحنا نتصرف في الامضاء 

هشام _ هو ايه اللي بيحصل انت هتجوزهالو؟! طيب ليه 

اسلام_ علشان اعرف اودي ابوها ورا الشمس 

مراد بتعب _ انت انسان مر'يض مش هعدهالك يا سلام حسابك كتر معايا 

اسلام_ انت لو مش ابني وتحمل اسمي وسمعتي هتبوظ بسببك.كنت اتصرفت معاك تصرف تانىبس

بيخلص راجل سلام وبيخرج ويمشي هو وسلام وبقيت الرجاله  

مراد بعص'بيه_ عاوز اخرج من هنا يا هشام 

هشام_ تخرج فين لا طبعاً وبعدين مش انت عاوز تشوف مي 

مراد_ لا... ممكن تروح تجبلي ميا نضيفه 

هشام_ حاضر دقيقه وهرجعلك وبيمشي ويسيبه وبعدين مراد بيطلع من المستشفى من غير ما حد يعرف وهو بيتوجع من الألم ويوقف تاكسي ويطلع بيه 

في القسم دخل سلام ومعاه محامي 

الظابط _ خير 

سلام_ اتفضل يا متر 

المحامي _ حضرتك انا المحامي الخاص ب مراد باشا، ودي اوراق تثبت ان مراد جوز مي وان ابوها حاول يقت'لها هي وجوزها وبكده يبقا ادعائه بانه بيدافع عن شرفه كذبه من اختراعه ولو تتكرم بص هنا هتلاقي العقد بتاريخ قديم وللعلم هو جوزهالو بنفسه بس بعدين حب يبتزه علشان يا'خد فلوس منه..... 

بيعدي شهر ومحدش يعرف حآجه عن مراد ومي بتفوق بعد ايام من التعب والعمليات الجرا'حيه واول حد بتسأل عليه هو مراد 

ياسمين_ محدش يعرف هو راح فين يامي من يوم الحا'دثه محدش شافوه 

مي _ ازاي يعني يسيبوه يمشي وهو تعبان معقول مفيش حد حاول يوقفه 

ياسمين_ محدش شافوه يامي 

سلام بيدخل عليهم _ حمدالله على السلامة  

مي _ انت مين 

سلام _ انا ابو مراد... حماكي

مي باستغراب _ بيقول ايه ده حما مين 

ياسمين بتميل رأسها _ حماكي يا مي هو جوزك لمراد 

مي تقف مصدومه _ ا ازاي هو لعب عيال، يعني ايه اتجوز وانا معرفش 

سلام _ احمدي ربنا اني تنازلت وجوزتهولك والا كان المجر'م ابوكي حاول يقت'لكم تاني  

مي _ انت بتقول ايه وفين مراد  

سلام _ انا جاي اسالك عليه 

مي _ وانا ايه عرفني انا..... وبعدين بتفتكر المكان اللي كانت فيه 

سلام _ ايوة عرفتي هو فين  

مي تبص عليه وتحس انه مش كويس _ لا معرفش 

سلام _ طيب يلا انتي هتيجي معايا 

مي _ اجي معاك فين لا طبعاً انا هروح بيتنا 

سلام _ بيتك هو بيت جوزك خلاص مبقاش ليك بيت تاني  

مي _ يعني ايه 

ياسمين بتأسف _ بيتكم اتباع وامك واخواتك سافرو يا مي 

مي _ انتي بتقولي ايه ازاي يسافرو من غير ما اعرف وبابا فين 

سلام _ ابوكي اتحبس وعلى ايدي هياخد اعد'ام

مي تفتكر اللي حصل وتوطي رأسها بحزن ومتقدرش تتكلم وخصوصا انه حاول يق'تل مراد مش هي بس

سلام _ يلا بقا انا مش فضيلك 

ياسمين _ روحي معاه يا مي 

مي تبصله وتحس ان ايامها اللي جاية هتتغير مليون درجة........ 

في المكتب 

شيري قاعده علي مكتبها وباين عليها بتخطط لحاحه 

عمرو _ شوشو بتفكر فى ايه 

شيري _ انت مش معجب ب ياسمين وعاوز توصلها؟! 

عمرو _ بتفكري في ايه انا بقلق من تفكيرك 

شيري_ اممم خدي دي وبتديلو ازازه

عمرو _ ايه دي 

شيري _ دي منوم بس تقيل اوي 

عمرو _ وبعدين 

شيري _ هتدهولها طبعاً 

عمرو _ قصدك ان...... 

شيري _ هه براحتك بعدها 

عمرو _ ودا فين وازاي بقا ليكون قصدك هنا في المكتب 

شيري بخبث _ مجاش علي بالي المكتب بس وليه لا خلاص في المكتب بتعرف تفكر بردو

عمرو _ ودا ازاي بردو فهميني 

بتبتدي تقوله علي خطتها 

عمرو_ يخر'بيت عقلك اي التفكير ده انتي بتعملي كده ليه طيب 

شيري _ ملكش دعوه 

فلاش باك 

في بيت شيري 

شيري بتتصل بهشام وتفهمه انها تعبانه وعاوزه يجبلها علاج وهو بالفعل بيروحلها 

شيري_ هموت يا هشام 

هشام_ الف سلامه متخفيش هتكوني كويسه اتفضلي الدوا 

شيري بتاخد منه وتشرب _ متشكره اوي يا هشام مش عارفه من غيرك كنت هعمل ايه 

هشام_ العفو احنا صحاب 

شيري _ يعني انا بنسبالك صحبتك بس 

هشام _ ايوه ياشيري ومش هنرجع نتكلم تاني في القصه دي 

شيري_ انا ناقصني ايه علشان متحبنيش انا مستعده اعمل اي حآجه علشانك وبتقربله اوي

هشام _ شيري انتي تعبانه دلوقتي ومش عارفه بتقولي ايه ارتاحي وبعدين نتكلم 

شيري بب'كاء_ لا انا مش تعبانه انا بحبك 

هشام بنفاذ صبر _ طيب اول حآجه ابعدي بس شوية علشان غلط كده وتاني حآجه انااا مبحبكيش ولا هقدر احبك انتي صديقتي وبس 

شيري بع'صبيه _ وياسمين مش صديقه صح 

هشام _ شيري خلاص انا ماشي علشان منلخبطش اكتر من كده يلا سلامتك 

شيري بخب'ث_ هشام انا اسفه خلاص انا فهمت ومش هفتح الموضوع ده تاني معاك بس عاوزه اعرف مين ياسمين؟! 

هشام _ ياسمين خطيبتي وبحبها وياريت متتكلميش في الموضوع ده تاني علشان هي هتزعل اوي لو عرفت، عن اذنك انا ماشي  

باك 

عمرو _ هوووي مالك 

شيري _ هه لا مفيش اجهز انت بس 

تانى يوم  

مي بتتمشي في الفيلا اللي وداها فيها سلام وفجاه بتدخل سنيه مربية مراد  

سنيه _ نورتي حبيبتي 

مي _ انتي مين 

سنيه _ خدامتك سنيه و مربية مراد من صغره 

مي_ بجد 

سنيه _ ايوا يابنتي 

مي _ طيب يا س... هو مراد كان بيندهلك ب ايه 

سنيه _ الله يمسيه بالخير فين ما يكون كان بيقولي داده

مي _ طيب يا داده انا عاوزاكي تسعديني 

سنيه _ اؤمري يابنتي  

مي_ عاوزه سواق يكون ملوش علاقه ب سلام بيه يوصلني مشوار ضروري ومش عاوزه سلام يعرف نهائي

سنيه _ ودا ازاي انتي عاوزاه يحبس'نا ولا يقتل'نا 

مي بذهول _ لدرجة دي 

سنيه _ واكتر من كده كمان بس قوليلي انتي عاوزه تروحي فين

مي بصوت واطي _ هروح ل مراد 

سنيه بفرحه _ يعني انتي عرفاه فين  

مي._ ايوه بس اتصرفي لازم اروحلو من غير ما حد يعرف  

سنيه _ تمام ماشي انا هتصرف

يتبع الفصل التالي اضغط هنا

الفهرس يحتوي على جميع فصول الرواية "رواية احببت مجنونه" اضغط على اسم الرواية