رواية حب مستحيل بقلم سارة اللومي
رواية حب مستحيل الفصل التاسع 9
سمعته صوته و هو بينادي على حياة كنت مرعوبة منه حرفيا!! عمري ما سمعت زعيقه بالشكل ده ، وفاء هربت عالمطبخ و هو دخل الجنينة و رزع الباب وراه ، دخلت حياة جري الجنينة تشوف في ايه ؟
- بقى بتيجي كل اجازة !!! يعني هي دي البت بتاعة الإجازات !!!!!
- مش فاهمة !!!
مش فاهمة ولا بتستعبطي؟! هو ايه اللي انتي مش فاهماه ؟ بقى تبقو كلكم عارفينها الا انا !!!! صاحبة سلوى هااااه !!
- محمد اهدى و فهمني فيه ايه انا بجد مش فاهمة حاجة انت بتتكلم عن ايه ؟
- بسمة !
- حياة اتلخبطت : ممم ... مالها بسمة؟
- ليه يا حياة ؟
- ليه ايه يا عم مش تهدا و تفهمني انت عايز تقول ايه ؟
- محمد بكسرة : خبيتيها عني ليه طول السنين اللي فاتت؟ بقى كلكم تعرفوها الا انا ؟!!!
محمد عايزني اقولك ايه؟ انا مالي بس ! البت بتتكسف و بتخاف من خيالها مكانتش عايزة تتكشف عليك! يعني كنت عايزني ادخلك على بنت الناس بالعافية واقولك اهي دي قريبتنا مالك بس ايه اللي حصل لك؟!
- ملييييييش ..... سيبيني لوحدي اطلعي برة ،
- محمد اناااا...
- قلتلك برررررة مش عايز اشوف حد مخنووووق !!!!
كان صوته واصل لكل البيت!.
سمعته بيزعق و حياة طالعة من الجنينة شاورت عليا اطلع الاوضة معاها
- فيه ايه يا حياة وشك جاب الوان خضيتيني حصل ايه !!
- قولي محصلش ايه ! شايفاني انا وشي جايب الوان! اومال لو شفتي البيه شكله كان عامل ازاي !
- ليه هو ماله؟
- يا ستي قال ليه خبيتوها عني! وكلكم تعرفوها الا انا!
انا من غير ما احس بنفسي ضحكت تلقائي
- حياة بغضب: اه اومال ايه !انتي أكيد عاجبك الوضع يا بنت الهبلة ما هو ده اللي كنتي عايزاه مش كدة؟.
- الجملة دي كسرت قلبي ، جاوبتها بوجع شديد: لا ما يروحش مخك لبعيد انا بس بضحك على جنان اخوكي مش اكثر ، ما تخافيش انا مش هاخليه يقرب مني و عارفة أنه متجوز مش محتاجة تفكريني ، مش انا اللي اخذ راجل من مراته"
كانت الدموع عايزة تنزل كنت حايشاها بالعافية،
جات حياة و قعدت قصادي مسكتني من ايديا : حبيبتي بسمة انا آسفة عارفة انك بتعشقيه، بس ارجوكي افهميني و قدري الموقف، اخوي كان هيضيع مننا بسبب مشيه مع البنات أمي مكانتش بتنام الليل من خوفها عليه ، بنات بلدنا مش عبط زي ما انتي فاكرة اي وحدة قادرة تجيبه لحد عندها راكع ، دي ناس ما تخافش ربنا و تقدر تعمل اعمال احنا مش قدها ، ماما ما صدقت أنه أخيرا وافق انها تخطب له مش عايزينه يرجع للسكة دي تاني احنا ما صدقنا أنه حط عقله براسه! حتى اننا تممنا كل حاجة بسرعة ليرجع في كلامه! و بعدين ده جواز مش لعبة !! يعني محاكم و قواضي و بلاوي..
- فاهمة و مقدرة ما تخافيش مش هسايره بس انتي ساعديني ابعده عني و ربنا يقدرني و اقاومه !
- ربنا يكمل لك بعقلك يا حبيبتي يا بسمة انا عارفة انك مش هتضعفي قدامه ، خليكي دايما قوية و انا هساعدك.
المهم بدا المعازيم يوصلوا منهم جدتي و سعاد، كنت خايفة واحدة فيهم تلاحظ ملاحقته ليا وتبقى مصيبة .
وصل اهل العريس و طنط كانت عايزاني اساعدها احط معاها سفرة العشاء
- بسمة حبيبتي انتي شاطرة ما يتخافش عليكي عايزاكي تساعديني انتي و حياة بلاش الباقيين يطلعوا قدام الناس خايفة يعملولي فضيحة ما انتي عارفاهم هبل
- اللي تشوفيه يا طنط ،
دخلنا انا و حياة و بدأت تعرفني عليهم واحدة واحدة
- دي أم حسام ، و دي خالته و دي مرات عمه و دي عمته و ...."
- مش تعرفينا الاول على السنيورة يا نفيسة ! "
- دي بسمة قريبة حسن"
- بسم الله ما شاء الله انا شكلي هجوز رياض كمان من عندكم.
قالتها كدة و هي عينها عليا من فوق لتحت ، كانت أم محمد و جدته ملاحظين نظراتها ، سبتهم و طلعت مكنتش متحملة نظرات النسوان اللي جوة، كل فكري كان عند محمد : يا ترى ايه اللي بيحصل معاه ؟ معقولة يكون حبني! ولا يمكن هو اعجاب بس؟ و ليه اتوتر كل ده لما عرف اني كنت بزورهم من زمان! ؟؟
يتبع الفصل التالي اضغط على ( رواية حب مستحيل ) اسم الرواية
تعليقات
إرسال تعليق