رواية الخيانة بقلم ريهام السيد
رواية الخيانة الفصل السادس 6
أدم : صدقيني ياملاك انا مش هسيب أدهم يتأذى بأى طريقه انا
قاطعه صوت من خلفه بيقول : بقا انت بقا ال بتبوظ كل حاجه بعملها
أدم لف وراه واتصدم والتلفون وقع من أيده وقال : خالد !!!!!!
خالد طلع مسد"سه وصوبه ناحيته وقال : عاش من شافك يا أدم باشا
أدم بجمود : جاى ليه ياخالد
خالد بشر : جاى أخد روحك
أدم ببرود : وبعدين
خالد نزل مسد"سه وقال بعدم فهم : قصدك ايه
أدم : اقصد هتق"تل ظابط وانت اصلا مطلوب القبض عليك
خالد بغضب : انت بتقول ايه انت مجنون
أدم وقف قدامه وقال بغضب : انا مش هسيبك تأذى أدهم تانى أبدا مش كفايه عليك اول مره لما دمر"ته فى خطيبته دلوقتي عايز تد"مر حياته كلها
خالد بشر : انا اعمل ال انا عايزه وانت كمان هد"مرك يا أدم ومش هقت"لك عشان هوريك المو"ت بعينك واخليك تتمناه
أدم بسخريه : مش ده لو لحقت
خالد : قصدك ايه
أدم بانتصار : قصدى باى باى خالد
فى الوقت ده دخلت قوه كبيره ومسكت خالد
خالد بغضب : انا مش لوحدى يا أدم مش لوحدى وهتشوف مش هسيبك
أدم قال بجديه : خدوه
القوه نفذت كلامه وهو اتنهد وقال : ناقص انت كمان تسامحنى يا أدهم
ملاك : أدهم
أدهم بعصبيه : عايزه ايه
ملاك بدهشه : بتكلمنى كده ليه
أدهم : ملاااااك انا مش ناقصك انا دماغى هطير مني خالص أسكتى بقا
ملاك تفهمت وقالت : خلاص يا أدهم انا داخله جوه
أدهم بضيق : انا خارج
ملاك : لاء مفيش خروج ده مش اتفاقنا
أدهم : وانتي مش هتحكميني
ملاك : أدهم فى ايه احنا اتفقنا على كده انا مقدره أنك تعبان بس برضوا دي مفيهاش عند وبعدين حاول تفوق بقا وتقرب من ربنا عشان الز"فت ده يخرج من جس"مك فى اسرع وقت
قالت اخر كلامها ودخلت الأوضه ودموعها نزلت على حالها معاه والدكتور ال متابع حالة أدهم اتصل بيها ردت بضعف وقالت : السلام عليكم
الدكتور : وعليكم السلام مدام ملاك ها أستاذ أدهم عامل ايه
ملاك بتنهيده : بقا عصبى جدا يادكتور
الدكتور : معلش ده الطبيعى عشان اعراض الانسحاب بتبقى صعبه
ملاك : هو كده خلاص قرب
الدكتور : أن شاء الله قرب جدا بفضل ربنا ثم بمساعدتك فى نتيجه
ملاك : تمام يادكتور مع السلامه
الدكتور : مع السلامه
قفلت معاه وغمضت عيونها بتعب ومسكت بطنها وفى الوقت ده دخل أدهم وقعد جمبها بقلق وقال : مالك
ملاك بابتسامه : مفيش
أدهم : لاء فيه انتي ماسكه بطنك ليه فيكي حاجه
ملاك بضحك : لاء ياحبيبى ده حبيب بابى بيتشاقى حبتين
أدهم بندم : انا اسف أن اتعصبت عليكي بس
قاطعته ملاك وقالت : متتأسفش انا حاسه بيك ها يلا بقا ندخل نعمل اكل
أدهم : عندي صداع شديد اووى هنام شويه
ملاك : ماشى وانا هعمل واصحيك ناكل سوا
أدهم باس ايدها وقال : ماشى ياحبيبى
بعد مرور الأيام خالد اتحكم عليه بعدة تهم عليه وق"تل ونصب ومخدر"ات وأدم كان بيحقق فى القضيه بتاعته وهو ال جمع كل الادله ضده وطبعا كان مستنى أدهم يتحسن عشان يواجهه ويرجعوا زي الاول
وطبعا أدهم عرف أن خالد اتحكم عليه وحمد ربنا أن هو بعد عنه وملاك كلمته فى اليوم ال كان رايح يسلم فيه الشنطه ابتدى يتحسن كتير وطبعا ملاك علطول جمبه وكمان خلته يقرب من ربنا كتير ويصلى
أدم كان خارج من البيت وهو ناوى يروح لأدهم بيته ويواجهه بس طبعا تأتى الرياح بما لا تشتهي السفن وهو بيركب عربيته اتضرب عليه نا"ر ووقع فى الأرض والناس اتلمت عليه واخدوا المستشفى
فى بيت أدهم وملاك
أدهم بفرحه : انا مش مصدق أن خلاص مفيش اي أثر فى جس"مي من الاد"مان ده الحمد لله يارب الحمد لله
ملاك عيونها دمعت وقالت : مبروك ياحبيبى الحمد لله ده بفضل ربنا
أدهم قرب منها ومسك أيدها وقال : لولا دعمك ليا مكنتش وصلت للمرحله دي
ملاك بتوتر : ممكن طلب يا أدهم
أدهم بحب : انتى تاخدى روحى كلها قولى ياقلبى
ملاك بدموع محبوسه قالت برعشه : طلقنى يا أدهم
أدهم بصدمه : اطلقك !!!!!
يتبع الفصل التالي: اضغط هنا
الفهرس يحتوي على جميع فصول الرواية كاملة: " رواية الخيانة" اضغط على أسم الرواية
تعليقات
إرسال تعليق