رواية حب مستحيل بقلم سارة اللومي
رواية حب مستحيل الفصل الثالث و العشرون 23
لقيته في وشي و كانت عيونه حمرااا زي الدم حسيت عفاريت الدنيا كلها بتتنطط قدامه عمري ما شفته بالعصبيه دي ؟ لدرجة اني اول مره اكون مرعوبه من نظراته مع اني بعشقها !
بس المره دي فعلا كان باين عليه انه ناوي يعمله كارثه ،
قالي دورت عليكي في اوضة البنات لقيتهم بيتفرجو وانتي مش معاهم انتي بتعملي ايه لوحدك ؟ ومال عيونك ليه مورمين كده ؟ رجعت لـ ورا بخوف و قولتله ماليش وابعد عني بقى 😥 ! بص في عيوني وقالي: انتي حبيبتي لو كل الناس خافت مني انتي ما تخافيش ، دا انا مستعد اتحدى الدنيا كلها عشان خاطر العيون دي ، المهم جيت اقولك اوعي تنامي استنيني لحد لما ارجع عندي كلام كتير عاوز اقولهولك .
سألته بإرتباك: ليه انت رايح فين؟؟
- زهقان ومش طايق نفسي رايح ارمي نفسي في اي مصيبه وخلاص و يمكن اشربلي 3 4 ازايز و هما وحظهم بقي ارجع ولا ارمي نفسي بعربيتي في البحر و اريحهم من وشي نهائي !
- وطبعا اول ما قال اشرب انا جسمي اترعش ما انا ومع اني بحبه بس باحتقر اللي بيشرب الخمر وبأشمئز منه حتى لو كان هو !
قولتله بخضه : يا نهارك اسود يا محمد ؟؟ هي حصلت تشرب خمره كمان 😲 !!!! طب ايه رأيك لو انت بتتكلم بجد والله العظيم ثلاثه ما هتشوف وشي تاني ولا هتلحق تشم ريحتي حتى ! 😡ودلوقتي حالا هأكلم احمد ابن خالي يجي ياخدني ابات عندهم ! 😤
ابتسم بوجع وقالي : مش هتعمليها والمهم استنيني ضروري عاوز اتكلم معاكي لما ارجع ، على فكرة اسمي طالع زي العسل من شفايفك" قام مشي و قفل الباب وراه وسابني قاعده باندب حظي الزفت وندمانه عاليوم الاغبر اللي قررت أجي فيه على الخطوبة دي ! اعمل ايه يا ربي الواد شكله اتجنن خالص وهيقلبها حرب في البيت كله !! يعني لا جواز ولا نيله واخرتها يختمها بخمره كمان !؟؟
اكيد دلوقتي اهله هيعرفو انه عاوز يطلقها بسببي ماهي طنط نفيسة لاحظت ملاحقاته ليا ازاي هأقدر ارفع عيني في عيونهم يادي النيله عليا وعلى ايامي الطين !!
فضلت على الحال دا افكار توديني وافكار تجيبني واخيراً قررت وآخدت قراري: بكره الصبح بدري هـسافر مش هاقدر استنى اكتر من كده ، الراجل بسببي في اربع ايام اتحول لـمجنون رسمي !! اه قررت اسافر ومش هقول لحد اي حاجه الا حياه ، المهم قومت غسلت وشي ولميت شنطة هدومي وخبيتها عشان محدش يشوفها
- يعني مصممه تسافري كده زي الحراميه ؟
- معلش يا حياه دا الحل الوحيد
- عندك حق يمكن بعدك عنه هيهدي الجو شويه ويخليه يفكر بعقل ويرجع عن الجنان اللي هو فيه دا !
قولت في نفسي : من كل عقلك بتتكلمي ومصدقه الكلام دا كمان وانتي عارفه انه اخوكي عمره ما اتراجع عن قرار اخده ولو عدى عليه الف سنه بردو هيفضل على نفس موقفه !
يلا ربنا يستر بقي من اللي جاي !
- حياه انا هبات في الاوضه الفاضيه النهارده مش عايزه ازعجكم لاني هاقوم اطلع الصبح بدري ومش عايزه سلوى تحس بحاجه
- طيب اللي تشوفيه يا حبيبتي وابقي اقفلي الباب بالمفتاح
- حاضر تصبحي على خير واشوف وشك بخير ..
قفلت الباب واتمددت شغاله افكر المهم عدا يجي 3 ساعات وانا كلي حيره وبـكلم نفسي: يا ترى هو راح فين المجنون دا ؟ هو مش هيجي ولا ايه الساعه عدت واحده معقوله يكون عملها ؟! لا مستحيل !
- مستحيل ليه انتي ما شوفتيش عيونه كانت عامله ازاي وهو طالع !!
اعمل ايه بس انا دلوقتي يا ربي استناه ولا أنام ؟ انتي أكيد اتجننتي اكتر منه ، قاعده لوحدك يا هبله لحد الساعه واحده مستنيه واحد هيتجنن عليكي !! وكمان سكران؟؟
- قولت اللهم اخزيك يا شيطان انا اقوم اغسل وشي واطلع على اوضة البنات أنام احسن ، روحت الحمام ورجعت دخلت الاوضه قولت استناه لحد لما اسمع صوت العربيه واتطمن عليه انه كويس وهابقى ادخل جري على اوضه البنات واقفل الباب
سندت راسي على المخده جنب الشباك وقعدت مستنيه العربيه مش عارفه ازاي راحت عليا نومه ، صحيت على ايد بتمسح على وشي و بتملس خصله من شعري طالعه من تحت الطرحه قومت مفزوعه من النوم : محمددد ...😲
يتبع الفصل التالي اضغط على ( رواية حب مستحيل ) اسم الرواية
تعليقات
إرسال تعليق