رواية صفقة زواج الفصل السابع
رواية صفقة زواج الفصل السابع
بارت 7
وتيجى عربيه قدامها مره واحده ويرتفع صوتها وهى بتصرخ وبتقول لاااااااااا
بس فات الاوان والعربيه خبطتها ونزل اتنين منها واخدوها فى العربيه
عند سليم
دخل البيت وهو مش مستوعب اى حاجه
قاسم.. مشيت وسابتك عشان تعرف انها مش بتحبك واللى بيحب بيغفر صح ولا ايه؟
سليم.. أنا مش فاهم انت بتعمل كده انت بتدمر حياتي عشان فلوس فى الاول مكنتش موافق واجبرتنى وكمان لما حبيتها واتعلقت بيها وكان هيبقي ليا ابن منها تيجى تهد كل ده في لحظه برضو عشان الفلوس انت مش طبيعى وهتفضل طول عمرك بتعانى بسبب اللي عملته ده انا. بحمد ربنا انى معنديش اخوات والا كانو هيشوفوا القرف ده كله من ابوهم
منى.. هو ايه اللي حصل ما تفهمونى
قاسم.. مفيش يا منى ادخلى انتى
سليم.. ايوه ادخلى ادخلى انتى عشان هو يكدب عليكى بكلمتين ويطلع مظلوم في الآخر ولا ليه مانتى زيه بالظبط كل حياتك فلوس وبس
قاسم ضربه بالقلم.. احترم نفسك وانت بتتكلم مع امك كل ده عشان حتته بت لا راحت ولا جت وفي الآخر سابتك ومشيت
سليم اتصدم منه ازاى يضربه وهو كبير كده سابه وطلع برا البيت وخد عربيته ومشي
____________________
على الطريق الصحرا وقفت العربيه ورمت لورين على جمب ومشيت
بعد ساعتين كانت الساعه حوالى 2 بليل
.. ماشي يا مازن بكرا هعدى عليك بس متتأخرش في النزول
مازن.. يعني انت هتيجي اوى م كل مره بتقول كده ومتجيش
.. خلاص هشوف بكرا كده وبعدين انت عارف الشغل يعني العقيد لو مت قدامه كده ميخرجنيش بدرى عن ميعادى انا هقفل بقي عشان قربت علي البيت اهو ولو مجتش بكرا متزعلش
مازن.. ماشي يا آدم سلام
بيقفل التليفون وبيحطه جمبه علي الكرسي شاف حد مرمى علي الارض
ادم.. ايه ده حد موجود في الطريق ده لوحده وفى الوقت ده ازاى .. ممكن يكون قطاع طرق وعاملين حيله ساق شويه صغيرين
ادم.. لاا يا ادم ممكن يكون حد محتاجلك فعلاً انا هنزل واللى يحصل يحصل بقي اخد سلاحه ونزل
فضل يقرب لغاية ما وصل عندها
ايوه هى لورين 😂
ادم نزل على ركبته ولف وشها فضل يفوق فيها مفيش وشها كله دم وجسمها متعور
فضل يبص حواليه بحذر ممكن يكون حد بيعمل كده ويطلع عليه ناس
ادم وقف مكانه .. وبعدين! وضرب طلقتين من المسدس متحركتش من مكانها عرف انها بجد عامله حادثة مش تمثيل
راح عندها تاني .. انا مش عارف اساعدك ازاى وانتى بحالتك دى وياترى انتى مين
ما اترددش وشالها حطها في العربيه
بعد نص ساعه كان داخل البيت بتاعه هو في مكان لوحده يعتبر مكان مفيش فيه بيوت كتيره
دخلها على السرير ودخل غير هدومه اللى كلها بقت دم
اكيد عايزين تعرفوا مين ده 😂
(ده آدم 26 سنه ظابط فى المخابرات طويل بس مش أوى رياضي وشعره ناعم عيونه بنى عنده دقن خفيفه شكله قمر من الآخر احلى من سليم كمان بس سليم برضو كان حلو 😻🤎)
آدم.. الو يا حبيبتي عامله ايه
علياء.. الحمدلله كويسه فى حاجه ولا ايه بترن فى الوقت ده
آدم.. بصراحه مش عارف اقولك ايه انتى فاضيه اكيد
علياء.. ايوه كنت هنام دلوقتي بس انت اتصلت انت كويس
آدم.. انا جايلك دلوقتي ماشي
علياء.. فى ايه يا آد... ده قفل 🙂
مامتها.. فى ايه يا علياء
علياء.. مفيش يا ماما ده ادم كان بيطمن عليا ادخلى نامى ياحبيبتي متقلقيش
.. ماشي تصبحي على خير
علياء.. وانتى من اهله يا ماما.
بعد ساعه وصل تحت البيت ورن عليها .. انزلى وجيبى شنطتك معاكى
علياء.. فى ايه يا ادم انت كويس ما تفهمنى
آدم.. ايوه كويس يلا بقي بطلى لك
علياء نزلت بسرعه .. هاا فى ايه
آدم.. اركبى
علياء.. اركب ايه احنا الفجر مودينى فين
آدم.. هو انا هخطفك ما تخلصى
علياء.. طييييب اما اشوف اخرتها ايه بس ترجعنى قبل ما ماما تصحي عشان هتنفخنى انا وانت لو عرفت والله انت حر انا مش هتضرب لوحدي
آدم.. انتى لكاكه ليه يا بت افصلى وبعدين من امتى وانا بسيبك تضربى يعنى
علياء.. بهزر معاك ده انت اجمل اخ فى العالم كله ياريت الناس كلها عندها حنيه زيك يا آدم
آدم.. ممعيش فلوس 😏
علياء .. يا رخم كنت بتكلم بجد المره دى
ادم.. آه كل مره فستان لا مش عارف ايه وتعملى الشويتين دول
علياء.. مودينى فين بقي
ادم.. البيت عندى
علياء.. ليه
ادم حكى لها كل حاجه
علياء.. ياااه دى زمانها فى غيبوبه بالوضع اللى بتقول عليه ده
آدم.. مش عارف هنشوف
علياء.. متخفش اختك ضكتوووره قد الدنيا 😎
آدم.. 😒😒😒
__________________
سليم فضل يشرب لغاية ما قال بس 😂😂 وبعدين قام. روح
___________________
علياء.. خليك هنا بقي
آدم.. ماشي مكنتش هدخل اصلا
علياء.. محترم 😌
آدم زقها.. خلصى يامااا مش وقتك البت بتموت جوا
علياء.. بس متزقش كده الاه!
دخلت كشفت عليها وخيطتت لها الجروح وخرجت عنده
آدم .. هاا فاقت
علياء بحزن.. لأ قولتلك دى غيبوبه الخبطه اثرت عليها جامد ده كأن اللى خابطها ده بقصده ورجلها اليمين. مكسوره كمان وو...
آدم.. يعنى مش هينفع تروح المستشفى وخلاص
علياء.. هتوديها بصفتك مين دى لو حصل لها حاجه انت اللى هتضر وهيفكروك خابطها وبتكدب بعدين دى كانت حامل وحالتها خطر اوى
آدم.. يعنى هى كويسه يعنى ابنها موجود لسه
علياء.. شغل دماغك دى بقولك كانت كااانت يعني بعد الخبطه دى ازاى هيفضل دى متدمره وكمان هى سقطت يعنى عايزه تنضيف ومش هينفع تفضل للصبح ولو فضلت المستشفى بعيدة عن هنا ساعتين دى ممكن تكون ماتت
آدم.. يعنى ايه
علياء.. يعني لازم......
آدم.. ايييه؟ انتى اتجننتى مستحيل اعمل كده
يتبع الفصل التالي اضغط هنا
الفهرس يحتوي على جميع فصول الرواية "رواية صفقة زواج" اضغط على اسم الرواية
تعليقات
إرسال تعليق