رواية صفقة زواج الفصل الثاني
رواية صفقة زواج الفصل الثاني
بارت 2
سليم.. قوليلى بقي تحبى نبدا ب ايه؟
لورين.. نعم؟
سليم راح عندها وهى قاعده على السرير بالفستان .. يعنى نبدا بإيه مش الليله فرح وعريس وعروسه وكده
لورين .. ابعد عنى عشان ممدش ايدى عليك
سليم .. لا عنيفه وحط ايده على كفتها قامت لاويه ايده جامد
لورين .. قولت ابعد يبقي تستحمل اللى هيحص... .. ايه ده ااااه ابعد يا حيواااان
سليم.. اشتمى كمان عشان عقابك يزيد اشتمى
لورين بوجع.. اااه ابعد شعريي ابعدد بقولك اى الغبا*ء داا
سليم بيشده اكتر.. دلوقتي بتقولي سيبنى امال عملالى فيها فاندام ليه
لورين بجمود.. عشان انت مش راجل اصلا ولا عمرك شوفت تربيه ازاى تمد ايدك على واحده نسوان
سليم ضحك.. واحده نسوان؟ 😂 وانتى مفكره انك هتلفتى نظرى لااا يبقي متعرفيش انا مين
لورين نفضت ايده .. مش عايزة اعرف اشكالك
وقامت دخلت الحمام غيرت الفستان لبست بيجامه كويسه مش ضيقه ولا واسعه ولمت شعرها كحكه وخرجت عشان تنام
هو كان نايم علي السرير وهى راحت نامت علي الأرض عدى خمس دقايق وطفي النور
لورين بخضه .. الكهربا قطعت ولا ايه!
سليم.. ايوه
لورين فضلت تحسس لغاية ما وصلت للكمود واخدت تليفونها تفتح الفلاش عشان بتخاف من الظلمه
سليم.. طفى الزفت ده مبعرفش انام في النور
لورين.. وانا مبعرفش انام في الظلمه
سليم.. مش ذنبى وانا مال امى اخلصي
لورين.. مش قفلاه بقولك
سليم بعصبيه واخد منها التليفون دشدشه في الحيطه.. قولتلك مره محدش بيمشي كلامه عليا وطلع نام تاني
لورين فضلت تعيط هى فعلاً بتخاف وعندها فوبيا
سليم فضل يتقلب.. يوووووه مش اسلوب ده ايييه متجوز عيله في اولى ابتدائي اسكتى بقي
مردتش عليه وفضلت تعيط لغاية م نامت
الصبح هو قام خد دش وخرج وهى سمعت الباب بيتهبد قامت نامت على السرير من كتر التعب
بعد ساعه كان راجع ودخل لاقاها كده
لورين.. ااااه اى ده
سليم.. ميه
لورين.. انت يا متخلف حد يكب على حد ميه وهو نايم انت ايه يالااا بنى ادم براس كلبه ولا ايه بالظبط
سليم.. الكلبه دى اللي هى انتى وبعدين مين سمحلك تنامى فى سريرى قوومى
لورين حدفته بالمخده.. اووف يارب بقاااا ارحمنى
خرجت لقته قاعد على السرير .. يلا غيرى عشان مسافرين
لورين.. مش رايحه في مكان انا
سليم .. مليش دعوه ابوكي حجز تذاكر وقال قضوا أسبوعين في فرنسا
لورين.. بابا حبيبي كان نفسي اروح من زمان وهو حققلى حلمى اخيرا بس انا مش عايزة اروح معاك😒😒
سليم.. انتى لكاكه اوى انا نازل مستنيكى تحت
لورين لبست بنطلون بوى فريند وتيشرت ودخلته فيه وكوتش ابيض وعملت شعرها ديل حصان سلمو على اهلهم ومشيوا
فى الطياره ..
لورين.. عايزه جمب الشباك عشان خاطرى عشان خاطري والنبى
سليم 🤷♀️🤷♀️ انتى فعلا مش طبيعية اتفضلى اترزعى
فى نص الطريق كانت نايمه على كتفه وهو نايم وفى غطا على وشهم هما الاتنين
سليم فتح عينه هى كانت قريبه منه جداً فضل باصص عليها هى فعلا ملاك وهى نايمه
الرحله خلصت ونزلوا الفندق اللى راحينه واول ما دخلت اترمت على السرير نامت
وهو كمان
بليل هى صحيت قبله لقته نايم جمبها قامت بسرعه من جمبه وبعدين استوعبت هى فين وبتعمل ايه
بصتله بخبث وراحت جابت ازازة ميه ووقفت تكب عليه هو قام مره واحده .. يا بنت ال...
كانت واقفه تضحك عليه وهو بيمسح وشه من الميه مره واحده لقته شدها وبحركه واحده كانت هى تحت وهو فوق
لورين بتوتر.. اناا كنت بهزر والله
سليم بصوت رجولى متحشرج.. وانتى خايفه ليه؟
لورين.. هه لاا م مش خايفه انا بقولك بس ابعد بقي خلينى اقوم وكانت بتزقه فى ميه وقعت من شعره فى عينها غمضت بسرعه
سليم.. مغمضه عينك ليه جو الروايات ده مش عليا يعنى عشان اقرب اكتر وابو..
زقته بسرعه وقامت.. اى القرف اللى بتقوله ده فى ميه وقعت فى عينى من شعرك بس مش اكتر وبعدين احترم نفسك انا مش هخليك تقرب منى اصلا مكملتش الكلمه وكانت فى حضنه 🙂🙂
اتزحلقت في الميه
سليم.. ماهو واضح
جت تقوك مسكها هو وقام شايلها وداخل الحمام
لورين .. نزلنى بتعمل ايه نزلنيييي
سليم حطها في البانيو وساب عليها الميه .. العين بالعين والسن بالسن وكب الميه ب كب الميه
لورين.. انت متخلف انا معنديش هدوم وكنت لسه هنزل اشترى وهتعب لو فضلت ب دول منك للللله يا سلييييم
سليم.. خلاص اقل*عى
لورين 😳😳
سليم.. عشان متبرديش😉😂
حدفته بعلبة الشامبو .. أطلع براااا
سابها وطلع
بعد شويه لبست الروب .. انا هخرج وامرى لله أصل جو الروايات والمسلسلات التركى ده وانه يشوفنى يموت من جمالى والكلام ده اكيد مش حقيقي😏
خرجت بس ملقتهوش حمدت ربنا وقعدت على الكرسي .. ياترى بقي المخد*رات اللى بياخدها دى مخبيها فين 🤔
قامت تدور فى كل مكان لغاية ما لقت علبه كده فيها حبوب مقرأتش اللى عليها .. انا بقي هخليك تتوب يا انا يا انت ودخلت فرغتها فى الحمام
بعد شويه لقته داخل ومعاه اكياس هدوم .. خدى
لورين.. ده ايه
سليم.. شوكلاته
لورين.. بجد فتحت الكيس لقته هدوم اي ده دى هدوم!! فين الشوكلاته
سليم.. يعني ارجعها واجيب شوكلاته وخليكى كده قاعده ب الروب 🌚
لورين اتحرجت.. بارد واخدت الهدوم ودخلت تلبس
سليم.. يووووه فين الزفت الدوااا
لورين.. دواا برضو؟ انت مفكرنى هبله خلى بالك انا مش هسيبك للقرف ده
سليم .. قرف ايه وبتاع اى انتى بتقولي ايه
لورين.. الزفت اللي بتشربه
سليم.. انتى مالك ومالى وبعدين هتعملي فيها مراتى وهتصدقي نفسك وديتيه فييين
لورين.. كبيته في الحمام
سليم مسك ايدها بعصبيه.. انتي بتتصرفي من دماغ اهلك لييه انتى اتجننتى مااالك ومال حاجتى
لورين.. احترم نفسك ومتجبش سيرة اهلى على لسانك
سليم وكان جاب اخره.. مسك رقبتها بت انتى والله غلطه كمان واموتك هنا ومحدش يعرف وهقول مشوفتهاش تانى مره ملكيش دعوه بحاجه تخصنى فااااهمه
لورين بخنقه بسبب مسكته.. لا مش فاهمه انا مش مضطره اعيش مع واحد زيك واعرض نفسي للخطر
سليم .. انا ماشي عشان لو فضلت شويه كمان ممكن اعمل حاجه م هتحبيها
لورين.. اخفى وياريت ماشوفش وشك تااانى
الوقت عدى واتأخر كمان وهو مجاش هى اصلا بتخاف فضلت قاعدة عن الشباك وبتتخيل حاجات مرعبه من افلام الرعب اللى بتشوفها مره واحده لقت النور اتطفي
لورين.. يا مامااااااا قامت بسرعه تدور على تليفونها
دخلت عند السرير لقت صوت حاجه بتتحط على الكمودينو قامت مصرخه
ووقفت مكانها مش قادره تتحرك من الخوف وفي صوت نفس فى المكان وظلمه كحل
لورين بدموع.. اعوذ بالله من الشيطان الرجيم يوووه بقي اى الرعب ده اكيد مفيش حاجه وانا بتخيل
ياريت سليم كان فضل على الاقل مكنتش هخاف كده
فى صوت تانى حصل هي قامت مصرخه وواقعه فى الأرض من كتر الخوف
يتبع الفصل التالي اضغط هنا
الفهرس يحتوي على جميع فصول الرواية "رواية صفقة زواج" اضغط على اسم الرواية
تعليقات
إرسال تعليق