رواية حور الاسر الفصل الثالث
رواية حور الاسر الفصل الثالث
بارت ٣
حور الأسر
اسر وهو يشعر بوخذه في قلبه : اهدي ممكن تقوليلي ايه اللي حصلك
حور ببكاء: ليييه عاوز تعرف ليه اصلا انت مين وايه اللي يدخلك في حياتي ويلا بقا اقتلنيييي انا عاوزه اموت
أسر : طب اهدي قوليلي ايه اللي حصلك يمكن اقدر اساعدك يا .....
حور : حور اسمي حور وانا مش عاوزه مساعدتك لو عاوز تساعدني بجد اقتلني
اسر : اهدي بس يا قطه وهعملك اللي انتي عاوزاه
حور : متقوليش يا قطه انا قولتلك مره ان انا اسمي حور اسمي حووووووور ايه مش عارف تقولها
أسر بضحك عليها : ماشي يحور دا انتي اسم علي مسمي
حور : مش فاهمه ايه دي
أسر : يعني اسمك شبهك اسمك حور وانتي شبه الحوريه
حور : مانا عارفه
أسر : عارفه ازاي
حور : اصل ماما بتقولي كدا على طول وفجأه بدأت تظهر علامات الحزن على وجه حور و لاحظ أسر هذا
أسر : مالك يحور زعلانه ليه
حور : اصل انا افتكرت ماما
أسر علشان يخرجها من زعلها : طب قوليلي انتي عندك كام سنه
حور : ١٧ سنه هو انا ينفع أسألك سؤال
أسر : اتفضلي
حور : انت اسمك ايه
اسر بضحك: اسمي اسر وعندي ٢٥ سنه
حور : الله اسمك حلو شبهك انت بتأسر الناس بجمالك ده
اسر صدم من كلامها وفجأه ضحك جامد وبانت غمازاته
حور بتوهان في غمازاته : الله غمازاتك حلوه اوي
اسر : بجد مكنتش اعرف
حور : خدت بالها من كلامها واتكسفت وخدودها احمرت
اسر بضحك عليها : قوليلي بقا حور كنتي بتعيطي ليه وايه اللي حصل معاكي
حور و الدموع تملأ عينها : مفيش حاجه
اسر : ازاي مفيش حاجه دا انتي كنتي مستنغنيه عن حياتك
حور : والله مفيش حاجه ويلا اقتلني واعمل فيا اللي انت عاوزه
اسر بغضب : حوووور اسمعي الكلام
حور برعب من شكله : خلاص هقولك الموضوع هو أن انا بابا مات وانا عندي ٩ سنين وعايشه مع ماما وياسر اخويا في بيت العائلة بس ساعات ماما بتزعقلي وبتضربني وساعات بتعاملني بحنيه مفيش زيها لحد مابقتش عارفه هي بتحبني وتعمل كدا من خوفها عليا ولا هي بتكرهني وبردو ياسر اخويا بيعاملني كدا بس لما بيعاملني بحنيه بحسه احسن اخ في كل العالم بس قسوتهم عليا وحشه اوي اكمن بحس أن انا نفسي اموت عارف الحياه حلوه بس الناس اللي فيها بيخلوها وحشه وقاسيه
اسر بصدمه من كلامها : اكيد مامتك بتعمل كدا هي واخوكي علشان خايفين عليكي علشان محدش ببكره ابنه أو بنته أو حتي أخته اللي هي قطعه منه و الحياه مش وحشه هي فيها جانب وحش وجانب حلو وانتي حاولي انك تكوني من الجانب الحلو ماشي
حور ببراءة : بجد يا اسر هما بيحبوني
اسر : اه يا عيون اسر
حور : طب يلا بقا اقتلني واعمل اللي اتفقنا عليه
اسر بصدمه : انتي لسه عاوزه تموتي
حور : اه علشان تعمل فيا اللي انتي عاوزه وعلشان لو روحت البيت ماما وياسر هيضربوني تاني
اسر : حور انا مش هعمل فيكي حاجه دا اولا وثانيا انتي هتعيشي هنا معايا ومش هتروحي تاني ومتخفيش ياسر وامك مش هيعملو ليكي حاجه
حور : نعم يا بابا اقعد فين انت اهبل ولا ايه
اسر بغضب : حور دا اللي عندي ومش هكرر كلامي مرتين
حور : يبقي خلاص تقتلني دلوقتي يلا اقتلنييي
اسر بعصبيه : ______
عند فاطمه : ايه يا ياسر معرفتش فين اختك
ياسر : لا والله يا ماما
فاطمة: طب روح بلغ الشرطه
ياسر : روحت ابلغ قالوا مينفعش قبل ما يعدي علي اختفائها ٢٤ ساعه
فاطمه : يعني ايه وهنعمل ايه
ياسر : هنستني لحد ما ٢٤ ساعه يعدوا
فاطمه : طب انزل دور عليها تاني علشان خاطري
ياسر : حاضر يا أمي
فاطمه بدموع :........
يتبع الفصل التالي اضغط هنا
الفهرس يحتوي على جميع فصول الرواية "رواية حور الاسر" اضغط على اسم الرواية
تعليقات
إرسال تعليق