رواية حبيبتي للأبد الفصل الحادي والعشرون
رواية حبيبتي للأبد الفصل الحادي والعشرون
ندى محمد:
"البارت الواحد العشرين"
رد جاسر علي التليفون: الو
مجهول:*****
رد جاسر بعصبيه: انت بتقول اي انا جاي حالا.
استيقظت جميله علي صوت جاسر
قالت: فيه اي ياقلبي
رد جاسر: وهو بيدخل الحمام مفيش يا روحي شغل، دخل الحمام وطلع لبس هدومه ونزل، كانت جميله واقفه قدام الباب بالسندوتشات
قال جاسر: يا روحي لازم امشي مفيش وقت
ردت جميله: طب خدهم معاك كلهم في العربيه
رد جاسر: حاضر وباس دماغها ومشي
قالت جميله: ارن علي الواطيين اشوفهم فين واخليهم يجيبوا مليكه كمان
&&&&&&&&&&&
عند مليكه بعد الامتحان بتراجع مع ريماس
قالت ريماس: مليكه السؤال ده كان كده صح
ردت مليكه: اه انا عملتوا كده، فجاه جالها مسج علي تليفونها، فتحت مليكه الرساله
(الرساله: كوكى عملتي اي في الامتحان انا عارف انك حليتي كويس يابنتي)
كانت مليكه واقفه مصدومه مش عارف مين ده وخايفه ترد مش عارفه تعمل اي
قفلت التليفون ومشت جمب ريماس وروحت
لقت سهيله وشهد نازلين
قالت مليكه: انتوا رايحيين فين؟؟
ردت شهد: رايحيين عند جميله، وانتي جايه معانا
ردت مليكه: بس الامتحانات؟
ردت سهيلة: يلا يا ختي لسه فاضل شويه علي الامتحان الجاي، او هاتي الكتب ذاكرى هناك
ردت مليكه: يلا بينا
&&&&&&&&&&&
عند جاسر ومراد وسيف وبعض الرجاله يجتمعوا في غرفه الاجتماعات
قال جاسر بعصبيه: ازاي ده يحصل؟
رد مراد: والله احنا مش عارفين، بس الناس اللي بتراقبهم بلغونا، واتاكدنا كمان من طرق المراقبه الخبر صحيح يا جاسر.
رد جاسر: طب يلا بينا لازم نكونوا هناك دلوقتي
رد سيف: جاسر كده في خطر علينا كلنا
رد جاسر: بقولكوا ايه انا هتحرك انا والرجاله ولا اي رايكوا يا رجاله؟
ردوا الرجاله: معاك يا فندم
رد سيف: يلا بينا يا مراد
رد جاسر: روحوا انت وانا رايح عند المقدم عبدالله
ردوا الرجاله: تمام يا فندم، طلعوا الرجاله، راح جاسر للمقدم عبدالله
&&&&&&&&&&
عند مهند يجلس في الكليه وهو ينظر للتليفون وبيضحك
رد خالد: ايه يا برنس مالك
رد مهند: بس يلا بدل ما ازعلك
رد خالد: هي للدرجاتي اقفشه عليك هههه
رد مهند: واالله هزعلك يلا بينا انا ماشي الحمدلله النهارده كان اخر يوم امتحانات
رد خالد: اخيرا والله انا هرقص من الفرحه والله
(خالد: صديق مهند الوحيد عيونه جذابه جدااا يتميز بالجسم الرياضي والشعر الاسود والبشره البيضاء الصافيه)
رد مهند: يلا ياض من هنا انا معزوم عند جاسر
رد خالد: طب خدني معاك
رد مهند: تعالي يا خويا ومشوا
&&&&&&&&&
عند ايمان بتكلم عمر في التليفون
قال عمر: اي يا صغنن منزلتيش روحتي عند جميله
ردت ايمان: نازله اهو خلاص خلصت لبس، انت بتعمل اي كده
رد عمر: بخلص شويه حاجات كده علشان الفرح يا جميل
ردت ايمان: ماشي ربنا معاك يارب أنا خلاص نزله علي السلم
رد عمر: ماشي ياقلبي خلي بالك من نفسك طمنيني عليكي كل شويه بحبك
ردت ايمان: حاضر، وانا كمان وقفلت
ذهبت ايمان الي جميله، عمر كان في البيت بيخلص شويه حاجات للفرح
&&&&&&&&
عند جميله وسهيله وايمان في المطبخ
قالت سهيله: مش كنتي تقولي يا جميله انك جيبانا نشتغل
ردت جميله: بس يا وليه وشوفي شغلك كويس، وانتي يا زيزو خليكي جمبي هنا
ردت شهد: يا بختك زيزو قاعده احنا واقفين متعزبيين
ردت عزيزه: ربنا معاكم يارب ويديم المحبه يارب، هي فين مليكه
ردت مليكه من وراها: انا هناااا، جميله ممكن طلب
ردت جميله: طبعا ياقلبي
ردت مليكه: ريماس صحبتي ممكن تيجي تقضي معايا اليوم وتذاكر معايا اصل بابها مسافر هو ومامتها
ردت جميله: طبعا يا هبله خليها تيجي
ردت مليكه بفرحه: شكرا يا جميلتي بحبك بحبك بحبك اووي وباستها وطلعت تجرى
ردت جميله: والله مجنونه بس الحمدلله انها بقت كده، هي فين ايمان مجتش ليه
ردت ايمان من وراها: انا هناااا يااا وليه
ردت جميله: متاخره عن معادك ليه يلا غيري لبسك وتعالي جمب اخواتك انتي فرحك بكره
ردت ايمان: هو انا علشان فرحي بكره تعملي فيا كده حرااااام
ردت سهيلة: وفيها اي يختي يلا يا بت بدل ما اجيبك من شعرك واخليكي شبه سوسو
ضحكت شهد وجميله بصوت عالي
ردت ايمان: فين ايام سوسو كانت احلي ايام، مش دلوقتي فرحي بكره والاستاذه عوزاني اطبخ انا همشي باين تاني
طلعت جميله السكينه من جيبها وقالت: بتقولي اي سماعيني كده تاني
ردت ايمان بخوف: اهدي يا فوزي انا بقول اني هغير هدومي وجايه حإلا وطلعت تجرى😂😂
&&&&&&&&&&&
عند جاسر والشباب كانوا يجلسون في السياره
قال جاسر: فيه حد معرف خطيبتوا بحاجه
رد سيف ومراد: لاء
رد جاسر: احسن بردوا نعرفهم بعد ما نخلص، بس ازاي كريم خلي العمليه تتم بالنهار
رد سيف: هو قال نخلصها بالنهار علشان الشرطه عارفه اني معظم العمليات بتتعمل قريب الفجر كده علشان كده اخذ القرار ده
رد جاسر: ممكن صح وريني كده اخر الاخبار
مسك جاسر جهاز المراقبه اللي متركب في عربيه كريم
كريم كان في العربيه هو وجيجي بيكلم جوليا
قال: انا خلاص وصلت المخزن فين الكس
ردت جوليا: انا والرجاله في الطريق والكس معانا، بس انا هنيجي انا والرجاله بس علشان الكس مش عاوز يضحي بحياته
ردت جيجي: ماشي جوجو احنا خلاص وصلنا المخزن
رد كريم: يلا جوليا الوقت مش في صالحنا انا مش مطمن من هدوء الشرطه ده
ردت جوليا: خلاص انا قربت اوصل المخزن سلام
كان جاسر يستمع لكلامهم، امر الرجاله انهم يحوطوا المخزن
نزل الرجاله تحركوا بشكل جيد وكانوا مستنين اشاره الهجوم
كان جاسر متابع الحركه كويس اول ما وصلت سياره جوليا، نزل هو ومراد وسيف
~~~~~~~~~
دخلت جوليا المخزن هى والرجاله
قالت: اين الاثار
رد كريم: فين الفلوس
ردت جوليا: اشوف الاثار الاول
رد كريم: اشرف هات الاثار
ردت جوليا: تمام يا كريم باشا اهنيك علي خطتك الرائعه الباشا مبسوط منك كده، نادت علي جان هات الفلوس
فجاه سمعوا صوت ضرب نار
اقتحم جاسر المخزن
قال: كل واحد يسلم نفسوا كده من غير شوشره ولا تعب
ردت جوليا: وهي ترفع المسدس وتطلق رصاصه في الهواء
طلعني من هنا واعمل اللي انت عاوز تعملوا
رد جاسر: طبعا اتفضلي يا هانم
كانت جوليا بتمشي وفجاه ضرب كريم رصاصه علي احد رجاله جاسر
وكان الوضع في المخزن كلوا ضرب نار واشتباكات وحاولت جيجي وجوليا الهروب بس الرجاله اللي برا مسكوهم وتم القبض عليهم
فضل جاسر وكريم جوا وبعض الرجاله
قال جاسر: كريم سلم نفسك يا كريم احسن
رد كريم: انت خايف تقرب تعالي قرب كده وريني هتعمل اي ولا انت مش راجل يلا
رد جاسر: تمام اوى تعالي بقا وانا هعرفك يعني معني الرجوله
ساب جاسر مسدسه وقرب عليه وقال: وريني عضلاتك كده يا كيمو
رد كريم وهو بيضربوا في وشوا: انا اللي هعرفك يا جاسر بيه
فضلوا يضربوا بعض ودار بينهم اشتباكات جامده جدا دخل مراد وسيف بعد ما تمكنوا علي القبض علي الكس ورجالته وجيجي وجوليا
دخل سيف ومراد المخزن وكانوا واقفين وراه جاسر
مسك كريم المسدس وقال: سيبوني امشي بدل ما هقتلك
رد جاسر: اعملها كده يا كيمو
اطلق كريم رصاصه في كتف جاسر
سقط جاسر علي الارض من شده الم الرصاصه وشده الضرب
مسك سيف كريم ووضع في ايده الكلبشات ونزل
مسك مراد جاسر وسندوا وطلعوا بيه بره المخزن
قال سيف: لازم تروح المستشفى
رد جاسر: لا انا هروح بعد ما اسلمهم في القسم وانتوا كمان هتيجوا معانا
ذهب جاسر الي القسم وكان بيتألم
&&&&&&&&&
عند البنات بعد ما صلوا المغرب
حست جميله مره واحده بوجع في قلبها
قالت جميله: انا مش مطنه جاسر فيه حاجه
ردت شهد: اهدي يا ختي دي هرمونات الحمل
ردت سهيلة: اه والله فاضل شويه هتقول انا عاوزه بطيخ هههه
ردت جميله بعياط: انا بقلكوا اني جاسر فيه حاجه وانتوا بتضحكوا
ردت مليكه: طب رني علي ابيه جاسر
رنت جميله علي جاسر بس مردش
قالت جميله بعياط: انا هقوم اروحله
ردت سهيلة: يا بنتي اقعدي اكيد كويس استني انا هكلم مراد
رنت سهيله علي مراد مردش
قالت ريماس: جميله هو ابيه جاسر عندوا مأموريه ولا حاجه
ردت جميله: لا بس الصبح جالوا تليفون ونزل بسرعه
فجاه الباب اتفتح وكان جاسر ساند علي مراد وكتفوا كلو دم
طلعت تجرى جميله عليه وحضنتوا
قالت بدموع: ايه ده فيه اي
رد جاسر: اهدي يا روحي اطمني مفيش حاجه تعالي نطلع فوق شويه، مراد وسيف خليكوا قاعدين هاخد شور ونازل
طلع جاسر فوق طلعت معاه جميله
نام جاسر علي السرير وكان دكتور القسم طلع الرصاصه من كتف جاسر
نامت جميله في حضنوا ينفع كده انا حاسه من الصبح اني فيه حاجه انا خايفه اووي عليك
رد جاسر: يا حبيبتي والله انا كويس هقوم اخد شور وننزل باسها من دماغها وقام دخل الحمام
&&&&&&&&&
يتبع الفصل التالي اضغط هنا
الفهرس يحتوي على جميع فصول الرواية "رواية حبيبتي للأبد" اضغط على اسم الرواية
تعليقات
إرسال تعليق