رواية انا وهو الفصل الرابع
رواية انا وهو الفصل الرابع
فى البلد وتحديداً فى بيت " همس " الساعه ٧ الصبح .. »
_ أنتي يا وليه الفطار فين !!
=..........
_ فزى قومى حضريلى الاكل عشان رايح انا واخويا ندور على بنتك جليلة الربايه دى
= ...........
_ الله مش بترد ليه دى !!
قرب من السرير ومال عليها هزها شويه بالراحه مفيش رد . . هزها جامد أوى وبخضه ... »
_ سهام لا أصحى متسبنيش مش هزعق فيكى تانى بالله عليكى متمشيش سهااااااااام
إنا لله وإنا أليه راجعون . . سهام أتوفت وكسرة شخصية الحاج الشديد الى شخص مبيتكلمش خالص بس قالولى انهم لاقوه فى أيدها ورقه .. »
مسكها الحاج وفتحها وهو قاعد على السرير مكان سهام مراته ....
" مش عارفه ليه يا حاج قلبى واجعنى الايام دى جامد ولا بلاش أقولك يا حاج . . هقولك يا حبيبى أيوه أنت حبيبى رغم قسوتك عليا انا وهمس بس انا عارفه ان فيه حنيه تكفى العالم كله ، فاكر اول مره خرجنا فيها جبتلى ورده وترمس كنت عارف انى بحبه جدا وعملت كده من غير ما أطلب منك ، مش عارفه أيه ال حصلك يمكن اكون ضايقتك من غير ما أحس ارجوك سامحنى لو كان ده ال حصل منى . . وطالما أنت بتقرأ الكلام ده يبقى أنا مش موجوده أنا عندى أمنيه واحده وطلب واحد يا " على يا رفيق عمرى وروحى سيب همس تكمل وصدقنى هترفع رأسك هى فى اسكندريه روحلها مش عشان تقسي عشان تحن يا حبيبى وريها أنها احلى واهم حاجه عندك وأن سعادتها بالدنيا ووجودكو جنب بعض اهم من الزعل ومتنساش أن دايما الحبيب الاول للبنت هو والدها خليك حبيبها زى ما كنت حبيبى وفى قلبى على طول . . بحبك اوى .. »
خلص قرأه وعمال يعيط مش عارف ازاى مشيت من غير ما يقولها أنه بيحبها وأنها الوحيده ال سكنت قلبه .. بس قرر انه هيصلح كل ده مع همس ويدور عليها بالراحه عشان يحتويها ويقف جنبها ويشجعها توصل لل هى عايزاه وفعلا حضر شنطه صغيره حط فيها حبة حاجات وحجز قطر لاسكندريه ... »
_ الله دانى مالك !!
.. مالى ؟ أنا مش عارف الدم ده ايه بس أنا مش حاسس بشئ !
_ دانى الحق أنت بتختفى !
.. أيه !!
بص على ايده لاقى بيختفى بالتدريج لحد ما خلاص قرب يبقى هوا بصلها وقال ... »
.. يمكن مشوفكيش تانى أبدا أنتى شاطره يا همس كملى وهتوصلى لل أنتى عايزاه
_ لا أستنى خليك أنا أتعودت عليك خليك معايا متسبنيش لوحدى
.. فى حد جاى هيبقى معاكى أديله فرصه عشان جاي يقف جنبك اوعدينى
_ بايه ؟!
.. تديله فرصه يا هم......
مكملش أسمها وأختفى خالص كأنه كان سراب .. مصدقتش نفسها ازاى اتعلقت بوجوده فى الفتره الصغيره دى حست بالوحده وقعدت تعيط لحد ما نامت ... وصحيت على صوت جرس البيت ... »
_ الساعه ٩ مين ده الجاي دلوقت ! ، أيوه جايه اهو
بصت من العين السحريه مشافتش حد خافت ..»
_ دانى مش وقت مقالب حقيقى انا أصلا مخصماك ازاى تختفى كده !!
داااانى !!! ، يظهر مش هو لان الجرس بيرن لسه هفتح أشوف مين !
فتحت واتخضت رجعت لورا خطوتين ... »
_ ب .. با... بابا أنا أنا هفهمك أنا أسفه والله مقصدتش أنا عايزاك بس.....
كان عمال يقرب منها وقفل الباب وقرب لحد ما بقى قدامها خالص .. »
_ بابا أهدى وهفهمك وهاجى معاك بس من غير زعي......
فجأه فتح أيديه الاتنين وحاضنها جامد أوى وبدأ يعيط .. »
= وحشتينى اوى يا همس أوى أوى أوى كده تسبينى ها ! هونت عليكى !
_ بابا أهدى انا هنا وهعمل ال حضرتك تطلبه من غير نقاش
= حتى لو قولتلك يلا نرجع !
بصت للارض ... »
_ حتى لو قولت كده هنفذ على طول
= والدتك أتوفت يا همس أمبارح
_ أيه !!! لا بابا لا ماما انا مشوفتهاش !!
وبدأت تعيط خدها فى حضنه وطبطب عليها عيطت كتييييير اوى وجامد لحد ما غفلت وصحيت لاقت نفسها فى حضن بابها ... »
_ بابا
= عيون وروح بابا
_ حضرتك قولت أيه !
=أنا فعلا عندى طلبين منك
_ أتفضل يا بابا
= أول واحد تسمحيلي أقعد هنا معاكي ؟
_ أيه !! بجد !! بتكلم بجد ؟
= بجد جداااا ها ؟
_ طبعا ده بيتك أصلا وتانى طلب !
= تتفوقى وتبقى دكتوره او ايا كان حلمك أيه انا هنا جنبك مفيش شغل هتتفرغى للدراسه وبس ايه رأيك ؟
حضنته جامد بابا....
_بحبك بجد أوى ربنا يخليك ليا هفرحك وهفرح ماما والاهم من ده أنك جنبى ومعايا هنا
= أنا هفضل معاكى هنا وهشتغل من هنا يلا نأكل بقى وعشان المذاكره الامتحانات قربت والسنه بتجرى مش عايز حجج ها !
_ تمام يا أحلى بابا
فعلا جريت الايام بسرعه وعلاقة همس ب والدها بقت أقوى بكتيييييير اوى هو قايم بدور الام والاب والاخ والحبيب بيشجعها وبيدعمها جدا جدا وهى بتذاكر كتير جداااا عشان تفرح وتفرحه بيها
ووصلت لشهر الامتحان نفسيتها كانت فى النازل شويه بس هو خدها وخرجها وادها دعم كبير اوى وبدأت أمتحانات وخلصت ومستنيه النتيجه ... »
= ايه حبيبة بابا لسه صاحيه ليه ؟
_ النهارده النتيجه يا بابا انا خايفه اوى اوى
= انتى عملتى ال عليكى وزياده وتعبتى ماتقلقيش بقى ها وأنا هقعد معاكى اهو ونفتح التلفزيون برضو
_ بيجيبو الاوائل عليه بس
= هتبقى من الاوائل
_ مش للدرجه دى يا بابا
فتح التلفزيون وقد كان فعلا كانت من الاوائل وده فرحها وفرح بابها أكتر وخلى علاقتهم اقوى ودخلت كلية طب واول يوم ليها ... »
_ أنا نازله يا بابا
= أستنى هوصلك طيب !!
_ لا يا حبيبي خليك
= الله الله مش ناسيه حاجه ؟
_ أيه ؟
= بوسة بابا فين
_ اهى
= خدتى فلوس ؟!
_ اه يلا باى
= باى
نزلت ركبت اوبر ووصلت قدام باب الجامعه كانت مبسوطه وفخوره اوى دخلت وشافت جدولها وطالعه على السلم وحد نازل خبط فيها ... »
_ الله مش تحاسب كنت هقع .. الله أنت !!!!!
يتبع الفصل التالي اضغط هنا
الفهرس يحتوي على جميع فصول الرواية "رواية انا وهو" اضغط على اسم الرواية
تعليقات
إرسال تعليق