رواية قمر الزين الفصل الرابع
رواية قمر الزين الفصل الرابع
هند بصدمه : لابسه كده ورايحه فين
قمر : مسافره
هند : مسافره فين
قمر : مسافره وخلاص
هند : هو اي اللي مسافره وخلاص
قمر : يعني مسافره اقولك اعتبريني بغير جو بس فتره طويله شويه
هند : مفيش سفر
قمر : لا هسافر
هند : قولت مفيش سفر
قمر : عشان خاطري يا ماما سيبني اسافر يمكن ابقي احسن
هند : عايزه تسيبني انتي كمان يا قمر انا مليش غيرك
قمر : ومين قالك اني هسيبك هرجع والله بس فتره كده هغير جو واراجع حساباتي وارجع
هند : طب هتقعدي قد اي
قمر : لما اتأكد ان زين نسيني وبطل يدور عليا
هند : طب هتروحي فين
قمر : مش هقولك يا ماما
هند : مش عايزه تقوليلي انتي رايحه فين
قمر : اه يا ماما عشان متروحيش تقولي لزين علي مكاني
هند : طب قوليلي ومش هقوله والله
قمر : معلش يا ماما عشان خاطري لما يبطل يجي هنا ويبطل يدور عليا هقولك مكاني فين او هرجع خالص
هند : خلاص براحتك يا بنتي
قمر : هتوحشيني يا ماما بس غصب عني
هند : وانتي كمان هتوحشيني خدي بالك من نفسك
قمر : حاضر وانتي كمان
هند : حاولي متغبيش عليا
قمر : عيوني ، سلام بقي عشان الحق امشي قبل ما يجي
هند : سلام يا حبيبتي في حفظ الله
مشيت قمر وهند دعتلها : ربنا يكتبلك الخير ويريح قلبك يا قلبي
بعد مرور ساعه من نزول قمر الباب بيخبط هند راحت تفتح
هند : ازيك يا زين تعالي اتفضل
زين : الحمدلله وحضرتك عامله اي
هند : نحمد الله
زين : وقمر عامله اي لسه حابسه نفسها
هند : لا يا ابني سافرت
زين بصدمه : اي سافرت
هند : اه يا ابني
زين : سافرت فين
هند : والله ما اعرف
زين : ازاي يا طنط متعرفيش
هند : مرضيتش تقولي عشان مقولكش مكانها
زين : ازاي يعني يا طنط تسيبها تنزل من غير ما تعرفي هي رايحه فين
هند : اهو اللي حصل
زين : طب متعرفيش ممكن تكون راحت فين
هند : لا
زين : ملهاش اي حد ممكن تروح عنده
هند : ممكن تكون راحت لأختي بس معتقدش
زين : لي متعتقديش
هند : عشان اكيد اول مكان هنفكر فيه هو عند اختي
زين : طب هي مكانها فين
هند : اسكندريه
زين : طب ممكن عنوانها بالظبط وانا هروح واشوفها هناك
هند : طب هقولك
واديتله العنوان
زين : تمم بس بعد ازنك وقت ما قمر تكلمك كلميني طمنيني
هند : حاضر يا ابني
عند قمر وصلت قمر اسكندريه عند خالتها وخبطت ع الباب
ياسمين من جوا : مين
قمر : انا قمر يا خالتو افتحي
ياسمين : قمر حبيبتي ادخلي
قمر : عامله اي يا خالتو وحشاني
ياسمين : الحمدلله وانتي عامله اي وامك عامله اي
قمر : الحمدلله كويسين
ياسمين : امك مجتش معاكي لي
قمر : هي متعرفش ان انا هنا اصلا وارجوكي يا خالتو متقوليلهاش
ياسمين : لي بس يا بنتي انتي اتخانقتي معاها
قمر : لا بس فسخت خطوبتي
ياسمين بصدمه : اي
قمر : بقول لحضرتك فسخت خطوبتي
ياسمين : لي يا بنتي ده شاب محترم وابن ناس وبيحبك
قمر : اهو اللي حصل بقي
ياسمين : طب احكيلي يمكن اقدر اساعدك
قمر : طب ممكن ارتاح شويه وبعدين احكيلك
ياسمين : طبعا ادخلي ناميلك شويه واصحيكي لما اختك تيجي عشان الغدا
قمر : خلاص ماشي
دخلت قمر الاوضه قعدت ع السرير تفكر في ولدتها ومسكت التليفون وطلبتها واول ما فتحت
قمر : عامله اي يا ماما
هند : مش بخير طول ما انتي بعيد عني
قمر : فتره وهتعدي ان شاء الله
هند : يارب تعدي بسرعه
قمر : يارب
هند : لسه مش عايزه تقوليلي علي مكانك
قمر : يا ماما بعد ازنك متسألنيش السؤال ده تاني
هند : علي راحتك
قمر : انا هقفل بقي
هند : طب خلي بالك من نفسك
قمر : حاضر وانتي كمان
وقفلت قمر مع والدتها وقعدت ع السرير تفكر فيما حدث لغايه ما نامت من التفكير
في المساء
يارا : اصحي يا قمر يلا
قمر بنعاس : سيبني شويه يا ماما
يارا : قومي يا روحي انا مش ماما
قمر : صباح الخير يا قلبي
يارا ضاحكا : صباح اي الساعه 6 المغرب
قمر : بجد الساعه 6
يارا : اه وقومي بقي يلا عشان ناكل
قمر : حاضر هقوم اهو
خرجت يارا ووراها قمر
قمر : مساء الخير يا خالتو
ياسمين : مساء الفل يا روح خالتك نمتي كويس
قمر : اه
ياسمين : طب يلا تعالي اقعدي عشان تاكلي
وقعدوا أكلوا وبعد الاكل
ياسمين : يارا قومي اعملينا كوبيتين شاي بالنعناع يلا
يارا : عيوني لاحلي ياسمينه وقمر في الدنيا
ابتسمت قمر ليارا
ياسمين : تعالي يا قمر عايزاكي
قمر : نعم يا خالتو
ياسمين : احكيلي اللي حصل بقي وانتي لي مش عايزاني اعرف هند انك هنا عشان لما تكلمني تاني ابقي فاهمه
قمر : تكلمك تاني لي هي كلمتك اولاني
ياسمين : اه
قمر بفزع : اوعي تكوني قولتلها اني هنا
ياسمين : لا مقولتش بس عايزه افهم اللي حصل
قمر : خلاص هحكيلك
وقصت قمر لياسمين ويارا كل اللي حصل
ياسمين : انتي غلطانه يا قمر
قمر بصدمه : بعد ده كل اللي حكيتهولك ده تقوليلي غلطانه
يارا : ازاي بقي غلطانه وبتقولك حضن واحده قدامها
ياسمين ليارا : اسكتي انتي
ووجهت كلامها لقمر : اه غلطانه يا حبيبتي
قمر : ازاي بقي يا خالتو
ياسمين : عشان مسمعتيش منه وحكمتي عليه علي طول
قمر : اسمع اي يا خالتو بقولك حضنها وقالها وحشتيني ومقولتليش لي انك رجعتي
ياسمين : هو لو وحش او في بينه وبينها حاجه ماكنش فضل يجيلك الفتره اللي فاتت دي عشان يفهمك أو عشان متبقيش زعلانه منه
قمر : يعني تفتكري كده يا خالتو
ياسمين : احساسي بيقول انك ظالماه اقعدي مع نفسك كده وراجعي الموقف في دماغك هتلاقيني صح
قمر : حاضر يا حبيبتي
يارا : طب يلا يا قمر
قمر : هنروح فين
يارا : هنقعد ع البحر
قمر : يلا ده بعد ازن خالتو طبعا
ياسمين : انا اللي قولتلها اصلا تاخدك وتقعدوا ع البحر شويه بس متتأخروش
قمر ويارا معا : حاضر
ع البحر
قمر : تفتكري فعلا اكون ظلمته يا يارا
يارا : علي اللي سمعته بيتهيقالي اه يا قمر
قاطع حديثهم رنه موبايل يارا
وسرحت قمر مع نفسها هل هي غلط هل هي ظلمته فعلا هل كانت لازم تستني متمشيش وتحكم عليه هل لازم ترجع وتسمع منه كل الاسئله تدور في دماغ قمر لحد ما قاطعته يارا
يارا : سرحانه في اي
قمر : مفيش
يارا : عليا انا برضو
قمر : مفيش بقولك ويلا نروح بقي عشان منتأخرش
يارا وهي تفهم ما تمر به قمر : يلا
وصلوا عند البيت وشافت قمر زين خارج من العماره
يتبع الفصل التالي اضغط هنا
الفهرس يحتوي على جميع فصول الرواية "رواية قمر الزين" اضغط على اسم الرواية
تعليقات
إرسال تعليق