رواية طبيبة نفسيه و لكن الفصل الثاني 2 بقلم ملك مختار
رواية طبيبة نفسيه و لكن الفصل الثاني 2 بقلم ملك مختار
"خرجت من مكتب المدير وأنا مصدومه من اللي شفته واللي سمعته!؛ خدت الملف بتاعه ودخلت مكتبي، اسمه عمر محمود عبد الرحمن، عنده 32سنه اهله متوفيين في حادثه ومالوش حد غير خاله وتكاد تكون الصله بينهم مقطوعه!!"
"عيني برقت لما قرأت تقريره الطبي، دخل المستشفي نتيجه انهيار عصبي حاد لما شاف أخته ضحيه لأبشع جرايم الإغتصا'ب!!؛ مكتوب في التقرير انه لما دخل المستشفي بدء يجيله هلوسات وبيتكلم كتير مع حد لكن مبيحكيش لحد حاجه، ورفض رفض تام انه يتعاون مع اي دكتور، والكلمه اللي بيقولها لكل دكتور
<هي قالت مش انت اللي هتقدر >، حاولت افتح التقرير اللي اتمضي في تحقيق الشرطه لكن هنا كانت صدمتي الاكبر، القضيه إتأيدت ضد مجهول واتقفلت!! "
"يعني ايه؟! يعني اللي نهو حياه بنت ودمروها وقتلو'ها مش متعاقبين دلوقتي؟! يعني حياتها راحت فدي شويه حقر'ا؛ زعلت اكتر عليهم!"
"قمت اتمشيت في المستشفي لاقيت رجلي بتاخدني لاوضه عزيزه عليا، انا مسكت مرضي كتير قبل جوازي وبعده لكن اكتر حاله بحبها وبحسها ركني الهادي في زحمه حياتي، هي أشرقت"
•مساء الخير يا دكتورتي
ابتسمتلها وانا ببادلها الحضن _مساء النور ياقلب دكتورتك، هاه حبيبي عامل ايه النهارده
"ردت والدتها بحزن"
*مش راضيه تاخد العلاج بتاع الكيماوي وبتتعب قلبي معاها
_ليه ياحبيبي مش قولنا نلتزم بالعلاج علشان نبقي كويسين وكبار اووي اووي
ابتسمتلي ببراءه• مفيش داعي انا عارفه النهايه كويس
مسكت ايدها_نهايه ايه ياحبيتي؟!
•نهايه مرضي، انا عارفه اني هروح لـ ريان قريب هو جالي امبارح وقالي اني وحشته وانه عاوز يشوفني
"مسكت في ايدها وضميتها لحضني كأني بحميها، أشرقت وريان مرضي سر'طان قلب وكانو في اواخر مرحلتهم، اطفال اتكتب عليهم المرض واتكتب علي وشهم القبول تجاه اي حد، كانو اصحاب اوي رغم صغر سنهم، من اسبوعين بالظبط ريان مستحملش الكيماوي و... ومات، كل المستشفي زعلت بس الوحيده اللي اتاثرت فينا كانت أشرقت لأنها كانت بتحب ريان جدا، حتي حضورهم للكيماوي كانو بيدخلو مع بعض، لكن افتكار ربنا ليه كان رحمه لـ طفل في سنه من مرض شديد زي ده! "
_لا يا أشرقت لا ياحبيبتي لو ريان جالك تاني قوليله انا مش هاجي معاك دلوقتي، مش انتي عاوزه تبقي ظابط وتنقذي الناس، قوليله هحقق حلمي الاول وبعدين اجي،لكن دلوقتي مش هجيلك...
•بس هو وحشني ومفيش حد بيلعب معايا والعلاج متعب اوي وانا كمان مش هستحمله
_هتستحمليه، هتستحمليه لانك قويه علشان ريان يبقي فخور بيكِ
"خرجت من أوضتها بعد ما نيمتها في حضني زي كل يوم، خدت حاجتي وكنت همشي، لكني فضولي خلاني ادخل اوضته قبل ما امشي"
"دخلت لاقيته قاعد علي الارض وبيبص للسما من الشباك،فوقفت جمبه، رفع راسه فورا شافني وبص جمبه"
=برافو يا رانو اهي جت فعلا زي ماقولتي
"بصيتله باستغراب فـ اتكلم"
=متقلقيش يادكتور ان احنا مش مستغربين، احنا بصراحه مستنينك من الصبح بس انتي اتاخرتي شويه
_انتو؟!
"قام وقف وهو بينفض ايده وقعد علي السرير"
=اه احنا...
"قعدت علي الكرسي اللي جنبه واديت وشي ليه"
_ماشي عامل ايه النهارده ياعمر؟!
=انتي مشوفتنيش غير النهارده اصلا!
ابتسمت علي كرامتي اللي طارت_وماله، عامل ايه بما ان النهارده اول يوم اشوفك!؟
رد ببرود=عادي يعني...
"كنت هتكلم لكن خضني صوت الفازه اللي وقعت؛ بصيت ورايا بخضه فاتكلم هو بنفاذ صبر"
=اعملك ايه يعني اديني بحاول اهوه
_انت بتكلم مين؟! مفيش حد هنا غيري انا وانت
=لا فيه احنا هنا في الاوضه تلاته مش اتنين
ابتسمت_بتحاول تخوفني
نفخ وزعق=اتفضلي هي اكيد مش هتصدقني وانتي كده
يعني ايه مش ده الوقت المناسب؟!
انا دخلت مستشفي الامراض العقليه بسببك
ارجوكِ انتي قولتي ان هيا اللي هتساعدنا صح؟!
ارجوكِ بقا خليها تشوفك
"حاولت اهديه لما لاقيت بدء يترعش من الغضب"
_حاول تتمالك اعصابك ارجوك
زقني=ابعدي عني، انتي كمان بتقولي عليا مجنون صح؟
"هزيت راسي بالنفي بسرعه"
=لا انتي بتكدبي عليا اكيد بتقولي عليا مجنون، انا مش مجنون هما اللي مجانين، محدش عاوز يفهمني، محدش عاوز يجيب حقها...
"كنت هتكلم لحد مازعق مره واحده ووقع علي الارض، فلاحظتها..كانت بتجري عليه بسرعه وهي مدياني ضهرها، حطت ايدها علي كتفه وهمستله بحاجات فقام، لابسه فستان بينك غامق وخمار ابيض وهدومها متقطعه قعدته علي السرير واتكلمت"
®ازيك ياجميلتي!؟
"لفتلي بوشها وكانت الصدمه الاكبر، هي عندها نفس ملامحي لكن هي أغمق شويه نفس الطول تقريبا لكن انا اطول، لطيفه وملامحها جميله وتتحب وضحكتها...ضحكتها بريئه كانها طفله مش زي ماقرأت عندها 22سنه"
_انتي انتي مين!؟
ابتسمتلي~انا راندا اخت عمر وانتي ملك الدكتوره الخاصه بيه صح!؟
_بس بس انتي مش عايشه!!؟
~انا فعلا مش عايشه
"بصيتله وهو قاعد علي السرير"
~بس لسه مجاش وقتي ان روحي ترتاح
بصيتلها بثبات _و..وروحك هترتاح ازاي!؟
"ابتسمت بهدوء وعيونها اتملت شر وحقد"
~أنتقم منهم..... .
يتبع الفصل التالي اضغط هنا
الفهرس يحتوي علي جميع فصول الرواية
" رواية طبيبة نفسيه و لكن " اضغط علي اسم الرواية
تعليقات
إرسال تعليق