رواية القط و الفار الفصل الثالث و عشرون 23 بقلم نورا نور
رواية القط و الفار الفصل الثالث و عشرون 23 بقلم نورا نور
اول ما وصل زين لقى الحارس اللى بره قاله:لو سمحت يا زين باشا ابو حضرتك بيقولك ادخل على مكتبه
دخل زين واستغرب ازاى باباه عرف انه جاى اصلا وخبط ودخل وقاله:حضرتك كنت عايزنى
قام باباه وقاله:ايوه انت مطرود يا زين ومش عايز اشوف وشك تانى هنا فى الشركه انت مش ضيعت بنتى لما تلاقيها وتبقى اد المسئوليه ابقى تعالى
زين اتصدم واتدايق وقاله:ايه يا بابا اللى بتقوله ده متدخلش حياتنا الشخصية فى ده كله انا ولسه هيكمل قاطعه باباه وقاله بعصبيه:انا هنا مديرك مش والدك ثانيا انت اللى عملت كل ده بإيدك انت اللى بو*ظت كل حاجه من ساعه ما خليت اللى ما تتسمى تأثر على حياتك وعلى شغلك وعلى مراتك كمان يلا اطلع بره متجيش غير وفى ايدك بنتى بنتى اللى عذ*بتها كتير وهى معملتش حاجه لكل ده حبتك بجد وانت انا*نى لما ترجع ابنى القديم وترجع مراتك ابقى تعالى يلا اتفضل بقا
زين مصدوم ومدايق وقاله:انت مفكر انى فرحان ان مراتى مش معايا مانا عايز ارجعها وهى اللى رافضه انت ليه مفكر انى انانى انا مش انانى يا بابا انت المفروض تبقى عارفنى اكتر من نفسى بس تمام شكرا ومشى
باباه مدايق وقال فى سره كان لازم اقسى عليك عشان تحس وتحاول ترجعها وتعرف غلطك سامحنى يابنى انا بحبك وبحب سيلا بردوا دى بنتى اللى مخلفتهاش وبعدين قعد بجمود ولا كإن حاجه حصلت
♥️♥️♥️♥️♥️♥️♥️♥️صلوا على النبى♥️♥️♥️♥️♥️♥️♥️♥️♥️♥️
عند سيلا
دخلت الاوضه لقت اللى واقف قدامها ومخبى وشه ولسه جايه تصوت حط ايده على بوئها وقالها كلمه كمان وهخلص عليكى انتى فاهمه
فهزت راسها وشالت ايده بعيد ولسه بيقرب منها اخدت الاباجوره وضر*بته بيها على دماغه وهو ولا اتأثر قامت عيطت وقالتله:علفكرة حرام هتروح النار فكر فى عيالك طب اعتبرنى زى اختك طيب ترضى يحصل فيها كدا
وطلعت تجرى بسرعه وفتحت الباب وهو شدها وهى حطت رجلها جمب الباب وقالت:اييييمى وهو بيشدها وهى بتزقه جات ايمى وصوتت وراحت تزقه معاها وهو زقهم هما الاتنين وراح بسرعه نط من البلكونه أصله دور ارضى
ايمى وسيلا حضنوا بعض وسيلا عيطت ايمى بتقولها:اهدى اهدى يا حبيبتى انا معرفش هو جه منين دى اول مره تحصل والله
سيلا بتعيط بردوا وبتقولها:لا لا مش قاعده هنا تانى
ولسه ايمى هتتكلم الباب خبط فإيمى راحت تفتح لقته اخوها وقالتله:الحق يا أدهم كان فيه حرا*مى
أدهم بصدمه:ايه ازاى وجه منين
ايمى:من البلكونه بتاعت سيلا وهى خايفه ومرعوبه ومش عايزه تقعد هنا تانى
سيلا قامت من على الأرض وقالتلها:ايوه مش قاعده لا دانا ضر*بته بالاباجوره ومتأثرش افرضى كان موتنى وبتعيط
أدهم ضحك وقالها:اباجوره وضحك
سيلا مسحت دموعها واتعصبت وقالتله:هو انا قولت نكته بتضحك على ايه انت
ايمى:لا لا مش قصده يا سيلا فكك منه فى ايه يا أدهم
سيلا:انا ماليش دعوه بيه اصلا ومش قاعده هنا تانى انا ماشيه
أدهم بطل ضحك وقالها:طب خلاص خلاص سكت خلاص يا استاذه سيلا تعالى باتى فوق
سيلا بعصبيه:نعم ابات فوق فين وانت معانا ازاى يعنى
أدهم :عادى يعنى هو انا هاكلك
سيلا بعصبيه:مش هتناقش معاك اصلا وجهت كلامها لايمى وقالتلها:ايمى معلش انا ماشيه مش هقدر اقعد اكتر من كدا
ايمى:ايه اللى بتقوليه ده يا سيلا خلاص خقولك خلى أدهم هنا واحنا نطلع فوق
ادهم بعصبيه وبدون وعى:يعنى انا عامل كل ده عشان اخليها تبات فوق عشان انت*قم منها وانتى تقولى كدا وبعدين استوعب هو قال ايه واتصدم واتوتر
وسيلا وايمى بصوا بغضب راحت سيلا ضر*بته بالقلم وقالتله:انت بنى ادم ق*ذر وراحت على اوضتها وقفلت عليها وقعدت تعيط وقررت انها تمشى
وايمى اتدايقت وقالتله:يا خساره يا أدهم نزلت من نظرى اوى رايح تدفع لواحد وتدخله على اختك وصاحبتها ملكش دعوه بيا تانى وراحت خبطت على اوضه سيلا وقالتلها:سيلا سيلا افتحى حقك عليا انا ملكيش دعوه بيه افتحى يا حبيبتى ومش هيعملك حاجه تانى
كل ده وادهم متعصب من القلم اللى ادتهوله وانها ازاى تعمل كدا
سيلا فتحت الباب وقالتلها:لا يا ايمى انا لازم أمشى معلش وكانت هتمشى أدهم وقف قدامها وقالها:دخول الحمام مش زى خروجه وانا عاملك مفاجأه حلوه اوى وفجأه حصل....
يتبع الفصل التالي اضغط هنا
الفهرس يحتوي علي جميع فصول الرواية
" رواية القط و الفار " اضغط علي اسم الرواية
تعليقات
إرسال تعليق