رواية قمر الزين الفصل الاول
رواية قمر الزين الفصل الاول
في تمام الساعه السادسه تستيقظ فتاه جميله تدعي قمر تبلغ من العمر 26 سنه تتمتع ببشره بيضاء وشعر ناعم وطويل لونه بني وعيون رصاصي وحيده
تدخل الحمام وتتوضأ لتأدية فرضها وبعد ذلك تجهز لتذهب الي عملها فهي تعمل في بنك لكن قبل ان تذهب تدخل غرفه والدتها التي كانت تجهز أيضا لتذهب الي عملها
هند والدة قمر في الخمسين من عمرها منفصله عن والد قمر بعد سنه من ولادة قمر ولا يعلموا عنه شئ
قمر : صباح العسل علي الست الكل
هند : صباح السكر علي احلي قمر
قمر : اي القمر ده والشياكه دي كلها
هند : يا بكاشه هههههه
قمر : انا بكاشه طيب يا ست الكل الله يسامحك
هند : هههههه هيسامحني عشان عايشه معاكي
قمر بحزن مصطنع : طيب
هند : خلاص متزعليش انتي احلي حاجه حصلت في حياتي
قمر : وانتي اجمل حد في حياتي
المهم بقي انا نازله عشان متأخرش ع الشغل
هند : طب متتأخريش عشان في ضيوف جايين عندنا بالليل
قمر : ضيوف مين دول
هند : عريس
قمر بصدمه : عريس مين ده ان شاء الله
هند : جارنا بس محترم اوي
قمر : مرفوض من قبل ما اشوفه
هند : لا هتشوفيه وتقعدي معاه و هتوافقيه عليه كمان اي رأيك بقي
قمر : انتي عايزه تخلصي مني ولا اي يا ست ماما
هند بتمثيل : الصراحه اه
قمر بحزن مصطنع : يعني بقيت حمل تقيل عليكي عشان كده عايزه تخلصي مني
هند : لا طبعا يا حبيبتي مش حمل ولا حاجه بس عايزه افرح بيكي وعشان خاطري وافقي انك تقابلي العريس بالليل ولو معجبكيش خلاص متوافقيش
قمر بقله حيله : حاضر عشانك انتي بس
انا همشي بقي
هند : خد بالك من نفسك
قمر : حاضر وانتي كمان
في مكان اخر
يستيقظ زين الذي يبلغ من العمر 30 سنه يمتع ببشره قمحاويه وعيونه عسلي لديه شركته الخاصه لكن يعمل في نفس البنك التي تعمل فيه قمر ليكون بجانبها
يدخل الحمام ويتوضأ ليؤدي فرضه ويدعي في كل سجده انها تكون من نصيبه
يجهز ويخرج من غرفته ليدخل لوالدته المطبخ
زين : صباح الخير يا سمسم
سميه : صباح النور يا عيون سمسم
سراج والد زين من خلفه خياااااانه
لما هو قلب سمسم انا ابقي اي
سميه : تبقي روح سمسم اللي متقدرش تعيش من غيرها
سراج : وانتي الهوا اللي بتنفسه
زين : طب انزل انا واسيبكم تحبوا في بعض براحتكم
سميه : طب مش هتفطر قبل ما تنزل
زين : لا يا سمسم عشان متأخرش
سميه : خد بالك من نفسك
زين : حاضر
سراج : لا اله الا الله
زين : محمد رسول الله
في الشغل وصلت قمر لتستقبلها ريم صديقتها الوحيده
قمر : صباح الفل
ريم : صباح الجمال
قمر : عامله اي يا حبيبتي
ريم : الحمدلله وانتي عامله اي
قمر : الحمدلله
ريم : يارب دايما يا قلبي
قمر : ها بقي هناكل اي
ريم : انتي كده همك علي بطنك
قمر : ههه اه ولو مأكلتنيش دلوقتي ممكن اكلك انتي
ريم بخوف مصطنع : لا وعلي اي يلا نجيب سندوتشات وندخل ناكل قبل ما البنك يتزحم
وهما بياكلوا
ريم : اي رأيك نخرج بعد الشغل
قمر : كان نفسي بس للأسف مش هينفع
ريم : واي اللي منفعهوش يا بومه
قمر : جايلي عريس
ريم : بجد لولولولولولولوي
قمر : بــــــــس في اي لكل ده
ريم : في انك عروسه واني هبقي صاحبه العروسه
وهيصه وهيصه
ليدخل عليهم زين
زين : صباح الخير
قمر وريم : صباح النور
زين : اي الفرحه والهيصه دي
ريم : اصل قمر جايلها عريس
زين بفرحه : بجد مبروك يا قمر ربنا يتمم علي خير
قمر بصدمه من رد زين : الله يبارك فيك عقبالك
زين : قريب ان شاء الله عن اذنكوا
وسابهم وخرج وتظل قمر في صامته ومصدومه ليقطع هذا الصمت ريم : مالك يا قمر
قمر : ___________
ريم : قمــــــــر
قمر بخضه : اي في اي
ريم : انا اللي في اي برضو واللي انتي في اي
قمر : انا
ريم : اه انتي سكتي وسرحتي من ساعة ما زين كان هنا
قمر : انتي شوفتي كان فرحان ازاي
ريم بشفقه علي صاحبتها فهي تعلم انها تحبه : حاولي تنسي وقابلي العريس يمكن يكون نصيبك
قمر ومازالت مصدومه : ان شاء الله
ريم : طب انا هكلم احمد اقوله اني هاجي معاكي بعد الشغل
قمر : مفيش داعي عشان ميزعلش
ريم : مش هيزعل انا هقوم اكلمه
قمر : طيب
بعد قليل
ريم : وافق وبيباركلك
قمر : الله يبارك فيه
بعد انتهاء اليوم
يذهب ريم وقمر الي بيت قمر
وصلوا البيت ليدخلوا يسلموا علي هند
ريم : مساء الفل والياسمين علي احلي طنط هند في الدنيا
هند : مساء الورد يا قلب يا هند
قمر : وانا ابقي اي بقي
هند : حياة هند كلها
قمر : ربنا ما يحرمني منك يا روحي
هند : ولا يحرمني منك ابدا يا روح هند
لتقاطعم ريم : مش يلا بقي عشان نلحق نجهز قبل ما العريس يجي
هند بتذكر : اه صح يلا روحوا
دخلوا غرفة قمر لتتحدث ريم : ها هتلبسي اي بقي
قمر : نصلي الاول وبعدين نبقي نشوف هلبس اي
ريم : طيب
دخلت قمر الحمام تتوضأ وخرجت أدت فريضتها ودعت ربها يختارلها الصالح
بعد ان أدوا فريضتهم ريم : يلا بقي نختار الدريس اللي هتلبسيه
قمر : خلاص عرفت هلبس اي
ريم : اي
قمر بمزاح : نخرج بالاسدال
ريم بصدمه : اي
قمر : مالك اتصدمتي لي
ريم : اي اللي انتي بتقوليه ده
قمر : هو ده اللي عندي
ريم لا تهتم بكلام قمر وفتحت الدولاب لتختار دريس اوف وايت منقوش بورد بينك كان شكله تحفه
قمر : لا طبعا مش هلبس ده
ريم : لا هتلبسيه وإلا هندهلك طنط
قمر : لا خلاص بلاش ماما
ريم : ايوه كده انا هخرج عقبال ما تلبسي
قمر : ريم انا خلصت
لتدخل ريم قائله : ما شاء الله اي القمر ده
قمر : بلا قمر بلا نيله انا اصلا معترضه وانتي عارفه ليه
ريم : عارفه بس انتي شوفتي بنفسك هو فرح ازاي لما قولناله ع العريس معناها انه مش بيفكر فيكي
قمر : عندك حق
ليسمعوا صوت الجرس وتفتح لهم هند
هند بترحاب : اهلا وسهلا نورتونا
والد العريس : ده نورك يا ست هند
وبعد السلامات والترحاب
والد العريس : حضرتك عارفه يا ست هند احنا جايين لي
بس هقولك تاني انا مش هلاقي عروسه احسن من بنتك وتبقي بنتي وزوجه ابني
هند : وانا مش هلاقي احسن من ابنك عريس لبنتي بس برضو لازم نشوف رأي قمر الاول
والد العريس : طب هي فين عشان ناخد رأيها
هند : حاضر
وقامت ندهت قمر لتخرج وبعد قليل دخلت قمر لتنصدم
قمر بصدمه : انت
يتبع الفصل التالي اضغط هنا
الفهرس يحتوي على جميع فصول الرواية "رواية قمر الزين" اضغط على اسم الرواية
تعليقات
إرسال تعليق