رواية القط و الفار الفصل التاسع عشر 19 بقلم نورا نور
رواية القط و الفار الفصل التاسع عشر 19 بقلم نورا نور
زين اخد جاسمين من ايدها عشان تروح تعتذر لسيلا ولسه بيفتح الباب لقى اللى فى وشه وبتبص بصدمه وهى سيلا طبعا فقالها:متفهمنيش غلط والله انا كنت قاطعته وقالتله بصراخ وعياط:بس بس مش عايزه اسمع حاجه منك يا خا*ين يا انا*نى طلقنى طلقنى وطلعت تجرى وركبت عربيه كرم وساقتها بسرعه وهى بتعيط وعماله تعيط اكتر وتمسح دموعها عشان تشوف الطريق وكل شويه تفتكر ان جاسمين كانت معاه وكمان كان ماسك ايدها وبتقول شكله رجع حن انا بكرهه بكرهه وبتعيط جامد لدرجه انها مبتشوفش حاجه وهوب تلاقى عربيه قدامها وهوب كانت هتلبس فى واحد بس لحقت بسرعه وراحت الناحيه التانيه ووقفت وخدت نفسها وقالت الحمدلله الحمدلله يارب
لقت اللى بيزعق وبيقول:اما انتى مبتعرفيش تسوقى العربيه بتسوقيها ليه يا متخل*فه انتى
سيلا اتعصبت ونزلت تطلع اللى جواها فيه وقالتله:مين دى اللى متخل*فه يا حيو*ان ياللى مبتفهمش انت ثم انى بعرف اسوق غصب عنك انا اه غلطت بس مكنتش شايفه محدش قالك اطلع قدامى
الشاب بعصبيه:انتى اتجنن*تى يا بت انتى ازاى تتكلمى معايا كدا وبعدين اتعميتى ولا ايه انا هسجنك عشان مره تانيه بعد كدا تفكرى ميت مره قبل ما تعملى كدا ولسه هيكلم الشرطه اخدت منه الفون ورزعته على الأرض وركبت العربيه وجريت بيها وهو اتعصب واخد نمره العربيه واتوعد انه يوريها
عند زين
واقف متعصب مش عارف يعمل ايه وعمال يقول كل حاجه بتبوظ كل حاجه حتى هى مسمعتنيش ليه لييه وبيخبط ايده فى الحيط جاسمين مسكت ايده وقالتله كدا غلط يا زين دا مش حل احنا لازم نروح نفهمها
زين بعصبيه:افهمها افهمها ايه هى مدتنيش فرصه اصلا هى عشان زعلانه منى تشك فيا لا مش هفهمها حاجه وكدا خلاص وانتى كمان دورك انتهى وخمس دقايق وهتغو*رى من هنا
جاسمين مش فاهمه وقالتله:يعنى ايه
زين ببرود:هتعرفى دلوقتى
جات الشرطه وجاسمين اتصدمت وبرقت وقالتله:زين انت هتخليهم ياخدونى
زين بضحك:اه مفكرانى هسيبك بعد كل ده كدا تؤ تؤ بتحلمى دانتى اكبر نص*ابه وغشاشه مكنتش عايز اعمل كدا اول مره وقولت يمكن تندمى وعشان كنت مفكر انى بحبك فمش قادر اعمل كدا بس انا مبحبكيش وانتى غلطتى لما حاولتى تضحكى عليا المره التانيه ودا جزائك يلا خدوها من هنا مش عايز اشوف وشها
جاسمين بتعيط وبتقوله:زين لا يا زين اخر مره خلاص ندمت وهما بيشدوها وبيقولولها:يلا واخدوها ومشيوا وهو فرحان عشان خلص منها ومدايق من سيلا ومن انها صدقت مع انه كان مستنى الاول انها تعتذر لسيلا وبعدين يقبض عليها بس يلا وقعد يقول لا لا انا مش لازم استسلم انا بردوا لازم احاول انا بس كنت بتكلم بعصبيه عشان كدا قولت كدا بس انا بحبها ومش هخليها تبعد عنى ابدا وراح خد عربيته ومشى على بيت كرم
عند كرم
وصلت سيلا وقفلت الباب وقالتله بعياط:كرم كرم الحقنى بيخ*ونى بيخ*ونى شوفته معاها وماسك ايدها وكان طالع عايش حياته عادى وسايبنى رجع حنلها
كرم:اهدى اهدى بس يا حبيبتى يمكن فيه سوء تفاهم زين بيكره جاسمين اصلا وبيحبك انتى ونفسه ترجعيله
سيلا بعياط:لا لا يا كرم شوفته بعنيا
كرم:اهدى انتى الاول بس طب هو قالك ايه
سيلا:انا مرضتش اسمعه ومش عايزه اسمعه
كرم:غلط يا سيلا غلط كان لازم تديله فرصه وبعدين تقررى انتى عشان اتصدمتى بس فتسرعتى ومش عشان زعلانه منه تعملى كدا
سيلا بعياط اكتر:طب ملكش دعوة بيا بقا وخلى صاحبك ينفعك هه وقعدت تعيط
قام كرم حضنها وقالها:سيلا انا مش عشان هو صاحبى بس بالعقل كدا انتى عارفه ان مستحيل زين يرجع تانى لجاسمين وهو اصلا طلع مبيحبهاش هو قالى كدا وقالى انه بيحبك وعايزنى اساعده عشان ترجعيله وانا شوفت الصدق فى عيونه مش انتى بتثقى فيا
سيلا فرحت من جواها انه عايزها ترجعله بس حلفت لتوريه الاول فقالتله بفرح وهى بتمسح دموعها:يعنى هو قالك كدا بجد بس جاى دلوقتى يعرف انه بيحبنى دانا هخليه يلف حوالين نفسه اصبر عليا
كرم ضحك وقالها:اكيد هنخليه يقول حقى برقبتى
سيلا ضحكت وقالتله:عبيبى عبيبى
كرم بضحك:عبيبك يلا يا بت من هنا
سيلا بضحك:معلش حبيبى هو زين وبس وضحكت وقالتله صحيح انا زعلانه منه بس انا بحبه اوى وسرحت
كرم ضحك وضربها على قفاها وقالها:ايه يا محنو مفيش كرامه كدا خالص كتك نيله يلا يا بت من هنا
سيلا ضحكت وقالتله:امم غيران عشان انت لسه متجوزتش ولا حبيت حتى هنفرح فيك ااا قصدى هنفرح بيك امتى
كرم:انا اغير ومنكوا يلا يا معف*نه وملكيش دعوه مش هتجوز هه وضربها على قفاها ومشى بسرعه وهى قالتله بغيظ:والله لوريك
بعد شويه سيلا راحتله وقالتله:كرم عايزه اقولك حاجه
كرم:قولى ياختى
سيلا:كن ولسه هتكمل رن الجرس فهى اتوترت وقالتله:اكيد هو بص لازم يبان انى متعصبه لازم اوريه هه وعملت نفسها مكشره ومتعصبه وراحت جابت ازازه مياه واستخبت ورا الباب وهى بتفتح ودلقتها وبعدين حصل......
يتبع الفصل التالي اضغط هنا
الفهرس يحتوي علي جميع فصول الرواية
" رواية القط و الفار " اضغط على اسم الرواية
تعليقات
إرسال تعليق