رواية سأنتقم لقلبي الفصل الثالث عشر 13 بقلم زينب عادل
رواية سأنتقم لقلبي الفصل الثالث عشر 13 بقلم زينب عادل
هنا واللهي بقا عرفت منين دي حاجة تخصني واه هو انتي مفكرة ان ممكن اخلى جوزي يتجوز واحدة تانية ولا واحدة تاخد جوزي مني لا انتي ولا اي حد يقدر ياخد جوزي مني اوعي تكوني مفكرة اني هاجي اقولك خلى بالك من جوزي واعيط واقول دا جوزي وبحبو بس هو هيتجوز لا يماما مش انا بتاعت الكلام دا انا جوزي دا بتاعي محدش يقدر ياخدو مني ولا هسمح لحد يشاركني فيه فاهمة وبعدين اه صحيح اهلك صعايدة ياترى لوح عرفو بعمايلك دي هيعملو اي فيكي اممم تخيلى معايا كدا
ميار برعب ودموع مش هتقوليلهم صح اوعي تقوليلهم وحياة ابنك والنبي
هنا ببرود وهي تاخذ كاس العصير وتشرب منه
هنا اممم طعمو حلو العصير دوق العصير كدا يا يوسف
يوسف ماشي وامسك كاس عصير وشرب منها اممم طعمو حلو فعلا
ميار ببكاء مش هتقولى لبابا صح
هنا لا انا مكنتش هقول لباباكي اصلا يعني كنت هقول لرامي انك بتخونيه مع صحبو اوووف يعيني صعبان عليا اوى رامي دا بيحبك اوى ومستعد يعمل اي حاجة عشانك وبيحاول يثبت لباباه انو قد المسؤلية وبيشتغل ليل ونهار مع دراستو علشان بس يتقدملك وباباه بيقسى عليه قد كدا ومخليه بيسافر كمان للشغل بس انتي في المقابل خنتيه مع اعز صحابو وكنت هقول وابعت كام صورة كدا وكام تسجيل لجدك كدا تفتكرى جدك كان هيعمل فيكي اي اممم هو معندوش غير حل من الاتنين يا يقتلك يا يجوزك لابن عمك وانتي عارفة ولاد عمك عاملين ازاى
ميار برعب وبكاء والله هعمل الى انتي عايزاه بس متقوليش لحد اي حاجة والله ومش هقول لحد بس والنبي متقوليش لرامي ولا لجدي
هنا بابتسامة ماشي بس عايزة اسئل سؤال
ميار حست بشوية راحة لما قالتلها انها مش هتقول لحد
ميار اسئلى الى انتي عايزاه
هنا بتحبي رامي
ميار ببكاء اه
هنا كمان الله يعني انتي بتحبيه وخنتيه وكنتي عايزة تتجوزي واحد غيرو
ميار والله والل
هنا هشششش ششش مش عايزة صوت خلاص زمانهم جاين اسكتي مش هقول لحد بس الجوازة دي مش هتم وهترفضي عمر وهتقولى لباباكي انك مش موافقة علشان مش عايزة تبقي ضرة ومرات اب وان انتي مش موافقة على عمر ماشي
ميار وهي بتهز راسها حاضر حاضر
هنا قومي يلا اغسلي وشك من العياط والمكياج الى باظ دا
قامت ميار بسرعة وجريت على اوضتها بسرعة
يوسف بتصفير وتسفيق وااااو اي دا اي يابت الجبروت دا اومال كنتي قالبة مناحة في البيت ومش مسمحاك ياعمر وانتي عارفة كل حاجة اهو
هنا بضحك كنت عايزة اخلى عمر يحس بالذنب هو وحمايا العزيز وحماتي تبقا معايا في صفى وبعدين اومال مثلا هسكت ومش هعرف حاجة ولا مين الى عايز يخطبها دي
يوسف اه صحيح عرفتي كل دا منين دا انتي طلعتي مش سهلة اهو
هنا امم عرفت منين عرفت بطريقتي بقا وخلاص
عمر دخل في اللحظة دي وقال طريقة اي
هنا على ان ازاى حمايا العزيز كان قاعد هادي دل دا من ساعة ما اتكلمت
عمر وهو بيدي هنا شنطتها وشنطة تانية مليانة شوكولاتة
هنا بفرحة كل دي شوكلاتة ليا
عمر بابتسامة اه كلها
يوسف علفكرة انا قاعدة معاكو من الصبح مش شفاف انا كمان عايز شوكلاتة
هنا لا مليش دعوة دي بتاعتي
دخلت هدى ووالدة ميار وشافو هنا ويوسف بيتخانقو على شنطة
هدي في اي
هنا بتذمر وحزن يوسف عايز ياخد الشكولاتة بتاعتي
هدي بس يا يوسف ملكش دعوة بيها
يوسف يا امي معاها شنطة اد كدا خليها تديني واحدة حتى
هنا لااا دول بتوووعي انا
يوسف يارخمة انتي معاكي كتير
هدي بااااس اي خلاص يا يوسف ابقا لشتري شكولاتة في اي وقت مش لازم تاخد منها دلوقتي يعني
يوسف بعند. لا مليش دعوة ومش هشترى كمان انا عايزى دلوقتي ومن الشوكلاتة دي بس
هنا بعند لا دي بتاعتي اوعى اشتري غيرها
دخل ابراهيم وعمار على صوتهم
ابراهيم في اي
هنا وهي بتجري وتقف ورا ابراهيم يوسف عاوز ياخد الشكولاتة بتاعتى ومش رادي يسكت خليه يسكت
ابراهيم برفع حاجب بتتخانقو على شوكولاتة
يوسف بزهق يابابا انا عاوز اكل شوكلاتة عمر جابلها شوكلاتة كتير مش راضية تديني واحدة دى هتاكلها لوحدها
هنا من هلف ابراهيم يلا يا كداب احنا اتنين ابني كمان عوز ياكل شوكولاتة وبعدين اشترى لنفسك الله
عمار بضحك والله انتو اطفال اي شغل الاطفال دا
ابراهيم خلاص يا يوسف هي الشكولاتة بتاعتها سبها ابقا اشترى لنفسك غيرها وخلاص
يوسف يابابا معاها كتير
ابراهيم خلاص بقا اي التفاهة دي دي شوكولاتة يا يوسف ابقي اشترى الى انت عاوزو بعدين
نهي اومال فين ميار مش كانت قاعدة معاكو
هنا اه وبعدين قامت ودخلت اوضتها قالت هتعمل حاجة مهمة
نهي طب انا هدخل اشوفها وخرجت من الاوضة الى قاعدين فيها وراحت لاوضة ميار
هنا بهمس عايزة اجيب الوليه دي من رقبتها
يوسف اهدي اهدي يما خلاص لحد يسمعك
جلسو جميعا وبعد قليل دخلت نهي وميار وميار قعد جمب باباها وبصت لهنا وبعدين خدت نفس عميق
ميار انا عايزة اقول حاجة والكل موجود
عمار قولى ياميار
ميار وهي تنظر لهنا وعمر بابا انا قررت ان الجوازة دي........
~~~~~~~~~~~~~
يتبع الفصل التالي اضغط هنا
الفهرس يحتوي على جميع فصول الرواية
" رواية سأنتقم لقلبي" اضغط على اسم الرواية
تعليقات
إرسال تعليق