رواية الدكتوره والمغرور الفصل الثامن
نيره بعصبيه: انت بتعمل ايه هنااا
حسام بدموع: ارجوكي يا نيره متجوزيش زين ده ميستاهلكيش اصلاا والله
سمع صوت من وراه بيقول
زين: وانت بقا الي تستهلها صح
حسام بصدمه وتوتر: زين انت جيت امته
زين راح بكل هدوء وقف جنب نيره ومسك ايدها وقال
زين: من ساعت متتجوزيش زين يا نيره
حسام بانفعال: ايوا يا زين انت متستهلش نيره ومش هسمحلك تخدها مني
زين بعصبيه ضربو بلبوكس وقعو علي الارض وفضل يضرب فيه
نيره بدموع: خلاص يا زين علشان خاطري ياا زيين
وراحت علشان تقومو من علي حسام زين زقها وقعت علي الارض
نيره بصراخ: زيييين
زين بخوف عليها وطلع يجري عليها: نيرره انتي كويسه نا اسف والله قومي مكنش قصدي
نيره بدموع وعصبيه: ابعد عني يا زين ابعد
حسام جيه من وراه ولسه هيضربو
نيره بصرااخ: زييين اوعااا بسرعهههه
زين بحركه سريعه مسك ايدو ولسه زين هيضربو
نيره مسكت ايدو وقالت بدموع: زيييين لا علشان خاطري كفايه بقاا
زين بغيره: خايفه عليه صح
نيره بتوتر: اي الي انت بتقولو ده يا زين انا بس مش عاوزه حاجه تحصلكو انتو الاتنين يعني مش هفضل سيباكو تضربو في بعض كده واقف ساكته
زين بعصبيه: انزل يا حسام من وشي وابعد عن طريقي احسنلك انت عارف انا اقدر اعمل فيك ايه كويس نا باقي علي مراتك وبنتك الي هحرمك منهم قريب
حسام وهو بيمسح بوقو من الد..م: ماشي يا زين مش هخليك تتهنا بيها
وسبهم ومشاا
نيره بعصبيه: اي الي انت عملتو ده انت كل حاجه عندك ضرب كده يا زين في ايييه
زين ببرود: ياله يا نيره قدامي
نيره: انت ازاي كده بجدد نا مش ممكن اكون علي زمتك يوم واحد نا راضيه بكل الي هيحصلي من حسام اخسر شغلي واخسر كل حاجه بس مبقاش مراتك وعلي اسمك يوم واحد
زين بعصبيه ومسكها من دراعها: انت مفكره نفسك اييه نا مبترفضش يا نيره نا ارفض بس امال اترفض دي لاا اتفضلي قدامي احسن متشوفي مني وش مش هيعجبك انتي فاهمه
نيره بوجع: سيب دراعي يا زين انت بتوجعني كده
زين استوعب الي كان فيه وبعد عنها وقال: ياله يا نيره هستناكي خمس دقايق في العربيه ولو مجهزتيش هطلع اخدك بلعفيه انتي فاهمه
نيره بدموع: انا مش عوزاك يا زين
زين ببرود: مش بمزاجك هستناكي في العربيه ولو منزلتيش صدقيني هتصرف تصرف مش هيعجبك
زين سبها ونزل وهي وقعت علي الارض وفضلت تعيط وتصرخ..
وبعد شويه كانت جهزت ونزلتلو
زين بصلها باعجاب بشكلها وسرح في جمالها وبعدين افتكر كلامها وقال فنفسو
زين: لا يا زين فوق انت لازم تأدبهاا
نيره ركبت ورا جنبوو
زين بهدوء: اطلع يا محمد علي الفيلا ياله
محمد: حاضر يا بيه
فضلو طول الطريق ساكتين وكل واحد في دنيا تانيه لغايت ما وصلو
زين نزل وفتحلها الباب ومد ايدو ليها
نيره مدت ايديها ليه ونزلت ودخلو الفيلا وايدو في ايديهاا
"لقد زرعوا فينا خذلانًا نخشى بعده كلّ يد تمتد إلينا وإن كانت صادقة..."
وبعد شويه سمعت المأذون وهو بيقول
بارك الله لكما وبارك عليكما وجمع بينكم في خير
نيره غمضت عيونها بقهره وتعب
زين بصلها لقاها بتعيط مسك ايديها بلطف وباسهاا
زين: الف مبروك
نيره بدموع: الله يبارك فيك
ياسمين بفرحه: حبايب قلبي الف مليون مبروك ربنا يرزقكم بذريه الصالحه ياارب
نيره بسخريه: يااارب
زين بهدوء: ياله يا نيره
نيره: علي فين
ياسمين: استنا طيب يا زين لم حسام يجي يباركلكم مش عارفه هو اتاخر كده ليه
زين بسخريه: لا يا حبيبتي مباركتو وصلت ياله همشي نا
ياسمين بدموع: متتاخرش عليا يا زين يومين وتعالو علي هنا علطول
زين باس دمغها وقال: حاضر يا حبيبتي خلي بالك من نفسك
وراح شال ريماس وقالها: خلي بالك من ماما يا ريماس ومطلعيش عينها زي عادتك
ريماس بعيط: متمشيش يا خالوو مين هيحكيلي الحدوته
زين بحب: مش هتاخر عليكي يا حبيبتي والله
كل ده ونيره واقفه بعيد بتبص عليهم وافتكرت ان ملهاش حد يخاف عليها كده ومحدش فارق معاه وجودها او غيابها مسحت دموعها وابتسمت لم لقيت ياسمين داخله عليها
ياسمين حضنتها وقالتلها: متزعليش يا حبيبتي انا كنت برضو لوحدي كده ومكنش حد جنبي غير زين وهو دلوقتى معاكي صدقيني انتي محظوظه اوي واحنا عيلتك الجديده
نيره حضنتها ااقوي وفضلت تعيط
ياسمين بعدتها وباست دمغها وقالتلها بهدوء: خلي بالك علي نفسك يا حبيبتي ونا هستناكي هنا علشان خلاص بقا هنعمل كل حاجه سوا اتفقنا
نيره وهي بتمسح دموعها: حاضر
زين واقف بعيد وبيبصلهم بحب
ياسمين: ياله يا زين بقا خد مراتك يا حبيبي وامشوا
زين بحب: حاضر يا حبيبتي خلي بالك من نفسك
وخد نيره وركبو العربيه
نيره: هو احنا راحين فين
زين: علي الفيلا التانيه
نيره بتسغراب: هو انت عندك فيلا تانيه
زين: اه صغيره عن دي وبحب القاعده فيها اكتر وبعدين يومين تلاته وهنرجع تاني علطول
نيره بلا مبالاه: تمام
وبعد نص ساعه وصلو زين نزل فتحلها الباب
زين: اتفضلي
نيره: شكرا
زين: العفو
ودخلو ونيره اندهشت من جمالها وهدوءها
زين: عجبتك
نيره: اوي حقيقي جميله جداا
زين: فرحت انها عجبتك تعالي اوريكي اوضتك علشان ترتاحي
نيره: تمام ياله علشان هموت وانام
زين: تعالي
وخدها علي اوضتها وكانت جميله اوي والوان كل حاجه فيها مريحه وهاديه
زين: دي اوضتك اتفضلي ادخلي وارتاحي
نيره: تمام متشكره جداا
زين سبها ومشا وهي قفلت الباب وراه ودخلت علشان تشوف حاجه تلبسها ولقت في الدولاب بجامات كتير جداا وفيها كل الالوان الي بتحبها والاستايل الي بتحبو
نيره بستغراب: هو ازاي عرف ان بحب الالوان دي والاستايل ده ياله عادي بقا
ودخلت تاخد شاور علشان تنام
خرجت سرحت شعرها ولبست البجامه وراحت علشان تنام معرفتش
نيره: اووف بقا في ايه مش عارفه انام ليه امقوم انا خايفه ولا اييه اكيد لازم اكون خايفه الاوضه كبيره اوي وهدوء غريب يعني لو رحت ل زين وقولتو اني انام معاه في الاوضه هيقول حاجه امروح ونجرب
قامت علشان ترحلو
نيره: اخ يا ترا انهي اوضه بقا هو نايم فيها
شافت اوضه جنب اوضتها قالت: اكيد هي دي
وراحت خبطت قام فتحلها زين وهو عاري ولافف فوطه بس
نيره بصراخ وغمضت عنيها: اي دااا متلبس يا عم انت
زين بضحك: انتي مراتي علي فكره ف عادي يعني عموما جايه عاوزه ايه
نيره: البس الاول بس
زين: تمام استني ثواني
وراح لبس ورجعلها
زين: هاا عاوزه ايه
نيره بكسوف: هو ممكن انام معاك في الاوضه علشان خايفه انام لوحدي
زين بسخريه: معقوله الدكتوره نيره خايفه تنام لوحدها
نيره بعصبيه خفيفه: انا اصلا الي استاهل اني جيتلك عن اذنك
زين لحقها وشدها ليه وبقا تقريبا قريبين لبعض اوي
نيره بتوتر من قربو: زين ابعد
زين بضحك: ولو مبعدش
نيره: زيين اوعا بجد بقا
زين شدها ليه اكتر وسرح في عيونها
نيره بسرحان في عيونو: انت ازاي جميل كدا
زين بصوت يخطف القلب وهادي : جميل علشان قريب منك
نيره فاقت من الي عملتو وقالت: زين سبني لو سمحت
زين سبها وبعد عنها وقال: انا اسف مكنش قصدي
نيره بتوتر وكسوف: ولا يهمك ممكن انام بقا
زين بضحك: طبعا اتفضلي
وراحت علشان تنام علي السرير لقت زين نام جنبها
نيره: اي دا انت هتنام جمبي
زين: والله ده سريري ونا مبعرفش انام علي الكنبه ولا علي الارض
نيره بنرفزه: يعني انا الي اقوم انام علي الارض
زين ببرود: براحتك
نيره: ماشي تمام انا هقوم انام علي الارض انا
زين: تمام خدي مخده اهي وخدي اللحاف ده علشان الجو برد شويه
نيره بغيظ منو: ده انت مستفز هات
وحطت المخده علي الارض ونامت
زين استنا لغايت منامت واتاكد انها نامت وقام شالها حطها جنبو وخدها في حضنو ونام
تاني يوم:
نيره صحيت لقت نفسها في حضن زين وحضنها بقوه
نيره بكسوف: زيين يا زيين
زين بنوم: اممم
نيره: سبني عاوزه اقوم وبعدين اي جابني هنا
زين شادها اكتر ليه وقال: نامي يا نيره علشان عاوز انام
نيره: زين ابعد انا عاوزه اقوم
زين فتح عينو وبصلها وقالها: نيره قولت نامي ياله علشان لا انتي هتقومي ولا انا هقوم
نيره بعصبيه: ونا مالي انت مش عاوز تقوم نا مالي يعني
زين: نيررره اسكتي ونامي ياله احسن مخليكي تسكتي بطريقتي
نيره بعناد: والله طب وريني هتخليني اسكت ازاي
زين نزل لمستواها وباسهاا بوسه طويله وبعد عنها علشان تقدر تاخد نفسها
نيره بصدمه: اي الي انت عملتو ده
زين بضحك: قولتلك نامي وانتي مرضيتيش
نيره لسه راحه تكلم زين سبقها وباسها تاني وشدها لحضنو
نيره بهدوء وصدمه: زيييين ابعد عني قولت
زين: هتنامي ولا نكررها تاني
نيره خافت وغمضت عينها وسكتت زين شدها لحضنو اكتر وبصلها لقاها نامت ضحك ضحكه بسيطه وباسها من خدها ونام
وبعد شويه سمع صوت تلفونو بيتصل
نيره بنوم: زين قوم شوف مين الفون بيتصل من سعتها
زين: سبيه يرن
نيره: قوم يا زين ليكون في حاجه الفون بيرن بقالو كتير
زين قام بعصبيه لقاها ياسمين رد
زين: اي يا ياسمين في ايه
ياسمين: ........
زين بصدمه: اييييه طب اقفلي انا جاي حالا
يتبع الفصل التاسع اضغط هنا
الفهرس يحتوي علي جميع فصول الرواية كامله"رواية الدكتوره والمغرور" اضغط علي اسم الروايه
تعليقات
إرسال تعليق