روايه مجنونه اخذت قلبي الفصل السادس
روايه مجنونه اخذت قلبي الفصل السادس
فى شقه زياد
زياد رجع البيت لقه كارما وخاله قاعدين مع اهله
زياد سلم عليهم وقعد
مصطفى؛بص يابنى انا وخالك اتفقنا انه فرحك انت وكارما هيكون خلال يومين لانه خالك مسافر
زياد بضيق؛تمام شوفوا المعاد اللى تحبوا وانا موافق على اى حاجه بعد اذنكم وسابهم ودخل
كارما بصتله بحزن
نوال ؛معلش يا مدحت هو من الصبح فى الشغل وجاى تعبان
مدحت بحب؛انتى بتقولى ايه يا نوال زياد ده ابنى وعارف انه شغله متعب
مصطفى؛خلاص انتوا هتفضلوا عندنا لحد ما يتم جوازهم
مدحت بحب ؛وانا موافق
نوال؛تعالى يا كارما يا بنتى اوريكى اوضتك علشان ترتاحى
كارما بابتسامه ؛حاضر يا عمتو
نوال اخدت كارما ودخلوا الاوضه
كارما بحزن ،عمتو هو زياد مش عاوز يتجوزنى
نوال ؛ليه يا بنتى بتقولى كده
كارما :مش عارفه حاسه انه مضايق
نوال بحب ؛لا يا حبيبتى هو بس تعبان شويه ارتاحى انتى
كارما بشك؛ماشى يا عمتو
نوال طلعت وكارما فتحت شنطتها وحطت هدومها فى الدولاب وطلعت صوره زياد وافتكرت ذكريات طفولتهم مع بعض
كارما بحزن ؛انا بحبك اووى من واحنا صغيرين وانت عارف كده بس لو عرفت انه انت مش حابب تتجوزنى عمرى مش هوافق انى اتجوزك علشان كده لازم اتكلم معاك الأول
فى غرفه زياد
زياد وهو ماسك صوره كارما ؛انتى اكتر حد حبيته فى الدنيا بس مكنتش حابب انه ف يوم اتجبر عليكى ولا كنت عاوز اتجوزك بالطريقه ديه اول ما شفتك النهارده قلبى كان طاير من الفرحه ودقاته زادت بس حاولت مبينش انتى اكتر وحده عارف انه مبحبش حد يجبرنى على حاجه معرفش القدر مخبيلنا ايه
زياد كان سرحان فى الصوره وفاق على خبط الباب
زياد وفتح وكانت مامته ؛اتفضلى
نوال دخلت وقعدت قصاده على حافه السرير
زياد؛ف ايه تانى يا ماما
نوال بحزن؛يابنى انت ليه بتكابر ايه الفرق اذا ابوك قرر يجوزك كارما او انت من نفسك اللى قررت تتجوزها
زياد بعصبيه ؛علشان حضرتك اكتر حد عارف انه مبحبش حد يجبرنى على حاجه
نوال ؛بس انت بتحب كارما وكارما كمان بتحبك
زياد ؛بس مكنتش عاوز اتجوزها بالطريقه ديه خاالص
نوال بحزن ؛عموما يابنى انا جيت علشان اوصيك عليها واقولك اياك تفكر تزعلها كارما مش بس بنت اخويا ديه بنتى وانت عارف انه من وقت مو*ت مامتها وهى مش بتستحمل الزعل علشان كده اياك تزعلها لانه لو حصلها اى حاجه عمرى ما هسامحك وسابته وطلعت
زياد اتنهد بحزن واترمه على السرير بتعب
__________
عند يونس وتاليا
تاليا دخلت من باب العماره وهى ماشيه اتزحلقت ووقعت
تاليا ؛عااااااا اييييه ده مين الحيواا*اان اللى كابب زيت هناااا حسبى الله فيه عاااااا
تاليا حاولت تقوم وفجاه لقت حد واقف وبيضحك بتبص لقت يونس
يونس كان واقف مي*ت ضحكك عليها 
تاليا بعصبيه ؛انت اللى كبيت الزيت على الارض علشان اقع مش كده
يونس بضحك؛هههههههه اااه هههههه مش قادر منظرك يضحكك اوووى ههههههه
تاليا بعصبيه ؛طيب بس افتكر انك انت اللى بدات ماشى
يونس بضحك؛اعتبره ده تحدى
تاليا بنظرات تحدى :اعتبره كده يا سياده الرائد
يونس بضحك؛اموت انا ف البنات الشرسه موافق ومدلها ايده؛هاتى ايدك اساعدك
تاليا؛انا اطلب المساعده منك عااا ده لو همو*ت
يونس؛ماشى براحتك شوفى مين هيساعدك بقاا
تاليا حاولت تقوم بس وقعت تانى ويونس واقف بيضحك
تاليا كانت بتحاول تقوم ويونس كان واقف وشايف اصرارها انه تقوم لحد ما قامت ووقفت وبصتله بغيظ وعصبيه وطلعت شقتها
يونس بضحك ؛شكلى هتسله اووى خصوصا انه البنت ديه مش بتستسلم بسهوله
______________
فى فيلا السيوفى
ادهم وحسام رجعوا الفيلا
ادهم بخبث؛بقااا يابن ال*** انا غيران على نور وكمان احرجتنى قدامهم وخلتها تقعد جنبى دنا هطلع عين اهلك دلوقتى
حسام بضحك ؛هههههههه غيران نيهههه وجرى
ادهم؛خد يالااااا تعال هناا حسام طلع يجرى وادهم جرى وراه
حسام بضحك؛خلاص يا باشا سماح المرادى
ادهم ؛لا وطول القعده قاعد تغمزلى ل رزان ده على اساس واد جامد اووى
حسام بضحك ؛مراتى ياجدع
ادهم بصدمه؛مرات مين يا حيو*ان انتوا لسه اتخطبتوا الله يخرب بيتك
حسام وهو بيجرى؛الاه يا لمبى وبتخرب بيتى ليه انا لسه فتحته حرام دنا غلبان ههه
ادهم بصدمه ؛ينهار اسود ايه ده
حسام التفت وادهم جرى ومسكه
حسام بضحك؛على فكره ده غد*ر وانت ظابط وعارف انه ديه مش رجوله خاالص يا ادهم باشا
ادهم بيبص شاف الجرح
ادهم بصدمه ؛ايه اللى ف ايدك ده
حسام بتوتر وخوف .....
تعليقات
إرسال تعليق