رواية اسر قلبي الفصل الخامس 5 بقلم ندي رأفت

 

رواية اسر قلبي الفصل الخامس

وفجأه دخلت نغم اوضه الاجتماع ..وهي بتعيط وبتنهج ...

قام فارس بسرعه وقال : نغم ..مالك ..

نغم بعياط : هدير ..مش موجوده في البيت من امبارح ومش لقيها يا فارس .. واول ما سمع نبيل اسم نغم وهدير ...راح بص على نغم بسرعه ..وبعدها راح قام من على الكرسي ومشلش عينه من عليها ..

فارس : انتي بتقولي إيه يا نغم بس بسنت ..

نغم بعياط جامد ومبقتش قادره تاخد نفسها : مش.... وقته.... يا فا..ر..س..... وكانت هتقع ..راح اتحرك نبيل بسرعه ومس*كها .....

فارس بخوف : نغم ....

رفعت نغم راسها وعنيها مليانه دموع و بصت على نبيل بعدم تركيز نبيل جوا نفسه قال بصد*مه : نغم ..

..راحت فقدت نغم وعيها ...

راح فارس بسرعه وخد نغم من نبيل وشلها وقال بتوتر : انا اسف يا استاذ.. نبيل ..على كل الي حصل..بس انا لازم امشي بسرعه ...نكمل الاجتماع بعدين ...

نبيل وهو باصص على إي*د فارس الي على نغم قال وهو بيحاول يتمالك عصبيته : لا ...مفيش ...مشكله ...ولو احتجت...اي حاجه ...انا .....موجود ....عن إذنك ..وخرج ..ونزل ركب عربيته ..وبعدها رجع فلته....

عند فارس ...في العربيه ..

فارس بتوتر وهو بيكلم حد في التليفون : تدوروا في كل حته لغايه ما تلقوها ...

الراجل : إن شاء الله هنلاقيها متقلقش يا باشا

فارس : لو وصلتوا لأي جديد اتصلو بيا ..

الراجل : حاضر يا باشا ...وبعدها قفل فارس ..وقال لنغم : متقلقيش هنلاقيها ...اهم حاجه دلوقتي. انتي كويسه ولا نروح لدكتور ..

نغم بتعب : لما اطمن على هدير هبقى كويسه ...

وفجأه رن تليفون فارس تاني...راح رد فارس بسرعه

الراجل : هدير ..في الفله بتاعه حضرتك يا باشا .. ومخرجتش منها ..

فارس بستغراب : في الفله ..ازاي .. انت متأكد

الراجل : ايوه يا باشا ..متأكد..

فارس : طب سلام ..وقفل ..

نغم بلهفه : لقوها ..

فارس بستغراب: الراجل بيقولي ..ان هدير في الفله...ومخرجتش اصلا ...

نغم بصدمه : ازاي يعني ..انا دورت في الفله وملقتهاش ...

فارس : اهدي ..المهم ان احنا اطمنا انها في الفله ..ولما نروح نبقى نفهم كل حاجه ...

الكاتبه :Miyano shiho (ندى رأفت )

وبعد فتره ...

في فله فارس ..

دخلت نغم بسرعه قبل فارس ..

نغم: فين هدير ؟!!!

والده فارس : انتي ايه الي نزلك ..مش انا قولتلك ..إنها عند بسنت فوق ...

طلعت نغم بسرعه وراحت لاوضه بسنت وفتحت الباب ..لقت هدير قاعده مع بسنت جوه ..

نغم بعصبيه : انتي كنتي فين ..

راحت استخبت هدير ..ورا بسنت وقالت بعياط : متضر*بنيش ..يا نغم علشان خطري خلاص مش هغيب تاني..

نغم بتعجب: انتي بتقولي ايه..

بسنت : هدير ..كانت خايفه ...إنك تض*ربيها علشان غابت من المدرسه ..علشان كدا كانت مستخبيه منك ..

نغم : ايه الكلام الي انتي بتقوليه دا ..انا .. جيتلك وقولتيلي انها اتسحبت وخرجت بليل ومامتك شافتها ..

بسنت : اه ما انا اخترعت القصه دي علشان هي كانت خايفه ..منك ..

نغم : طب ازي . انا لما جتلك الاوضه ملقتهاش ..

بسنت : أصلها كانت مستخبيه في حمام اوضتي ..

هدير بتعيط: خلاص يا نغم علشان خطري بقا ..متض*ربنيش ..

نغم بعصبيه : وانا من امتى بض*ربك علشان بتغيبي يا هدير ايه كلام العيال دا ..

فارس دخل اوضه بسنت وقال : في إيه يا نغم ...بت*زعقي ليه ..

نغم بعصبيه : ال الهانم كانت مستخبيه وخايفه اني اضرب*ها لو غابت ..

ضحك فارس وقال : ومن امتى نغم كدا يا هدير ..حر*ام عليكي دا انتي وترتينا خالص ..

هدير : اصل نغم كانت زعلانه مني امبارح ..فأنا خوفت انها لما تعرف اني مرحتش انهارده تض*ربني

فارس : خلاص ..يا نغم ..اهدي ..دي لسه عيله صغير...

وانتي يا هدير ..اوعي تعملي كدا ..تاني ....ومتخافيش دا نغم بت*حبك جداا وعمرها ما هتعمل حاجه زي كدا .. ويلا اعتذري ...لنغم

هدير : حاضر يا عمو فارس ...انا اسفه يا نغم ...

فارس : روحي احض*نيها يلا ..جت هدير وحضنت نغم بخوف ...

نغم حست بقلق اكتر لما حضنتها ...

راحت قالت : يا هدير قوليلي انتي كنتي فين بجد ..وانا مش هعملك حاجه ..

فارس : يا بنتي ما الراجل بتاعي قالي انها في الفله ..ومخرجتش ..متقلقيش بقا ...ويلا بقا روحي ارتاحي شويه ...

خدت نغم هدير في ايد*ها وقبل يخرجوا من الاوضه ..

بسنت : متخافيش منها تاني يا هدير نغم طيبه ..راحت بصتلها هدير بتوتر ...وخرجت مع نغم من الاوضه ...

وبليل ....

خبطت نغم على مكتب فارس ...

فارس : ادخل ..

دخلت نغم ..

فارس : نغم ..في إيه ...حصل حاجه تاني ..

نغم: لا مفيش حاجه حصلت ..

فارس : اومال في إيه..تعالي اقعدي ..

قعدت نغم وقالت : لا انا بس كنت عايزه اشكرك على انت عملته معايا انهارده ..وعايزه اعتذر لاني عطلتك عن شغلك ..بس مكنتش عارفه اعمل ايه..

فارس : لا مفيش مشكله ...ولا عطلتيني ولا حاجه ...وبعد كدا بصلها بصه غريبه وقال : وانتي عمرك ما تعطليني على حاجه يا نغم ..أنا أقدر اعمل اي حاجه ليكي ..بس اشوفك مبسوطه

اتوترت نغم من نظراته وكلامه وقامت وقالت : شكرا جدا يا فارس ..عن إذنك ...وقبل ما تخرج ..

فارس : نغم ...

نغم : نعم يا فارس ...

راح قام فارس من مكتبه ...وجه وقف قدام نغم وقال : نغم ..كنت عايز ..اكلم معاكي في موضوع بس مش عارف ابدء بيه ازاي ..

نغم بتوتر : موضوع ايه ....

وفجأه نزل فارس على ركبه ...وطلع علبه كان جواها خاتم ألماس..وقال : تقبلي ..تتجوزيني...يا نغم ......

وفي الاثناء دي كان في حد واقف على باب الفله برا ...

وبيقول : استاذ فارس موجود ...

الخادمه : ايوه موجود ..اتفضل يا باشا ...اقوله مين ...

الراجل : قوليله نبيل الريحاني عايز حضرتك

يتبع الفصل السادس اضغط هنا

الفهرس يحتوي علي جميع فصول الرواية كامله" رواية اسر قلبي " اضغط علي اسم الروايه