رواية لعبه القدر الفصل الرابع
كريم: ممكن تحكيلي عن صحبتك الي كانت في الصوره شويه
شمس: نعم ي سي كريم لا انت زودتها كده وانا هقول لبابا
كريم: اي مسوره وانفجرت اهدي شويه الصراحه من ساعه ما شوفت الصوره وهي عجبتني وعاوز اكلم بابا اخطبها بس عاوز اعرفها شويه ومفيش غيرك يساعدني
شمس: لا اذا كان كده نقعد بقا ها ي سيدي عاوز تعرف اي
كريم: احكي ي شمس اسمها منين كده
شمس..........
كريم: اي رحتي فين ي بنتي
شمس: لا مرحتش بس ي كريم هي مش من هنا من الشرقيه ودي بعيده عنا جداا بابا ممكن مش يوافق وكذلك هي
كريم: سيبي بابا عليا اما هي دي فعليكي انتي
شمس: مش عارفه هحاول
كريم طب ها هتحكي
شمس: اسمها حور وولدها متوفي من وهي صغيره هي في هندسه زي سيدتك بس قسم كهربا..........
كريم: معاكي رقم ولدتها
شمس: اه
كريم: طب ادهولي علشان اتصل اخد منها معاد
شمس.........
كريم:كنت عاوز اتكلم معاك شويه ي بوي
والد كريم:الموضوع شكله فيه عروسه ها ي سيدي سمعك
كريم:حصل انا عاوز اخطب
والد كريم:ومين تعيسه الحظ دي بقا
كريم:صاحبه شمس
والد كريم:بنت مين في البلد يعني
كريم:لا هي مش من البلد هي من الشرقيه
والد كريم:ايييييه لا طبعا شوف واحده غيرها
كريم:بحبها يمكن مش شفتها غير مره بس بتعاقب عليها بحبها علشان خاطري وافق المسافه مش بعيده وانا هعمل كل جهدي ومش هخليكوا تسفروا كتير بس وافق انا بحبها وهكون سعيد معاها
والد كريم ماشي ي كريم اما نشوف اخرتها معاك خد معاد من اهلها
عند حور
والده حور: حور في عريس متقدملك وهيجي بكره
حور: نعمم عريس مين انا مش عاوزه اتجوز
والده حور: لامتي ي بنتي هتفضلي كده الي كنتي مستنياه مشي خلاص فكري في مستقبلك
حور: مستنيه مين اي الكلام ده انا مكنتش مستنيه حد
والده حور: ماشي ي حور بس انا اديته معاد واتصلت علي عمك هيجي يقعد معاه اعملي حسابك
حور: بس ي ماما
والده حور: ما بسش ي حور الكلام خلص🙂😒
طلعت وقفلت الباب وانا مش عارفه اعمل اي
والزفته دي مش بترد لي هي كمان دي عاشر مره اتصل اعمل اي انا دلوقتي 😔....... صح انا هتصل بيه
حور: ءادم
ءادم: عيونه
حور: الحقني ي ءادم
ءادم: في اي ي بنتي انتي مش بتكلميني الا وجيبالي مصيبه😒
حور متقدملي عريس
ءادم واي الي فيها دي طيب
حور: ي ءادم انا مش عاوزه اتجوز دلوقتي كلم ماما والنبي واقنعها
ءادم: ي بنتي هو انتي شوفتينا جوزناكي اقعدي معاه انتي بس وشوفيه وسيبي تطفيشه عليا 😉😂
حور: ماشي ي ءادم
ءادم طب يلا هطير انا ورايا شغل ☺️
حور: باي
تاني يوم
حور: لسه فاكره ي ختي تتصلي
شمس: اسفه والله بس كنت نايمه مسمعتش التليفون
حور: طيب ماشي
شمس: ماشي اي مفيش حاجه عاوزه تحكيها
حور: لا ي ختي وسبيني انام
شمس: نامي نامت عليكي الحيطه الي جنبك 😠
تيت تيت تيت
شمس: ي جزمه وكمان قفلتي
كريم: براحه ع خطيبتي ي بت نامت عليكي انتي حيطه
شمس: اتنيل انت وخطيبتك انت شفتها وافقت
بعد عده ساعات جرس الباب رن وقلقي زاد
والده حور: اتفضلوا
والد كريم: يزيد فضلك
والده حور: اعرفكوا ماجد عم حور الكبير
والد كريم: تشرفنا
ماجد: انا الي اتشرفت اتفضلوا
شمس: امال فين حور ي طنط
والده حور في اوضتها ادخليلها
حور: اي دا لا مش معقول الشبهه
يتبع الفصل الخامس اضغط هنا
الفهرس يحتوي علي جميع فصول الرواية كامله" رواية لعبه القدر" اضغط علي اسم الروايه
تعليقات
إرسال تعليق