رواية غرام صعيدي الجزء الثاني 2 الفصل الخامس 5 بقلم اسراء ابرهيم

 رواية غرام صعيدي الجزء الثاني 2 الفصل الخامس 5 بقلم اسراء ابرهيم 

رواية غرام صعيدي الجزء الثاني 2 الفصل الخامس 5 بقلم اسراء ابرهيم 

البارت الخامس

- شعرت فاطمة بانقباض قلبها وتحدثت لع ياما انا متوكدة ان انس لا يمكن هيجولها حاچة زي دي 

--اومال ايه الصوت ده تعالي نشوف وقبل ان يخرجو تحدثت سيدة بتحذير تعملي اللي جولتلك عليه يا فاطمة انتي سامعة 

- حاضر ياما والله ربنا بستر انا خايفة من حماتي جوي 

-چمدي جلبك يا بت ويلا بينا وخرجو ليجدو انس يلعب مع كامل طاولة وصوتهم عالي جدا وعرفة ابتسم لفاطمة ونظر لسيدة التي حركت رأسها بإيجاب ليطمئن علي ابنته فتحدث لها بحب تعالي يا بتي اجعدي جاري 

-ذهبت فاطمة بسعادة وجلست بجانب ابيها ونظرت لامها بطمأنة فهي حمدت ربها انها لم تكن حماتها التي بالخارج تنهدت بارتياح وسيدة ايضا فتحدثت بأحراج يا كامل انت ما صدجت يا ولدي الراچل عريس واحنا چاين ليلة صباحيته نتجل عليه اكده 

-انس برجاء ايه اللي بتقؤليه ده يا ماما سيدة ده بيتكو التاني ازاي تقؤلي الكلام ده والله كدة ازعل يبقي انتي مش معتبراني زي كامل 

--يعلم ربنا يا ولدي انت في معزت كامل وفاطمة بس يعني قاطعها انس وهو يتحدث باصرار يبقي مبسش طالما انا زي كامل يبقي خلاص مفيش من الكلام ده ووجه كلامه لفاطمة التي تنظر له بحب يلا يا فطوم قومي حضريلنا الغدا ولا شكلي خدت فيكي مقلب ومبتعرفيش تطبخي والله ارجعك معاهم تاني 

--فاطمة بتزمر بجي اكده ماشي يا كامل وضحكو جميعا علي تزمر فاطمة وكلام انس وقاطعهم جرس الباب فذهب انس ليفتح ووجدها امه واخته نورهان اهلا يا امي اتفضلي 

-تقدمت سيدة لترحب بها بحرارة اهلا يا ست فاتن الف مبروك ياختي عقبال ما تفرحي بعوضهم 

-فاتن ببرود اهلا بيكي ومش الاصول برضه كنتو خبطو عليا 

-نظرت سيدة لعرفة بتوتر فتحدث انس عشان كانو جايبين حجات كتير يا ماما مش جاين فاضين ثم هنا وهنا واحد تحت بيتي وده بيتي وبيت بنتهم 

-كامل لم يكن متابع ما يحدث فهو في عالم اخر اخذته نورهان اليه فمنذ دخولها وهو لم يري او يسمع اي شئ غيرها اما هي لاحظت نظراته وشعرت بدقات قلبها تعلو فابتسمت بخجل ووقفت بجانب فاطمة التي تنظر لانس بفخر فهو بلحظة استطاع ان يخطف قلبها هكذا 

-عرفة بجدية يلا يا سيدة همي بينا ووجه كلامه لابنته كويس اننا اطمنا عليكي يا بتي الله يهدي سرك 

-انس باصرار والله ابدا يا عمي عشان خاطري لو ليا غلاوة عندك نتغدي سوا ونشرب الشاي وبعدين امشو 

--غلاوتك يعلمها ربنا يا ولدي بس حدايا مصالح لازم اراعيها مرة تانية ان شاء الله يلا يا سيدة سلا يا كامل 

-نظر كامل لانس وتحدث بفرح متنساش الموضوع اللي حددتك فيه يا چوز اختي ياريت تعجل وتطمني ونظر لنورهان التي علمت ان الموضوع بخصوص ارتباطها فرد انس عليه 

-ان شاء الله يا كامل اللي فيه الخير يقدمه ربنا ورحل اهل فاطمة وفور ان اغلق الباب تحدث انس لامه بعتاب ليه كدة يا امي انتي ازاي تحرجي الناس كدة قبل ان ترد فاتن انسحبت فاطمة لغرفتها عندما وجدت انس يتحدث مع امه 

-ردت فاتن بغيظ وفيها ايه انا بعرفهم الاصول عشان هما معرفوهاش وعلت صوتها متعمدة لتسمعها فاطمة  

-الاصول بتقؤل انهم رايحين لبنتهم مش لحماتها هيا دي الاصول وعلي فكرة هما مردوش عليكي احتراماً ليا انا وانتي معملتيش ليا اي اعتبار وبتعاتبي الناس في بيتي عموما شكرا يا امي 

-ااه لحقت في يوم تقلبك عليا بنت سيدة والله لوريها ماشي يا انس وتركته ونزلت ونورهان نظرت لاخوها بقلة حيلة ونزلت وراء امها 

...................

-تحدث صقر لامه عزيزه وهو يجلس امامها خير ياما كنت عايزاني في ايه 

--عزيزة بحزم هتفضل اكده لحد ميتي يا صقر انا عايزة اشوفلك حتت عيل من صلبك يا ولدي عمالة اجول لنفسي دلوك هيتحددت بس لحد ميتي هتفضل اكده 

--صقر بهدوء ياما الحچات دي بتاعة ربنا وهو لسة مرايدش ان اخلف دلوك وانا مش مستعچل الموضوع ده براحته 

-عزيزة بغضب بس انا مستعچلة يا صقر انا مش هعيشلك العمر كله ونفسي اشوفلك حتت عيل يا ولدي مستكتر عليا يا صقر اني افرح بعيلك 

--صقر بغضب وهو يقوم بس اللي عايزاني اعمله ده صعب ياما وانا مش هجدر عليه انا فاهم انتي عايزة ايه بس انا مش هتچوز علي غرام انا ما صدجت لجيتها 

-وهو ده الحل الوحيد ما الدكاترة جالو انها مبتخلفش انت مستني ايه تاني انا كمان بحبها ويعلم ربنا بعتبرها زي صفية وفاطمة عندي بس انا برضك ام ونفسي اشوف لولدي حتت عيل جبل ما اموت نفسي اطمن عليك 

،-قبل صقر يد امه وهو يقول بعد الشر عنك ياما صدجيني انا مش عاوز عيال كفاية عليا غرام انتي ناسية ياما هيا تبجالي ايه هيا الوحيدة اللي جلبي عشجها ومش هجدر ابجي لواحدة تانية غيرها 

-عزيزة باصرار وانا جولتلك اللي عندي يا صقر يا تتچوز علي غرام ياما جلبي هيبجي غضبان عليك لحد ما اموت وتركته وذهبت وظل هو جالس واضعا وجهه بين كفيه 

...................

-فاق ادهم من النوم فخرج من غرفته وذهب للمطبخ واتصدم حين رأي زينب واقفة تعد الفطور والتفت حين رأته قادم فنظر لها ووجدها تلبس لبس بيتي وشعرها مفرود بلونه الأحمر الناري مع بشرتها البيضاء وعيونها الفيروزي فكانت مثل البدر فشعر ادهم بدقات قلبه لدرجة انه ظن بأنها سمعتها و نظرت له زينب مطولا وابتسمت بسخرية لكنها تفاجأت به وهو يقترب منها والشرر يتطاير من عينيه وتحدث بعصبية 

-انتي مفكرة حالك في بيتكو ايه الخلجات اللي انتي لبساها دي انتي اتجنيتي باينلك ازاي تطلعيي اكده جدامي 

-زينب بخوف من صوته العالي فيها ايه مش انا مراتك وانت جوزي ومفيش حد غريب متعصب ليه كدة بقي 

-استغفر الله العظيم جوزك ايه بس ونيلة ايه بصي يا بنت الناس ياريت متلبسيش اكده تاني عشان عشان ثم فكر قليلا ثم اجب ايوة عشان انا مدي المفتاح لواحد بيجي ينضف الشجة وممكن يجي في اي وجت فاياكي تخرجي اكده جدامي او تخرجي من اوضتك بيها من اصله واعية لحديتي زين ولا لع

-زينب باستغراب ماشي حاضر يلا تعالي افطر انا عملت فطار حلو اووي 

-روحي الاول غيري خلجاتك دي وحطي حاجة علي شعرك وتعالي افطري يلا 

- حاضر وذهبت زينب من امامه مسرعة لغرفتها وهي في عقلها لا تعرف هل هو كشف أمرها ام انه شخص اخر الذي تتعامل معه 

-اما ادهم فجلس علي كرسي السفرة وهو يتذكر ملامحها فحقا كانت جميلة واستغرب نفسه فهي اول مرة يشعر بالانجذاب لشخص وتعلو دقات قلبه في وجوده من بعد فاطمة فلم يشعر مثل هذا الشعور منذ مدة طويلة وانتبه علي صوتها انا جيت اهو يلا بقي ناكل 

- ادهم يتحدث وهو ياكل هو انتي مفتكرتيش اي حاچة من امبارح

--زينب بتوتر هه لا مش عارفة حاولت بس مش فاكرة خالص ثم انا واثقة فيك يا حبيبي انت اللي هتفكرني بكل حاجة 

- ادهم نظر لها وتحدث ببرود اه اه بعدين المهم عندي مشوار مهم للشغل هخلصه وارچع اوعي تخرچي من اهنه انتي سامعة 

-زينب بتأكيد طبعا طبعا مش هخرج اصلا هخاف احسن معرفش ارجع وتركها ادهم وذهب ليغير ثيابه وهي نظرت لاثره بغموض 

...........

دخل انس لفاطمة وجدها تجلس علي السرير فجلس بجانبها فهو يعلم انها سمعت كل ما قالته امه فتحدت بأحراج فاطمة انا مش عارف اقؤلك ايه بجد حقك عليا 

-لمست فاطمة وجهه بحب وتحدثت علي ايه يا انس محصلش حاجة اصلا عشان تجولي اكده 

-انا عارف انك سمعتي كلام امي بس يعني قاطعته فاطمة لتعفيه من الحرج ولا يهمك يا انس مامتك زي امي اكيد مش هزعل منها وكفاية عليا انك بترد عني دي كفيلة تخليني اعدي اي حاچة يا حبيبي 

--انس بعشق انتي ازاي كدة كل يوم بتخليني احبك اكتر من اليوم اللي قبله ثم تعالي هنا هو انتي لسة قايلة ايه 

-فاطمة بخجل ايه انا مجولتش حاچة 

- قولتي يا فاطمة واقترب منها جدا وتحدث بعشق عايز اسمعها منك قوليها يا فاطمة وريحي قلبي 

-نظرت فاطمة بعينيه ونطقت الكلمة ببطئ لكي يسمعها بوضوح فاردفت بحبك جوي يا انس 

-احتضنها انس بحب وهو يخبرها بأنه لم يعشق سواها فهي الوحيدة التي تربعت علي عرش قلبه وقضو اول ليله لهم سويا 

......................

-عندما كانت زينب لوحدها بالبيت امسكت الهاتف واتصلت برقم وانتظرت الي ان اتاها الرد 

-ها عملتي كل اللي اتفقنا عليه 

--زينب بثقة طبعا كل حاجة والفار بدأ يقع في المصيدة وسعتها مش هرحمه 

-ضحكة سخرية جدعة بس اوعي انتي اللي تقعي في شباكه ها 

-انا لا طبعا ده تعبان وانا مش هسمح انه يتلعب بيا زي ما اتلعب بيها لا انا غيرها 

-امممممم هنشوف في الاخر المهم انا عايزك تخليه يحبك معرفش ازاي بس لازم يثق فيكي عشان لو وثق فيكي هياخدك معاه البلد ويدخلك وسط اهله وسعتها هتعرفي تضربي ضربتك 

ماشي اقفل انت عشان زمانه جاي وقفلت السكة وفضلت تفتكر 

فلاش باااااك 

-قولتلك يا زينب متسأليش عالراجل ده تاني انتي فاهمة 

--ليه يا ماما انا عارفة انه عايش وعايزة اعرف هو سابنا ليه يا ماما انا مبقتش صغيرة ومن حقي اعرف بابا فين كل ما اسألك تقؤليلي مسافر مسافر طب وليه سايبك لوحدك 

--امها وهي تضغط علي دماغها بانهيار تحدثت بعصبية عشان خاين عرفتي ليه اتجوزني وسابني وانا حامل فيكي حتي مبصش وراه راح اتجوز واحدة تانية وسابني لوحدي حتي مستناش يشوف بنته اللي قدامها شهرين وتيجي للدنيا عرفتي ليه يا زينب جاية دلوقتي تقؤلي بابا فين انا مكنتش برضة اقؤلك الحقيقة عشان متزعليش وتكر*هيه مع اني انا كر*هته وكر*هت نفسي عشان اتجوزت بني ادم زي ده ودلوقتي عايزة تروحيله روحي يا زينب مش همنعك روحي يمكن تعرفي منه ليه رمانا زمان 

عودة من الفلاش باااك 

-مسحت زينب دموعها وهي تري ادهم يدخل من الشقة وعندما رأها هكذا ذهب تجاها بلهفة استغربتها هي منه

-ادهم بخوف مالك بتبكي ليه تعبانة اشيع اچيبلك الدكتور 

--نظرت له بصمت وهي تري رد فعله هكذا ثم تحدثت بهدوء انا كويسة متقلقش 

--اومال بتبكي ليه خبريني مالك متهملنيش اكده

-نظرت له مطولا وتحدثت ادهم هو انت بجد خايف عليا 

-ادهم باحراج ايوة طبعا مش مرتي لازم اخاف عليكي 

-نظرت له بغموض وتحدثت ادهم هو احنا كنا بنحب بعض قبل ما نتجوز 

-ادهم وهو يتهرب من الاجابة بجولك ايه جومي خشي ارتاحي في جوضتك وانا هشيع اچيب غدا من برا 

-تمام قامت من مكانها وذهبت ثم عادت مرة اخري وقبلت خده بخفة وتحدثت ربنا يخليك ليا يا حبيبي وتركته مصدوم من فعلتها تلك فهو لم يتحرك من مكانه يستوعب ما فعلته للتو وظل ينظر في اثرها 

.....................

صعد صقر لغرفته وظل يبحث عن غرام بعينيه فلم يجدها فخرج للبلكونة وجدها تجلس علي الكرسي والهواء يتلاعب بشعرها فاقترب منها وجلس بجانبها 

--غرامي مالك جاعدة اكده لحالك مش بعادة يعني 

--ابتسمت له بعشق وتحدثت عادي قولت احاول اجرب سعات الحجات اللي بتبقي غصب عننا لو جربنا نخليها تبقي برضانا مش هنحس اننا مغصوبين عليها 

-صقر باستغراب جصدك ايه انا مش فاهم حاچة عاد 

-نظرت له غرام بحب وامسكت يده وابتلعت ريقها وحاولت ان تتحدث بهدوء صقر انا موافقة انك تتجوز عليا .............

يتبع الفصل التالي اضغط هنا

الغهرس يحتوي على جميع فصول الرواية "رواية غرام صعيدي"اضغط على اسم الرواية