رواية ابن البواب الفصل الاول 1 بقلم اسراء حسام
رواية ابن البواب الفصل الاول
يعني اي يا بابا ازاي اللي انت بتقولو ده هيحصل بقا كارمين الدمنهوري تتجوز ابن البواب ازاي انا نص شباب البلد يتمنو نظرة واحده مني وانت تقولي اتجوز ابن البواب ده مستحيل
الاب بغضب كارمين ده اللي عندي وبعدين ابن البواب اللي مش عجبك ده يا كارمين بقا ناجح وقدر يبقا رائد والشغل عمره مكان عيب ابدا ووالده الله يرحمه كان اه بواب عندنا بس انتي عارفه انا عمري ما اعتبرتو بواب كان صديقي وده اخر كلام عندي يا كارمين بكرا كتب كتابك علي يعقوب
كارمين يعني اي يا بابا هو بالغصب يعني
بقلم اسراء هاشم
الاب لا يا كارمين مش بالغصب بس يعقوب انسب واحد ليكي
كارمين وانا مش موافقه علي حضرتك بتقولو
الاب كارمين لو موافقتيش كل حاجه هتتسحب منك العربيه والفيزا وكل حاجه وده اللي عندي يا كارمين
كارمين اوف بقا خلاص اللي انت شايفه وبتسيب كارمين والدها وهي بتس"ب وتلع"ن يعقوب فسرها
يعقوب في مكتبه داخل قسم الشرطه بيدخل ليه العسكري وبيادي التحيه وبيقولو في واحده برا عاوز يقابل سعادتك اسمو كمال الدمنهوري يعقوب اي دخلو فورا بيخرج العسكري
وبيدخل كمال وبيقوم يعقوب من مكانه بابتسامه وبيسلم علي كمال وبيحضنه وبيقولو منور المكتب يعمي
كمال بابتسامه منور بيك يا ابني بس انا جيلك النهاردة وطالب منك خدمه يا يعقوب وانت عارف انا بعتبرك ابني
يعقوب خير يعمي في حاجه ولا ايه انت عارف حضرتك معزتك غاليه عندي وفمقام والدي الله يرحمه
كمال وده العشم يا ابني بس اتمني توافق علي طلبي
يعقوب اتفضل يعمي وانا لو فايدي انفذو لحضرتك هعمله
كمال انا عاوزك تتجوز كارمين بنتي يا يعقوب
يعقوب بدهشه حضرتك بتطلب مني اتجوز بنتك
بقلم اسراء هاشم
كمال ايوة يا يعقوب كارمين هتبقا فامان معاك انت اكتر وكمان محدش هيقدر يغيرها غيرك انت كارمين من ساعه ما سابتها لوالدتها هي تربيها للاسف فشلت فتربيتها كارمين كل تفكيرها الفلوس والخروج وبس ومحدش هيقدر يغيرها غيرك انت عشان كدا انا متردتش اني اطلب منك الطلب ده وكمان انا مش مطمن عليها وانت عارف انا لو حصلي حاجه هما مش هيسبوها في حالها وممكن ياذؤها عشان خاطر الفلوس
يعقوب بعد الشر علي حضرتك اللي بتطلبو صعب وزي ما حضرتك قولت واضح من كلامك ان بنت حضرتك يعني دلوعه انا واحد طبعي صعب ومش هنتفق انا وهيا
كمال عارف يا يعقوب بس انا شايف انت اللي هتقدر عليها انا تعبت معاها اوي وهي مفيش فايده فيها وانا سني كبر يا ابني اتمني انك توافق علي طلبي انا لو مش عارف انك هتحافظ علي بنتي مكنتش جتلك وكمان بعتبرك ابني
يعقوب بيبصله بتفكير وبيقولو موافق يا عمي
كمال بابتسامه وانا كنت عارف انك مش هترفضلي طلبي بس في حاجه كمان كارمين عارفه انك رائد بس لكن انا مقولتلهاش انك عندك شركه ومعاك فلوس ورجل اعمال وانا مش عاوزها تعرف مش عايزها توافق عليك عشان خاطر انت راجل اعمال لا عاوزها تقتنع مفيش فرق بين غني وفقير وانا عارف انك قاعد فشقتك ومرضيتش تقعد في فيلا وده هيساعدنا اوي انها تتغير وتشوف الحياه الطبيعيه وتفهم
يعقوب اممممم فهمت قصد حضرتك واللي عاوز توصله انت عايزها تعرف اني فقير ومعيش فلوس
كمال بابتسامه بظبط كدا وكمان في حاجه كمان:::::::::::::::::
يعقوب بدهشه حضرتك انا هتصرف معاهم هما زودوها اوي
كمال اهم حاجه عندي يا يعقوب ميقربوش لي كارمين
يعقوب متقلقش يعمي انا هخلي بالي منها وهتبقا مراتي وهما مش هيقدرو يقربو منها بذات لما يعرفو انها بقت مراتي
كمال عارف يبني عشان كده طلبت انك تتجوزها لاني عارف انت الوحيد اللي هتقدر تحميها منهم وميقربوش منها وانا قولتلها وهي رافضه طبعا بس انا خليتها توافق التعامل معاها هيبقا صعب شوية بس صدقني كارمين طيبه وقلبها زي الطفله بس هي محتاجه اللي يساعدها وانا عارف انك قدها
يعقوب حاضر يعمي انا هنلذ كل اللي اتفقنا عليه
بيمشي كمال وهو حاسس انو مرتاح ان يعقوب وافق
كارمين بتكون فعربيتها وبتتكلم فالموبيل وهي بتسوق وبتكون بتكلم نادين صاحبتها وبتتكلم بعصبيه وبتقولها بابا مصمم اني اتجوز ابن البواب يا نادين شوفتي فالمصيبه اللي انا فيها بقا كارمين الدمنهوري فالاخر تتجوز ابن البواب
نادين طب وبعدين هتعملي اي هتوافقي علي اللي بيقولو
كارمين مش عارفه يا نادين مش عارفه وبيهددني لو موافقتش هيسحب مني كل حاجه يعني حطني قدام الامر الواقع برضايا او غصب لازم اوافق عشان ميسحبش مني الفلوس والعربيه وابن البواب ده انا هتصرف معاه
نادين انا هقولك انتي ممكن توافقي وتتفقي معاه تديلو فلوس وزي ما انتي بتقولي ابن البواب يعني فقير تديه كام الالف كدا وتتفقي معاه انو يطلقك ويقول لي ابوكي اي حاجه
كارمين بابتسامه معاكي حق هو اكيد كل اللي هيبقا عاوزة الفلوس وهتلاقيه واحد اصلا مش لاقي ياكل ومهيصدق
نادين بظبط كدا يا كوكي انتي فين احنا فنادي مستنيانك
بقلم اسراء هاشم
كارمين انا فالطريق جايه اهو وفجاه بتفرمل العربيه بسرعه لدرجه انها بتعمل صوت عالي مع احتكاك الارض وبتنزل كارمين من عربيتها بغضب وبتقول بغضب انت اعمي مش شايف كنت هتخبطلي عربيتي
بيقول الراجل حضرتك اللي جايه عكس وكنتي هتخبطي فيا وكمان بتتكلمي فالموبيل
كارمين بغضب انت كمان غلطان وعاوز تطلعني غلطانه
الراجل انا اسف يا انسه حصل خير
كارمين بغضب اعمل اي باسفك انت خبطتلي العربيه انت عارف دي تمنها كام اصلا عشان يجي واحد زايك ويخبطها
يعقوب بيكون سامع كل ده وبصصلها بكل برود بس بيضايق انها بتهين العسكري ايوة الراجل يبقا العسكري وكان سايق عربيه الشرطه وكان معاه يعقوب بينزل يعقوب بكل هيبه وبرود وبيكون لبس نضارته الشمسيه وبيقول بكل برود اعتذري حالا
كارمين افندم حضرتك بتكلمني انا
يعقوب ببرود وهو بيقلع نضارته ايوة انتي اعتذري حالا
كارمين بغضب انت ازاي تتجري اصلا تطلب مني كدا وبعدين انا اعتزر من مين اعتزر من ده وبتشاور علي العسكري بقرف
يعقوب بغضب هتعتزري حالا ولا اخدك علي القسم واللي مش عجبك ده عسكري وحضرتك عارفه عقوبة انك تغلطي في عسكري وكمان غلطانه وماشيه عكس وبتتكلمي فالموبيل
كارمين بقولك اي يا استاذ انت اعتزار مش هعتزر هو اللي المفروض يعتزر مني واذا سامحتو او لا
يعقوب بغضب ااااااميييييين
العسكري امين تحت امرك يا فندم
هاتها علي البوكس حالا
كارمين بصدمه وغضب انت مجنون انت مش عارف انت بتكلم مين انا هعرفك انت بتتكلم مع مين وازاي تتجرا تقولي كدا اصلا وبتخرج كارمين موبيلها عشان تتصل بوالدها
بيتعصب يعقوب وبيبقا علي اخرة وبيقول بصوت جهوري انا هعرفك ازاي تغلطي فيا واي ان كان انتي مين انا مش فارقلي وبيقرب منها يعقوب بغضب وبيسحب منها الموبيل وبيسحبها من ايدها بغضب وسط غضب كارمين واعتراضها وبتفضل تشد ايدها منو لحد ما بتشيل ايدو من ايدها
يعقوب لسه بيلف وشه ليها وطخخخخخخخخخخ وده بيكون صوت القلم اللي::::::::::::::::::::::::::::
يتبع الفصل الثاني اضغط هنا
الفهرس يحتوي علي جميع فصول الرواية اضغط علي اسم الرواية " رواية واه من الثأر "
تعليقات
إرسال تعليق