رواية عشق رحيم الفصل الاول
رواية عشق رحيم الفصل الاول
رحيم بصوت عالي جهوري هز أركان القصر.... انت بتقول ايه يا عمي عايزني اتجوز على ملاك وايه رقا"صه... رحيم الأنصاري يتجوز رقا"صه.... وياتري بقى بنت ولا مستعمله
هنا شمس قام من مكانه بغضب. رحيم من أمتي واحنا بنتكلم في أعراض الناس بالطريقه دي
رحيم بغضب. انت مش سامع عمي بيقول يا بابا.. عايزني اتجوز على ملاك
زين بحزن. دا الحل الوحيد عشان تخلف يا رحيم
رحيم. بس انا مش عايز اولاد لو مش من ملاك وكمان عايزني اجيب لولادي رقا"صه انا مقبلهاش علي ولادي
زين. يبقي عمرك ما هتشوف ولاد لك....
رحيم. عمي زين انت زمان خالتي زهره كان عندها مشكله في الحمل وتأخرت تمن سنين انت كنت صابر ومستحمل وراضي عايزني انا دلوقتي اتجوز على ملاك
زين. لان حاله ملاك مش زي حاله زهره... زهره كان ممكن تخلف.. إنما أنا وأنت عارفين ان ملاك لايمكن تخلف لأنها شايله الرحم
رحيم. وانا مقدرش أعرض ملاك لوجع زي دا
زين. دا رأي ملاك بنفسها يا رحيم ودي رغبتها هي بنفسها اللي طلبت مني ادورلك على عروسه
رحيم. انت بتقول ايه يا عمي ملاك هي اللي طلبت دا
زين بحزن. ايوه ملاك هي اللي طلبت ومش من دلوقتي كمان الموضوع دا من سنه وانا مكنتش لقى البنت المناسبه
رحيم بسخريه. والر"قاصه هي المناسبه ان ولدها يشيلوا اسم الانصاري
زين. لا الولاد هيبقوا ولاد ملاك البت دي هتبقى مجرد رحم تشيل الولاد وبعد كدا تطلقها او هي اللي تحمل وبعد كدا تاخد منها العيل وتطلقها
رحيم بصدمه. انت بتقول ايه... والبنت دي هتقبل لا يمكن طبعا
زين. البنت وفقت يا رحيم
رحيم. دا انتم مرتبين كل حاجه بقى اه وانت يا بابا موافق على بيحصل دا
شمس. انا عايز اشوف ولادك يا رحيم ودا حل يرضى كل إلاطراف
رحيم. لا يمكن اعمل كدا... لا يمكن
شمس. رحيم
رحيم بمقاطعه. هتقول ايه يا بابا
شمس. انت مش عايز تشوف لك ولاد من صلبك
رحيم. اكيد عايز لكن مش بالطريقه دي انا عايز بيت هادي
مش اروح اجيب واحده متسواش واخليها ام ولادي
شمس. دا الحل الوحيد يا ابني وبعدين ادي نفسك فرصه تفكر
رحيم. والبنت دي قبلتها فين يا عمي؟
زين. كان في ناس بيحاولوا يعتد"وا عليها وابوك لحقها واخدها على المستشفى لأنها كانت متبهدله خالص
رحيم.. يعتد"وا عليها؟! لا انتم بتهزروا صح... انتم عايزني اتجوز واحده زي دي
شمس. دا الحل اللي قدامك يا ابني وعلى فكره البنت دي انت متعرفش عن حياتها حاجه عشان تحكم عليها.. والبنت محدش قربلها
بيقطع حديثهم دخول مصطفى (اخو نجمه وزهره) ومعه ولاده الاتنين عاصي وعاصم
مصطفى. السلام عليكم ورحمة الله وبركاته
الكل. وعليكم السلام ورحمة الله وبركاته
مصطفي. كويس انكم كلكم متجمعين عايزك في موضوع يا شمس
شمس. اتفضل يا مصطفي
مصطفى. طب نادي على بنتك جميله وهات نجمه عايزهم في موضوع
شمس. حاضر وناد على نجمه وبنته جميله
كانت داخله مبتسمه وهي شايله صنيه عليها عصير وبتبص لعاصم لكن بسرعه بصت في الارض
مصطفى. يبقي على بركه الله بص يا شمس انا طالب ايد بنتك جميله لعاصي ابني
فجأه الصنيه وقعت من ايد جميله
كلهم بقوا يبصوا ليها
وخصوصا عاصي اللي ابتسم بخبث.. وعاصم اللي مكنش مهتم
يتبع الفصل التالي اضغط هنا
الفهرس يحتوي على جميع فصول الرواية "رواية عشق رحيم" اضغط على اسم الرواية
تعليقات
إرسال تعليق