رواية جحود اب الفصل الثالث عشر
رواية جحود اب الفصل الثالث عشر
جحود اب بقلم ندى الجندى
الفصل الثالث عشر
اسيا بصراخ اااااااااه محمد الحقنى
مروان ومحمد سمعوا الصوت طلعوا يجروا على خيمه اسيا وساره
محمد بخضه فى ايه ايه اللى حصل
اسيا تعبان
محمد شاف تعبان صغير جدا على الأرض موته وبعد كده بص لآسيا بغيظ
هو ده اللى انتى جريتينا عشانه
واحنا كان عندنا أبوه فى الخيمه بتاعتنا ومحدش سمع صوتنا ده اللى فضحتى الدنيا عشانه دا يتعامل معامله الصرصار ويداس عليه
اسيا منا بخاف من الصرصار برده
محمد محدش يحوشنى احنا غلطانين اصلا أن احنا عبرناكى ماكنش طلعلك كوبرا قفشت فى رقبتك وخلصتنا
مروان خلاص بقى يا محمد يلا
اسيا يلا فين هو احنا هنام هنا ازاى لا انا خايفه لاحسن نلاقى عقارب احنا لازم نمشى
مروان خلاص بقى يا اسيا احنا كمان شويه هنتسلق الجبال ولما نشوف الشروق هنمشى
اسيا لا هنمشى دلوقتى
مروان خلاص تعالوا نعد برا شويه على ما الكل يتجمع وبعد كده نمشى
اسيا ماشى فكره نميسه والله
محمد بصلها بقرف وطلعوا كلهم قعدوا بره وولعوا نار
محمد ما الناس كلها نايمه اهيه ومحدش طلعله حاجه غير حظنا احنا الاسو*د
مروان خلاص بقى يا محمد ما احنا ياما نمنا خلينا نفرح شويه
محمد وبعدين ايه الملل ده لسه ساعتين على أما الكل يتجمع هنعمل ايه دلوقتى
اسيا انا هبهركوا بصوتى وهاغنى
ساره الله انتى فنانه
اسيا طبعا
اسيا بدأت تغنى
وقالو سعيده فى حياتها واصله لكل أحلامها وباين عليها فرحتها فى ضحكتها وفى كلامها وعائشه كأنها فى جنه وكل الدنيا مالكاها وقالو عنيده و قويه مبيأثرش شئ فيها محدش فى الحياه يقدر يمشى كلمته عليها هاتحلم ليه وتتمنى مافيش ولا حاجه نقصاها وانا من جوايا عكس اللى شايفنها وعلى الهم اللى فيها ربنا يعينها
محمد بااااااااس الله يعكنن عليكى ايه الهم اللى جبتيهولنا واحنا قاعدين ده ايه ده
اسيا انت ايش فهمك انت دى ملكه الاحساس
محمد والله انتى اللى ماعندك اى احساس
احنا قاعدين فى رحله عايزين حاجه تفرفشنا عكننتى علينا حسبى الله ونعم الوكيل
انا اللى غلطانه مش انت قولت زهقان
اسكتى دا الملل ارحم
قعدوا يتكلموا شويه لحد ما الناس اتجمعت
وطلعوا يتسلقوا الجبل قبل ما الشروق يطلع عشان يشوفوا المنظر من فوق
وهما طالعين
محمد اااااه فرمتى رجلى
اسيا ياعم ماكنش قصدى الدنيا ضلمه امال الز*فت الفلاش ده بيعمل ايه نورى وشوفى
اسيا خلاص بقى مش حوار هو
محمد يااااه ياما نفسى ازقلك من هنا بس للاسف مش عارف عشان خاطر امك مع انها ممكن تشكرنى تصدقى
اسيا يا خرابى مش قادره هموت من الضحك الحقونى عيل سخي*ف
مروان خلاص بقا هو احنا واخدين معانا اطفال
وصلوا كلهم لقمه الجبل والشمس لسه بتطلع كان المنظر رائع
ساره طلعت الموبايل بتاعها وصورت المنظر دا من كتر ماهو جميل جدا جدا ياخد العقل سبحان الله ايه الجمال ده
اسيا الله الله الله ده احنا مكناش عايشين يا جدع
اسيا اه يا و*اطى بقى انت شوفت كل ده وانا ماتجبنيش غير مره
محمد وكانت غلطه
نزلوا بعدها من على الجبل
وركبوا بيتش باجى فى الصحرا
وبعد رجعوا الشاليه
اسيا بقولك ايه يامروان احنا قضينا ايام حلوه اهو فى دهب انا نفسى اوى اروح اسكندريه
محمد عيله وش فقر
مروان المسافه بعيده اوى من هنا الاسكندريه
ساره ماما الله يرحمها كانت بتحب اسكندريه اوى
مروان طب يلا يا جماعه البسوا عشان نروح
محمد بصدمه ايه بجد يا بنى المسافه كانت بعيده من شويه
مروان أنا اكتشفت ان عندها حق احنا على طول فى شرم والغردقه و دهب نجرب نروح اسكندريه
مروان بس انا مش هقدر اسوق كل ده
محمد نبقى نبدل انا وانت يلا
مروان اوووف انا تعبت فى استراحه قريبه احنا هاننزل فيها
نزلووا شربوا قهوه وكملوا الطريق
بعد ٨سعات وصلوا اخيرا
ودخلوا اكبر فندق فى اسكندريه وكلو طلع نام من إرهاق السفر
نزلوا فطروا
محمد يا عم كنا رحنا فندق فى دهب برده الحمدلله ماصحيناش على خضه
عارفه لو كنتى عملتى حركاتك إللى بتصحينا بيها دى كانو طردوكى
اسيا يلا نروح البحر
مروان استنى اما نسئل فين شط الفندق
اسيا لا شط الفندق الحجات النضيفه دى
انا عايزه شط عادى اللى هو المجانا ده اللى بتدخله كل الناس
محمد وده من ايه ده
اسيا نفسى اشوف ناس كتير وأكل حمص الشام على البحر واشوف الحجات الشعبيه دى نفسى اوى فاكر يا محمد احنا لما كنا اطفال قبل ما يبقى معانا فلوس كان ده المصيف بتاعنا مش الحتت الفخمه اللى احنا بقينا بنروحها دى
ساره بإستغراب انا بجد مستغربه أن فى حد كده الفلوس ماغيرتوش فى ناس كتير لما بتبقى معاها فلوس بتمحى كل الذكريات دى من دماغها وعمرها مابتحنلها
اسيا مش كل الناس
لمى تبقى كل الرفاهيه دى قدامك هتحنى تانى لأيام دى
مروان خدهم فعلا وراحوا شط عادى
اسيا بتاع حمص الشام اهو وجريت عليه عايزه خمسه
محمد خمسه ليه احنا اربعه بس
اسيا انا عايزه اتنين
محمد ياما
جابو وكلو
اسيا الله انا فرحانه اوى بقالى كتير مكلتوش
يا كانت ماشيه على البحر اوشوش الودع
اسيا الله انا هتروح اوشوش الودع
محمد بطلة خرافات الكلام ده مش حقيقى
اسيا ادينا بنلعب
اسيا مسكت الودع ووشوته وبعدين الست اخدت كفها تقراه
الست جيالك فرحه كبيره اوى جواكى حزن بتحاولى تداريه بس الفرحه اللى جايلك هاتمحى كل الحزن ده
اسيا فرحت اوى ساره تعالى جربى
ساره لا انا مش بعترف بالكلام ده
الست خايفه يبان اللى عنيكى مش شيفاه بس قابلك حسه
ساره انتى بتقولى ايه يا ست انتى
الست بصت فى عين ساره وقالتلها انسى الماضى ومتفكريش فيه الانتقام مش حل لسه اللى جاى سوا*د ومسكت السلسله اللى فى رقبه ساره وقالتلها حافظى على اللى باقيلك
منها
ساره ايه انتى قصدك ايه
الست اختفت من قدامهم
ساره قعدت تلف وتدور عليها مش لاقيها
ساره بزعيق هى راحت فين وقصدها ايه بكلام ده
ساره افتكرت أن دى السلسله اللى خالتها قالتلها متقلعهاش و تخليها فى رقبتها وتفتكرها بيها
ساره مش معقول اكيد ده مش قصدها مش ممكن يكون ده حصل ايوه احنا ازاى نصدق خرافات طلعت موبايلها واتصلت بخالتها اكتر من مره محدش رد
وكلهم واقفين مصدومين من اللى بيحصل
ساره جريت على مروان
ساره خالتو كويسه مش كده انت قولتلى انها كويسه قبل ما نسافر خالتو كويسه صح
مروان بثبات عكس اللى جواه ايوه يا ساره كويسه احنا هنصدق كلام ناس جاهله
ساره امال مش بترد عليا ليه
مروان اكيد مشغوله ولما تفضى هتكلمك
ساره لا دى كانت بتكلمنى كل يوم كل يوم كانت بتكلمنى قولى الحقيقه
مروان صدقينى دا كلام فارغ
اسيا حست بالذنب وان هى السبب ساره ده كلام فارغ ماهى قالت إن جوايا حزن ولا فى حزن ولا نيله
ساره لا دى كمان قالت متبصيش على الماضى ولا الانتقام دى قاصده الكلام اللى هى قالته
وجريت ساره على الشط تدور عليها ملقتهاش
وفضلت تجرى وهما وراها لحد ما لقت واحده تانيه على الشط برده بتوشوش الودع بس مش هيا نفس الست
ساره جريت عليها خدى اقريلى الكف
مروان شدها بس بقى الكلام ده ك*فر وجهل
ساره لا لازم تقرالى ساره للست ها شايفه ايه
الست مسكت أيدها هتتألمى كتير اوى يا بنتى الفتره الجايه احذرى من اللى حواليكى
اقرب حد ليكى مش زى مانتى شايفاه
ساره مسكت السلسله وقالت للست صاحبه السلسله دى عايشه ولا ميته
الست بنبره مخيفه انتى السبب انتى السبب
وبرده اختفت من قدامها
ساره فضلت تجرى تدور عليها وهى بتعيط انا السبب انا السبب ازاى انا السبب فى ايه يعنى ايه انا السبب
ساره صرخت حد يرد علياااااااااااااااااا
ملحوظه
طبعا كلنا عارفين أن الكلام ده مش حقيقى وان دى مجرد روايه كذب المنجمون ولو صدقوا
قال جل شأنه "قل لا يعلم من فى السموات والارض الغيب الا الله "سوره النمل
يتبع الفصل التالي اضغط هنا
الفهرس يحتوي على جميع فصول الرواية "رواية جحود اب" اضغط على اسم الرواية
تعليقات
إرسال تعليق