رواية اسر قلبي الجزء الثاني عشر 12 بقلم ندي رأفت

 

رواية اسر قلبي الفصل الثاني عشر

ودخلت نغم ..

فارس : في إيه يا نغم ..

نغم : كنت عايزه اقولك على حاجه غريبه حصلت معايا انهارده..

فارس : إيه الي حصل تعالي اقعدي ..

قعدت نغم ولسه هتتكلم ..راح تليفون فارس رن .

فارس : طب..معلش يا نغم ثواني ..

نغم : مفيش مشكله ..

ورد فارس على التليفون ..

وفي الاثناء دي ..

نغم كانت بتكلم نفسها وبتقول : انا ..ليه حاسه اني ..مينفعش اجيب سيره الي اسمه آسر دا قدام فارس ..طب وايه الي يمنعني ..ما هو لازم يعرف ..بس ..بس انا حاسه اني مينفعش اقول ..وفجأه حست نغم بوجع في دماغها جامد ..

نغم بألم قالت : ااه ..ااه ..

فارس لاحظ فقال : طب سلام دلوقتي ..

وراح لنغم بسرعه وقال : مالك يا نغم ..

نغم بألم: مش عارفه ..دماغي ..وجعاني اوي ..

فارس : طب اتصل بالدكتور ..

نغم بألم: لا مفيش داعي انا هقوم ..اريح شويه ..

فارس: انتي متأكده..

نغم : اه ..متقلقش ..وبعدها خرجت نغم من اوضه المكتب بتاعه فارس ..

في فله آسر ..

آسر بعصبيه : مش هسمح لنغم انها تتجوز فارس دا ابدا ..

عم آسر بزعيق : لا يا آسر بص انا رأي تروح تاخد مسدسك وتدخل تقتل فارس ..وتاخد نغم ..وهدير وتمشي ..هاا إيه رأيك..

آسر بعصبيه : وإيه الي يمنع كداا ..ما ابوه عمل كدا في اهلي .

عم آسر بعصبيه : اسمع يا ابني .. متعملش زيه ..متخلناش نضيع تعب سنين ..في لحظه..هو ملف واحد هتخلي فارس يمضي عليه ..هتبقى شركاته كلها ملكك انت ..وهو مش هيبقى معاه حاجه ..فبكدا ..انت تقدر تاخد نغم بهدير بالفله نفسها انت فهمني ..

آسر بعصبيه : يا عمي دا فرحهم بعد اسبوع ..

عم آسر : يا ابني متخليش مشاعرك.. وقلبك يسيطرو عليك ..او يضعفوك....

قام آسر بعصبيه ..وخرج.من مكتب عمه واول ما خرج ..لقى نور ..واقفه ..وفي عنيها الدموع وقالت : للدرجه دي انا ولا حاجه عندك يا آسر ...بصلها آسر ..ومشي ....

ودخل اوضته وقعد على السرير يفكر وقال : لو نغم فعلا فاقده الذاكره ..يبقى اكيد فارس لعب في دماغها ....بس ..بس انا لازم اتصرف .....

الكاتبه :Miyano shiho(ندى رأفت )

الصبح...

بعد رجوع نغم من الجامعه....

في اوضه بسنت ..

والده بسنت : طب انتي عايزه ايه دلوقتي ..يا بنتي

بسنت : عايزها تخرج ..وتبقى ..لوحدها .. علشان الي انا مرتبالو يحصل بسرعه وبعدها قالت بغي*ظ : دا فارس مبيخليش ..الشوفير ..لا يسبها وهي راحه ولا وهي جايه ..

والده بسنت : ما أنتي عارفه الي حصلها ....

بسنت : يرتها كانت مات*ت وريحتني ...

والده بسنت : بصي انا هتصرف ..

ونزلت والده بسنت ونادت على نغم ..

نزلت نغم بسرعه وقالت : نعم يا عمتو ..حضرتك عايزه ايه .....

والده بسنت : معلش يا حبيبتي ..كان في حاجات ناقصه في البيت ...فا انا كنت نازله اجيبها من السوق ..وكنت عايزه حد يجي يساعدني وكدا..

نغم : خلاص ..ماشي يا عمتو مفيش مشكله ...انا هاجي معاكي ..

والده بسنت : شكرا يا حبيبتي هو بصراحه الشوفير كان هيوديني علطول ويرجعني ..بس انا كنت عايزه ونس وكدا ..يعني وبسنت تعبانه جداا فوق لولا كدا ..مكنتش ..تعبتك معايا .

نغم : لا ولا تعب ولا حاجه ..

وبعدها نزلت نغم ..هي ووالده بسنت وراحوا السوق ..

في المصنع المهجور ....

نبيل كان قاعد ..مستني ..

فجأه.....دخل رجاله نبيل وكان معاهم ..هدير..وهدير كانت بتعيط جامد ...

قام نبيل بسرعه ..وقال : اهدي يا هدير..متخافيش ..انا مش هعملك ..حاجه ..وقال لرجالته يخرجوا برا ..

هدير بتعيط جامد : انت عايز ..مني إيه..وخدتني من المدرسه ..ليه ...

نبيل : هقولك بس بطلي عياط ...

هدير حاولت تمسح دموعها ..لكن فجأه حست بدوخه جامده ..وحست انها مش شايفه قدمها راحت وقعت على آسر ..

آسر بخوف : هدير ..هدير ..مالك يا حبيبتي ..فوقي ..هدير....

وفي السوق عند نغم ..

والده بسنت شغلت نغم ..إنها تشترلها حاجه ..واتسحبت وخرجت وركبت العربيه بسرعه وقالت : اطلع ..

الشوفير : والانسه نغم ..

الده بسنت بزعيق : انت هتناقشني ..اطلع ..بسرعه ...

الشوفير : اومرك يا هانم ...ومشي ...

وبعد فتره ..

نغم : خلاص كدا يا عمتوا خلصنا كل حاجه ولا لسه ..وفجأه بصت جنبها ..وحوليها ملقتهاش..

نغم بخوف : عمتو ..عمتو..انتي ..روحتي فين ..وبعدها طلعت من السوق ملقتش ..العربيه ..فبصت يمين وشمال..بخوف وقالت : هي راحت فين ..والعربيه كمان راحت فين ..وفي الاثناء دي كان واقف شويه ستات بعيد ..واحده فيهم ..بصت على الموبيل وقالت : ايوه هي دي البنت ..الي الهانم قالت عليها ......

وفي إحدى المستشفيات .....

آسر كان واقف وقلقان على هدير ....

وبعد فتره صغيره خرج الدكتور ..

آسر : ها يا دكتور هي كويسه ..

الدكتور : حضرتك ..مين ..

آسر : انا اخوها ..

الدكتور : اومال جوزها فين ..؟!!

آسر بستغراب : جوزها ايه يا دكتور ..دي لسه..عيله صغيره ..؟!!

الدكتور بأستغراب : ازاي يا استاذ ..اخت حضرتك حامل

آسر بصدمه : حا ..حامل

يتبع الفصل الثالث عشر اضغط هنا

الفهرس يحتوي علي جميع فصول الرواية كامله" رواية اسر قلبي " اضغط علي اسم الروايه