تشابه اسماء الفصل الثاني
فرح: انا عيد ميلادي 1/12 وهقبض الجمعية 28/11 يعني قبل عيد ميلادي بيومين تقريباً
مريم: وهتعملي عيد ميلادك ولا هتعملي العمليه الاول
فرح: جدي قدم علي عمره وهيروح قبل عيد ميلادي وانا مرضيتش اجيبله سيرة عشان لما يمشي اقدر اعمل العمليه عشان لو عرف مش هيرضي يروح وهيصرف الفلوس عليا وهو نفسه يروح يعمل عمره خليه يروح بسلامه وربنا يقدرني واعمل العمليه واكون كويسه قبل مايجي
نرمين: طب هي الجمعيه هتغطي مصاريف العلاج والعملية
فرح: اه انا سالت الدكتوره وقالتلي أن الحكايه كلها هتكلف 10000جينه وانا عملت جميعه من مصروف البيت واهو يدوب بدفعها وربنا يقدرني واعرف اكملها المهم محدش يجيب سيرة قدم جدي انتو عارفين أن بيقلق عليا من الهواء الطاير
نرمين ومريم: لا متخافيش ويالا تعالي نكمل باقي المسلسلات جتك القرف عليكي وعلي تعبك اللي كل يوم والتاني قرفانه بي ده
فرح: هههههههههههه عيب ابت انا عسليه اللي محدش قدر عليا
ثم أكملوا باقي حديثهم المعتاد ( اللي شبشبها علم علي كل شاب في الحته ديه )
ضحك الجميع واكملوا يومهم كالمعتاد وذهبت كل فتاة علي منزلها وظلت فرح بمفردها في المنزل ودلفت الي المطبخ لتعد الطعام وكان يرها أحد الشباب الذي يقع في حبها وتحدث إليها قائلا
محمد: ازيك ياعسليه عامله ايه
فرح كانت تستمع اليه وهي مندمجة في إعداد الطعام أو كانت تتظهار بأنها مندمجة فهي أيضا تحب ذلك الشاب واتفقوا علي أن يأتي الي جدها بعد يومين فهو يحبها منذ اشهر عديدة عندما رائتهاوالدته وهي تعد الطعام من هذه النافذة الذي يقف فيه محمد ففي هذه المنطقة تتقارب البناياتمن بعضها البعض وهويسكن في الشقه المقابلة لها وهم سكان جدد في هذا المنطقة جاء الي هنا منذ عام تقريباً وكانت والدته تبحث له عن عروس مناسبة وعندما رات فرح أو كما يطلق عليها ( عسليه) فرحت جدا لانها في قمه الجمال والاخلاق والاداب فرح معروفة في هذه المنطقة جيدا هي الفتاة التي أوقعت الكثير من شباب المنطقة في حبها فالبعض منهم يريدها فقط للتسليه والبعض الآخر غير ملائم لها منهم ضعيف الشخصية ومنهم متزمد في كل شيء ولكن محمد كان مختلف تماما هي لاتعرفه جيدا ولكن من حديث والدته وقعت في حبه طلبت والدة محمد الزواج منها واتفقوا علي أن يتم خطوبتهما بعد يومين
وكانت فرح تنتظر هذا اليوم بفارغ الصبر وظل يتحدث محمد وهي لاتجيب الي أن تحدث اخر قوله قائلا
محمد: انتي لو مردتيش عليا هنط من هنا وبدل ملبس الدبل هلبس الجبس
فرح بخضه:يالهههوووي والله العظيم يامجنون ماهسال فيك وخلي الجبس ينفعك
محمد: اعملك ايه بس مش راضيه تردي عليا قولت يمكن لما اعمل كده تردي
عملتي ايه في فستان الخطوبه جبتي ولا لسه
فرح: اه جبته خلاص ولونه اسود ويارب يعجبك
محمد: المهم يعجب ماما
فرح بستغراب: يعني ايه مش فاهمه
محمد: ماما كانت بتقولي أن الفستان لو مش عجبها يبقي لازم يتغير وانا مبحبش ازعلها
عقدت حاجبيها ووضعت يدها أمام صدرها وتحدثت قائله
فرح: وان شاءالله انا عجبني الفستان ومش مهم حد تاني انا باخد رايك انت كده من باب الذوق مش اكتر انت فاهم ولالا
وقف محمد حائرا بين حديث والدته وحبيته ماذا يفعل فهو ضعيف الشخصية و
وكل شيء يفعله يجب أن يكون تحت إشراف والدته وكل هذا لا تعرفه فرح
مر اليوم سريعًا علي ابطالنا كالعاده وجاء الجد وهو يهتف باسم عسليه عسليه
ذهبت إليه وهي متعبه ولكن تحاول اخفاء هذا التعب وتحدثت إليه كعادتها
فرح: اهلا اهلا اهلا باعز الحبايب
ضحك الجد علي هذة الاغنيه لأنها دائما تغني له هذه الاغنيه جلس الجد وتحدث قائلا
علي: هو انتي كده علي طول غني ورسم وكمان تيركوه اللي بتعملي ده
فرح: ده ارسكاف قربت اخلصها عشان لما تروح العمرة أن شاءالله ياحبيبي تتدفيك وتتدعلي بقااا بقلب جامد
علي: هههههههههههه يابكاشه انا بدعيلك من غير حاجه اتفضلي يا ستي
فرح: ايه ده ياحبيبي
علي: ده الفون الجديد اللي نفسك في اللي اسمه ccccده
ضحكت فرح علي نطقه علي اسم الهاتف المحمول وعلي برائته لأنه لايعرف شئ عن هذه الهواتف ولا أسمائهم وتحدثت قائله
فرح: هههههههههههه اسمه ايه ياحبيبي اسمه HTC وبعدين ده غالي اووووي جبته ليه بس انا كنت بهزر يارمضان هههههههههههه
علي: هههههههههههه انا عارف اسمه ايه بقااااا وبعدين انتي ناسيه أن عيد ميلادك الشهر الجاي وانا أن شاءالله هكون في العمرة ويالا بقي تعالي نتصور زي مانتي علي طول بتصورني اسمها ايه اللي انتي ليل ونهار تعمليها لنفسك اسمها ايه يابت
فرح: هههههههههههه قول انت الاول
علي: بتتضحكي عليا يابنت سراج ماشي
فرح : سراج مين ده انا بنتك انت انا اسمي فرح علي
علي: خلاص فهمت سراج ده عند الحكومة بس يالا تعالي نتصور سفتي وبعد كده ناكل عشان جعان وعايز انام
فرح : هههههههههههه هههههههههههه هههههههههههه شفتي ياجدو يانهار سفتي هههههههههههه هههههههههههه اسمه سلفي يالا ياحبيبي عشان كمان انا عايزه انام
اندهش الجد مما تحدثته فرح وتحدث قائلا
علي: انتي تعبانه ولا ايه ياعسليه دي الساعه لسه ١ بليل وانتي بتنامي الصبح
فرح بكذب: لا ياحبيبي انا بس قولت اعمل بنصحيتك عشان الخطوبه بعد بكره ولازم اكون شكلي حلو كده ومزه عرفت بقااااا
علي: امممممم ماشي يالا ناكل بقاا
وبعد مرور وقت وان انتهو من تناول الطعام قامت فرح بتنضيف طاوله الطعام والبيت وذهب الجد حتي يخلد الي النوم وبعد أن انتهت فرح من تنضيف البيت
ذهبت الي المرحاض وأخذت حمامها وارتدت بيجامه في غايه الجمال ومرسوم عليها صورة كرتونيه ( سندريلا) جلست أمام المرآة وظلت تصفف شعرها الطويل ثم أخذت الدواء وذهبت إلي الفراش ووضعت جسدها الصغير عليه وظلت تحدث نفسها قائله
انا لازم اروح للدكتورة بكره انا تعبانه ومش قادره استحمل التعب ده يارب اشفني يارب انا نفسي حاجه حلوه تحصلي في يوم عيد ميلادي ويكون مختلف عن كل سنه ولو محمد هو نصيبي حببني في وحببه فيا ولو مش نصيبي أبعده عني وابعدني عنه من غير وجع قلب واسترها معايا وأرزقني راحه البال
الحمدالله على كل حال
وذهبت في ثبات عميق
وذهب الليل سريعا وجاء النهار يحمل الكثير من المفاجآت منها الحلوة ومنها السيئة مر اليوم كالعاده علي جميع الابطال كالعاده ولكن بالنسبة إلي فرح فكان يوم صعب جدا لانها تعبت كثيرا من المغص الكلوي الذي يأتيها باستمرار وطلبت من جدها أن تذهب الي احدي المحلات التجارية لتشتري بعض الاشياء اللازمة لحفل الخطوبه وافق الجد وذهبت فرح الي الدكتورة وانتظرت كثيرا الي نفذ صبرها وتحدثت قائله
فرح: اووف لا كده كتير اووووي انا مش قادره استنى لوسمحتي قوليلي للدكتورة اني هنا من ساعه ومش هينفع استني تاني
الممرضه: اصبري بس ياانسه هي عندها دكتور زميلها وجاي من مكان بعيد واديكي شايفه ناس كتير اوووووووووي منتظرة بره انا نحاول ادخلك بس كمان ربع ساعه
صباحا فرح بصوت عالي وتحدثت وهي تحاول الدخول الي الدكتورة وبالفعل دلفت الي غرفه الدكتورة وتحدثت قائله
فرح: مش معني انك دكتور يديك الحق انك تسيب الناس دي كلها قاعدة بره منتظرة سيادتك لحد لما تخلص كلامك مع الدكتورة اظن أن انت عارف ان المريض حياته اهم من اي شيء ومش من الصح أن حد يجي ياخد من وقت المريض عشان يرغي اكتر من من ساعه
تحدثت الدكتورة الي فرح تدعي فاطمه وهي صديقه فرح ايضا وكانت دائما تسمح الي فرح بالدخول اولا وتحدثت قائله
فاطمه: اهدي بس ياعسليه ده الدكتور معاذ الفولي وايه من مكان بعيد وبعدين انا معرفش انك بره اصلا
فرح: المشكله مش فيا المشكلة في الناس اللي بره يافاطيما ناس كتير بره بتتوجع ه من الالام اللي في جنبها واللي المرارة تعباه وحضرته قاعد ولاعلي باله
ده اسمه برود
كانت تتحدث وهي لاتستطيع التحمل اكثر فوقعت مغشياً عليها وقام معاذ بحملها علي سرير الكشف وسأل عن حالتها الصحية وتحدث الي الدكتورة فاطمة قائلا
معاذ: هي مالها يافاطمة بتشتكي من ايه
فاطمه: عندها عشر حصوات علي الكلي وحاولت معاها بعلاج كتير ولمدة شهور ومجبش نتيجة خالص وانا كنت قولتله إنها هتعمل عمليه بس معرفش هي جايه ليه انهاردة
قاطعتها الممرضه قائله
الممرضه:اصل هي كانت جايه تقول انها هتعمل العمليه الشهر الجاي وكانت عايزكي تديها مسكنات قويه لحد لما الشهر يخلص عشان خطوبتها بكره وهي مش قادره تستحمل اكتر من كده
ظل معاذ يتابع حالتها الي ان عادت الي وعيها وتحدثت بصوت متعب جدا قائله
فرح: علي فكرة انت طلعت ابن ناس
ضحك الجميع وظل معاذ بجانبها حتي استطاعت أن تتحدث جيداً وتحدثت وهي تترتشف بعض الماء قائله
فرح: شكرا على تعبك معايا بس انا لسه عند كلامي اتمني اني مكونش زعلتك بس ده راي
معاذ: هههههههههههه انتي كل ماتتكلمي كلمه حلوة تقلبيها بسرعه علي العموم ياستي انتي معاكي حق بس انا كنت بتكلم مع فاطمه في موضوع مهم جدا ومكنش لسه حد جه العياده ومحستش بنفسي وان الوقت جري بسرعه علي العموم الف سلامه عليكي يا قمر
فرح : لا عسليه
معاذ: هههههههههههه ماشي ياعسليه ممكن اعرف انتي مأجله العمليه بتاعتك ليه لحد دلوقتي انتي كده بتدمري نفسك الكليه ممكن لاقدر الله يجيلها تليف وانتي شكلك صغنن اووووي انتي عندك كام سنه
فرح: هتم 20سنه اول يوم في الشهر الجاي أن شاءالله
فاطمه: دي بقاا ياسيدي بونبونيه المنطقة دي الكل بيحبها وعمله واجب مع كل الناس وخصوصاً انا جبتلي زباين قد كده
وتحدثت فرح بعفوية قائله
فرح: وياريت ياختي تمر فيكي القصد بقي احنا بنعمل خير الجزاء عند ربنا بقااااا
ضحك الجميع وتحدثت فاطمه وهي تجز علي أسنانها وتبتسم وتتحدث قائله
فاطمه: حد عايز البت دي اصل انا عايزة اموتها
فرح: هههههههههههه هههههههههههه والله يااوختشي المفروض أن انا عروسه بكره ولازم اخد اقوي مسكن في العالم عشان اقدر اقف علي رجلي
معاذ: مبروك يا عروسه وكل سنه وانتي طيبه
فرح: طب مبروك وعرفنها لكن كل سنه وانتي طيبه دي ليه بقااااا
معاذ: عشان عيد ميلادك ايه نسيتي ولا ايه
فرح: هههههههههههه هههههههههههه في دي معاك حق وانت طيب يااااه انا مش عارفه اسمك ايه
معاذ: انا ياستي اسمي معاذ الفولي
فرح بعفوية: ايه باباك اسمه الفولي ليه كان شغل في مطعم هههههههههههه سوري بس انا بهزر
معاذ: هههههههههههه ولايهمك انا اسمي معاذ محمد أنس الفولي يعني ده لقب العيله فرح: امممممم أهلا وسهلا انا فرح سراج علي وبيقوليلي فرح علي أو عسليه
معاذ : فرصة سعيدة وعن اذنك بقااااا عشان اروح لان مكاني بعيد شويه عن هنا وزي ماتفقنا يافاطمة اعملي كشف بالاسماء وتبعتلي علي طول علي المستشفى
فاطمه: حاضر أن شاءالله يومين وابعتلك علي طول
معاذ: سلام ياعسليه سلام يافاطيما
فرح وفاطمه : سلام يامعاذ
وبعد أن ذهب معاذ تحدثت فاطمه قائله
فاطمه: ده بقى ياستي اجدع دكتور ممكن تقابلي في حياتك صاحب اكبر مستشفى في مصر
فرح: بس ده شكله صغير ميقولش أنه عنده مستشفى كبيرة زي اللي انتي بتقولي عليها الااذا كان غني
فاطمه: فعلا هو من اغني عائلات مصر وجده حياته سكره ناس كده كده متقوليش أن هما أغنياء بيحبو الناس كده ويتعاملو معاهم لكن هما زي بعض مش عندهم تكبر الا واحد بس
فرح بستغراب: مين ده
فاطمه: اخو الكبير حاجه كده مش مفهومه متقوليش أن ده اخو ده خلاص ولا حتي يعرفه عايش في عالم تاني خاااااااااالص
فرح: ياختي فكك هو انا هتجوزه المهم اكتبي علي مسكن قوي خليني اروح الوقت اتاخر فاطمه: هههههههههههه حاضر مع إن الواد بصراحه مز
فرح: مين معاذ
فاطمه: لامعاذ خاطب انا قصدي اخو
فرح: ياختي وانامالي لمعاذ ولااخو المنيل علي عينه التاني هاتي اسم المسكن خليني امشي
فاطمه: هههههههههههه هههههههههههه بقاا ده يتقال عليه منيل علي عينه انا اعتراض وبشدة هههههههههههه
فرح: انا هبعت لخطيبك رساله اقوله الحق خطيبتك خطبت غيرك اخو معاذ الفولي
فاطمه: هههههههههههه هههههههههههه هههههههههههه لالا خلاص علي ايه خدي ياستي المسكن اهو بس مكتريش منه عشان غلط كتر المسكنات دي بتأثر علي الكبد
فرح : متخافيش أن شاءالله قريب هعمل العمليه
فاطمه : صحيح معاذ كل شهر بياخد عدد من الحالات اللي محتاجه عمليه ويعملها هو ايه رايك احط اسمك في أول كشف وتعملي عنده
ابتسمت فرح علي قول فاطمه فهي تعرف انها تود مساعدتها لأنها للتملك المال لمعت عيونها الجميله وحاولت جاهدة على أن تمنع دموعها وتحدثت قائله
فرح: صحيح انا فقيرة بس برضو الحمدلله مستورة واقدر اعمل العملية علي حسابي انا هكون جاهزة الشهر الجاي عن اذنك عشان اتاخرت
صدمت فاطمه من حديث فرح وندمت علي حديثها وتحدثت بكل ندم وهي تقف من علي مقعدها وتحتنضها قائله
فاطمه: عسليه حبيبتي والله ماقد انا كنت بقولك انك تعمليها في مستشفى خاصه ونضيفه زي دي والله مش قصدي خاااااااااالص اللي انتي فهمتي انا اسفه
ابتسمت فرح وتحدثت قائله
فرح: انا عارفه أن مش قصدك علي العموم مفيش مشكله انا همشي لاني اتاخرت بجد سلام فاطيما
فاطمه: سلام ياعسليه
ذهبت فرح من عيادة الطبيبه فاطمه وذهبت إلي منزلها ودلفت غرفتها وأخذ الدواء وأخذت حمامها وارتدت جلبابأ قصيرآ بالون الاسود الغامق وتركت شعرها ينسدل علي ظهرها وتسطحت علي فراشها وذهبت في ثبات عميق
فهي تعشق النوم ولكن كانت لاتستطيع النوم بسبب المغص الكلوي ولكن هذا المرة الأولى التي تعرف فيها طعم النوم منذ اشهر عديدة فهذا المسكن قادرآ علي أن يسكت هذا الأم اللعين
ونذهب الي مكان آخر نذهب الي الصامت الذي لا يتحدث كثيرا هو يفعل اكثر ودلف الي أحد أقسام الشرطة ثم ندلف تحديدا الي غرفه الرائد مالك الفولي كان يتحدث الي أحد أصدقائه قائلا
مالك: كده كله تمام مش ناقص غير حاجه نادر لازم نخلي بالنا كويس جدا البت دي خطيرة ومش سهله خالص وعامله زي الزئبق بتختفي بسرعه البرق الله يرحمك يا يحيي
اخيرا حقك هيرجع
نادر: الله يرحمه كان نفسه ياخد حق صاحبه زي مانت بتعمل كده بالظبط
مالك: الله يرحمه كان حالف أن لو عرف مكانها فين في اي لحظه بيروح يجبها بنفسه ساعتها انا اتريقت عليه قولته حتي لو يوم فرحك رد وقالي لو يوم الصباحيه هنزل برضو وفعلا نزل وقبض عليها ولما خدها عشان يكشف عليها في الطب الشرعي رفضت أنه يكون في الاوضه مع الدكتور اللي بيكشف قال يعني بريئه البت وهو صدقها واتاري الدكتور والممرضين مش دكاتره ولاممرضين ومن العصابه بتاعتها وهربوها وهو الله يرحمه حس بحاجه غلط وفجأة دخل الاوضه وهما بيهربو قامت بنت الكلب ضربته بالنار ومن ساعتها وهي كل يوم في مكان شكل ومحدش عارف يمسكها بس هانت وانا ورحمه ابويا ورحمه يحيي لجيب حقه حتي لو اخر يوم في عمري
نادر: يالا كلها كام ساعه وتعر ف أن الله حق انا همشي دلوقتي عشان اظبط شويه حاجات وابقي ارجعلك تاني
مالك : ماشي هي الساعه كام اصل فوني فاصل شحن
نادر: الساعه ٧ ليه
مالك: ياااه انا اتاخرت معاد نومي جه انا همشي سلام ياصاحبي
نادر: اول مرة اشوف واحد ينام الساعه ٧ بليل امال لوسهرت تبقي الساعه كام ١٠ هههههههههههه
مالك: انا اصلا مبسهرش وعامل لنفسي وقت ومينفعش ابدا اغيره لو ايه اللي حصل سلام يا صاحبي
نادر: سلام يا صاحبي
وذهب مالك الي منزله ودلف الي العائلة وجد الجميع يضحكون ويتسامرون وتحدث معاذ قائلا
معاذ: المهم بقى هي يدوب بترجع تاني لوعيها قالتلي علي فكرة انت طلعت ابن ناس
الجميع هههههههههههه هههههههههههه هههههههههههه
مني: ياحبيبتي دي بيان عليها طيبه اووووي
معاذ: اووووي ياماما وبت تحسي كده جدعه
فريدة: وايه تاني
معاذ: بتغيري ولاايه يافيري دي صغيرة دي اصغر منك عندها عشرين سنة
فريدة: انا اغير لاطبعا علي فكرة أنا متشوقه اشوفها بيان عليها طيبه زي طنط ماقالت انا بس بنكشك
دلف مالك وتحدث قائلا
مالك:مين دي اللي خطيبك بيحكي عنها وانتي هتولعي وانتي قاعده مكانك
مني: ٠٠٠٠٠٠٠٠٠
يتبع الفصل الثالث اضغط هنا
الفهرس يحتوي علي جميع فصول الرواية كامله"رواية تشابه اسماء" اضغط علي اسم الروايه
تعليقات
إرسال تعليق