رواية صغيرة الاسد الفصل الحادي عشر
كانت تقف عشق بصدمه لم تعلم تفرح ام تحزن هل بالفعل اسد يعشقها ام مجرد خطه منه للوقوع بها لتجاهد احبالها الصوتيه لتتحدث بهمس .
/ليه ي اسد عايز تتجوزني ليه .
اسد بارتباك /هيكون ليه انتي مسؤوليتي لحد ما المهمه دي تخلص .
عشق بدموع /يبقا متتعبش نفسك ي اسد المهمه كده كده هتخلص ونهايتي انا عرفاه كويس السجن.
اسد بغضب ورفض لذلك الفكره /لا ي عشق لا نهايتك مش هتكون السجن انتي ضحيه الشيطان هو الي المفروض يتسجن مش انتي .
عشق بدموع وصراخ /وانا كمان ي اسد لازم اتسجن لاني مجرمه مجرمه ي اسد وانت مش مضطر تلعب عليا علشان توقعني انا مستسلمه ومعترفه بجريمتي .
اسد بعشق واعتراف /انا بعشقك ي عشق مش عارف أمتا وازي بس ده الي حصل ومش ممكن اخلي حد يقرب منك مش ممكن اسيبك تبعدي عني ابدا .
عشق بدموع الفرح/بجد ي اسد بتحبني بجد .
اسد بابتسامه /والله العظيم بحبك يا عشق وخلاص بقيتي عشق الأسد .
عشق بابتسامه /اوعا تسبني ي اسد اوعا انا مصدقت ليقيتك .
اسد بابتسامه /مستحيل اسيبك ابدا ي روحي انتي خلاص بعد دقائق هتبقي مراتي هتبقي ملك الأسد .
عشق بغرور مصتنع /والاسد كمان هيبقى ملكي واروضه براحتي .
اسد بغمزه وخبث /ده هو الي هيروضك ي قطه .
عشق بخجل /اسد .
اسد بضحك /هههههه طب يلا بقا ي عشق الأسد .
في الداخل ...
بارك الله لكم وبارك عليكم وجمع بينكم في خير .
ذلك الجمله أكملت الحلم الجميل جمعت ذلك القلوب سويا جمعت ذلك العشق الذي يعلم جيدا أنه سيلاقي صعوباتا كثيرا لكن العشق ❤️❤️ هو الوحيد القادر علي تخطي جميع الصعوبات ....
//////////////////////////////////////.
في فيلا الشناوي ...
في غرفه برق ...
كان يجلس برق بشرود في ذلك المسكينه الذي تتضحك وتمرح وهي تحمل حزنا شديدا ليذهب الي نافذته لعل الهواء الطلق يهون عليه ذلك الأفكار ليبتسم تلقائيا عندما رآه وهي تنظر إلي السماء بشرود .
برق بابتسامه /ايه الي مصحيكي لحد دلوقتي .
ميسره بتننهيده واشتياق لوالدها /ابدا بفكر في ابويا وحشني اوي .
برق بمرح وسخريه /ابوكي برضه ولا مش عارفه تنامي بعيد عن رائحه السمك وام احمد اكيد وحشتك خناقتك معاها علي الجنيه .
ميسره بضحك من القلب /ههههه انت بتقول فيها والله العظيم وحشتني اوي .
برق بإعجاب بها بطيبتها/انتي طيبه اوي ي ميسره .
ميسره بارتباك /شكرا ي سيدي قولي عمي رعد أخباره ايه دلوقتي .
برق بتنهيده وغيظ /مخنوق طبعا يأما نفسي امسك الي عمل كده علشان أولع فيه وسي اسد ولا علي باله واخد اجازه ومش سال في حد بس كل الي فالح فيه يفضل يدينا نصائح .
ميسره بانتباه /برق انا ليه حاسه انك بتكره اسد اخوك .
برق بحده وارتباك/بكره اخويا ايه انتي اتجننتي .
ميسره بجديه /ده مش جنان ي برق ده الي انا شيفاه بعيني دايما بتتكلم عنه بحده دايما بتحب تشوه صورته دايما بتحب تحمله كل حاجه انا مش قصدي ادخل بس صدقني مفيش اغلا من الاخ ومهما عملت مش هتلاقي حد زي اسد .
برق بغضب وغيظ وكان الماضي يدور أمامه من جديد /ايه حبتيه انتي كمان ولا ايه .
ميسره بغيظ وحده /انا مش هرد عليك اصلا تصبح علي خير .
كان يضغط برق علي يده بوجع والم لتذكر الماضي الذي تسبب في خلل علاقته ب اسد .
فلاش باك ..
في فيلا صفوان صديق رعد ..
كان يجلس برق وهو ينظر ل فريده ابنته بعشق شديد فهو يعشقها بشده ويصمم دائما علي حضور عيد ميلادها .
فريده بضيق /ثواني ي بابا هرد علي التلفون وجايه .
صفوان بابتسامه /براحتك ي حبيبتي .
رعد بابتسامه/كل سنه وانتي طيبه ي فريده .
فريده بوجع/وانت طيب ي اونكل عن اذنكم .
برق بابتسامه /بابا هروح اطلع ادي فريده الهديه ده طبعا بعد اذنك ي اونكل صفوان .
صفوان بابتسامه/البيت بيتك يا حبيبي اتفضل .
في جنينه الفيلا .
كانت تتحدث فريده بدموع وحزن شديد .
/عيد ميلاد ايه وزفت ايه ي سمر مفيش حاجه في حياتي ليها طعم من غير اسد ده انا بستنا عيد ميلادي علشان يجي واشوفه بس هو كل مره بيكسرني وانا مش عارفه محبوس ي سمر ده حبيب عمري .
لم تشعر بمن يقف خلفها وعيناه تتدمع بشده وهو يضغط علي ذلك الهديه بغضب فكن كان يعشقها بشده اطلقت قلبه بسهام قاتله للاسف هي تعشق نسخته الثانيه اسد ...
باك ....
كان الدمع يتتدفق من أعين برق لتذكره ذلك اللحظه ليتحدث بالم ووجع .
/انا اسف ي اسد انا عارف انك ملكش ذنب بس وجع قلبي هو الي معلم رغم اني نستها بس انا عمري مكرهتك ي اسد عمري .......
//////////////////////////////////.
في شركه المقاولات الذي يملكها احمد والد تمارا ..
في مكتب احمد .
كانت تسير تمارا بابتسامتها المرحه .
تمارا بابتسامه /مساء الخير ي بابا .
احمد بابتسامه وحنان /مساء الخير ي قلب بابا خير جايه ليه .
تمارا بمرح /شكرا ي بشمهندس ايه المقابله دي .
احمد بابتسامه /روح قلبي هو انا اطول أن الدكتوره تمارا تنورني في مكتبي ده انتي قلبي ي تمارا .
تمارا بابتسامه /ربنا يخليك ليا ي بابا .
احمد وهو يدون بغضب الملفات /طبعا جايه تكلميني في موضوع الدكتور حمزه هو طلبك مني .
تمارا بغيظ /ايه ازي البنادم ده يعمل كده ده وقح ومعندوش دم .
احمد باستغراب /ايه ي تمارا اول مره الاقيكي عنيفه كده .
تمارا بغضب /لانه انسان مش محترم ي بابا انا صديته بالذوق مليون مره وبرضه مفيش فايده ايه عايز يخليني الرابعه .
احمد بانتباه/ايه الرابعه هو متجوز تلاته .
تمارا بغيظ شديد /ايوه ي بابا متجوز تلاته .
احمد بغيظ شديد /خلاص سبيه انا هعرف ارد عليه ازي المهم قوليلي كنتي جايه عايزه ايه .
تمارا بجديه/مساعده هنكسب منها ثواب كبير اوي من ربنا .
احمد بابتسامه/ياريت ي ستي حد يقول لثواب لا بس مساعده ايه دي .
تمارا بجديه /اخو طالبه عندي شخص محترم اوي ي بابا والده ووالدته اتوفوا من زمان وهو الي بقا مسؤؤل عن اخواته البنات وبقا يشتغل باليوميه وكمان بليل في سوبر ماركت وهو خريج تجاره كان نفسه يبقا محاسب في شركه بس للاسف ظروفه موصلتوش لكل ده وانا نفسي أننا نساعده ده بنادم محترم اوي ي بابا .
احمد بخبث /وماله نساعده اسمه ايه .
تمارا بابتسامه /اسمه ساجد عبد العزيز وساكن في السيده زينب .
احمد بابتسامه /تمام ي حبيبتي انا هتصرف روحي انتي الجامعه وخالي بالك من نفسك .
تمارا بابتسامه /حاضر ي بابا سلاموا عليكم .
احمد بابتسامه وحده /وعليكم السلام ي حبيبتي ماشي ي سي حمزه انا هعرف اربيك كويس .
///////////////////////////////////.
في فيلا الشناوي ❤️❤️❤️.
غرفه مالك ..
كانت تسير رشابغيظ وغضب شديد .
رشا بغيظ شديد /انت عايز تجنني ي مالك اوي توافق علي جوازه زي دي عايز بنتك تتجوز واحد كانت متجوز وعنده بنت كمان .
قمر بجديه /وايه المشكله ي ماما مراد انسان محترم جدا وناجح جدا في شغله ايه العيب الي فيه بس .
رشا بغضب /العيب الي فيه ان حضرتك لسه انسه ي عني المفروض تاخد شاب متجوزش قبل كده تكوني اول فرحته لكن مراد ده كانت معاه واحده تانيه ايه الي يضمنك أنه يكون لسه مبيحبهاش وأنه لسه بيفكر فيها وواخدك انتي علشان تعلي الفراغ ده .
قمر بجديه /مستحيل ي ماما انتي عارفه كويس أن بنتك عاقله وبتعرف تفهم الناس كويس وانا متمسكه ب مراد ي امي وانا مسؤوله عن قراري وصدقيني ي امي هيطلع هو الصح ارجوكي ي ماما توافقي .
مالك بتننهيده /خلاص ي رشا احنا كده ملناش كلام هي موافقه وواثقه في قرارها وهي الي هتتحمل القرار ده وانا فعلا لما قبلت الولد لقيته فعلا ولد مهذب ومحترم المهم اننا ندعي بسعادتهم ده الي يهمنا ي رشا .
رشا بدعاء وقلق /يارب يسعدكم ي بناتي ويبعد عنكم السؤء.
/////////////////////////////////.
في سياره جاسر ..
كانوا يجلسون الاثنان بحيره شديده فقد تعقدت الأمور لتخرج شمس عن صمتها بكلماتها الصائبه والحقيقه .
/بيحبها ي جاسر اسد بيحب عشق .
جاسر بحزن /للاسف هو ده الي انا كمان حاسيته .
شمس بوجع /طب وهنعمل ايه دلوقتي اسد كده بيضيع نفسه وبيخسر كل حاجه.
جاسر بتنهيده /بالعكس ي شمس الي بيكسب الإنسان الي بيحبه يبقا كسب الدنيا كلها .
شمس بحده /الإنسان الي بيحبه مع دي مع عشق ي جاسر دي مجرمه مكان السجن .
جاسر بحزن ووجع/وليه متكونش ضحيه ي شمس كتير اوي من الي بيمشوا في الطريق ده بيكون مجبورين .
شمس بتنهيده /طب واحنا كده هنعمل ايه .
جاسر بجديه/هنفضل وراء رشدي مهران وهنامن اسد وعشق ونحميهم .
شمس بابتسامه /وماله نحميهم خليني انا كده وراكم انت واسد لما هغرق .
جاسر بعشق /هتغرقي في حضني ي حبيبتي حتي اسد باشا لاقا حبيبه انا كمان لازم اخد حبيبي لاني بموت فيه .
شمس بعشق /وهو كمان بيموت فيك والله .
///////////////////////////////.
في شركه سليم ...
كانت تسير رحمه باننبهار بذلك الاناقه والجمال والرقي والفخامه فكانت حتي في إقصا أحلامها لم تتوقع أن تعمل في ذلك المكان الفخم .
سليم بابتسامه /ايه رايك عجبتك الشركه .
رحمه بانبهار /عجبتني بس دي خيال ربنا يباركلك فيها.
سليم بإعجاب ببرائتها /تسلمي ي رحمه وبعدين اعتبري نفسك خلاص شريكه فيها معايا بمجهودك.
رحمه بسعاده /بجد ي سليم بيه .
سليم بابتسامه واعجاب /طبعا بجد ي رحمه رحمه جميلك علي راسي من فوق واحده زيك مينفعش ابدا تشتغل في مكان زي الكباريه ده المكان ده مش ليكي .
رحمه بحزن /وهو كان بخاطري ي سليم بيه الظروف كانت أقوا مني بس انا الحمد لله قدرت احافظ على نفسي رغم اني كنت دائما وسط خمورجيا الا أن ربنا كان دائما مقويني وواقف معايا .
سليم بابتسامه وارتياح /والظروف دي خلاص بايدنا احنا نغيرها ي رحمه تعالي أما اوريكي بقيت الشركه .
رحمه بابتسامه وسعاده/اتفضل .
/////////////////////////////////.
في شقه مراد ...
كانت تقف تحيه أمامهم بغضب شديد .
تحيه بغضب /ي عني ايه ي مراد عملت الي فدماغك وهتجيب واحده تانيه مكان بنتي.
مراد بصدمه /انتي بتقويلي ايه ي خالتي اميره خلاص الله يرحمها .
تحيه بغضب /لا لا اميره مماتش اميره روحها عايشه في وسطينا عايشه في وش ملك بنتها الي انت عايز تجبلها ام تانيه.
جنه بغيظ شديد /قمر بنت ممتازه وبنت ناس وبتحب الاطفال جدا وخصوصا ملك .
تحيه بغضب /بس عمرها مهتكون زي امها ابدا .
مراد بحزن /كده برضه ي خالتي ده انا قولت انك اول واحده هتقفي جنبي وتفرحي .
تحيه بغضب/افرح افرح بايه بانك هتجيب واحده تانيه مكان بنتي قولي ي مراد انت ناقصك ايه علشان تتجوز .
مراد بحده /ناقصيني حجات كتير ي خالتي حجات الراجل بيبقا محتاجها حجات محدش هيقدر يدهاني غير مراتي .
جنه بغيظ /متشغلش بالك ي مراد اتجوز ي حبيبي ده من حقك .
تحيه وهي تفكر مع ذاتها بشر /انا كده هكسب عداوه العيال والبت دي فعلا تكوش علي كل حاجه وماله يتجوزها وانا قسما بالله شهر واحد هخليه هو بنفسه يرميها في الشارع .
مراد بحزن شديد/يلا ي جنه هاتي ملك معاكي علشان منتاخرش علي الناس .
تحيه بخبث /خلاص ي مراد خلاص ي حبيبي انت برضه ابني وميهونش عليا زعلك ابدا انا جايه معاكم .
مراد بفرحه /بجد ي خالتي ربنا يخليكي لينا ي ست الكل .
حنه بهمس/انا متاكده انك بتخططي ل حاجه بس انا مش هسمحلك تتدمري حياتهم ابدا ..
///////////////////////////.
في الصعيد .
في الدوار ..
كان يبتسم اسد بسعاده الذي تغفا بجانبه ك الملاك لتفتح عيناه تتدريجيا لتبتسم بسعاده .
عشق بابتسامه/صباح الخير .
اسد بابتسامه وسعاده/صباح الفل ي قلبي صباحيه مباركه ي عروسه .
عشق بخجل /الله يبارك فيك هقوم أحضر الفطار .
اسد بابتسامه وهو يقبل يدها /بحبك .
عشق بابتسامه/وانا بموت فيك ي حبيبي اسد احنا هنعمل ايه .
اسد بابتسامه/متشغليش بالك انتي خلاص بقيتي مراتي وزي ما وعدتك انا مستعد أضحي باي حاجه علشانك .
عشق بابتسامه/بحبك ي اسد بحبك .
///////////////////////////.
في فيلا رشدي مهران 💥💥💥💥💥.
كان يسير بغضب شديد وهو يتحدث بصراخ .
/ي عني ايه البنت متظهرش لحد دلوقتي انا قولت أن حريق الشركه هتخلي اسد يسبها أو حتي يسلمها بس من الواضح أنها مفتحتش بوقها بكلمه والا مكنتش سبوني لحد دلوقتى انا لازم اظبط نفسي وأشوف شغلي واعرف ايه الي بيحصل بالظبط .
/////////////////////////.
في شركه الشناوي ❤️❤️.
مكتب رعد .
كان يجلس رعد وهو يدون بعض الملفات ليدخل إليه برق بفزع .
برق بفزع /بابا عمي سيد جابوه المستشفي بتاعتنا وواضح أنه بيموت .
رعد بفزع /ايه .
في مستشفى رعد .
في غرفه سيد ..
كان يقف رعد بجانب سريره بدموع فهو يعتبر سيد مثل والده .
رعد بدموع وحزن /ايه ي راجل انت كبرت ولا ايه فوق كده .
سيد بتعب شديد /رعد بيه ميسره بنتي امانه في رقبتك خالي بالك منها دي بت غلبانه كان نفسي اجوزها بأيدي بس أمر ربنا بقا .
رعد بحزن شديد/جرا ايه ي راجل بلاش الكلام ده انتي انشاء الله الي هتجوزها وتشيل عيالها كمان .
سيد بتعب شديد/مش باين ي رعد أمر ربنا خلاص هينفد بنتي امانه في رقبتك ي رعد بيه اشهد ان لا اله الا الله واشهد ان محمدا رسول الله .
رعد بصراخ والم شديد/عمي سيد عمي سيد متخافش ي عمي سيد ميسره في عنيا اظن أن ده انسب وقت ي برق
يتبع الفصل الثاني عشر اضغط هنا
تعليقات
إرسال تعليق