تشابه اسماء الفصل الاول بقلم بت كيوته

 

تشابه اسماء الفصل الاول

فرح :فتاة تبلغ من العمر عشرون عاما قصيرة القامة ممشوقه القوام صاحبه العيون العسليتين وصاحبه الشعر الطويل والغزير حاصله على شهاده الدبلوم الفني فهي فقيرة لاتكمل تعليمها فختصرت الطريق وحصلت علي شهادة الدبلوم رغم ذكائها و كانت تحب التعليم وقراءة الكتب والرسم وتعشق الغناء يتيمه الاب والام ولم يعد لها سوي جدها فهو كل شيء في هذه الدنيا فكانت رحيمه به لأنه لا يملك الكثير من المال حتي يصرف علي تعليمها ففضلت انها تحصل علي هذه الشهادة حتي تستطيع أن تعمل في اي مكان بسهولة ولكن جدها يرفض دائما علي انها تعمل

مالك :شاب وسيم جدا يبلغ من العمر ثلاثون عاما طويل البنيه عريض المنكبين ويتميز بالشعر الاسود الغامق والطويل بعض الشيء وصاحب العيون السوداء

يعمل ظابط شرطه لا يعرف الرحمه فالجميع يخافون منه لأنه عصبي المزاج حادة الطباع لايتحدث كثيرا وحكمته في هذه الحياة

( خير الكلام ما قل ودل)

لااحد يعرف كيف يتحدث معه إلا شخصاً واحداً وهو جده يخشاه وينفذ له ما يطلبه خوفاً علي صحته بسبب كبر سنه ولكن لااحد يكسر له كلمه واحده وليس خوفا منه بل حبا فيه

وفي أحد الأماكن الشعبية تسكن بطلتنا الجميله فرح

تقوم فرح بإعداد الافطار الي جدها وتغني له بطريقة عفوية قائله

فرح : جدوجدو بابا بابيه كل يوم كل يحكلي حكايه

ودلفت إليه ووجدته ينتهي من الصلاة وابتسم لها علي هذة الاغنيه التي منذ صغرها تغنيها له كل يوم وتحدث قائلا

علي: انتي يابت مش هتبطلي الفرح اللي انتي بتعملي كل يوم ده

عقدت حاجبيها وضمت يدها أمام صدرها وتحدثت بغضب مصطنع قائله

فرح : انا بعمل فرح ماشي ياسي ياعلي بكره اتجوز وشوف البيت من غيري هيكون عامل ازاي وبعدين انا اسمي فرح وبعمل فرح هو هيبقي مليش حظ في اسمي وكمان ومعملش ليك. فرح لا كده كتير اووووي

ضحك علي عفويتها هي الوحيدة التي يضحك معاها بهذا الشكل وقال في جديه مصطنعة

علي: خلاص انا عارف انتي بتعملي كده ليه اكيد عايزة حاجه كبيرة قولي عايزة اكيد مش فلوس لأنك عمرك ماطلبتي مني فلوس يبقي ايه هي الحاجة

ابتسمت ابتسامه تعني انها لاتوافق علي ما يتحدثه جدها وتحدثت قائله

فرح : انت عارف اني طول عمري بغني كده وإني بحب الاغاني ولا انت نسيت اني بليل بحب اغني والصبح اغني يعني بتنام علي اغنيه وتصحي علي اغنيه

اؤم برأسه موافقا علي حديثها ولكن قاطعها قائلا

علي : لكن الساعه ٧ محدش يعرف يكلمك عشان ست شكوكش بتاعتك دي صح

ضحك علي برائته وعلي عدم معرفته بالمسلسلات الهنديه هي تعشق المسلسلات الهنديه بطريقة غير عاديه ودائما تريد فارس أحلامها يتزوجها علي هذه الطريقة وتحدثت قائله

فرح : هههههههههههه اسمها كوشي وارناف في حد في مصر ميعرفش من النظرة الثانية اااااه اوعدني ياااااااااارب

انتهى من افطاره وتحدث وهو يقوم من علي طاوله الطعام قائلا

علي : طب ياختي خليكي انتي كده تفكري في ارناف ومش عارف ايه انا نازل افتح المحل عايزة حاجة من تحت

فرح: لاياحبيبي انا هنام انت عارف اني لسه منامتش هنام وقبل ماتيجي هكون عملت الاكل

غضب جدها مما تحدثته لأنه دائما يتحدث معاها وعلي ماتفعله كل ليله وتحدث قائلا

علي : انتي كل يوم يافرح سهر كده صحتك يابنتي بقت في النازل ممكن اعرف هتفضلي تنامي طول النهار وتسهري طول الليل لحد أمتي الساعه دخله علي ١٠ الصبح وحضرتك لسه صحيه وبعدين

فرح : خلاص بقي ياجدو انت عارف انا بفضل قاعدة طول النهار لوحدي وانت طول الليل نايم ومش راضي تخليني اشتغل اعمل ايه اهو طول الليل قاعدة مع شله الدور الشامل وطول النهار نايمه

ضحك عليها لأنه يعرف جيداً أنه لا يستطيع أن اقناعها ولو لمرة واحده وتحدث وهو يذهب من البيت قائلا

علي : انا ماشي عشان عارف انك متعبه وانا مش عايز وجع قلب سلام ياعسليه

فرح : طبعا قبله رقيقه علي وجنتيه وتحدثت قائله

فرح: سلام ياروح عسليه اوعي البنات تعكسك لا اله الا الله

علي: محمد رسول الله

ودلفت فرح الي غرفتها والقت جسدها علي سريرها وذهبت في ثبات عميق

ونذهب الي مكان آخر حيث الجمال والفخامة وفي احدي قصور الجميله التي تشبه قصور الزعماء والرؤساء وندلف الي غرفه الطعام فتوجد علي طاوله الطعام كل مالذ وطاب من طعام وفاكهة

ويجتمع جميع الاسرة ويتحدثون ويضحكون وتحدث الجد قائلا

انس : امال فين مالك منزلش يفطر ليه

وتحدثت والدته وهي حزينه علي حال ابنها فهو بلغ الثلاثون من عمره لم يتزوج حتي الآن وتحدثت قائله

مني : فوق مش راضي ياكل وعمال يدرب علي البوكس مش عارفه ياعمي شكله عصبي اووووي انهاردة حتي ليخرج بدري اول مرة يتأخر كده

أنس: امممممم معاذ اخوك ماله

معاذ: مش عارف والله ياجدو بس هو طالما عصبي كده يبقي في قضية شاغله ومش عارف يخلصلها

ياسمين: أو حد هربان منه بعد ماقرب يقبض عليه هههههههههههه

نظر إليه جدها وتحدث قائلا

أنس: بنت عيب كده ده اخوكي الكبير

ياسمين: سوري مش قصدي انا كنت بهزار اصل هو علي طول قافلة علي نفسه ومش بيتكلم خلاص بصراحه البنت هتتجوزه هتكون مظلوم معاه

فريدة: أو هطلع عينه هههههههههههه

معاذ : زي ما حضرتك مطلعه عيني كده مش راضيه نتخطب اعملي حسابك أن انا البنات بتتخانق عليا

فريدة: ياسلام ياخويا

معاذ: اه والله ياختي

صاح الجد وهو يصطنع الجديه قائلا

انس: وبعدين احنا كل يوم هنتكلم في الموضوع ده فريدة بنت عمك لازم تخلص كليه دي اخر سنه خليها تاخدها وبعدها نلبس الدبل ويكون اخوك كمان علي الأقل خطب

تحدثت والدته بكل حزن قائله

مني: رايح نفسك ياعمي مش راضي يتجوز وحالف مايتجوز

انس: اصبري انتي بس اول لما اشوف البنت المناسبة اقسم بالله العظيم لاهلي يتجوزها أن شاءالله غصب عنه ايه الدلع اللي هو في ده ليه يعني رافض الجواز

مني: بيقول انا ظابط شرطه وحياتي علي كف عفريت اتجوز انهاردة ومراتي تبقي ارمله بكره لا خليني كده احسن

انس:لا ده زودها انا هطلع اشوفه وانت يامعاذ وصل اختك وبنت عمك الجامعه وبعد كده هتروح فين عشان عايزك في مشوار

معاذ: انا عندي عمليات كتير ياجدي اعذرني ياجدي انت كنت عايز نروح فين

انس: كنت عايزك تروح معايا نجيب علاج عشان سنيوريتا تعبانه وعاوزة علاج

معاذ: طب مانت عارف الخيل وعلاجها من تخصص مالك وبعدين سنيوريتا دي بتاعت مالك اصلا معلش يا جدو عندي شغل كتير يدوب اوصل البنات. وارجع علي المستشفى وبعد كده ارجع اجيبهم يالا يابنات عايز حاجه

انس: لا ياحبيبي ربنا معاكم

مني: مع السلامه ياحبيبي خلي بالك من اخواتك

عقد حاجبيه معترضا علي قول والدته وتحدث بطريقة كوميدية قائلا

معاذ: واحدة اختي والتانيه خطيبتي يالا ياخطيبتي

فريدة: هههههههههههه يالا

ابتسمت مني مما حديث ابنها ولكن لن تستمر هذه الضحكه كثيرا حتي عادت الي حزنها مرة أخري ثم نهضت وتحدثت قائله

مني: انا هطلع اشوف مالك مارحش شغله ليه

انس: ماشي اطلعي وانا هاجي واركي

وذهبت مني الي غرفه ابنها حيث الجمال والاناقه ولكن كيئبه بعض الشئ لايوجد الوان مبهجة فهي كاتمه مخيفة فكل شيء فيها يوجد باللون الاسود لايوجد فيها فرحه ولا لمسه انوثيه كباقي غرف القصر وهي الوحيدة التي لااحد يتسطيع

يعدل فيها شئ ودلفت إليه مني وتحدثت قائله

مني: ايه يامالك اتاخرت انهاردة علي شغلك

مالك : ابدا يا ماما انتي عارفه أن شغلي ملوش معاد وبنزل في اي وقت

مني : اللي انا اعرفه. انك عامل معاد لشغلك من ٧ صباحا لحد ٧ مساءاً لكن انهاردة اول مرة تتأخر

مالك : انهاردة اجازة ياماما انا واخد اجازة عشان اشوف سنيوريتا عشان قربت تولد

مني: احلي حاجه فيك بتهتم بالخيل إنما نفسك لا ممكن اعرف هتفضل لحد أمتي قاعد من غير جواز انت

قاطعها مالك وتحدث بعصبية شديدة وهو يعرف ماذا تقصد والدته وتحدث قائلا

مالك بعصبية شديدة: انت دخلت علي التلاتين ولازم اشوفك في الكوشه مع عروستك قبل ماموت بحصرتي وأشوف حفيدي بيجري حواليه هاااا في حاجه تاني حضرتك حابه تتضفيها ولا انا نسيت حاجه

مني: لا ازاي حضرتك قولت كل حاجه بس انا اقولك أن الدنيا فيها حلوة وفيها مر

ومش معني ان صاحب عمرك اتوفي يوم الصباحيه يبقي كل رجال الشرطة هتموت نفس الموته كل واحد لي عمر هيعشه لآخر لاحظه

مالك يحاول يهدئ من عصبيته ولكن كلما تذكر صديقه وهى يقع بين يديه وغارق في دمه فاقسم علي أن يأخذ بثاره من تلك الفتاة اللعينه التي كلما حاول القبض عليها تختفي مثل الزئبق وفاق من شروده علي صوت جده

أنس: هو في ايه يامالك انت خلاص مبقاش في حياتك غير السيرة دي وبعدين صاحبك عمره خلاص لحد هنا وارد جدا أن أي حد يحصله اللي حصله يابني حرام عليك نفسك انت كبرت انت مش صغير طب بص اخوك الصغير بيحب بنت عمه وهيتجنن عشان يتجوزها

مالك : وانا مالي بس ياجدو انا كده عايش حياتي براحتي وبعدين انا مش عارف انت ليه كل شويه تأجل خطوبتهم وافق وخليهم يفرحو ببعض

مني: طب وانت ده انت مش ناقصه حاجه بسم الله ماشاء الله كل حاجه عندك حتي لو مش عايز تقعد معانا في الفيلا انت واخد شقه لوحدك وبتروح وتجي عليها تقضي فيها كام يوم لوحدك ليه بقي ماتخدش مراتك فيها والله ياحبيبي مش هزعل منك انا اهم حاجه عندي سعادتك انت وبس

انس: انا موافق مامتك في الكلام ده اهم حاجه تكون مراتك هنا ولا هناك مش مهم

مالك: جدي الكلام ده سابق لااونه ابقي افكر في الموضوع ده بعدين المهم انا هروح اجيب علاج عشان سنيوريتا فاضل اسبوع بكتير وتولد وشكلها تعبان مش عجبني هتيجي معايا ولا اروح لوحدي

انس: طبعا هاجي معاك يالا بينا

وذهبوا إلى أحد الدكاترة البيطرية وعادو سريعًا وقام مالك بحقنه سنيوريتا وبعدها ظل يتحدث معاها الي أن جاء الليل وهو لا يدري بمرور الوقت

مالك: ايه مالك انتي تعبانه ليه قربتي تولدي انا عارف ان ده اول مولود ليكي اكيد فرحانه عشان هتشوفي ابنك انا عايز ولد هااا

قامت سنيوريتا بنكزه في رأسه بطريقة عفوية جعلت مالك يضحك على اعتراضها

علي ماتحدثه

مالك: اه هههههههههههه انتي عايز بنت ولا ايه ماشي ياستي المهم انك تكوني كويسه عارفه لو جبتي بنوته هخلي جدي يختار الاسم عشان مليش في اسماء البنات هههههههههههه طب خلاص انا هسيبك بقا عشان انا بنام بدري مانتي عارفه سلام يااحلي سنيوريتا

وقبل أن يذهب مالك من أمام هذه الفرسه الجميله ضربه يدها في الارض علي أن يأتيها ولا يذهب فتحدث إليها قائلا

مالك:وبعدين بقااااا انتي سهرانه ليه الساعه ٧ والنهاردة كان يوم طويل اووووي انا عايز انام وانتي كمان لازم تنامي يالا تصبحي علي خير بكره قبل ماروح الشغل هفوت عليكي

ذهب الليل بالنسبة إلي مالك فهو دائما دقيق جداً في مواعيده حتي مواعيد نومه لا احد يستطيع أن يجعله يسهر الليل ولو لمرة واحده فهذه هي حياته ذهب إلي غرفته وأخذ حمامه وخرج وهولا يرتدي سوي بنطال القي جسده العاري علي سريره وذهب في ثبات عميق

ونذهب مرة آخري الي الفتاة التي سحرت شباب كثيرة بجمالها نذهب الي مجموعه من الفتيات يدعون علي ا نفسهم (شله الدمار الشامل)فهي المجموعة التي لااحدا يستطيع أحد يقف أمامهم وزعيمه هذة المجموعة هي فرح ولكن لايعرفون اسم فرح الا في الأماكن الرسمية والحكومية فهم لايعرفون الا اسم واحد وهو ( عسليه) لقبت بهذا الاسم نظرا لعيونها الجميله العسلتين

كانت تجلس وتشاهد التلفاز علي مسلسلها الهندي المفضل ( من النظرة الثانية) وفجاة تألمت من وجع شديد في الكلي وتحدثت بوجع شديد

فرح: اااااه مش قادره اااااه

تحدثت إليها تحدي صديقتها المقربة تتدعي مريم ولقبهافي ( الشله سوكه) وكانت تخاف على صديقتها كثيرا

مريم: مالك يابت في ايه

فرح: جنبي واجعني اوووووووووي مش قادره اااه

وتحدثت إليها صديقه أخري تتدعي نرمين لقبها في ( في الشله مقالب )

نرمين: مالك يابت ياعسليه سو كه هي مخدتش العلاج اللي جبته ولاايه

وتحدثت سوكه الي صديقتها مقالب

فهي معتادة على المقالب ولكن وقت الحاجة تكون اول من يقف وراء صديقتها وخصوصاً فرح ومريم فهم مثلث برمودا كما يطلقون عليهم من يحاول يفرق بينهم يتخفي ومن حاول تدمير اي فرد منهم فيكون شله الدمار الشامل ثلاث بنات ولكن بمثابة ثلاث رجال وقت الشده يأكلون ويتسامرون ويبادلون الملابس والاكسسوارات لبعضهم البعض واذا ضاقت الدنيا علي واحدة منهم يوقفون بجنبها

تحدثت نرمين بعصبية شديدة خوفاً على صديقتها قائله

نرمين: الله يخربيتك انتي اكيد مخدتيش العلاج اللي جبتهولك صح

فرح :باخد منه والله بس لما جدي ينزل عشان مايشوف العلاج ويقلق عليا

مريم: طب انهاردة انتي تعبان اووووي ليه كده هو لسه الحصوه منزلتش

تحدثت فرح وهي تكاد تبكي على حالها قائله

فرح : هههه حصوه الدكتورة قالتلي أن بقي عندي 5حصوات كبيرة و5صغيرين وبدئه يكبروه ومشعبين يعني مسكين في الكلي وان لازم عمليه جراحيه

مريم ونرمين بخضه : يالههووووي عمليه وانتي هتعملي ايه دلوقتي

فرح : ولا حاجه اديني باخد مسكن وماشي عليه جدي لو عرف هيبع المحل بتاعه عشان اعمل العملية وبعد كده مش هنلاقي ناكل انتو عارفين أن المحل ده اللي بياكلنا وندفع ايجار الشقة كمان

نرمين واقفه حائرة من حديث فرح فماذا تفعل لها وهي ايضا لاتملك الكثير من المال ولكنها لمعت براسها فكرة واقترحت علي فرح ومريم وتحدثت قائله

نرمين: بت ياعسليه انا معايا خاتم دهب من المحروق علي عينه خطيبي الأولني خدي وبيعي وقاطعتها صديقتها مريم قائله

مريم: وانا كمان معايا 3غوايش بتوعي كنت بعمل جمعية واجيبهم خديهم ونعملك العمليه قامت فرح ووضعت يدها في خصرها وتحدثت معارضه علي حديثهما وتحدثت قائله

فرح: بقولك ايه يامزه انتي وهي كل واحدة تحط دهبها في ايدها مش عسليه اللي تاخد حاجه صاحبها اللي كانت شايفه فرحتهم وهما بيلبسوها انتي نسيتي يا سوكه كل جميعه تقبضيها نروح نشتريها سوي ونسيتي فرحتك وانتي بتلبسيهم في اي فرح ولا انتي يامقالب نسيتي لما خطبيبك المحروق ده ضحك عليكي وقالك هاتي الدهب عشان نغيره وخده وروح فاكرة عملتي في ايه

نرمين: هههههههههههه هههههههههههه ودي حاجه تتنسي برضو ده انا نفخته قولتله بابا عايز يوفرلك الفلوس اللي تتغير بيهم الدهب وكمان هيجيب سلسله و4غوايش وطبعا عشان طماع صدق واول لما وصل عند بتاع الدهب قولتله فين علبه الدهب

ثم قامت بتقليده وكانت تقوم بتغير صوتها الأنثوي الرقيق الي صوت رجولي بعض الشيء وتحدثت قائله

العلبه اهي ياحبيتي انا كنت عايز اغير الدهب بس مش دلوقتي بس طالما انتو عايزين تغيروها مفيش مشكله

ثم عادت سريعا الي صوتها الرقيق الجميل وتحدثت قائله

روحت اخدت منه علبه الدهب وجريت وانا بقوله امك في العش ولا طارت هههههههههههه هههههههههههه

واكتشفت في الاخر أن الدهب صيني ماعدا الخاتم ده عشان كان بتاع امه العقربه

ضحكت الفتيات علي هذا الموقف فدائما يذكرونه ويضحكون

تحسنت فرح بعد أن أخذت المسكن الملائم لها

ثم تحدثت قائله

فرح: انا خلاص عملت جمعية مع جارتنا ام محمد وهي هتدهلي رقم 5 يعني بعد شهر

مريم ونرمين: يعني في يوم عيدميلادك

فرح: ٠٠٠٠٠٠٠

يتبع الفصل الثاني اضغط هنا

الفهرس يحتوي علي جميع فصول الرواية كامله"رواية تشابه اسماء" اضغط علي اسم الروايه