رواية احببت فاقد الذاكرة الفصل السادس 6 بقلم يارا عبد السلام
رواية احببت فاقد الذاكرة الفصل السادس 6 بقلم يارا عبد السلام
_يارا اي اللي جابك هنا
_شغلي يا استاذ عماد انا بمرض استاذ احمد هنا
_ااااي اه ماشي يا يارا عوزا حاجه
_لا شكرا
_سلام
في سري داهيه تاخدك انت والعقربه اللي معاك ربنا يستر عالبلد منكوو.
دخلت لاحمد لقيته ابتسم!؟
_احم استاذ احمد في علاج دلوقتي هتاخده هنا ولا هتاخده في الجناح بتاع حضرتك...
انا مش عارفه انا بتكلم جد كدا لي مع أن دي مش عادتي وهوا باصصلي ومبتسم وساكت...
_احم حضرتك معايا
_اي يا يارا
اي دا هوا بيقول يارا صح انا مش مصدقه دا اكيد سخن!؟
_احم العلاج حضرتك هتاخده فين..
_في المكان اللي تحبيه
_ها هوا حضرتك كويس
_اي!
_يعني هوا حضرتك بتكلمني حلو كدا لي انا مش متعوده على كدا
قام وقف وقرب مني وقالي امال عوزاني اكلمك ازاي وانتي قلبي يا يارا
ومش عاوز اشوف وشك هنا تاني مفهوم وغوري من وشي علشان بقفل منك يلا
انا اتفاجئت من اي بيقولي كدا ومن اي كدا انا اتشتت من طريقته ازاي بيتعامل بشخصيتين في نفس الوقت ابو انفصام الشخصية دا ....
احمد الباز منفصم الشخصيه لا يملك كلمه سوا غوري من وشي..... ههههههههه
وانا خارجه شوفت سلمي واقفه
_احم يا يارا تعالي علشان عوزاكي في حاجه
_نعم
_تعالي بس
خدتني في اوضه بتاعتها وقفلت الباب
_عوزاكي في حاجه مهمه
_اي
_كنت ا
وفجاه فونها رن ...
طيب ثواني يا يارا هرد عالفون
_تمام
راحت تتكلم في الفون وانا واقفه مش فاهمه حاجه في اي حاجه ...
_الو يا عماد في اي
_انتي قولتي يارا حاجه
_لا لسه كنت هقولها
_احسن متقوليش حاجه واسكتي لحد لما اقابلك
_طيب في اي
_هتعرفي لما اشوفك ومتخليهاش تلاحظ حاجه قوليلها أن صحبتك عيانه ولازم تزوريها
_تمام
ردت عالفون ورجعت وهي وشها ميبشرش بخير يا تري حصل اي ....
_يارا انا اسفه جدا عطلتك بس صاحبتي تعبانه ولازم اروحلها
_لا الف سلامه عليها ولا يهمك اهم حاجه صحبتك
_تسلميلي يارب لما هاجي هكلمك اسفه اني عطلتك
_ولا يهمك عن اذنك
خرجت من الأوضه وانا حاسه ان في حاجه مش طبيعيه ..
وانا ماشيه في الممر لقيت سلم نازل لتحت
هوا اي القصر اللي مليان مفاجآت دا ...
وطبعا الفضول عندي عالي وخدني اني انزل اشوف في اي ولا اي دا
_نزلت عالسلم وانا خايفه بقرب خطوه وبرجع عشره بس لازم ابقى قويه وارضي فضولي...
نزلت وكان في باب بس مفتوح سيكا زقيته ودخلت
لقيت المكان عباره عن أدوات نحت ورسم وحاجات حلوة كتير...
بصيت لقيت لوحه مرسومه فضولي خدني لحد عندها
لقيت مكتوب عليها "الي اعز الناس"
رفعت الورقه دي
اتفاجات اكتر لما لقيت انا انا!
ايوا انا اللي مرسومه وبطريقه جميله اوووي
عيني دمعت من الفرحه انا اول مره اشوف حاجه زي كدا اول مرة احب نفسي كدا ...
بس يا تري اي رسمها...
_هقولك انا لي رسمتها
_اي انت هنا
_انا كنت واثق انو في يوم فضولك هيجيبك هنا بس الصراحه مكنتش متوقع انو يجيبك بالسرعه دي
_انت اللي راسمني
_ايوا انا اللي راسمك
_ازاي انا مكنتش قدامك ولي
_ازاي مش شرط اللي بنرسمهم يبقوا أجساد أو صور قدامنا طول ما ملامحهم محفورة في قلبنا
_اي يعني انت رسمتني بقلبك!؟
ازاي وانت بتكرهني ومش طايقني طول الوقت
_ومين قالك كدا يارا انا بحبك ...
_بتحبني ازاي..
_زي مانتي بتحبيني ساعت عصير القصب ومحمد والمستشفي وكدا
_اي ...يعني انت مفقدتش الذاكره
_لا طبعا كنت ناسي كل حاجه بس افتكرت من يومين كنت تعبت ومصدع لاني كنت شايفك دايما وكنت حاسس اني اعرفك علشان كدا كنت بقولك دائما غوري من وشي علشان راسي كانت بتحاول تكون صور عاوز افتكرك وبس...
_يعني انت دلوقتى فاكرني
_ايوا طبعا فاكرك يا يارا كفايه أن قلبي بيدقلك
_وسلمي
_سلمى!؟
_هوا انتي مفكرة اني مش عارف اللي هي بتعمله وانا سايبها تعمل اللي هي عوزاه لحد ما مسك دليل ضدها هي واللي معاها
_عماد
_تعرفيه منين
_ككان خطيبي
_دا كان خطيبك
_اه
_ماشي اديكي قولتي كان ماسمعش اسمه علي لسانك تاني مفهوم
_اي
_بقول مفهوم
_حاضر
_حضن لعمه بقى
_اي لا والله منا لاعبه
ومشيت من قدامه
_طيب استني بس كدا تسيبي عمو واقف فاتحلك حضنه
_غور ياض
_غور هوا فينا من كدا
_اه
_طيب لما تتجوز بس هعرفك ازاي تقولي كدا
_ومين قالك اني هوافق
_يشيخه
_بهزر يسطا انا جاهزه في اي وقت اصلا
_هههههههه ماشي يختي
المهم اننا هنتعامل زي الاول وأسوأ كمان وهطردك لاني عارف انهم هيحاولوا يستغلوكي ويخلوكي تق*تليني
_ماشي
_يلا يا قلبي اطلعي علشان محدش يشوفنا
انا مبسوطه وفرحانه مش عارفه اوصف سعادتي معقول احمد طلع بيحبني ياااااه الدنيا اتفتحت قدامي من اول وجديد حاسه ان الحياه كلها بنبي ....
والحياة بقى لونها بمبي وانا جنبك وانت جنبي وانا جنبك يا حبيبي وانت جنبي بمبي بمبي بمبي بمبي.....
ماشيه بغني وفرحانه والسعاده مش موصوفه ليا يارب ديمها....
_متقوليش ليارا عن حاجه
_لي يا عماد
_علشان يارا دي تبقى خطيبتي وانتي متعرفيش هي عامله ازاي
_ازاي يعني
_يعني عندها ضمير يا سلمي وعمرها متبيعه بالكنوز
_الله الله انت بتمدح فيها
_لا مش بمدح بس بقولك انها صعب
_اممممم طيب اي رايك اطلعها من البيت بفضيحه
_انتي غبيه دا اللي هوا ازاي
_الصراحه انا من ساعت معرفت انها كانت خطيبتك وانا مش طايقهاها فعاوزا اعملها قرصه ودن صغيره كدا
_ازاي.....
_هقولك...
____________
وانا قاعده في الجنينه وفرحانه جالي تليفون من ام سعاد جارتنا
_الو
اي بتقولي اي
ماما نقلوها المستشفى
طيب انا جايه حالا
جريت برا القصر وركبت تاكسي وطلعت عالمستشفي......
في القصر...
الحقني يا احمد
_اي يا سلمي
_العقد بتاعي بتاع المرحومه ماما مش لاقياه دا عقد غالي يا احمد
_طيب دوري كويس
_دورت مش لاقياه
هي يارا فين مش باينه
_مش عارف
_مش معقول ممكن تكون هي
وفجاه قلم نزل علي خدها من احمد و.....
يتبع الفصل التالي اضغط هنا
الفهرس يحتوي على جميع فصول الرواية " رواية احببت فاقد الذاكرة" اضغط على اسم الرواية
تعليقات
إرسال تعليق