رواية احببت نادلة الفصل الخامس 5 بقلم اميرة مراد
رواية احببت نادلة الفصل الخامس
دينا: يعني اتفقنا خلاص
المدير: ان شاءلله
زينة: انا فرحانه وكل حاجه تمام بس بردوا هشتغل ايه
المدير بغضب: لا حول ولاقوة الابالله، انتي عايزة ايه
زينة:عايزة ابقي المحاسب
المدير بزهق:انتي سريعة بالحسابات
زينة:لا
المدير بغضب:يبقي مينفعش
زينة:انت متنرفز ليه، مافي اختراع اسمو الة حاسبة
المدير: بهدوء كده عشان نتفاهم، في واحد شغال في الحسابات، اروح اقوله معلش عشان المصيبة ال ربنا يخدها بعيد عني عايزة تشتغل مكانك، امشي بقا مش عايزينك.
زينة ببلهاء:اتفقنا، اشتغل امتي
المدير بنفاذ صبر و بزعيق:نعم ياختي، انتي يا تكوني جرسونة يا مفيش تمام
زينة وهي بتهمس لدينا:هو بيزعق ليه، كمان يعني ايه جرسونة
دينا وهي مستعجبة من زينة:بيزعق عشان انتي غبية وانا غبية كمان عشان قولتلك علي الشغل ده
تاني حاجه جرسونة معناها نادلة يا بتاعت السن
زينة:انا السن اه بس مليش في الانجليزي ده، ميقول نادلة من الاول وخلاص
المدير:هنتنينا كده كتير مش خلاص
زينة:خلاص انا موافقة جرسونة جرسونة المهم اشتغل المدير:انتي زهقتيني، تعالي بكره عشان مش طايق اشوف وشك ده.
زينة بقرف:ماشي.
وعادت زينة الي منزلها ~
خالد:استغفرالله العظيم
وذهب الي غرفته
زينة:مالو ده كل لما يشوفني بيتوب
ليلي:الحمدلله انو بيستغفر اصلا
ها قوليلي عملتي ايه
زينة:الحمدلله هشتغل مع دينا صحبتي
ليلي:ايه الشغل ده بقا
زينه:جرسونة
ليلي:ايه جرسونة دي
زينة:يعني نادلة
ليلي:نعم ياختي نادلة لما تنندلك
زينة وهي تجري من ليلي:ومالو مش احسن من مفيش ليلي:والمكان ده فين بقا ان شاءلله
زينة:مطعم مفتوح علي البحر حاجة كده تشرح القلب
ليلي:ربنا يرزقك يا بنتي.
اليوم الاول في العمل ~
دينا:خدي يا ستي اليونفوم بتاعك
زينة:شكلو حلو
دينا:فرحانه اوي انك اشتغلتي معايا
زينة: كلو بفضلك
دينا:يلا بقا ابدائي الشغل، روحي للراجل ده وشوفيه عايز ايه
زينة:حاضر
دينا:من غير مشاكل لو سمحتي
زينة:عيب عليكي
وذهبت زينة لاول زبون لها ~
زينة:حضرتك تطلب ايه
رد عليها بدون النظر لها
الشخص: عايز قهوة
زينة بصدمة وهي تحدث نفسها هو انت؟!
وذهبت زينة الي المطبخ
زينة:واحد عصير برتقال
الطباخ:اتفضلي
زينة:شكرا
زينة:اتفضل
الشخص:ايه ده؟؟!
زينة:عصير برتقال
الشخص:مني عارف ان ده عصير برتقال بس ده مش طلبي
زينة:منا عارفه
الشخص بدهشة:طب جبتي عصير ليه، انا طلبت قهوة
زينة:العصير احلي
الشخص بتعجب:نعم
وهنا نظر الشخص الي زينة
الشخص:هو انتي؟؟!
يتبع الفصل التالي: اضغط هنا
الفهرس يحتوي على جميع فصول الرواية كاملة: " احببت نادلة " اضغط على أسم الرواية
تعليقات
إرسال تعليق