رواية زواج اطفال الجزء الثاني الفصل الحادي عشر 11 بقلم الكاتبة الصغيره
رواية زواج اطفال الجزء الثاني الفصل الحادي عشر 11 بقلم الكاتبة الصغيره
مالك..مقولتليش هنسمى ابننا ايه
اروى بصدمه فضلت واقفه مكانها
مالك راح عندها ..هتفضلى مديانى ضهرك كتير
اروى لفت وشها..عايز اى
مالك ببرود..هنسميه اى اقولك أنا عايز ولد عشان اسميه مازن
اروى بصراخ..انت باين عليك اتجننت عايز ولد اى وبتاع اى أنا مش حامل
مالك..تؤ تؤ الكدب حرام يا رورو
اروى بصتله بقرف..ولما انت عارف كده كدبت عليا ليه وانا مش حامل ومعدتش عايزه اشوفك قدامى تانى
مالك بعصبيه ..اروى متكدبيش عشان الدكتوره هى بنفسها اللى قالتلى ولما كنتى هتقعى دلوقتي كنتى ماسكه بطنك بخوف ووشك اتغير اول ما بصيتلك
اروى..ايوه صح وانت ملكش حاجه عندى
مالك..ده إللى هو ازاى يعني ده ابنى
اروى بتحدى ..وانا هنزله ومش عايزه تربطنا ببعض تانى
مالك بغضب مسك ايدها وشدها ليه لترتطم بصدره وبصلها ب*ش*ر ..قسما بالله لو سمعتك بتقولى كده تاني مش هسمى عليكى عايزه تم*وتى ابنى انتى عارفه انتى بتقولى ايه مش من حقك تعملى او تفكرى في حاجه زى كده حتى فااااهمه
اروى بخوف ..ابعد عنى أنت ازاى ماسكنى كده وانا حره اعمل اللى انا عايزاه
مالك..لأ تعملى اللى أنا عايزه فاهمه
اروى..بصفتك ايه يعنى وعماله تبعد عنه وهو ماسكها جامد
مالك..جوزك
اروى..لا والله جوزى إللى طلقني يوم الفرح ولا جوزى اللى كدب عليا وفهمنى انه بيحبنى ولا جوزى اللى بيعاقبنى على حاجه معملتهاش
مالك..أولا أنا مقولتش طالق غير مره واحده يعني انتى لسه مراتى ثانيا مش هرد على كلامك ده دلوقتي
اروى ..ابعد عني بقي مش طيقاك
مالك ..تمام أنا هخليكى تطقينى بقا وقام شايلها
اروى شهقت ..أنت بتعمل اى نزلنى
مالك خرج بيها وهى مسكت في رقبته ودرات وشها من الخجل
كل اللى في المكان بيبصوا بصدمه وفضلوا يتهامسوا
مالك بصوت عالى..اييه اول مره تشوفوا واحد شايل مراته
استغربوا من الكلمه وأن محدش يعرف
مالك سابهم ومشي
اروى بغضب ..عاجبك كده ابعد نزلنيي بقا أنت عايز منى ايه
مالك..آه عاجبنى
اروى فضلت تحرك رجليها في الهوا ..ابعدد يا مالك الناس بتبص علينا
مالك ..بطلى حركه بقى
راح عند العربيه وركبها وهى مستغربه هو بيعمل ايه
مالك ركب
اروى ..انت مودينى فين
مالك..بيتك
اروى..وانا عارفه الطريق مش عايزه منك حاجه وبتفتح الباب
مالك ساق العربيه ومشي بسرعه
اروى ..أقف بقولك والله اصوت واقول خاطفنى
مالك ..عادى هيفكروكى هبله
اروى ..كده طب اهو وفتحت الباب وعايزه تنزل
مالك بعصبيه شدها جامد عليه وفرمل العربيه وقفت
اروى كان يعتبر في حضنه بصتله وهو كمان سرح ف عينها اللى كانت وحشاه اروى قلبها كان بيدق جامد تبا لهذا القلب أ مازال يعشقه
قطع عليهم اللحظه..مناديل يابيه
مالك بعد عنها وهى اتعدلت مكانها
ادى للولد فلوس ومشي
مالك..انتى غب*يه صح عايزة تنزلى والعربيه ماشيه ازاى
اروى..ملكش دعوه ومتشتمش
مالك مردش عليها وكمل طريقه
....... ............. ................
سليم..يابنتى بقولك جعان تقوليلى اندومى
لارا ..طب اعمل اى يعني مش بعرف اطبخ
سليم ..تعالى نجرب سوا
لارا بمرح ..موافقه نعمل بشاميل
سليم.. دى هبت منك اوى بشاميل مره واحده
لارا ..اهاا يلا
دخلوا المطبخ وهما مش عارفين يعملوا حاجه
سليم ..هاتى الدقيق
لارا جات تجيبه وقعته عليها وكل شعرها ووشها اتملى دقيق
سليم...هههههه شكلك يضحك خارجه م الترب ولا اى
لارا ..متضحكش عليا يا رخم
سليم ..بصى هنا كده كان ماسك صنيه
لارا ..عااا اى المنظر ده
سليم بضحك ..ده شكلك هههههه
لارا بصت حواليها وقامت ماسكه بيضه وحدفته بيها
سليم ..يابنت الهب*له
لارا ..هههه احسن. احسن
سليم ناحيتها بقي كده طب اهو مسك الزبده ومسحها في وشها
لارا ..سلييييم حرام عليك وشي هيزيت يا رخم ابعد
سليم بعد عنها ..احسن تستاهلى
لارا وهى بتحط مكرونايه في بوقها ..هو لازم يعني بشاميل
سليم ..لأ خالص احنا نطلب اكل احسن ويلا ننضف المكان ده
لارا..أنا هغسل مواعين وانت نضف
بدأو ينضفوا....
لارا ..خلصت هروح اخد دش بقي عشان الدقيق إللى غرقنى ده
سليم ..وأنا كمان
لارا..ماشي مش هتاخر
سليم بغمزه ..لا مانا جاى معاكى
لارا ..قليل الادب
سليم ..عارف بقولك ااا مش هتصالحينى تانى
لارا ..ليه وانا زعلتك
سليم ..حدفتينى بالبيض
لارا..وانت ضحكت عليا
سليم ..خلاص صالحينى وهصالحك
لارا .. لأ وسع بقى خلينى امشي
سليم وقفها وحط ايده على وسطها ..تعالى بس نتفاهم
لارا .. هاا
سليم وهو بيقرب منها .. خلاص هصالحك أنا
لارا بإحراج ..لا مش زعلانه ابعد
سليم وهو بيقرب اكتر وهو اصلا مش مركز معاها قرب منها وباس*ها
لارا وشها احمر وكانت مكسوفه لكن مبعدتش عنه
سليم فضل كده وهو بيشدها لحضنه شويه وبعد عنها
لارا حضنته عشان تدارى وشها من الخجل
سليم بإبتسامه جذابه..احلى حضن ده ولا ايه
لارا خطبته في صدره..بس بقي
سليم ..قمر في كل حلاتك حتى وانتى مكسوفه
لارا ..هه عارفه اصلا 😎
سليم..بس بس متتفرديش اوى كده
لارا ..نينيني
سليم ..احنا هنفضل كده كتير
لارا..يعني ايه
سليم ..يعني عايز اسمع بابا قريب 😉
لارا بخجل ..معرفش وبطل بقي تغمز
سليم ..تعالى وانا هعرفك
لارا جرت ..لأ مش عايزه
سليم جرى وراها خدى يابنت المجنونه هو خالى مخلف عيله هبله ياربى
........ ........ .......... .........
# خلاص أنا اتفقت معاه وهو وافق بس على اخر لأسبوع عشان بيكون الجمعه مش هنا
~ اى وقت مش مهم المهم تنفذ
#ماشى بس ادعى منتعرفش
~ متخافش
#يلا أنا ماشي. عشان محدش يشك في حاجه
~ امشي ..
~ يااه واخيرا ده أنا مستمر اليوم ده بفارغ الصبر
...... ....... .......
اروى..اى ده دا مش طريق البيت
مالك ..مانا عارف
اروى ..انت قولت هوصلك البيت ليه ماشي من هنا
مالك..مانا هوصلك بيتك
اروى ..مااالك متعصبنيش أنا مش راجعه عندك بقولك اهو
مالك ..بس ده مش بمزاجك ده غصب عنك وهتسمعى الكلام احسن م احبسك في اوضه مخرجكيش منها غير ع الولاده
اروى ..ازاااى يعنى مش بمزاجك بقولك روحنى يا مالك
مالك وقف قدام الفيله ونزل
مالك ..يلا
اروى ..مش نازله
مالك راح شالها غصب عنها ودخل
لين ..اروى !!!
مالك ..اى رأيك ف المفاجأة دى
لين وهى راحه عليهم .. اجمل حاجه حصلت والله أنا كنت عارفه انك هترجع عن اللى في دماغك
مالك نزل اروى
لين سلمت عليها ..هو انت شايلها لى
مالك ..عشان مش قادره تمشى
اروى بصتله بقرف ..لا والله
لين ..هههه شكلك مش طيقاه
اروى ..آه يا ماما ولا عايزه اشوف وشه وجايبنى هنا غصب عنى
لين ..ليه يا مالك
مالك..عشان المدام حامل
لين بفرحه وصدمه ..بتكلم جد حامل روحى انتى مبرووك مبروك يا حبيبتى وحضنتها
مالك ..طب وانا
لين ..مبروك يقلب ماما ومدت ايدها حضنته
كانوا باصين لبعض من ورا راس لين
اروى بتحرك شفايفها ..رخم 😡
مالك بضحكه خبيثه ..هو انتى
لين بعدتهم ..بطلوا خناق بقه انتو كبرتوا ع الكلام ده
مالك ..أن. مكملش كلامه وقاطعه تليفون
مالك ..الوو
... ألو يبشا وصلنا خبر ان وائل هرب من السجن
مالك بصدمه ..بتقول ايه!!!!
يتبع الفصل التالي اضغط هنا
الفهرس يحتوي على جميع يحتوي الرواية "رواية زواج اطفال "اضغط على اسم الرواية
تعليقات
إرسال تعليق