رواية وجع الحب الفصل الثاني 2 بقلم هاجر العفيفي
رواية وجع الحب الفصل الثاني
عز وصل هو وأهله وهو بيدور بعينه على هنا بس مش شايفها
قعدوا كلهم واتفقوا على كل حاجه ولحد اللحظه هنا مظهرتش خالص وفجأه الباب خبط وكانت رنا
رنا بصتلهم بق*رف ودخلت بدون كلام تشوف هنا وفجأه سمعوها بتص*رخ باسمها
رنا بدموع : هنا هنا ياحبيبتى مالك هنااااا
عز دخل جرى والباقى وراه وشافها فاقده الوعى خالص شالها بسرعه ونزل حطها فى العربيه ورنا ركبت العربيه وهو مشى بسرعه وراحوا المستشفى وابوه اخد امها واختها فى العربيه وراح وراهم
استغفروافى المستشفى
وصلوا المستشفى ودخلت أوضة الكشف
رنا بدموع : يارب مليش غيرها يارب يارب متحرمنيش منها يارب
عز بخوف وتوتر : انا كلمتها اخر مره الصبح وكان صوتها غريب فعلا
رنا : انت كلمتها النهارده ؟؟
عز : أيوه
رنا بتفهم وقالت فى نفسها : كمان ليك عين تتكلم انت السبب فى كل حاجه
فى الوقت ده وصل امها واختها
حنان : ها الدكتور قالكم ايه
عز : لسه مخرجش
هدى بغيظ : انت ازاى تسمح لنفسك تشيلها كده وتنزل بيها
عز بعصب*يه : مش وقتك ياهدى
هدى بصوت عالى : لاء طبعا فهمنى انت ازاى تتكلم معاها اصلا انت مش عارف انها غيرانه منى وكانت بتحبك
عز بصدمه : ااااايه ؟؟؟
رنا بغ*ضب : متجبيش سيرتها انتى ايه معندكيش احس*اس ولا د*م ال جوه دى أختك ازاى تتتكلمى عليها وهى فى الحاله دى
هدى بسخريه : هى مش برضوا عامله التمثيليه دى عشان تشوف عز هيعمل معاها ايه بس برضوا مش هناولها ال فى بالها وعز هيتجوزنى انا
رنا بعصب*يه : أقسم بربى لو مكنا فى المستشفى ماكنت خليت ليكى ملامح هنا دى أحسن منك وأحسن من عشره زيك
هدى لسه هترد قاطعتهم حنان : بس بس بقا خلينا نشوف الدكتور الاول
رنا بسخريه : لاء والله على أساس ان انتى خايفه عليها اووى وبغ*ضب كل واحد فيكم سبب فى ال هى فيه اول ماهتفوق هاخدها عندى ومحدش هيشوفها تانى انتوا متستاهلوش كلمه منها منكم لله
وسابتهم وبعدت بعيد عنهم خالص وهدى كانت هتم*وت من الغيظ وحنان عرفت فعلا انها ظلمت بنتها أما عز كان فى دنيا تانيه معقول كان غ*بى للدرجه دى كانت بتحبه وهو مش حاسس خالص ازاى وكمان يجرحها كده قلبه وجعه عليها ودموعه نزلت
بعد وقت كبير الدكتور خرج وكان باين على وشه الزعل
رنا بدموع : أرجوك قولى هى عامله ايه كويسه صح
الدكتور بأسف : للأسف الانسه عندها القلب وهى اتعرضت لصدمه شدي*ده وضغط وسبب أنها تدخل فى غيبوبه مؤقته عن أذنكم
رنا بصدمه ودموع جلست فى الارض وقالت بهستريه : هنا لااااااء هنااااااااا
تعليقات
إرسال تعليق