رواية لا احد مثلها الفصل الخامس عشر 15 بقلم ريناد احمد
رواية لا احد مثلها الفصل الخامس عشر
احلام مسكت ذراع حور بقوه : هو هددك صح ؟
حور بتوتر : قولت لا يا ماما لا .. انا بحبه
احلام : حور .. لو في حاجه ورا الجواز ده قولي يا حور
حور : مفيش حاجه يا جماعه .. من حقي اتجوز واعيش حياتي مع اللي بحبه
احلام : انت حره يا حور .. بس مترجعيش تشتكي ودخلت غرفتها
محمد : حور ، تعالي معايا
حور دخلت معه لغرفتها : نعم
محمد : مش انت بتحبيني وبتعزيني ؟
حور : اه طبعا
محمد : مش انت كمان كنتي بتقوليلي كل حاجه في قلبك ومش بتخبي حاجه عني ؟
حور : اه
محمد : طب قوليلي بقا اللي في قلبك من غير ما تكذبي عليا
حور وقفت فجأه : انا قولت كل اللي في قلبي من قبل ما حضرتك تقول اصلا
محمد : متأكدة يا حور انك قولتي كل اللي في قلبك ؟
حور : اه متأكدة
محمد : تمام يا بنتي .. بس لو حبيتي تقولي حاجه تانيه .. ابقي تعالي قوليلي
حور : حاضر.
محمد خرج من الغرفه وهو متأكد أن ابنته لا تقول الحقيقه
فور خروجه من الغرفه حور أغلقت باب الغرفة بالمفتاح واخذت تبكي بحرقه
___________________________
الحمدلله 
نادين : حمزه ، انت هتسافر ليه .. يعنى اجي مصر وانت تسافر !
محمود ووفاء : ايوه ليه يابني
حمزه : معلش انا رايح اشتغل هناك
نادين : رجلي على رجلك
حمزه : لا طبعا بقول شغل شغلللل يا نادين
نادين : انا كمان هروح اشتغل
حمزه : نادين ، انا هسافر لوحدي .. متحاوليش تيجي معايا
نادين : حمززززه ، انا قولت كلمه واحده رجلي على رجلك وده اخر قرار وهتحجزلي معاك مش هسيبك لوحدك انت سامع .. ودخلت غرفتها بغضب
محمود : خدها معاك
وفاء : هي كده كده هتيجي معاك عشان هي مش بترجع في رأيها وعنيده جدا
حمزه : ....
*فلاش باك*
عمر : انت هتسافري معاه وهتوصليلي كل أخباره
نادين : ليه يعني مش فاهمه
عمر : هتعرفي بعدين يا حبيبتي
نادين : حاضر
*باك*
حمزه : انت عايزه تيجي معايا ليه .. فهميني
نادين : عشان مش هسيبك في الحال ده لوحدك
حمزه : حال ايه .. انا كويس جدا
نادين : ده منظر واحد كويس ؟
حمزه : اه مالي يعني
نادين : مالك ! انت مش شايف نفسك عامل ازاي
حمزه : نادين ، خلاصة الكلام .. انا كويس وهسافر لوحدي
نادين : مش هيحصل يا حمزه
حمزه : هيحصل يا نادين
نادين : هتشوف
___________________________
لا اله الا الله
سليم : مش هتسافر يا حمزه
حمزه : انا حجزت التذكره اصلا
سليم : خلاص انا هحجز انا ولين معاك
حمزه : انت اهبل ؟
سليم : حاجه زي كده اطلع انت منها بقا
حمزه : بطل يا سليم هبل يا حبيبي
سليم : ملكش دعوه انت بس
حمزه : انا ماشي
___________________________
لا حول ولا قوة الا بالله العلي العظيم
لين : لا انا هقعد هنا مع حور
سليم : خلاص خليكي انت وانا هروح
لين : نعم!!!
سليم : زي ما سمعتي .. خلي حور تنفعك
لين : هتسيبني عشان حمزه !
سليم : اه
لين : وانت خلي حمزه ينفعك بقا
سليم : هينفعني إن شاء الله
لين : هتسيبني بجد ؟
سليم : انا مش هسيب حمزه ف الحال ده
لين : وعايزني اسيب حور ف الحاله دي !!!
سليم : خلاص خليكي وانا هسافر معاه واسبوعين لحد ما يرجع لحالته الطبيعيه وهرجع
لين : والله!! .. انت حر
سليم : تمام
سليم بعد يومين حجز تذكره على اسبانيا
___________________________
لا اله الا انت سبحانك اني كنت من الظالمين
بعد مرور عدة أيام
محمود : بردو هتسافر ؟
حمزه : اه يا بابا معلش
وفاء : مش ناوي ترجع في رأيك يابني
حمزه : الطائره بعد كام ساعه يا ماما .. انا لازم امشي دلوقتي
وفاء ومحمود : خلي بالك على نفسك
حمزه : حاضر .. مع السلامه
حمزه ركب الطياره ووجد سليم بها
حمزه : بردو عملت اللي ف دماغك !!
سليم اشار له بالايجابيه
حمزه : وكمان ف الكرسي اللي ورايا !
سليم بابتسامه أشار له بالايجابيه
وفجأة نادين ظهرت امام حمزه
حمزه : نادين !!!
نادين أشارت له بالايجابيه
حمزه : الكرسي بتاعك فين ؟
نادين : جمبك يا ميزو
حمزه : كمان !
نادين : ايوه يا حبيب قلبي
حمزه بهمس: يادي القرف اللي انا فيه
سليم ونادين في نفس الوقت : بتقول حاجه يا حمزه ؟
حمزه : لا مش بقووول .. سيبوني في حالي
___________________________
الله اكبر
وهبطت الطائره
ونزلوا ثلاثتهم
حمزه : جايين الفندق اللي انا فيه بقا اكيد
نادين وسليم : طبعا
حمزه : حلوا عني بقا
نادين : استحاله
سليم : مش هيحصل
حمزه : يووووه .. هتنطولي في اوضتي طول الوقت بقا صح ؟
نادين وسليم أشاروا بالايجابيه
حمزه : .....
___________________________
استغفر الله العظيم و اتوب اليه
حور : وانت مسافرتيش مع سليم ليه
لين : عشان مش هسيبك لوحدك
حور : هو سافر ليه ومع مين اصلا
لين : مع حمزه وسافر عشان هو حالته وحشه
حور : تمام
___________________________
سبحان الله
بعد مرور ثلاث اشهر
وحمزه عاش حياته ورجع لحالته الطبيعيه
وسليم رجع بعد تحسن حمزه
ولين مازالت ترافق حور وتدعمها في كل خطوه في حياتها
ومرت شهور عدة المطلقه "حور"
جاء يوم خطوبة حور وعمر
وبعدها جاء يوم كتب الكتاب
وتزوجوا بالفعل
ومازال فراس يبحث عن سبب الزواج ولكن لا فائده حتى الآن
عمر : اتفضلي يا عروسه
حور نظرت له باحتقار ودخلت غرفتها هي وعمر على الفور وأغلقت على نفسها الباب بالمفتاح
عمر : افتحي يا حور احسنلك
حور كانت تبحث على الورق الذي يدين ابيها ووجدته بالفعل وفتحت الباب
حور : مش ده الورق اللي خلانا نتجوز ؟
عمر : اه
حور مزقت الورق : اهو طلقني بقا ونخلص
عمر : انا مقولتلكيش ؟ .. انا معايا نسخ كتير من الورق ده ومش هتعرفي تفلتي مني يا حبيبتي
حور والدموع تنهمر من عينيها : سيبني بقا في حالي ارجوك
عمر : لا اعتبري انك بقيتي في سجن .. وانا القاضي وانا اللي اقول امتى اطلعك براءه
حور : .....
عمر : متعيطيش يا حبيبتي .. اهدي بس .. حاولي ترجعي حبك ليا تاني
حور : عمره ما هيرجع
عمر : حاولى .. ولو معرفتيش مش هتطلعي من السجن بردو
حور خرجت من الغرفه ودخلت الغرفة الأخرى وأغلقت ع نفسها الباب بالمفتاح واخذت تبكي بحرقة وتدعي الله أن تخرج من هذا السجن على خير وغيرت ملابسها وتوضئت ( الغرفة بها حمام ) و صلت واخذت تدعي مره اخرى
باليوم التالي
عمر أخذ يدق الباب حتى استيقظت حور بقلق وخوف
عمر : افتحي يا حور عيني افتحي
حور : .....
عمر : انا حاسس انك صاحيه يا حور افتحي
حور : مش هفتح وامشي من هنا بقا
عمر : هتفتحي ولا اكسر الباب ؟
حور : .....
عمر : يبقى اكسره
حور : .....
عمر كسر الباب بالفعل
حور بفزع : عايز ايه تاني بقا
عمر : انا جايبلك الفطار يا حبيبتي
حور : مش عايزه اطفح حاجه
عمر : أسمها تأكلي ايه اطفح دي .. انت مش حور بتاعت زمان الرقيقه والجميله .. ده ميمنعش انك لسه جميله بس مبقيتيش زي الاول بردو
حور : ايوه انت عايز ايه بردو
عمر : عايزك .. عايزك انت .. عايزك تحبيني زي الاول .. انا مجنون بيكي يا حور عيني
حور : تتخزق عينك يا شيخ
عمر : بتقولي حاجه يا حبيبتي
حور : بقول تتخزق عينك يا شيخ
عمر : مقبوله منك يا حياتي .. يلا كلي بقا
حور : دانت شخص سمج .. قولت مش واكله
عمر : لا مانت هتأكلي .. غصب عنك أو برضاكي هتأكلي
واطعمها بالغصب وهي تنظر له بحقد فقط
___________________________
سبحان الله وبحمده
بعد مرور عدة أسابيع على هذا الوضع
وكان فراس يبحث عن سبب الزواج فقط
وأخذ يبحث حتى وصل لمها وهددها وقالت له على كل شىء وأعطته نسخه من الورق الذي يدل على ذلك
فراس : انت مرفوده .. صفي حسابك ومشوفش وشك تاني هنا ف الشركة
مها : طب لو سمحت بس...
فراس بغضب : اعملي اللي قولتتت علييييه
مها بفزع : .....
فراس لنفسه : بقا كده يا حور !!! .. تمام .. انا هعمل حاجه مش هتعجبك
وأخذ الورق وذهب لل .
يتبع الفصل التالي اضغط هنا
تعليقات
إرسال تعليق