رواية معاناة الحب الفصل العاشر 10 بقلم مرينا عبود
رواية معاناة الحب الفصل العاشر
بعد وقت فى مكتب اللواء رفعت
المستشار أحمد سليمان كان قاعد وكانت معاه بنته ماسه وكانوا بيتفقوا وفجاه الباب خبط
رفعت :اتفضل
امير:صباح الخير يا فندم
ماسه بصدمه:اااااانت
امير بص لقه نفس البنت إللى كان هيخبط فيها وهو رايح المهمه
Flash Back
امير ساب عمر وسليم وراح المهمه بتعته ولبس بدلته العسكريه وركب عربيته وعربيات الأمن وراه علشان يروح يقبض على تاجر سلاح خطير وفجاه جت عربيه قدامهم
امير :حااااسب
الظابط إللى كان بيسوق لف العربيه بسرعه ووقف
امير نزل وملامحه كلها غضب وراح عند العربيه وضرب قزاز الباب فجاه نزلتله بنت جميله وعيونها زرقاء وشعرها طويل
امير بعصبيه"انتى غبيه يابت انتى فى حد يوقف عربيته كده
ماسه بغضب :انت عارف حضرتك بتكلم مين
امير بعصبيه:بكلم مين يعنى بنت وزير الداخليه وحته لو كنتى مين الرائد امير الباشا مش بيتهدد
ماسه بغرور"اتكلم عدل لو سمحت انا مش بهزر معاك
امير :هو حضرتك مش واخده بالك انك بتتكلمى مع ظابط وممكن احبسك على إللى حصل
ماسه :انا مش بخاف من حد وانا مغلطش
امير :انتى ولكن قاطعها صاحبه الرائد صلاح
صلاح:امير سيبك منه ويلاه هنتاخر
ماسه:سيبك منه ايه متتكلم عدل يا عم انت
امير:لا دنتى شكلك عاوزه تربيه
صلاح :خلاص يا امير يلاه اتفضلى يا انسه اتحركى بالعربيه علشان عندنا مهمه
امير "عارفه لو مكانش عندى مهمه ومستعجل كنت ندمتك على اليوم إللى شفتينى فيه
ماسه بصتله بقر*ف وركبت عربيتها ومشيت
امير وصاحبه ركبوا العربيه وراحوا المهمه بس كان متاخر شويه وده خلاهم يتعرضوا للخطر
Back
ماسه :بابا اوعه تقول انه ده الظابط إللى هيبقه مسئول عنى
اللواء رفعت:ايوه يا بنتى امير من اكفاء الظباط الموجودين فى القطاع
ماسه بصت لباباها:انا لا يمكن اروح مع الشخص ده
اللواء رفعت:انتوا تعرفوا بعض
امير :ايوه يا فندم هو إللى حصل وبدأ يحكيله كل إللى حصل وتعرضهم للخطر بسبب إهماله
المستشار أحمد:ماسه انتى غلطانه يا بنتى وواجب عليكى تعتذرى لحضرت الرائد بسبب تعرضه وتعرض قواته للخطر بسببك
ماسه :ايوه بس يا بابا
احمد:ولا حرف اعتزرى لامير
امير ابتسم وبصلها بانتصار واتكلم بتصنع البراءه:ولا يهمك يا سياده المستشار مفيش داعى للاعتذار حصل خير
المستشار:لا يابنى هى بسبب إهماله كان ممكن حد فيكم يخسر حياته انا دلعت ماسه زياده عن اللزوم
ماسه بغضب:بابا انا لا يمكن اروح مع الشخص ده اى مكان وسأبتهم وطلعت من المكتب
المستشار:معلش يابنى انا هفهمها
امير بحب:ولا يهمك يا معالى المستشار وقت ما تكون جاهز بلغونى بعد اذنكم
المستشار:اتفضل يابنى
امير طلع من المكتب ومشى علشان يروح الحفله لقه ماسه واقفه عند العربيه
امير بضحك :هههههه وشك يموت ضحك ياااا الكسفه إللى انت فيها يا حازم قولى انك مش عاوزه تيجى علشان خايفه منى
ماسه بغضب:انا مش بخاف من حد
امير :هههه خايفه وعلشان كده خايفه اكون مسئول عن حمايتك يا جبانه
ماسه رفعت صباعه فى وشه وجت تتكلم امير قاطعها؛هههه للأسف مش فاضى اتخانق معاكى باى باى وسابها ومشى وهى كانت واقفه متغاظه وقررت تدخل تكلم باباها
♡♡♡♡♡بقلم:مارينا عبود
♡♡♡♡♡♡
عند عمر
عمر رجع من الشركه علشان ياخد تاج ويروح الحفله
عمر دخل الفيلا وطلع فوق الأوضه وكان بيكلم سليم على الفون
عمر:ياعم متقلقش هكون هناك على المعاد انت عارف عمر ادهم الهوارى لازم يكون اول الحاضرين
عمر فتح باب الأوضه وهو بيتكلم
سليم:هههه ماشى باكد عليك متتتاخرش وانا هكلم امير انت عارف انه عثمان من الناس المهمين
عمر:يا سليم خلاص يا عم اوباااااا ايه ده
سليم بضحك :ف ايه
عمر بسرحان فى تلك الحوريه إلتى امامه
عمر:اقفل يا سليم جاى باى
عمر قفل ودخل الأوضه وكانت تاج لابسه فستان ازرق طويل وفارده شعرها ولابسه كعب عالى وحاطه ميكب خفيف مبين ملامحه الجميله
عمر :ايه القمرر ده طيب هاخدك معايا ازاى دلوقتي
تاج بحزن:ليه متاخدنيش هو انا عملت حاجه غلط
عمر بضحك على طفولتها:لا بس انتى طالعه قمرررر اووى النهارده
تاج بكسوف ووشه بقه شبه الطماطم:شكررا
عمر :طيب انا هدخل البس البدله وانتى استنينى ثوانى وهطلع
تاج:حاضر
عمر اخد بدلته ودخل غير وطلع اخد تاج ونزل
وطلع من الفيلا وحوليه الحرس بتاعه
عمر ركب وتاج ركبت جنبه ومشى
فى الحفله
سليم كان واقف مع واحد صاحبه ولبس بدله شيك جداا والتفت لقه امير جه استاذن من صاحبه وراح لامير
سليم :اوبااااا يا حضرت الرائد ايه القمرر ده العيون بقت عليك
امير بغرور شد لياقه قميصه:هههه مش جديد بس ايه الشياكه ديه
سليم :هههههه مغرور اووى يابن الباشا
امير:طلب اطلبلنا حاجه ياجدع لحد ما يجى عمر
سليم نده الجرسون وطلب عصير ووقف هو وامير يتكلموا
.بعد وقت
عمر وصل والحرس بتاعه نزل ونزل عمر الهوارى بكل هيبته وتاج نزلت ومسكت فى ايده
عمر:لما ندخل مش عاوزك تقفى مع اى حد غيرى ماشى
تاج بخوف؛حاضر
عمر مسك ايدها ودخل وكانت الأنظار كله عليهم
سليم لاحظ انه الكل بيبص على الباب التفت لقه عمر داخل وتاج ماسكه فى ايده وعامله زى الحوريات
سليم بصدمه ومبرق:اوبااااااا ايه ده
امير :ايه يابنى مالك
سليم:بص وراك كده
امير بضحك:ليه وزير الداخليه جه
سليم:ههههه لا عمر الهوارى
امير ضحك والتفت بس اتصدم لما شاف عمر وتاج جنبه واقل ما يقال عنه انها ملاك واقف
امير بصدمه:هى ديه بنت عبد الحميد السويسي
سليم:شكلها كده
امير :هو صاحبك قال انه هينتقم منه
سليم بضحك ؛مظنش خاالص انه ده يحصل
امير:لا بس البنت قمر
سليم:اتلم ديه مرات اخوك
امير:هههههه هنضحك كتير النهارده
سليم:ليه
امير:بص مين رايح نحيتهم
سليم بص لقه جوليا :هههههههه البقا لله صاحبك كان راجل كويس
امير وسليم بصوا لبعض وضحكوا
♡♡♡♡♡♡
عند عمر كان واقف وماسك تاج من خصرها وشدها ليه وكانه بيقول للكل انه ملكه وفجاه جت جوليا وحضنته
سليم وامير وقفوا وبصوا لبعض وضحكوا
امير وهو مبرق :شكله كده البقا لله فعلانا
سليم مات ضحك 
امير وسليم دول قلبى ولله اجمل اتنين فى الروايه
تاج بصت على جوليا واتغاظت اووى وضغطت بايدها على ضهر عمر
عمر حس بغيرتها ونظراته واتحرج من جوليا وبعدها عنه
جوليا:هاى عمر وحشتنى
عمر بضيق:اهلا جوليا وبص لتاج اعرفك مراتى تاج
جوليا بصت لتاج من تحت لفوق:هاى تاج
تاج بضيق:اهلا وبصت قدامها
عمر "طيب جوليا بعد اذنك لازم اشوف سليم
واخد تاج ودخل قعد تاج على التربيزه المخصصه ليهم
وجوليا بصت عليهم بغيظ
عمر:خليكى هنااا وانا ثوانى وجاى
عمر ساب تاج وراح لسليم وامير
عمر بابتسامه:ايه الشياكه ديه يا شباب
سليم بغمز:احنا برضوا بابن الهوارى
عمر فهم كلام سليم وبص على تاج
امير:هههههه انت متاكد انه ديه بنت عبد الحميد السويسي
عمر بضيق:يووو بلاش تجيب سيرته
امير:خلاص بس بصراحه البنت قمر ياجدع
عمر بغيظ ورفعه حاجب:وبعدين
سليم:اوباااا وكمان بتغييير يبقه بتحبه
عمر باستنكار:لا مش بحبها
امير:ههههه باين اووى
عند تاج
تاج لنفسها:ايه يا تاج وانتى مالك بيه مضايقه يكلم جوليا ولا غيرها ملكيش دعوه بس ازاى تحضنه قدامى يعنى ايه قله الأدب ديه يوووه فجاه لقت شاب طويل عريض بيمدله ايده
الشاب:تقبلى ترقصى معايا
تاج :نعمم
الشاب:مهو بصراحه مينفعش القمر يقعد لوحده
عند عمر
امير ؛عمر الحق
عمر:ف ايه
امير:بص وراك ابن سليم الانصارى عند مراتك
عمر بغضب؛نعمم
عمر التفت وشافه واتعصب اووى وحط الكأس على التربيزه إللى جنبه ورحلهم
تاج بخوف :لو سمحت انا مش عاوزه ارقص ممكن تمشى من هناا
محمد:لا مهو مينفعش بصراحه فجاه عمر مسكه من بدلته
عمر بغضب:ايه هو إللى مينفعش يا رو*ح ام*ك وضربه بالبوكس وقعه فى الارض
امير وسليم جريوا عليه و
يتبع الفصل التالي اضغط هنا
الفهرس يحتوي علي جميع فصول الرواية '' معاناة الحب '' اضغط علي اسم الرواية
تعليقات
إرسال تعليق