رواية امرأه صنعتها الحياه الفصل السادس بقلم موني وسكر عبر كوكب الروايات للقراءة والتحميل pdf
رواية امرأه صنعتها الحياه الفصل السادس
عدي يومين وليلي محتاره مش قادره تاخد قرار قاطع
في يوم كانت ليلي قاعده في مكتبها في الاتيليه بتاعها بتتابع شويه اوراق بتركيز
قطع تركيزها صوت خبط علي الباب
ليلي : ادخل
السكرتيره : في حد عايز حضرتك بره يا فندم
ليلي : مين
السكرتيره : اسمه بشمهندس اياد الفارس
ليلي : مين ؟!
السكرتيره: اياد الفارس يا فندم
ليلي : طيب دخليه يا نفين
السكرتيره : حاضر
اتفضل يا بشمهندس
دخل اياد
ليلي بابتسامه وترحيب : اهلا اهلا اياد بيه نورت الاتيليه
اياد بابتسامه جذابه : اهلا بيكي يا ليلي هانم ليلي : اتفضل
ها تحب تشرب ايه
اياد : ملوش لزوم يا ريت ندخل في الموضوع علي طول
ليلي بتوتر غير ملحوظ : ها خير موضوع ايه اياد : لحد دلوقتي معرفتش رأيك بالنسبه للجواز
ليلي وهي تبلع ريقها : انااا..... انا مش عارفه اخد قرار
اياد : ليه
هو الموضوع صعب للدرجادي
ليلي : هو فعلا صعب
صعب جدا
لانه مش بس مرتبط بحياتي وحياتك
اياد باستغراب : امال مرتبط بحياه مين
ليلي : في مالك
واذا انت غلطت في اخيارك في جوازتك الاولي مينفعش تغلط في جوازتك التانيه
اياد : مالك فعلا بيحبك يا ليلي وانتي هتبقي ام كويسه جدا ليه
ليلي : بس .....
اياد مقاطعها : مفيش بس
انا خدت القرار ده بعد تفكري في وضع ابني
رأيك ايه يا ليلي في الجواز
ليلي بعد تفكير لبعض دقايق : موافقه
اياد بابتسامه : كويس جدا
هروح ابلغ البيت عندي
هتصل بيكي بليل نتفق
ليلي : تمام
اياد : بعد اذنك
ليلي : اتفضل
مشي اياد وراح علي البيت وليلي كانت متلغبطه فقررت انها تروح البيت تستريح
عند ليلي
روحت ليلي الببت خدت دش وغيرت هدومها وطلعت لاوضه سيلين وخبطت
سيلين : ادخل
ليلي : ازيك يا سيلي بتعملي ايه
سيلين : بكلم ادم علي الواتس يا لولتي
تفحصت سيلين شكل اختها
سيلين : مالك يا لولا شكلك متوتر
ليلي قعدت جمبها
ليلي بتردد : انا.....
سيلين بقلق : مالك يا لولا
ليلي : انا وفقت علي عرض اياد للجواز
سيلين وقفت تتنطط علي السرير بفرحه : هييييييه ياس ياس ياااااس
الف مبروك يا لولتي
ليلي : الله يبارك فيكي يا حبيبتي
سيلين قعدت جنب اختها : مالك
شكلك مش مبسوط
ليلي : انا مش عارفه القرار ده صح ولا غلط
انا متلغبطه اوي يا سيلي
وقلقانه جدا جدا
سيلين : بصي يا حبي
الحركات ديه في الاول عادي وخاصتا انكم مش وخدين بعض عن حب لاكن بعد كده كله هيبقي تمام
افرح يا عم بقي
صبرت ونولت 😉
الواد اياد ده انما ايه مز بصحيح
ليلي وهي تضربها علي كتفها : لمي نفسك يا جذمه
سيلين : اوبا وبدأنا نغير
وعماله تقوليلي قلقانه ومتلغبطه
اطلعي من دول يا لولا
ليلي مسكت المخده وهتضربها
ليلي : امشي يا جذمه
سيلين وهي بتجري ؛ هههههههه اسفه اسفه والله حرمت
ليلي : هههههههه جذمه
عند اياد
وصل اياد الفيلا ودخل عليهم لقي العيله كلها متجمعه
اياد : سلام عليكم
الام: وعليكم السلام يا حبيبي
الكل : وعليكم السلام
مالك : بابي
وجري علي باباه
اياد شاله : اااه حبيب بابي
الام: كنت فين كل دا يا اياد
اياد : موضوع يطول شارحه
انا هطلع اغير هدومي وانزل احكيلكوا
الام: ماشي يا حبيبي مستنينك
وطلع اياد غير هدومه ونزل
الاب ها يا اياد : ايه الموضوع
اياد : انا طلبت ايد ليلي وهي وافقت
الام بفرحه : بجد الف الف مبرووووك يا حبيبي
مالك باستغراب : تانيه واحده
طلبت ايد لولا ازاي يا بابا
وهي وفقت انك تاخد ايها
طيب هي كدا هتبقي من غير
الكل : هههههههههههه
اياد : هههههه لا يا حبيب بابي
اطلب اديها يعني اتجوزها
مالك بفرحه : يعني لولا هتبقي مامي!
الام : ايوه يا سي مالك ابسط
مالك: هييييييه
مالك وهو بيبوس بابها : شكرا يا بابي
الاب : ها واتفقتوا الفرح امتي
اياد : لسه متفقناش
ادم بمرح : ابسطي يا ماما اخين دفعه واحده 😂
الاب بمرح : هم وانزاح يا بني والله هم وانزاح 😂
ادم: الصراحه يا بابا
لحد دلوقتي مش مستوعب ان اياد هيتجوز تاني اصلا😂
الام: سيبك من الواد ده يا اياد
المهم يا ابني هتجيب الشبكه امتي
اياد : شلكه ايه يا ماما
ادم بتريقه : يعني قلب امه الواد اتلحس عاقله ومش عارف يعني ايه شبكه 😂
الاب : 😂😂😂
الام: ايه شبكه ايه يا ابني تجيبلها دهب او سوليتير زي ما هي تحب
اياد : شوفي الي المفروض يتعمل يا ماما واتفقي مع ليلي
بس بعد يومين تكون ليلي مهدت الموضوع لسيلين
ادم : تمهد اااااه 😂😂😂
سيلين عرفت خلاص ومظبطه الدنيا علي السوشال ميديا
الاب : عسل والله البت سيلا ديه
ادم : اوبا بتعاكسها قدامي يا حاج شيفه جوزك يا ماما
الام : بس يا واد اتهد بقي
وانت يا اياد تطلع تكلم لولا وتتفق معاها يا حبيبي
اياد : ماما الي يريحك اعمليه انا ماليش في الكلام ده
الام: يا ابني انت غاوي تناهد ف كل حاجه لازم يبقي ليك ف الكلام
اطلع يا اياد كلم ليلي ومفيش مناقشه هتكلمها يعني هتكلمها
اياد : حاضر يا ماما
بعد ازنكو
الام: اتفضل
وطلع اياد الاوضه واتصل ب ليلي
عند ليلي
اول ما لقتو بيرن استغربت هو كان لسه معاها من ساعتين
ليلي: الو
اياد : الو
مساء الخير يا ليلي
ليلي: مساء النور يا بشمهندس
اياد : علي فكره ليه اسم
ليلي: بمعني!
اياد : ممكن تناديني بيه
ليلي: اه طيب حاضر انت كنت عايز حاجه!
اياد : كنت عايز اعرف نظام الخطوبه
ليلي: خطوبه ؟!
هو لازم نعمل خطوبه يعني
اياد : هتبقي خطوبه ديقه عشان ماما
ليلي:خلاص ال تشوفو حدد اليوم مع طنط وقولي
اياد : الخميس الي جي يناسبك
ليلي: تمام مفيش مشكله
اياد : تمام
تصبحي علي خير
ليلي: وانت من اهله
عدت الايام وليلي قلقانه يا تري خدت القرار الصح ولا لا وهل هتقدر تعيش حياه مستقره مع اياد وتبقي ام كويسه لمالك ديه الافكار الي شغلت بال ليلي طول الاسبوع
وجه يوم الخميس
صحيت ليلي من النوم علي صوت دوشه كتير تحت قامت من علي السرير ولبست ونزلت تشوف في ايه
الداده : صباح الخير ليلي هانم
ليلي : صباح النور
ايه الدوشه ديه ومين العمال دول وبيعملوا هنا ايه يا داده ومين جابه
صوت من خلف ليلي : انا الي جبتهم يا لولا
ليلي : ماما نيره
نيره : صباح الخير يا عروستنا يا قمر
ليلي: صباح النور مين الناس دول يا ماما بيعملو ايه الصبح كدا
نيرهة: دول تبع شركة ديكور جديده خاصه للحفلات قولت اجربها في خطوبة ابني
مش هلاقي اعز من كده اجرب فيه
ليلي: بس يا ماما أحنا مش عازمين حد ف التكلفه ملهاش لازمه
نيره : ومين قال كده
سيلين بترقب من ردت فعل اختها ؛ ماما نيره عزمت كل الاهل والاقارب واصحابها في النادي يا لولا
ليلي واقفه مش مستوعبه ال حصل وبعديها بصت لسيلين بصه ناريه لانها كانت عارفه ومقالتلهاش
ليلي ببعض من الهدوء: بس انا معملتش حسابي خالص علي الاقل كان لازم تعرفوني انا واياد
نيره : كنتوا هترفوضوا
وبعدين ده ابني الكبير ومنحقي افرح بيه
وانتي زي بنتي تمام يا لولا ومش هترفضي لمامي طلب
ليلي:اكيد يا مامي ال حضرتك تشوفيه
وبعدين قربت علي نيره وحاوطها ب ايدها
ليلي: بس بما انكو حطيتوني قدام الامر الواقع
ف طبعا مامي عمرها ما ترفض لبنتها طلب وهتلبس الفستان ال من تصميم بنتها وهتعمل ميك اب ولا ايه يا سيلي
سيلين : اكيد طبعا
نيره بسعاده : طبعا موافقه
ليلي ابتسمت ب سعاده لاول مره تبقي مبسوطه كدا
وحضنتها
ليلي:ربنا ما يحرمنا منك
نيره : ولا يحرمني منكم يا قمر
اطلعي يلا مع سيلين عشان تجهزي يا عروسه وانتي كمان يا سيلي اطلعي ساعديها
سيلين : حاضر يا مامي
____________
يا تري هاني كده هيسكت ومش هيتعرض لليلي تاني
ولا هيبقي ليه رأي تاني
يتبع الفصل السابع اضغط هنا
الفهرس يحتوي على جميع فصول الرواية كاملة: "امرأه صنعتها الحياه" اضغط على أسم الرواية
تعليقات
إرسال تعليق