رواية صداقة ام حب الفصل السادس 6 بقلم اية محمد عامر

 رواية صداقة ام حب الفصل السادس 6 بقلم اية محمد عامر

 رواية صداقة ام حب الفصل السادس

بدر: وانا امتي قولت اني بحبك... أنا لسه هقول..

مريم بغضب: علفكره بيضحك عليكي وبيلعب بيا وبيكي..

بدر: المدام وداد.. خطيبه سابقا لزوج الاستاذة وفاء.. موكلة حضرتك ي أنسة مريم..

مريم بإحراج: اااي..

بدر: ااي انتي! مقولتيش بقي ي مريومه مين المستر..

مريم: ده أحمد صديقي..

بدر بضيق: هو اناي مبتصاحبيش الا رجاله..

مريم: انا قولت صديق مش صاحبي...

بدر: و ده تعرفيه من أمتي بقي ي مريومه..

مريم: من خمس دقايق.. اتفضل اقعد ي متر.. اتفضلي ي مدام.. اقعد ي أحمد..

أحمد: هنا..

مريم: ايوا هنا.. اقعد انت مش غريب...

بدر بدأ يتضايق وبيبصلها بغيظ..

بدر: امم.. تخبي تشربي اي ي مريم..

مريم: لا انا احب أكل.. عشان جعانه.. عايزة سوشي..

بدر بهمس: الله يرحم سندوتشات الفول اللي كتتي بتضربيها في المكتب ي مرييومه..

مريم: طلعت بخيل ي متر..

بدر: لا ي اختي مش بخيل بس هنا نفيش سوشي غيري.. اطلبي حاجه تانيه..

مريم: خلاص.. اربعه شاورما..

بدر: لا متعمليش حساب...

مريم بمقاطعه: لا ده ليا انا لوحدي..

بدر بإبتسامه: ماشي ي مريم.. هاتلها اللي هي عاوزاه..

مريم: اتفضلوا كملوا كلام.. تاكل حاجه ي أحمد..

أحمد بإبتسامه: لا أنا تمام..

بدر: ازااي ي احمد باشا ده انت ضيفنا.. طب نشربك حاجه طيب..

مريم: احنا كنا طالبين لمون انا واحمد خليه يجبه علي هنا..

بدر: لمووون.. ماشي ي مريم.. هاتلهم اللمون والقهوه بتاعتي انا والمدام وداد..

الجرسون: تمام ي فندم..

وداد: هو الحكم أمتي..

بدر: الجلسة الجاية..

وداد: انا مستعدة اجي وأقول افادتي وان شاء الله تساعد وفاء..

مريم: تشهدي ب أي بالظبط مش فاهمه...

بدر: المدام وداد قبل زواجا كانت مخطوبة لزوج وفاء وكان بيمد ايده عليها وبيشتم كمان غير محاولات التحرش..

وداد: وكمان انا متأكده ان البنتين اللي كان متجوزهم قبل وفاء حصلهم حاجه..

بدر: وأكيد هو السبب..

مريم: بس بردو مفيش دليل ملموس...اعتمادنا ان القاضي يقتنع بكلامنا...

بدر: وان مقتنعش هتسيبي وفاء تتعدم!

مريم: أكيد لا.. احنا لازم نروح بيتهم.. اكيد في حاجه ناقصة...

بعد فترة بالفعل كان مريم و بدر في بيت وفاء بعد م ودعت أحمد و وعدها انه مش هيفكر في الانتحار تاني و وصلوا وداد في طريقهم...

مريم: وفاء قالتلي انها جريت علي المطبخ وهناك طعنته...

دلفوا للمطبخ وهم يحاولوا ايجاد دليل ملموس وقضوا وقتا في البحث و دونوا بعض الملاحظات..

بدر: روحتي للدكتورة؟

مريم: أيوا روحت..

بدر:طب اي اللي حصل..

مريم: محصلش حاجه.. عادي يعني..

بدر: تمام..

مريم: انا ممكن أعرف اي اللي انت عملته الصبح ده؟

بدر: عملت اي!!

مريم: حطتني قدام الأمر الواقع.. و.. واتقدمتلي..

بدر: طب وانتي رأيك اي! ممكن أسألك سؤال ك صديق..

مريم: اسأل..

بدر: هتوافقي ع العريس اللي ماقدملك ولا هترفضي..

مريم: اووف.. مش عارفه.. لسه مفكرتش..

بدر: طيب ريحتيني..

مريم: انا موافقتش علفكرة..

بدر: بس مرفضتيش..

مريم: المشكله ان انت الوحيد اللي عارف اني بحب سليم..

بدر: انتي اكتشفتي ازااي انك بتحبي سليم..

مريم: يوم خطوبته.. كنت متضايقه وغيرانه وعايزة أعيط وخايفه يروح مني..

بدر: بس كده..

مريم: ايوا بس كده..

بدر: انتي لي محسساني انك اتفاجأتي انه هيخطب.. م انتي اصلا كده كده كنتي رايحه شبكته.. المفروض كنتي تحسي بالغيره من اول م قال ي جواز او ي حب او حتي انا يعرف اي بنت غيرك وتحسي انها خدت مكانك عنده..

مريم: والنبي ي بدر انا اصلا متلغبطه ف متلغبطنيش اكتر...وبعدين هو اللي غلطان كان مهتم بيا زيادة عن مجرد اصحاب.. كان كل يوم الصبح يحطلي رسالة قبل م يروح الشغل ويقولي صباح الخير وكلام كتير كده..

وكان دايما يفاجئني ب هدايا غير متوقعه...

بدر: ااممم واي كمان..

مريم: و عايزة اروح عشان احنا طولنا اوي هنا وانا تعبانه..

بدر: تمام ي مريم.. يلا..

خرجت مريم من شقه وفاء وركبوا العىبية و وصلها لحد بيتها..

بدر: مريم.. قبل م تمشي.. عايزك تفكري في موضوعنا ب جدية..

مريم: حاضر.. تصبح علي خير..

بدر بضحك: وانتي من اهلي..

ابتسمت وطلعت لأوضتها واترمت علي سريرها بعفوية وهي بتفكر وبتربط الأحداث ب بعض..

دخلت أمها وهي بتحاول تتكلم..

مريم بإستغراب: في اي!!

سلوي: م توافقي ع العريس بقي وتريحي قلبي..

مريم بضحك: اااي ي ماما ده انتي خايفه تكلميني..

سلوي: م انتي كل م اكلمك ي بنتي بتتعصبي عليا..

مريم: حقك عليا ي ست الكل.. اوعدك هفكر..

سلوي: ايوا يعني هتوافقي ولا لا..

مريم بضحك: اهدي ي ماما ده الراجل لسه متقدم الصبح..

سلوي: انا عايزة اتطمن عليكي ي مريم...

مريم: يعني انتي مش هتطمني عليا الا لما اتجوز..

سلوي: ايوا..

مريم: طب اديني مهله افكر طيب..

سلوي: هيجي بعد بكره.. بكره بليل تقوليلي رأيك..

مريم: اي ده ي ماما هو انتي عايزة تخلصي مني وخلاص.. انا محتاجه اسبوعين كده ولا حاجه..

سلوي: اسبوعين اااي دول ليه هتخترعي.. قوليلي كده ماله بدر.. يعيبه اي!

مريم: ميعيبوش حاجه ي ماما هو كويس ومحترم .. انا بس متلغبطه..

سلوي: انتي عارفه انا حبيت ابوكي بعد الجواز.. قعدت شهر كامل مش متعودة علي وجوده وبخاف وبتكسف منه وحالتي نيلة.. لحد م صممت اني أكسر حاجز الخوف ده واتعامل معاه واتكلم كده واعيش حياتي..

عملت مره كوباية سحلب كده عشان كان بيحبه وخرجا قعدت جمبه.. وجبت الغطا علينا اصل كنا في الشتا.. ومسكت ايديه وميلت علي كتفه.. هو استغرب بجد بس زي م تقولي ارتاح وكان مبسوط.. ضمني لحضنه وهو بيبتسم وسند راسه علي راسي وقعدنا قدام التليفزيون..

ومن ساعتها واللحظه دي مدياني احساس ب الأمان.. واحساس بالدفا..

اوعي تفكري انك لوحدك اللي بتدخلي اوضته وتنامي فيها عشان تحسي بوجوده.. انا علطول بدخلها.. بحس ب ريحته فيها وكأنه لسه معانا في البيت..

مريم بدموع: ربنا يرحمه ي رب..

سلوي: الحب عمره م بيتولد في لحظه في قلب الشخص.. او بيكتشفه مره واحده.. بيفضل حاسس بيه ومتلغبط ومش عارف طبيعته اي لحد م بيكتشفه فعلا..

مريم: وازاي اقدر أحدد مشاعري ي ماما..

سلوي: مع الوقت هتقدري تفهمي نفسك ي مريم..

مريم: م هو ي ماما مفيش وقت.. انتي عايزة رد بكره علي موضوع بدر وانا متلغبطه..

سلوي: عشان اي.. سليم!

مريم: هي منار فين؟

سلوي: متقلقيش منار بتتفرج علي المسلسل برا.. احكيلي..

مريم: مش عايزة احكي ي ماما اصل هقول اي!!

سلوي: بصي ي مريم مش طبيعي انه جه قالك انه اعجب ب بنت وانتي كنتي مبسوطه ليه.. جه قالك هيخطب كنتي طايرة بيه وقعدت تجيبي لي صور فساتين وتقوليلي هلبسهم في فرح سليم وهعمل وهعمل.. لو بتحبيه هتزعلي من أول م يقولك انا في بنت عجبتني..

مريم: اومال لي حسيت ب كده.. حسيت اني مخنوقه اوي ي ماما وكأن في حاجه تقيله اوي علي قلبي وانه بيتسرق مني..

سلوي: م هو انتي لازم تعرفي اي اللي اتسرق منك..معقوله كنتي بتحبيه ومحستيش بكده خالص بس ازاااي..

مريم: ماما انا محتاجه اهدي واقرر.. ومش هيفيد ب حاجه بحبه ولا لا.. انا اللي هفكر فيه موضوع بدر وبس..

سلوي: ماشي ي حبيبتي اللي تشوفيه.. يلا غيري ونامي..

مريم: حاضر..

خرجت سلوي من اوضه مريم وسابتها تفكر..

.._ انا هعمل زي م ماما اللي برغم خوفها وكسوفها اتصرفت طبيعي وعاشت اللحظه.. يعني هفرح ب خطوبة منار و سليم وهجبر قلبي انه ينسي غيرته...

مريم: منااااااار.. تعالي اما اقولك..

منار: نعم.. فاضل اعلان واحد والمسلسل هيخلص..

مريم: بقولك اي.. م تنزلي تجيبيلني كيسين اندومي وتيجي نرغي سوا..

منار: امك هتنفوخنا وهتعلقنا...

مريم: مهو انا عيانه ف هصعب عليها..

منار: م هو عشان انتي عيانه مش هترضي..

مريم: ي بت يخربيت كده.. اخلصي بقي ماما راحت تنام اصلا..

منار: يووه طيب هاتي فلوس عشان مفلسه..

مريم: خدي بس بسرعه هروح اسخن الماية علي م تيجي..

منار: اوكية..

منار خرجت من الأوضه.. ومريم خدت نفس ومسكت تليفونها واتصلت ب سليم..

مريم بمرح: ازيك ي خطشيب اختي..

سليم: ازيك ي مريومه..

مريم: ولد متقوليش مريومه.. قره عيني هو بس اللي هيقولها..

سليم: بدوره.. تصدقي لايقين علي بعض.. بدورة و مريومه..

مريم: اي ياض الزرافه واللطافه دي..

سليم: متصله ليه بقي ي اخوتشي..

مريم: بتعمل اي؟

سليم: هلكان ي مريم وجعان وكنت بخلص ورق عشان السفر..

مريم: تاكل اندومي؟

سليم: البتاع اللي بيموت ده..

مريم: ي اخي طفحته انا غلطانه اني كنت هأكلك علي حسابي..

سليم: حسابك اي معفنه ده اندومي..

مريم: انا اصلا مش جعانه بس مش لاقيه حاجه اعملها..

سليم: ده اسمه اي ده..

مريم: فضا.. اسمه فضا..

سليم: هتأكليني طيب..

مريم: خلصانه اسبقنا ع السطح وهنجيلك..

سليم: هروح اجيب شوية شيبسيات وبيبسي..

مريم: خلصااانه..

بعد شوية طلع منار وسليم واتقبلوا ع السلم..

سليم بهمس: انتي مهربه اندومي..

منار: وطي صوتك هنتفضح.. ايوا

سليم: وانا حيبت الشيبسي اللي بتحبيه اهوه..

منار: طب يلا قدامي بهدوء..

سليم: ماشي..

بعد شوية كان سليم ومريم ومنار علي السطح وقاعدين علي فرشه علي الأرض..

مريم: تمت العملية بنجاح..

منار: الحمد لله فلتنا..

سليم: تيجوا نعمل قناه علي اليوتيوب ونسميها الثلاثي الأكيل..

رن تليفون مريم لتجده بدر..

سليم: اووه.. الواد ده هيخطفك مننا احنا كده هنبتدي نغير عليكي..

مريم: اسكتوا خلوني ارد.. احم.. ألو..

بدر: بصراحه يعني مقدرتش استني ليوم الخميس.. أنا بحبك.

 

يتبع الفصل التالي اضغط هنا  

 

 الفهرس يحتوي علي فصول الرواية كاملة '' رواية صداقة ام حب '' اضغط علي اسم الرواية