رواية وقعت في عشق المنتقم الفصل السادس 6 بقلم موني وسكر
رواية وقعت في عشق المنتقم الفصل السادس
في القسم
بعد ما خلص وليد شغله وكان ماشي فجأه دخلت ست وهي بتعيط ومنهاره
سعاد لاحد العساكر : ونبي يا بني وديني لاي ظابط يرجعلي بنتي ابوس ايديكوا حد يجبلي بنتي
ليذهب اليها وليد
وليد : في ايه يا حاجه اقدر اساعدك
سعاد : بنتي يا باشا بقالها اسبوع معرفش عنها حاجه
وليد : طيب اهدي وتعالي معايا علي المكتب وان شاء الله نقدر نرجعهالك
سعاد : ربنا يكرمك يابني
دخلت سعاد ووليد علي مكتبه
وليد : ارتاحي يا حاجه كده وفهميني ايه الي حصل
سعاد: بنتي اسيل ابوهاا ابوها السبب كان عايز يجوزها غصب عنهاا واختفت من يوم الفرح
بنتي يا باشا رجعلي بنتي
وليد : اسم بنتك ايه بالكامل
سعاد: اسيل حسن الدمنهوري
وليد : مييين ؟!
سعاد: اسيل حسن الدمنهوري
سعادبإستغراب : فيه حاجه يا بني
وليد : لا لا مفيش
اوعدك اني ادور عليها ولو لقيت حاجه هبلغك فورا سيبي رقم تليفونك وعنوانك مع العسكري
سعاد: حاضر يا ابني عن اذنم
ومشيت سعاد
عند فهد
كان فهد فهد قاعد سرحان
فجأه جرس الفيلا رن
فتح فهد الباب
فهد بإستغراب : وليد ؟!
ايه الي جابك
وليد : في حاجه مهمه حصلت لازم ابلغك بيها
فهد : حاجه غريبه ؟!
طب ادخل الاول
دخل وليد وفهد وقعدوا
فهد : ايه الي حصل
وليد: مامه اسيل جتلي
فهد : نعم ؟!
مامة مين
وليد: مامه اسيل
فهد : ازاي يا بني اسيل قالتلي بنفسها ان امها ماتت
وليد: نعمممم!!
امال مين دي
فهد : اتأكد منها
وانا هشوف اسيل
وليد: تمام ماشي همشي
فهد : تمام
ومشي وليد
وفضل فهد يفكر ازاي امها عايشه
طلع فهد الاوضه وخبط
محدش بيرد
دخل فهد
لقاها نايمه علي الكنبه ومغمضه عينها
فهد : أسيل
أسيل لو صاحيه عايزك في موضوع مهم بخصوص مامتك
اسيل قامت قعدت بسرعه
اسيل: مامييي!!! مامي ايه مامي ماتت!!!
فهد : اهدي بس كده وهتكلم انا كمان بهدوء
اسيل: مامي ازاي!
ايه دخل مامي بمواضيعك مامي الله يرحمها!
فهد بتوتر : اه ما انتي قولتيلي مره بس أنا هسألك كم سؤال بس عنها
اسيل: إسأل
فهد : هي ماتت ماتت يعني اقصد ماتت مرض ولا موتت ربنا
اسيل: هو انا مفتكرش ال حصل بس بابي قالي ان مامي جالها كانسر
فهد : هي ميته بقالها قد ايه
اسيل: ميته من وانا عندي 6 سنين
فهد : متأكده يا أسيل
اسيل: ايه ال متاكده اكيد طبعا متاكده هو فيه ايه؟
فهد : ها
لا ابدا
تصبحي علي خير
اسيل بغضب مكتوم: لا والنبي بقي مقومني عشان السؤالين دول
وانت من اهله
فهد
يخرج من اوضته متجاهل كلام أسيل تماما ويفكر كيف يعقل هذا ليذهب الي النوم
في الغرفه الاخره لانه بحاجه الي راحه لكي يستطيع حل لغز تلك المرأه
وتنفيذ انتقامه من حسن
في فيلا اللواء محمد
كان يجلس مع صديق عمره اللواء محمود يلعبان الشطرنج
محمد: كش ملك يا معلم
شكلك كبرت وخرفت
محمود: لا مش معقول كدا ازايي دا انا كان خطوه وهكسبك طول عمرك كدا يا محمد سابقني ف الشطرنج
محمد : عيب عليك
محمود: الا قولي صحيح مش ناوي بقا تكلم ابنك
محمد : ليه السيره ديه
محمود: لان كفايه كدا
كفايه انت قسيت عليه كتير
محمد : بذمتك انت لو جالك خبر ان عيل من عيالك طلع ظابط مرتشي هتسكت
ها رد
انا متاكد انك كنت زمان دفنته مكانه
محمود:بس انا حاسس ان فيه لبس انا مش قادر اتخيل دا فهد من اوائل دفعته كان اكفا ظابط ف الداخليه
محمد : علي يدك
روحنا انا وانت ندور علي اي دليل يثبت العكس لكن كل حاجه كانت ضده
محمود الله يخليك اقفل السيره ديه انا كل ما افتكر قلبي بيتقطع ابني زرعتي في الدنيا يطلع مرتشي
محمود: محدش عارف الايام هتبين ايه
محمد : نفسي اطلع كداب واطلع ظالمه نفسي
محمود: اكيد هتطلع ظالمه
تاني يوم
عند فهد
صحي فهد من النوم اتوضي وصلي ونزل عمل الفطار وفطر وشرب الشاي وطلع فطار أسيل الاوضه وأسيل كانت لسه نايمه
نزل فهد وفتح التليفزيون وشويه جرس الباب رن
فهد فتح : اهلا با شباب
وليد /ادم : اهلا يا باشا
فهد : تعالوا في الجنينه احسن نتكلم
طلع فهد وادم ووليد
فهد : ها عملت ايه عن معلومات شحنة حسن يا وليد
وليد: لسه فيه خلافات وشكل وليد هينسحب
من الشحنه
فهد : حلو
وانت يا ادم جاهز تبقي الصقر لمدة قصيره كده
ادم: جاهز
فهد بمزاح : بس ما تتعودش علي النظام ده ديه غلطه ومش هتتقرر تاني
ادم:
انت تطول اصلا
فهد : ماشي ياعم الطويل
انهارده بإذن الله يوصل خبر لحسن ان الصقر عايز يقابله بليل في الشركه وانت يا ادم ماتخفش انا هبقي معاك ديما بس من بعيد
ادم : تمام
انا هروح الشركه اظبط الدنيا وابعت الدعوه لحسن ونتقابل بليل
فهد : بإذن الله
ادم : سلام انا بقي
فهد/ وليد : مع السلامه
مشي ادم وفضل فهد ووليد
فهد : ها عملت ايه مع الست الي اسمها سعاد ديه
وليد: سعاد دي عرفت ان هي الداده بتاعتهم من زمان يعني ممكن تكون عارفه كل حاجه عن حسن
فهد : طب ليه هتقول ان أسيل بنتها
وليد: مش عارف بس يمكن لان هي ال مربيه اسيل
فهد : طيب
انهارده بليل هنطلع انا وانت عندها ونعرف منها كل بعد ما نخلص مع حسن
وليد: تمام ماشي همشي انا بقا سلام
فهد : سلام
ومشي
وليد وطلع فهد الاوضه وتجنب يتعامل مع اسيل خالص وانشغل بحجات كان
بيعملها وبعدين قام لبس ونزل من غير ما يتكلم هو وهي نص كلمه
راح فهد ركب العربيه وطلع علي اسكندريه
وبعد ساعتين وصل فهد عند باب فيله ابوه وامه فضل ف العربيه شويه يفكر وبعدين خد مفاتيحه وقفل العربيه ونزل
عند محمد وامينه
كانوا جالسين امينه مشغوله في أحد المسلسلات بينما محمد كان بيقرأ الجريده
يرن جرس الفيلا
أمينه : خليكي يا بوسينه انا هفتح
فتحت أمينه وكانت وقفه متصمره في مكانها من الصدمه
محمد : مين يا أمينه
أميييينه
ليقوم محمد ليري من الطارق لينصدم هو الاخر
أمينه بدموع : فهد ؟؛
لترتمي في أحضانه
أمينه بعياط : فهد ابني حبيبي وحشتني وحشتني اوي يابني
فهد ودمعه فرت منه : وانتي تكتغر يا أمي اخبار صحتك ايه
أمينه : الحمد لله
انا كويسه عشان شوفتك يا حبيبي
فهد وهو ينظر الي محمد : بابا
محمد بجمود عكس الي في قلبه : ايه الي جابك
أمينه : محمد
محمد : اسكتي يا أمينه
فهد : جاي اقولك ان الحقيقه هتظهر قريب وهتعرف اني مظلوم
انا لسه فهد الي اتربي علي ايدك وكنت بالنسباله الاب والاخ والصاحب
انا عمري ابدا ما كون سبب في احراجك وكسفتك قدام الناس يا بابا
وبكره تتأكد من كلامي
سلام عليكم
أمينه: خليك قاعد يابني
محمد : خليه يمشي يا أمينه
ليخرج فهد من الفيلا
أمينه : ليه كده يا محمد حرام عليك قلبي مابقاش قادر علي بعده اكتر من كده
محمد : ولا انا يا أمينه لكن لازم يعرف ان الي عمله غلط واذا كان فعلا مظلوم يبقي مايسبش حقه ابدا
انا طالع اوضتي
وجلست امينه علي الكرسي تبكي علي ابنها الذي فارقها
خد فهد عربيته ورجع القاهره تاني وكان متدايق جدا
ودخل لقي اسيل قاعده بتتفرج علي التلفزيون وبتضحك
فهد : سلام عليكم
اسيل: وعليكم السلام
فهد : اعمليلي اي حاجه اكلها علي ما اغير
اسيل: انا معملتش غدا اصلا اعملك تاكل ايه
فهد بغضب : خلاص مش عايز زفت
اسيل: براحتك
طلع فهد الاوضه وغضب الدنيا كلها فيه
خد دش وحاول يهدي وطلع غير هدومه ونزل وكان لسه هيخرج من الفيلا
أسيل وقفته
اسيل: رايح فين
فهد : شئ مايخصكبش
اسيل:علي فكره انت قليل الذوق
فهد : علي فكره انا ماطلبتش رأيك فيا
اسيل مردتش عليه وسابته وطلعت الاوضه
فهد خرج من الفيلا وراح علي الشركه
يتبع الفصل التالي اضغط هنا
الفهرس يحتوي علي جميع فصول الرواية '' رواية وقعت في عشق المنتقم '' اضغط علي اسم الرواية
تعليقات
إرسال تعليق