رواية عندما يعشق الصقر الفصل الرابع 4 بقلم بسنت محمد
رواية عندما يعشق الصقر الفصل الرابع 4 بقلم بسنت محمد
فجاءه حور شافت وراها حد مكنش على بالها انها تقابله هنا خالص. شافت تامر
(تامر ده شخص حور كانت بتحبه وكان هيجى يتقدم لها بس طبعا الكلام ده محصلش. بس هيا بعدت عنه وهو بيطاردها )
حور اول ماشفته اتصدمت وكانت هتمشي علطول مسك ايدها يمنعها.
وزقته جامد وقالت
حور بزعيق : انت مجنون ولا عبيط ازاى تمسك ايدى كده ولا خر مره يا تامر هقولها ابعد عنى عشان معرفش اخويا والى يحصل يحصل
تامر بحزن مصطنع: ياحور اسمعينى فى اى بس انا مش قلت لك هاجى اتقدم بس فى الوقت المناسب
حور : قلت لك ابعد عنى وانا اصلا مبقتش عاوزاك
جه فى الوقت ده صقر عشان يروح اخته وشاف حور بره وبتتخانق مع حد راح عليهم
صقربيبص على تامر وبيقول : فى حاجه ياحور
حوراول ماشافته قالت فرصه واهى تبعد بيها تامر عنها
حور بدلع : صقر حبيبى كويس انك جيت
صقر بصلها بصدمه : بتقولى اى
تامر بصدمه : حبيب مين
تامر عارف انو حور مش بتقول كلام الدلع ده فاتصدم معلش هههههه
حور : ايوا تعالى اعرفك ده تامر كان شخص معايا بيحبنى وانا عامله اقوله انى مخطوبه وانو مينفعش الى بيعمله ده
صقر بصدمه اكبر : مخطوبه
تامر : مخطوبه
حور : اه يلا بقا ياصقر نمشي من هنا احسن انا مش طايقه اقف معاه
وخدت حور صقر المصدوم ومشيت بعيد عن تامر الى فاق من صدمته واتغاظ جدا وقال لنفسه
تامر بغيظ : ماشي ياحور هتكونى ليا قبل ماتكونى له وهتشوفى
عند حور وصقر.
حور : انا اسفه اوى عشان قولت كده قدامه
صقر لسه مش مستوعب : لا عادى ولا يهمك
حور : اصل هو عمال يطاردنى ومش راضي يبعد عنى عشان كده قلت كده ثوانى هنادى على سلمى عشان نمشي لانو الجو هنا خنيق اوى
دخلت حور وجابت سلمى وسلمت عليها وكل ده صقر بيفكر فى كلام ابوه وقرر انو العروسه الى ولده طلبها هتكون حور مش الى باباه اختارها
وخد سلمى روحها وشاف باباه سلمى سلمت على باباها وطلعت تريح
صقر قاعد مع باباه وبيقول
بابا: انا فى عروسه عاوز اتقدم لها طلاما حضرتك عاوزنى اتجوز
ابوه بصدمه مكنش متوقع انو يجيب عروسه
بس رد بجمود : لا يا صقر انا الى جبتها هيا الى هتتجوزها وبس
صقر بيحاول يهدى نفسه: بس انا مش صغير عشان اتجوز من اختيار حضرتك
والده : الكلام انتهى وحضر نفسك قريب هنروح نتقدم لها
صقر بص لابوه بصدمه وانو لى بيعمل معاه كده واتعصب وقاله
صقر بعصبيه : انت لى بتعمل معايا كده يعنى تحرمنى من كل حاجه وتخلينى اوافق غصب وتبعدنى عن كل حاجه وتخلينى اوافق غصب ورجعت وبردو عاوز تجوزنى على مزاجك غصب لى كل كده
ابوه صقر صعبان عليه جامد لانو ميقدرش يحكى حاجه دلوقتى رد بجمود:
هو ده الى عندى وزى ما قلت حضر نفسك قريب. وسابه وطلع
صقر خرج يروح النيل المكان الى بيهدى اعصابه فيه ووعد نفسه انو البنت دى هيخليها ترفضه مهما كان التمن
عند حسام فى اوضته بيفكر فى كلام شريف ابو صقر وقرر انو يوافق لانو عاوز يحمى اخواته من المجهول الى محدش يعرفه غير شريف
الباب خبط
حسام : ادخل
حور : اى ياحسام من ساعه ما رجعت وانت فى اوضتك مش هتقوم تتعشي
حسام بص لحور شويه وقال : تعالى ياحور عاوزاك فى موضوع مهم
حور بقلق: خير يا حسام فى اى.
حسام بطمئنان : اهدى مفيش حاجه بصى فى واحد متقدم لك
حور بصدمه : انت بتقول اى انا لسه صغيرة ومين ده اصلا
حسام: مين فانتى متعرفهوش يكون ابن الشخص الى انا شغال فى شركته
حور : طب وده لى يتقدم لى وهو يعرفنى منين
حسام محبش يقلق اخته ومش عارف يقول لها اى فقال بشويه عصبيه خفيفه
حسام: يوه ياحور كل دى اسئله ما خلاص هو طلب ايدك وانا موافق.
حور اتصدمت رد فعل اخوها وانو اول مره يتكلم معاها كده وقالت بدموع : ماشي يا حسام الى تشوفه عن اذنك
حسام اضايق انو زعلها عشان دى اول مره يزعلها فيها ونزل من البيت يتمشي شويه
تانى يوم حسام كلم شريف وخد معاه معاد وشريف قاله هيجوا بليل كلم شريف صقر وقاله يحضر نفسه
بليل فى بيت حسام
حور حضرت نفسها وبتتوعد للى هيتقدم لها ده
الباب خبط وحسام فتح وقال : اتفضل يافندم
دخل شريف وبعده صقر
شريف لما قعد قال : لسه البيت زى ما هو متغيرش
حسام بابتسامه : عمر الحاجه الى من الحبايب بتتغير
وقام وقال : ثانيه وحده هجيب حاجه واجى دخل اوضه حور وقال
حسام : حور خلصى وخمسه وتخرجى تجيبى العصير وبعدها خرج
قعد معاهم
وقال شريف: طيب يابنى انا يشرفنى اطلب ايد اختك حور لابنى صقر
حسام : وانا يشرفنى انو اناسب عيله زى حضرتك
شريف : على بركه الله اومال فين عروستنا
حسام: جايه حالا وبينده ياحور
صقر اول ماسمع الاسم بص بسرعه لقى بنت غير حور الى يعرفها ودى كانت نور اخت حور
نور بتقدم العصير وتقول : اتفضلوا حضراتكم
شريف : يسلم فضلك يابنتى
حسام قال لنور : هاتى حور يانور يلا
صقر بص له وعرف انو دى اختها ومش حور
دخلت حور وصقر اتصدم ولقاها هيا فعلا الى كان هيتقدم لها
حور اول ما شفته اتصدمت وقالت : انت
صقر بصدمه : انتى
شريف بصلهم باستغراب وقال : انتم تعرفوا بعض
صقر قال : اه يا بابا دى حور صاحبت سلمى كنت بشوفها مع سلمى لما اروح اجبها
شريف قال : طب كويس ازيك يا حور يابنتى
حور باحترام : الحمد الله حضرتك
وقعدوا اتكلموا فى كل حاجه وحددوا انو الفرح بعد الامتحانات عشان حورامتحانتها بعد شهر
فى مكان مجهول
المجهول : اى الاخبار
مسعد : صقر اتقدم لحور ياباشا
المجهول بعصبيه : ازاى ده يحصل ازاى
مسعد : واضح انو شريف بيه مخطط لكل حاجه يا باشا
المجهول بغضب: واضح انو شريف مش هيجبها لبر واما نشوف اخرتها معاك يا شريف
مسعد : تطلب منى حاجه ياباشا
المجهول بخبث : اه عاوزاك تجبلى حور هنا باى طريقه يامسعد
مسعد فهم دماغ را ئسه وقال : من عيونى ياباشا
مشى مسعد
وقال المجهول لنفسه : جه الوقت الى لازم اظهر فيه للكل و اعرفهم حسابهم وانت ياشريف حسابك تقل معايا اووى
يتبع الفصل الخامس اضغط هنا
الفهرس يحتوي على جميع فصول الرواية"رواية عندما يعشق الصقر "اضغط على اسم الرواية
تعليقات
إرسال تعليق