رواية عروس النيل الفصل الرابع 4 بقلم اسراء متولي
رواية عروس النيل الفصل الرابع
نور بصدمه: قتلت حد تاني غير ياسين !!
ليل بضحك هستيري علي شكلها
نور وقتها اتاكدت انه مريض نفسي
ليل وهو بيحاول يوقف ضحكه: ايوه ي ستي قتلت ابويا
نور كانت الصدمه ظاهره علي وشها ومش قادرة تنطق
ليل وهو بيفتكر ايه اللي حصل من ٣ سنين
Flash back
في فيلا احمد السيوطي والد ليل وخصوصا في مكتبه
احمد " ابو ليل " : انت بتحب البنت دي
ليل بهيام: ايوه ي بابا عايزها
احمد وهو متعصب وبيخبط علي مكتبه: بس دي كانت مخطوبه وعلي وش جواز تقوم رايح قاتل خطيبها انت اتجننت رسمي ولا ايه
ليل بعصبيه وشر : هي عمرها ما هتكون لحد تاني انت فاهم واللي مخطوبه ليه ده يستحق اللي حصله
احمد وهو بيتنهد وبيمسح علي وشه واخد قرار انه يقف قصاده ومعتش هيخليه يتهني بحاجه واخدها غصب: انا همنعك ي ليل ومش هسمح ليك انك تأذيها او تأذي حد تاني
ليل بشك: هتعمل ايه!!
احمد وهو متجه نحيه باب المكتب عشان يخرج منه : هروح اقولها علي كل حاجه وانك انت اللي حاولت تأذي ياسين طول فترة خطوبتهم ومنهم محاولتك انك تفك الفرامل بتاعت عربيته كذا مرة ولولا ستر ربنا بس تسكت لا ازاي متبقاش ليل السيوطي اللي كل حاجه بيعوزها لازم تبقي تحت رجليه حاولت تبوظ شغله وحياته عن طريق وسطاتك بس انك توصل انك تقتله لا انا معتش هسكت كده كفايه اوي
ليل جري عليه ومسك ايده وباستعطاف: ارجوك ي بابا لا هي مينفعش تكون لغيري انا بحبها هو اللي خطفها مني
احمد وهو بيشد ايده منه وبيتكلم بعنف وقسوة : لغايه هنا وكفااايه بقي حرام عليك موت امك بحسرتها عليك وعلي رغباتك اللي منتهتش بس تعرف انت مش الغلطان الوحيد احنا برضو غلطان لما كانت كل طلباتك مجابة واي حاجه تعوزها تلاقيها ايا كان التمن بتاعها ايه لغايه ما وصلت انك تقتل ، من انهارده انت لا ابني ولا اعرفك والفلوس اللي انت بتتمتع بيها دي مش هتطول منها حاجه والبنت اللي بتحبها هخليها تكرهك من غير ما تكون عرفتك اصلا وهخليها تسجنك
قال الجملة الاخيره دي ولسه بيفتح بابا الفيلا عشان يمشي لقي حاجه خبطته من ورا حط ايده علي دماغه لقي دم وفجأة الدنيا اسودت وقبل ما يفقد وعيه كله كانت آخر جملة سمعها "يبقي لازم تموت ي بابا"
Back..
ليل وهو بيبص علي ملامح نور اللي بهتت من كتر الصدمه: وبس ي ستي حطيته في العربيه ورميتها من فوق الجرف وبلغت البوليس انه غايب من فتره ولما لاقوه كان متفحم في العربيه وانا بقيت الوريث الوحيد لممتلكاته وعشان محدش يشك فيا فضلت في بلدنا سنه قبل ما انقل كل حاجه هنا ومخلتش حد يعرف عني حاجه عشان ابقي جنبك وفضلت سنتين بعدها بحاول اشوفك اتكلم معاكي بس كنتِ بترفضي اي مقابله مع حد كنت هخطفك بس انا كنت عايزه تحبيني زي ما انا بحبك
قال الجملة الأخيرة وهو مبتسم اكنه بيحكي قصة مش بيعترف بقتل ابوه
ليل وهو بيقرب من نور بحب وبياخدها في حضنه : بتحبيني صح!!
نور وهي بتحضنه: نور محبتش غيرك
ليل بفرحه وعيون لامعه من كتر السعادة بعدها عنه وبص في عيونها : بجد بجد ي نوري يعني هنعيش مع بعض ومعتيش هتبعدي
نور وهي مبتسمه: انت عايزني بعد كل اللي عملته ده اسيبك !! ابدااا وبعدين مفيش حد يقدر يعيش بعيد عن روحه صح!!
ليل : صح ي نوري
نور وهي بتقوم افتكرت حاجه رجعت قعدت قدامه تاني: اه صح ي ليل هو انت ازاي مضيت علي قسيمه الزواج يعني كله عارف انك ياسين معني كده انك زوت الورق
ليل وهو بيمسك ايديها بحب : لا ي عمري انا كنت متفق مع المأذون علي كل حاجه وجوازنا سليم يعني انتي حرم دلوقتي حرم الاستاذ ليل أحمد السيوطي
قال الجمله دي وهو بيبوس ايديها
نور بارتباك وخجل: طيب ي حبيبي انا هقوم اغير هدومي واعملنا فشار وعصير علي ما انت تغير وتختارلنا فيلم حلو زيك كده نسمعه اشطا
ليل وهو بيخطف بوسه من علي خدها : اشطا ي حلو
نور دخلت غيرت وجهزت الفشار والعصير وطلعت قعدت معاه وقعدوا يسمعوا الفيلم وهم بيشربوا العصير وبياكلوا ومستمتعيش
ليل وهو بيبصلها بحب : انتي حلوه اوي ي نوري
نور ابتسمت بخجل: ميرسي
ليل ساب العصير اللي في ايده وبص لنور واخد ايدها : ممكن مولاتي تسمحلي بالرقصه دي
نور قامت معاه وهي بتومؤ برأسها بمعني اه
فضلوا فترة بيرقصوا وهم باصين في عيون بعض لغايه لما ليل قطع صمتهم
ليل وهو بيقرب منها وعيونه علي شفايفها : هو ممكن يعني ...
نور وهي بتغمض عيونها : اممم
ليل فجأة رجع ورا
نور اتخضت : مالك ي حبيبي
ليل بوجع وهو ماسك راسه : مش عارف فجأة حسيت ان....
مكملش جملته كان واقع علي الارض ومش قادر يتحرك وحاسس ان روحه بتتسحب منه كان شايف نور بتوطي بهدوء وقعدت قدامه وعلي وشها ابتسامه شيطانية
ليل وهو بيغمض عيونه: نور..
نور وهي بتقرب من ودنه وبتهمس : مش لوحدك عندك اسرار ي حبيبي
وبعدين ضحكت بعلو صوتها وهو كان راح في عالم تاااني -تشرب شاي بالنعناع
=افندم..؟
-بقول تشرب شاي بال..
رد وهو رافع حاجبه: ايوه سمعت حضرتك بس مش فاهم حضرتك محتاجه حاجه مني !
شدت الكرسي وقعدت قدامه : ايه حضرتك حضرتك دي انا اسمي ورد علي فكره و ممكن تناديني بحورية لو حابب كل اصحابي بينادوني بيه ، اهلا انت اسمك ايه بقي
= .....
- مستغرب !!متفاجئ!! معلش اصلي لما بكون عايزة حاجه مش بفكر في النتيجه بس قولي انت اخبارك ايه
كانت بتلعب في ايديها من التوتر لما سمعت صوت ضحكته رفعت عيونها ليه فضل يضحك فترة وهي بتبص ليه وبتقول في نفسها" قد ايه ضحكتك خطفتني"
وقف ضحك لما لاحظ نظراتها ليه : احمم انا اسف بس كلامك ضحكني
ورد وهي بتقوم عشان تمشي : ضحكتك حلوة متزعلش نفسك علي دنيا فانيه
ياسين بسرعه : راحه فين !
ورد باستغراب: ايه عايزني اقعد
ياسين وهو خايف لتمشي : اه يعني لا يووه
تعليقات
إرسال تعليق