رواية حياتي الفصل التاسع والثلاثون 39 بقلم توته
رواية حياتي الفصل التاسع والثلاثون
حياة : يعني ايه
إيلان : حياة .. أنا بحبك ومستحيل أسيبك
حياة بصدمه : ايه .. ايه الكلام ده
إيلان : قلبي اختارك انتي عشان يحبك مقدرش اتحكم في قلبي .. بس برضو مش هقدر اجبرك على حاجه انتي مش عايزاها
طنط چيلان : كلنا عارفين أن إيلان حبك يا حياة .. وهو عايز يكمل حياته معاكي .. وانا مش هلاقي أحسن منك لابني
رغدان : كلنا هنا حبناكي اصلا وعايزينك معانا علطول
إيلان : في ايه يا شبح .. متظبط الكلام كده
رغدان : مش قصدي يا عم الاه
إيلان : هااا يا حياة .. قولتي ايه
حياة : ا .. اان ا .. مش .. مش عارفه .. مش عارفه افكر اصلا
إيلان : تعالي معايا عايزك
____________________________________________
إيلان : بصي يا حياة .. أنا قلت كل حاجه عندي بره قدام الكل .. وانا حاليا معنديش اي سر مخبيه .. ولو انتي عندك اي سؤال عايزه تسأليه اتفضلي .. وبرضو مش هقدر اجبرك على حاجه انتي مش عايزاها .. ممكن يكون قلبك مختار حد تاني .. دي حياتك انتي .. أنا حياتي دلوقتي واقفه على قرارك بجد .. أنا لما حبيتك حبيتك فيكي عندك وكبريائك وقوتك وتحديكي وجنانك وطيبتك وهبلك .. حبيتك بالوحش اللي فيكي قبل الحلو .. مش عارف أنا لوحدي حبيتك ولا انتي كمان
حياة : مش عارفه المفروض اقول ايه بعد الكلام ده .. بس اللي أنا عارفاه اني محبش تاني وادوس على قلبي واحطه تحت رجلي .. عشان متعلقش بحد ممكن يسيبني ويمشي
إيلان : شكلك مريتي بتجريه كرهتك في الحب .. بس انا كمان زيك .. بس مقدرتش اتحكم في قلبي .. قلت لنفسي لازم انسي واخلي شغلي نمبر 1 في حياتي .. حياة .. أنا هسألك للمره الأخيره .. توافقي تكملي حياتك معايا
حياة : يعني مش هتسيبني انت كمان
إيلان : اكيد مش هسيبك وهفضل متمسك بيكي يا حياتي
حياة : ده وعد
إيلان : وعد
حياة بابتسامه : موافقه
إيلان : على اي بالظبط
حياة : اكمل حياتي معاك
إيلان : وانا اوعدك هحافظ عليكي يا حياتي
طنط چيلان من ورا الباب : مبرووووووك .. مش مصدقه اخيرا أن ابني هيعيش خلاص حياته وانا مطمنه معاه
إيلان : ماما ! .. انتي كنتي ورا الباب
رغدان : مش لوحدها يا اخي العزيز
إيلان : ده كلام يعني
ايوان : مش نفرحلك برضو
طنط چيلان : مش هنقضيها كلام .. هكلم أمك يا حياة اقولها وجميل يكلم اخوه .. وانشاء الله كل شئ هيكون على ما يرام
رغدان : عن اذن حضراتكوا بما أن الدنيا احلوت والحياة بقا لونها بمبي وانا جنبك وانت جنبي .. اشوف جوي
إيلان : وحياة أمك لأبوظلك الجو ده
ايوان : عقبالي في الجو بتاعي كده انا كمان
إيلان : يا عم انت جوك السفاري اللي علطول فيها دي
ايوان : اه والله .. بالمناسبه أنا هسافر بكره
طنط چيلان : ايه ده .. انت ليه جاي من السفر الاسبوع اللي فات
ايوان : معلش .. المره الجايه هتكون بره مصر
طنط چيلان : مش هيحصل
ايوان : هشقطلك عروسه اجنبيه
طنط چيلان : يووه ... ومالها بنت بلدك
ايوان : كيرفي كده .. مش زي اللي بره .. اللي بره عود فرنساوي .. ده اللي عندنا هنا في مصر درافيل
حياة : لاء مسمحلكش ... مفيش أجمل من بنات مصر .. على الأقل بيكونوا على طبيعتهم في أغلب الأوقات .. ومش هتلاقي زيها في اي حته في العالم .. ولما بتحب بتحب بجد وبإخلاص .. وكمان معظم المصريين مش مهتمين بنفسهم ... لان منهم اللي شايل مسؤوليه كبيره .. تخيل المقارنه م بين البنت الأجنبية والبنت المصريه .. اختارها بالشكل أجنبيه .. بس بالروح والطيبه والجدعنه مصريه .. اللي بره مصر جوازتهم بتقدر توفرلهم خدمات للأطفال وخدمات للأكل وخدمات للتنظيف وميكاب وباديكير ومانيكير عشان تكون بالشكل اللي هيا بيه .. لكن اللي جوه مصر بيشيلوا المسؤوليه .. مسؤوليه بيت ومسؤوليه أطفال ومسؤولية طبيخ ومبيكونش عندهم وقت يهتموا بنفسهم .. مع احترامي لكل بنت من بره مصر بس ليه تختار واحده من بره مصر وانت معاك بنت بلدك
طنط چيلان : هو ده الكلام ولا بلاش
ايوان : ايه الثوره دي .. ده كله عشان قلت إن المصريه كيرفي
إيلان : يا عم انت تطول اصلا .. مفيش أجمل من بنات بلدك .. على الأقل هتستحملك .. مش واحده تقولها انتي كريزي .. تجيبك ع الحديده
حياة : أنا مقولتش أن البنات اللي بره مصر وحشه .. لاء خالص في منهم من المصريين اللي شايلين المسؤوليه .. بس مش متربين على عاداتك وتقاليدك ومش هيقدروا يفهموك ولازم يا هيا تمشي بعاداتك وتقاليدك يا انت تمشي بعادتها وتقاليدها
إيلان : صح جدا
ايوان : أنا آسف اصلا .. دي مكانتش كلمه عملتلولي عليها موال
إيلان : عشان تتعلم بعد كده
طنط چيلان : خلونا في موضوعنا .. انتوا حاليا في فترة خطوبه .. كده تمام !
إيلان : ليه .. خطوبه ليه .. الخطوبه للتعارف واحنا عارفين بعض .. هو فرح وخلاص عيلتي وعيلتك وخلاص خلصت ... ايه بقا لازمة الخطوبه .. مش عارف انا
طنط چيلان : يعني متفرحش مش زي كل البنات اللي في سنها
إيلان : انتي ساكته ليه يا حياة متتكلمي
حياة : والله اللي انتوا تعملوه أنا راضيه بيه .. مكنتش اتوقع ان ممكن حياتي تكون احسن من الاول والاقي حد يحبني
إيلان : كلنا بنحبك يا حياة
حياة : وانا كمان بحبكوا كلكوا
إيلان : كلنا مين بالظبط
حياة : كلكوا طنط وعمو وانت ور....
إيلان : وبس .. أنا وماما وبس
حياة : عادي يا إيلان بحبكوا كلكوا كعيلتي
إيلان : أنا وماما بس
حياة : خلاص يا سيدي انت وماما وبس .. عن اذنكوا تليفوني بيرن
إيلان : مين بيرن
حياة : دي براء صاحبتي هرد عليها
____________________________________________
حياة : مالك بس اهدي كده مش فاهمه حاجه
براء : م .. ماما واخويا
حياة : مالهم
براء : جايبنلي عريس وموافقين عليه وانا مش عايزه حد غير رغدان
حياة : ايه ده .. مامتك غصبت عليكي .. طب افهمي منها
براء : أنا قاعده في الاوضه بتاعتي ولقيت ادهم ( اخو براء ) داخل وبيقولي في عريس كويس شافك وعجبتيه وجاي هيتقدملك بكره .. بكره يا حياة .. قولتله لاء أنا مش مستعده لاي جواز دلوقتي .. قالي ده كويس وشاريكي واتعرفي عليه
حياة : طيب .. قابليه وبعدين قوليلهم مش مرتاحه
براء : مش هعرف يا حياة .. بيقولي مفيهوش غلطه .. اتصرف ازاي
حياة : كلمتي رغدان طيب
براء : لاء لسه
حياة : طيب كلميه .. اكيد هيحل الموضوع
براء : مش عارفه .. أنا مش عارفه اعمل اي حاجه
حياة : اهدي كده وكلميه الاول
براء : ماشي
____________________________________________
رغدان : ايه ده مال صوتك
براء : رغدان .. في عريس متقدملي
رغدان : بجد .. وانتي وافقتي
براء : ايه .. انت بتقول ايه
رغدان : بقولك وافقتي على العريس
براء : انت بتتكلم بجد .. يعني أنا مش فارقه معاك
رغدان : لاء مش دي الحكايه .. بس أنا بسألك عادي
براء : يا برودك يا أخي .. بتسألني عادي .. صح .. أنا اصلا غلطانه اني كلمتك
رغدان : استني .. يا مجنونه
____________________________________________
في صباح اليوم التالي
إيلان : مش هتروحي في حته
حياة : لاء .. منا مش هقعد في البيت زي قلتي
إيلان : خلاص هقعد معاكي
حياة : أنا اصلا زهقت من المستشفي ومن القعده فيها .. فعايزه اخرج اغير جو
إيلان : مش هتعرفي اصلا .. أنا خدتلك اذن من الجامعه البحث ده .. وهما بادئين من أسبوع .. حتي صاحبتك نفس الكلام وأما اللي قولتلها متقولكيش حاجه
حياة : اييه .. ده انا كده هسقط .. وازاي متقوليش الحيوانه دي .. لما اشوفها
ايلان : مش هتشوفيها اصلا
حياة : م أنا هنزل برضو .. مش عايزه اتحبس بقا
إيلان : هتتحبسي معايا أنا كمان مش نازل
حياة : يوووووه ... شكلي مش نخلص انهارده
إيلان : بالظبط كده
____________________________________________
رغدان : ماما أنا خارج وهرجع بالليل
طنط چيلان : ماشي يا حبيبي
____________________________________________
مامت براء : يلا يا حبيبتي الضيوف على وصول
براء بتوهان وخفوت : حاضر يا ماما
ماما : أنا مش بجبرك على حاجه يا حبيبتي .. شوفي العريس اللي جايلك ده .. ولو انتي م مرتاحه مش هقدر اجبرك ... بس هو جه كلمني وكلم اخوكي وكان بيتكلم عليكي بكل حب
براء بابتسامه مكسوره : انشاء الله هرتاح .. وهريحكوا مني
ماما : مالك يا حبيبتي فيكي ايه
براء : مفيش يا ماما .. هقوم اغير هدومي واقابل الضيوف
ماما : ماشي يا بنتي
____________________________________________
ادهم : براء
براء : نعم يا ادهم
ادهم : ايه ده ايه الحلاوه دي .. ده انا اختي طلعت جامده بقا
براء : ربنا يخليك يارب .. ايه الضيوف وصلوا
ادهم : هو ضيف واحد .. العريس جاي لوحده .. وزمانه على وصول
براء : اممم .. تمام
____________________________________________
مامت براء : يلا يا حبيبتي العريس وصل
براء : ماشي يا ماما خارجه اهو
خرجت براء من غرفتها بابتسامتها المكسوره التي لم تفارق وجهها منذ أمس وكانت الصدمه عندما رأت العريس
براء : رغدااان
يتبع الفصل التالي اضغط هنا
الفهرس يحتوي علي جميع فصول الرواية '' حياتي '' اضغط علي اسم الرواية
تعليقات
إرسال تعليق