رواية روح الفصل الثالث 3 بقلم ريم أحمد

 رواية روح الفصل الثالث 3 بقلم ريم أحمد

رواية روح الفصل الثالث 3 بقلم ريم أحمد

روح: ايه يا دينا ايه الدوشه دي

دينا بتوتر وبتتكلم بسرعه جدا: داا.. دي.. لا بصي... مش عارفه.. تعالي نخش جوا ف الاوضه عشان الصوت دا و... 

فجاه سمعو صوت زغاريط واغاني بتشتغل. 

روح: لا يستي استني دا فيه صوت زغرطه واغاني تعالي نتفرج. 

دينا بحزن وهي واقفه قدام روح وبتمنعها تشوف: عشان خاطري يا روح بلاش خلينا ندخل جوا احسن. 

روح باصرار: لا عديني بقا خليني اشوف. 

بصت روح من البلكونه ومن صدمتها معرفتش تتكلم ولا تتحرك من مكانها... معقول... معقول أنس... بيخطب؟؟ 

لحظات قليلة عدت علي روح وكأنهم سنين.. دقات قلبها عليت وعيونها اتراكمت فيها الدموع وصوتها راح من غير ما تتكلم. 

حست ان الدنيا وقفت هنا ومبقتش عارفه تعمل ايه حست ان خلاص كدا هي انتهت مع انها قررت تنساه تماما.. 

دينا فضلت تكلم روح وتنادي عليها كتير بس هي مش سامعه ولا شايفه غير شكل أنس وهو باين عليه انو فرحان جدا وماسك ايد خطيبتو وبيلبسها الدبله... خطيبتو؟ 

قد ايه الكلمه دي وجعتها وفوقتها من الوهم ال هي عايشه فيه.. قد ايه الكلمه دي صعبه علي اي بنت ف مكان روح. 

فكرة ان الواحد بيزعل عل حاجه متخصوش فكره حزينه جدا.. ومؤلمه.. وروح مكانتش ناقصه وجع فوق وجعها. 

دينا بقلق: روح.. روح... انتي سمعاني؟؟ 

روح بصت ل دينا والدموع ف عنيها وبإبتسامه باهته وحزينه: يلا خلينا ندخل. 

دينا بخوف وحزن عل صحبتها: انتي كويسه.. صدقيني هو ما... 

روح بمقاطعه: لو سمحتي يا دينا خليني لوحدي شويه.. وصدقيني انا كويسه.. محتاجه انام بس. 

دينا بدموع: متاكده؟ 

روح بصوت واطي ومتعب: اه. 

روح قالت ل دينا انها هتنام بس الحقيقه مش كدا الِ روح حساه دلوقتي مستحيل يخليها تنام.. هي اصلا مش عارفه لسا عايشه لحد دلوقتي ازاي.. 

روح بعياط: ياارب.. يااارب ساعدني.. انا تعبت.. تعبت اوي مستحملش كل دا والله.. يارب انا ضعيفه قويني وخفف عني يااارب. 

..... بعد٤ساعات من العياط روح اخيرا نامت ودموعها عل خدها وهي بتدعي ربنا من كل قلبها يصبرها ويخفف عنها. 

.... تاني يوم بعد العصر

ام روح قلقت جدا عليها لان روح مش من النوع الكسول ال بينام كتير. 

ام روح: يلا يبنتي اصحي بقا كفايه نوم. 

روح وهي بتفتكر ال حصل امبارح: حاضر يا ماما قايمه اهو. 

ام روح: انا لسا مفطرتش لحد دلوقتي علفكره ومستنياكي. 

روح بعتاب:ليه كدا يا ماما.. انتي لازم تاخدي دواكي ف معاده. 

ام روح: سيبيها عل الله... بقلك ايه ما تكلمي البت دينا وتنزلو تتمشو شويه وتفكو كدا واهو بالمره تجيبيلي الطلبات. 

روح وهي بتفكر ف كلام مامتها وقبل ما ترفض افتكرت كلامها مع نفسها امبارح بليل ان هي هتنسا أنس وان الحياه موقفتش عليه ولا حاجه. 

روح: ماشي يا ماما.. هروح اكلمها. 

...... روح كلمت دينا.. ودينا استغربت جدا بس ف نفس الوقت فرحت اوي بالتغير دا وان روح خدت خطوه زي دي حتي وان كانت مغصوبه من مامتها مش مهم... المهم انها بتحاول تطلع من المود والجو ال هي فيه. 

...... تحت البيت عند دينا

دينا بتصفير: واااو ايه القمر والحلاوه دي كلها... لا انا كدا اغير بقا. 

روح بإبتسامه: دا اقل ما عندي علفكرا. 

روح كانت لابسه دريس ابيض صيفي تحت الركبه بشويه ونص كم وفارده شعرها الناعم وكان واصل لتحت ضهرها.. وحاطه ميكب خفيف جدا بس شيك اوي ولابسه كوتش ابيض.. وكانت ف منتهي الجمال والرقه. 

دينا: طب يلا يا ختي عشان منتاخرش. 

..... في المطعم

دينا: ها يا روح هتاكلي ايه. 

روح: اي حاجه.. هاتيلي زيك. 

دينا: اوك.. لو سمحت.. ولسا بتتكلم مع الجرسون اتفجأت هي وروح ب... أنس داخل ومعاه خطيبتو وقعدو ف الترابيزه ال قدامهم. 

في اللحظه دي روح حست بوجع ف قلبها والدموع ف عنيها ومكنتش قادره تتكلم ولا تاخد نفسها وبتبص ل خطيبتو وبتقول... هي فيها ايه زياده عني؟؟ احلي مني ف ايه؟؟ 

طب هو انا وحشه؟؟ 

دينا بعصبيه وقلق علي روح: ايه الصدف دي يارب.. روح حبيبتي بصي هنا عليا انا وسيبك من ال قدامنا دول. 

روح شايفه دينا بتتكلم بس مش سامعه اي حد حواليها هي بس حاسه بنار ف قلبها وشايفه أنس وهو ماسك ايد خطيبتو..... حست بدوخه شديده وجسمها بيرتخي وهي مش قادره تتحرك ولا تتكلم.. واخيرا اتكلمت ولسا بتقول ل دينا....... 

يا تري ايه ال حصل ل روح؟؟ 

وموقف أنس هيكون ازاي؟ 

يتبع الفصل الرابع اضغط هنا

الفهرس يحتوي على جميع فصول الرواية"رواية روح "اضغط على اسم الرواية