رواية عاشقة المصطفى الفصل الثالث بقلم مريم مصطفى الجلاب
رواية عاشقة المصطفى الفصل الثالث
عمر بعدم فهم: يعني هنروح فين؟
مصطفي: الساحل
عمر: اخويا والله اخويا انا عارف خايف ع نفسيتي بعد اللي حصلي وعايزني اغير جو واصيف حبيبي
مصطفي بعصبيه: تصيف اي يحمار انت احنا طالعين شغل
عمر: نعم! شغل اي اعقل كده يادرش انا وشي متشلفط يعني عايز رعايه تقولي شغل؟
مصطفي:ماانت زي القرد محصلكش حاجه.. خمس دقايق وتكون قدام شقتي علشان هنتحرك دلوقتي فاهمني ولالا
عمر بضيق: حاضر انا اقدر اقول لا لشغل
قفل مصطفي الفون وقام جهز نفسه وطلع سلاحه من الدرج خده معاها
*************
عمر وهو بيحط لبسه ف الشنطه بعصبيه:مش هينفع ياماما لازم اروح ده شغلي
وفاء: لايابني انا هكلم مصطفي انت لسه تعبان يحبيبي
دخل محمد الاوضه وهو بيزعق بصوت عالي: بطلي خوفك ده بقا عليه هو مش صغير مامصطفي قدامك اهو من يوم مااهله اتخلوا عنه وهو معتمد ع نفسه وراجل قد الدنيا وشاب محترم.. خلي يتعلم منه شويه بدل ماهو سايب حاله ومشي مع كل واحده شويه
وفاء: ده راجل ومهما يعمل ميعبوش حاجه
محمد: غلط مش علشان راجل يعمل اللي هو عايزو انتي نسيتي دينك ولااي ياام عمر الراجل بااخلاقه بدينه بصلاته مش يلعب ببنات الناس
عمر بعصبيه: انا مكنتش كده طول عمري ماشي ع تربيتك علشان انت فعلا صح.. بس بحاول اغير ف حياتي يمكن انسا اللي حصلي الراجل فينا لما بيحب بجد وتسيبه بيتكسر بيدور ع اي سبب علشان ينساها وانت اكتر حد عارف انا حبيتها قد اي وهي مقدرتش ده وسبتني وبعد كل للي عملته لسه بحبها اي حاجه عملتها غلط يابابا كنت علشان انساها مش اكتر
قرب محمد وخده ف حضنه وعمر عيونه بدمع...
محمد: ده نصيب يابني وهي لو كانت بتحبك ربع اللي انت حبتله كانت فضلت معاك لحد الاخر انت الي اخترت غلط مش قلبك بكرا لما تحب فعلا هتعرف ان حبك ليها ده مكنش حب
عمر: بس انا قلبي حباها بجد
محمد: انت شايف انك حبيتها بس انا مش شايف كده... ربنا هيعوضك بالاحسن منها..وانا لو قسيت ف كلامي عليك ف ده علشان خايف عليك انا معنديش غيرك
عمر وهو بيمسح دموعه: عارف يا حبيبي والله و....
قطع كلامهم رنت فون عمر...
عمر بضحك:احيه ده مصطفي...دقيقة ونزلك
مصطفي:وحيات امك لو طلعتلك لرميك من فوق اخلص يازفت
عمر:وعلي اي هوا وهكون قدامك..وقفل
وفاء:اخلي بالكوا من بعض وابقي طمني بالتلفون
عمر وهو بيحضن امه:حاضر متخفيش دول يومين يعني
محمد:تيجوا باسلامه ان شاءالله
سلم عمر عليهم وخد شطنته ونزل لمصطفي لقي واقف قدام شقته وبيكلم نفسه..فااتاكد انه بيشتمه...
عمر بتوتر:مساء الخير
مصطفي بنظره حاده:مساء الزفت قولتلك خمس دقايق وتكون قدامي بقالك نص ساعه واي الشنطه دي كلها احنا رايحين نتفسح
عمر: عادي يادرش يعني هيبقا شغل وكمان منزلش البحر والله عيب علينا
مصطفي وهو بيدوس ع اسنانه: قدامي ع العربيه ياعمر...
*************
فيروز:يابنتي ماكنا روحنا مع الشله هتسوقي كل ده لوحدك
مريم وهي بتشرب مياه وسايقه:اولا انا مبحبش حد من الشله دي وانتي عارفه كده ثانيا اللي اسمه مراد ده مبحبش نظراته ليا ف ممكن اخده بوكسين كده وابوظلكوا الرحله كلها..
فيروز:لالا وعلي اي احنا كده تمام انا بس عامله عليكي علشان متتعبيش ف السواقه بس
مريم بضحك:لا متخفيش مش هيحصلي حاجه لو عايزه تنامي شويه انتي نامي
فيروز:اوكي هنام بس براحه ف السواقه مش عايزين حوادث احنا
مريم:نامي يافيروز نامي بدل ماقلب بينا العربيه
ضحكت فيروز ع كلام مريم ونامت ومريم كلمت سواقها.....
**************
عمر:فهمني بقا احنا رايحين نهبب اي
مصطفي:قضيه القتل اللي شغال فيها انا وانت من فتره
عمر:اها ملها حصل فيها جديد
مصطفي:الواد اللي قتلها هربان ف الساحل عند واحد صحبه
عمر: واحد قاتل هيستخبي ف الساحل ليه؟
مصطفي: اكيد عارف ان محدش هيتوقع انه هناك
عمر: تمام.. بس خلاص القضيه اتحفظت ضد مجهول من شهر وغير كده دي راقصه وليه اعداء كتيير اي اللي خلاك متأكد ان ده اللي قتلها
مصطفي: ده كان الحارس الشخصي بتاعها وف كلام بيتقال انهم كانوا متجوزين ف السر ويوم ماهي اتقتلت تاني يوم كان الواد ده هربان ولما الشرطه مسكته قال انه عند بنت من مراته الاوله وكانت تعابنه وكان لازم يروحلها الصعيد علشان يوديها مستشفي وفعلا المستشفي قالوا انه بنت كانت عندهم
عمر:وبعدين
مصطفي:بس الغريب انه راح المستشفي وخرج منها ع طول واختفاء طب بلاش كده ليه بعد القضيه ماخلصت لسه هربان ومش بيظهر..هاكدلك كلامي لما نمسكه
عمر:طب وانت ازاي عرفت انه موجود هناك
مصطفي:هدير المحاميه كانت متابعه القضيه معايا ف اولها كده وهي هناك دلوقتي شافته صدفه فاكلمتني
عمر:اها هدير قول كده بقا
مصطفي:انت عارف كويس انها علاقه شغل وبس ولو ف حاجة هتبقا منها هي انما انا لا
عمر:وانا قولتلك حاجة دلوقتي
مصطفي بصله وكمل سواقه وعمر حط الهاند ف ودنه وسكت..
***********
مريم سايقه بس بتفكر ف الحلم وصوره مصطفي قدامها وهو بيكلمها ف الحلم.
مريم لنفسها:هو ف اي ماثر ع تفكيري ونومي ليه واي الكلام الغريب اللي حلمت بي ده...هيكون اي يعني يامريم اكيد بس علشان شوفته كتير يعني مش اكتر ايوه هو بالظبط كده علشان اتخنقت معاه بس...
مريم بصوت عالي:ايوه هو بالظبط كده
صحيت فيروز ع صوت مريم بفزع:اي ف ايي موتنا ولالسه
مريم وقفت بالعربيه:لا مفيش حاجه انزلي بس كده شوفي الكوتش اللي ورا ماله حاسه انه نايم شويه
فيروز:وانا اللي هصحي يعني!
مريم:انزلي ياخفه
نزلت فيروز من العربيه ورزعت الباب وراها وبصت ع الكوتش
فيروز بصوت عالي:يابنتي كويس!
شغله مريم العربيه بسرعه وسابتها ومشيت وفيروز بتجري وراها
فيروز:يامااااااارييييم انا بنت عمك عيب كده متسبنيش لوحدي يااااابت
وقفت مريم وجريت عليها فيروز وهي متعصبه بسرعه
فيروز: بقا كده يامريم تسبيني ف الطريق وكمان ف اليل ده
مريم: انتي مش خايفه لنعمل حادثه وكل شويه تتخضي قولت اخليكي تاخديها مشي الحق عليا يعني
فيروز: طب اتحركي بقا بدل مااحنا واقفين كده وهسكت خالص
مريم: هييح تمام...
**************
مصطفي: عمر انت يابني
عمر بنوم: اي يامصطفي وقفت العربيه ليه
مصطفي بتعب: تعبت من السواقه انزل كمل انت وانا هغفل شويه
عمر: حاضر بس هات ازازه المياه دي كده هغسل وشي بيها علشان افوق
مصطفي: خد وانجز
نزل عمر من العربيه وغسل وشه ومصطفي ركب مكانه لحد مايخلص ركب عمر وكمل سواقه ومصطفي نام...
بعد ساعتين رن تلفون مصطفي بس عمر محبش يصحي علشان يرتاح بس فضل يرن كتير....
عمر:مصطفي اصحا موبيلك بيرن واضح ف حاجة مهمه
صحي مصطفي من النوم وخد موبيله لقي بهجت الي بيتصل بي..
مصطفي:الو مساءالخير
بهجت باحراج:انا بعتذر جدا شكلك كنت نايم وانا ازعجتك
مصطفي:لا خالص انا حتي برا
بهجت: طب كويس.. بص ياستاذ مصطفي انا بتاسفلك ع اللي حصل من مريم بنتي بس الشغل حاجه والمشاكل دي حاجه وانا بصراحه معنديش استعداد اخسر محامي زيك ولسه عند وعدي والعقود واقفه ع امضتك
مصطفي: هو حقيقي مش عارف اشكرك ازاي ع معاملتك دي وسعيد جدا بالشغل مع شركتك اكتر بس للاسف انا مساافر حاليا هرجع بعد يومين انا عارف اني كده بتقل ع حضرتك بس اعذرني عندي شغل
بهجت: ولايهمك انا هستناك الدنيا مش هطير ياراجل
ابتسم مصطفي ع توضعه واسلوبه الراقي ف الكلام: انا بشكرك ع تعاملك الجميل ده
بهجت: الناس اللي زيك تستحق كل الخير... عن اذنك بقا علشان معطلكش ف انتظارك بقا.. سلام
قفل مصطفي وهو مبتسم جدا من معمله بهجت ليه.
عمر: شكله قالك حاجه فرحتك مش كده
مصطفي: بلغني انه لسه عند رايه ان مكتبنا يكون المسؤل عن المسائل القانونية ومستعد كمان يتسني لما ارجع ونمضي العقود انسان محترم فعلا
عمر: اخبار فل.. بس تصدق بنته مش طلعله خالص دي غراب يابني
ابتسم مصطفي وهو بيبص من شباك العربيه وهمس باسمها: مريم..
*************
بعد كام ساعة كان الصبح طلع ومريم وفيروز وصلوا الاوتيل...
مريم: بصي انتي عارفة اني مش بحب حد يشاركني اوضتي بس علشان عارفه انك بتخافي لوحدك فاهتقعدي معايا
فيروز:حبيبتي ياروما امواه
مريم بضحك: والله انك غريبه خدي ياستي مفتاح السويت اهو وزمان الشنط وصلت
فيروز بتعب: تمام نطلع نكلم ماما بقا وبعدها ننام شويه وننزل
مريم: يلا بينا...
لسه هيمشوا بس سمعوا حد بينادي عليهم
مريم وهي بتبص بقرف: اهو زفت مراد جه وانا اقول الدنيا اسودت ليه
فيروز بهمس: معلش اهدي بس
مراد: صباح الخير يابنوتات
مريم: ابو تقل دم امك يااخي
مراد: بتقولي حاجه يامريم
مريم: بقول عايزين نخلص بقا
سيليا: بس انتو مجتوش معانا ليه؟
فيروز: مريم زي ماانتو عارفين بتحب السواقه فاحبت تيجي بعربيتها
مراد وهو بيبص لمريم: لا ومريم تتحب الصراحه
مريم بنافذ صبر: بقولك اي ياسيليا هو انتي ومراد مش مرتبطين بيان
سيليا: اكيد
مريم بصوت عالي: خلاص يبقا اللي عنده معزه يلمها بقا
مراد بسماجه: قصدك اي يامريم؟
مريم: يعني.....
جميله بمقاطعها: مريم اكيد متقصدش حاجه هي بتحب تهزر مش كده يافيروز
مريم: لا مش...
فيروز ضغطت ع ايد مريم بسرعه ومريم بصتلها بمعني خلاص
سيليا: طب يلا نطلع اوضنا علشان نرتاح الاول
جميله: طب اطلعي انتي ومراد واحنا هنظبط حاجه ونطلع..
سيليا شدت مراد من ايده وخدته وطلعت ع فوق
فيروز بعصبيه:سكتوني ليه انا مش فاهمه دي عيل بجح وكنت هربي شويه انتو مش شايفين نظاراته ليا وكلامه البايخ
جميله: علشان احنا جايين نغير اجوا مش نتخانق ونقف لبعض ع الواحده وغير كده سيليا بتحبه ف مكنش ينفع نجرحها دلوقتي او ننكد عليها
فيروز: جميله معاها حق لما نرجع ابقي اتصرفي معاه براحتك
مريم بغيظ: يجماعه افهموا ده مش بيحب سيليا ده بيلعب مش اكتر اللي زي مراد ده ميعرفش يحب اصلا
جميله: سيليا مهما تعرفيها كده مش هتصدق هي بتحبه وواثقه في جدا
مريم: علشان غبية مش بتشوف وهو غبي علشان بيستغل حبها وثقتها فيه..
جميله:احنا.....
مكملتش كلامها ولقيت مصطفي وعمر داخلين الاوتيل عيونها دمعت..
مريم: اي يا بنتي سكتي ليه؟
فيروز: دي مش معانا اصلا..
جميله: لا تمام بس شكلي تعبت من السفر وكده يلا نطلع احسن
مريم: ياريت يلا
مريم فضلت ماشيه قدامهم بتلعب ف الفون وفيروز وجميله ماشين مع بعض وراها..
فجأه مريم اتخبطت ف حد : اااه مش تخلي بالك... انت تاني وهنا كمان لا بقا كده تبقا مقصوده
مصطفي: بصي ياشاطره انتي انا مش عايز وجع دماغ بدل والله همسكك من شعرك الحلو ده امسح بي الاوتيل كله
. مريم: انت شكلك نسيت نفسك بقا
فيروز: استاذ مصطفي اهلا بحضرتك.. وبصت لعمر اهلا بيك يااستاذ عمر..
مصطفي بص لعمر علشان مردش ع فيروز لقي باصص ف اتجاه معين ونظراته حاده.. فبص اتجاه نظراته لقي جميله هي اللي واقفه وعيونها بدمع بتبص لعمر
مصطفي بهمس: عمر يلا
عمر:.......
مصطفي ملقيش منه رد فاخده ومشي بسرعه ع فوق وجميله لسه ثابتها ف مكانها
فيروز: هما مالهم مشيوا من غير كلام ليه كده
مريم: احسن انهم غاروا مب ناقصه صداع
جميله بصوت مكتوم عياط: انتو تعرفهم من امته؟
فيروز: دي مريم قبلتهم صدفه واتخنقت معهم علشان صحبه اللي كان واقف ساكت ده عكسني ف الچيم ومريم هي اللي بوظت وشه كده
جميله بندفاع: عمر!!
مريم: وانتي عرفتي اسمه منين
جميله بتوتر: اها ماهما معروفين ع السوشيال ميديا علشان محامين كبار فاكنت بتابع اعملهم كده..
مريم: اوكي يلا بينا ولااي
***************
سيليا بعصبيه:انا عايزه اعرف انت مالك ومال مريم
مراد:عادي صحبتنا
سيليا:صحبتنا اها بس كلامك ليها مش بيقول كده
مراد وهو بيحضنها: حبيبي انتي اللي شايفه كده هي صحبتي مش اكتر
سيليا بهدوء:بجد يامراد
مراد:سيليا افهمي انا مبحبش حد غيرك انتي مراتي
سيليا:بس محدش يعرف اننا اتجوزنا
مراد:شويه وقت كده وهنبقا نعلن مش دلوقتي..تعالي بس نرتاح شويه
سيليا وهي بتبعد عنه:مش هينفع لازم اروح اوضتي علشان جميله
مراد:هتيجي امتي؟
سيليا:لو نامت هجي اكيد باي
طلعت سيليا من عند مراد وهو نام ع السرير وضحك بسخريه:غبيه ياسيليا..
***********
فيروز:هدخل انا وانتي شوفي جميله وسيليا ف اوضه كام علشان نسيت اسألهم
مريم:ماشي..
سابتها ونزلت سألت ع اوضهم وطلعت تاني بس شافت مصطفي واقف بيتكلم ف الفون قدام اوضته كان الفرق بينهم اوضه واحده
مريم بصوت عالي:كمان نفس الدور واضح انه مش مقصود فعلا
خلصت كلامها وجت علشان تدخل اوضتها لقيت مصطفي شدها جامد من ايدها وسندها ع الحيطه وايده الاتنين ع الحيطه
قرب منها اكتر و......
يتبـــــــع الفصل الرابع اضغط هنا
الفهرس يحتوي على جميع فصول "رواية عاشقة المصطفى " اضغط على اسم الرواية
تعليقات
إرسال تعليق