رواية كيف اغفر الفصل الثالث 3 بقلم يارا رشدي

رواية كيف اغفر الفصل الثالث 3 بقلم يارا رشدي 

رواية كيف اغفر الفصل الثالث

~ كل ساق سيسقى بما سقى ~

_ طب ليه مش عايز تحبني وتخطبني طلاما انا احلي منها

قالتها نيره بحسره ليجيبها سليم :

قومي غيري هدومك يا نيره ويلا علشان الفطار

قالها ورحل لتزفر هي بضيق واضح قائله :

هو مفيش امل خالص يحبني؟

حرك راسه فادي بنفي وهو يقول :

انسيه يا نيره انسيه خالص لانه خلاص مبقاش ينفع دلوقتي بذات

_ هو ايه الي مبقاش ينفع ؟

انا رايح اغير هدومي وانتي كمان يلا قومي

قالها ونهض تاركآ اياها تنهدت هي بضيق واضح ثم اتجهتت الي غرفتها وضعت يديها في منتصف باطنها تشعر بالم غريب منذ ان استيقظت ليس ذلك فقط كل شئ بها يؤلمها تناولت ثيابها ثم اتجهت الي المرحاض ،،

خلعت ثيابها ثم وققت تحت الماء البارد

__________________

تمسك بهاتفه وظل يبحث علي المتصفح عن اعراض الاغتصاب يخشي ان تكتشف شئ لا يعلم ما الذي تشعر به هي ..

لم يتوصل لاجابه تريح قلبه القي هاتفه بعنف علي الارضيه مسح وجهه بقوه ثم صاح متالمآ بسبب تلك الكدمات التي في وجهه

_ واحد فيكم لازم يجي ويتقدملها ماهو اسمعوا بقي الموضوع ده لازم يخلص سليم لو عرف مش هيسكت اعتقد انتو عارفينو كويس يعني

قالها فادي بزعيق عندما راح الي فيلا الخاصه بهم مره اخري ليجيبه حازم :

بقي بذمتك ترضي لبنت عمك تجوز واحد صايع مننا ؟

_ حازم فكك من شغل البرود ده انا جاي علشان نوصل لحل انا اقدر ابلغ عنكم واوديكم في داهيه بس نيره مش هتسامحني ولا سليم ده غير الفضحيه وكل ده انا اصلا مش عارف نيره لما تفوق بكره هتحس بحاجه ولا لا انتو ليه عملتوا كده فيها ليه ده انا صاحبكم ليه تعملوا كده فيا لييه ؟!!!

قال جملته الاخيره بانهيار واضح ليجيبه حازم :

اهدي يا برو كده في ايه مكبر الموضوع ليه ما انت عملتها قبل كده مع مريم ولا نسيت ؟! البت الي كنت هتموت وتعبرك

دي دي حكاي قديمه اووي من زمان وانا كنت عيل طايش في ثانوي والي حصل كان بسببكم كبرتوا الموضوع في دماغي ورتبتوا كل حاجه وانا مشيت وراكم

_ يا حرامم وانت بقي نونو مش عارف ايه الصح وايه الغلط ؟ علي اقل بنت عمك مش حاسه ولا عارفه حاجه ومتقلقش لما تفوق مش هتحس بحاجه اصل احنا كنا حنين معاها اووووي

قالها خالد ضاحكآ ثم قهقه كلآ منهما ليقول فادي بزعيق وهو يركل الطاوله :

انتو ايه معندكمش دم ؟

حرك كلآ منهما راسه ثم قالوا ;

مع الاسف

_ بقولك ايه فادي فكك من حوار ده البت بكره هتصحي مش هتشك في حاجه وحكايه وخلصت انسي موضوع اعتبره زي اي بنت من الي كانوا بيقضوا معانا ليله هنا

قالها يوسف

ليقول حازم :

او زي مريم الي يا حبه عيني اول ما صحيت واكتشفت الي حصلها كسرت الاوضه كلها فوق دماغك

_ يا عم ده تلاقيه زعلان علشان قضينا الليله مع بنت عمه من غيره

قالها خالد ليقوم فادي بلكمه بقوه ابعده رفاقه عنه ليقوم فادي بلكمهم ايضآ قاموا هما بمبادلته تلك الضربه ..

فاق من شروده ثم تنهد بحزن هاتفآ :

معقوله يكون ده ذنبك يا مريم ؟ طب نيره ذنبها ايه ؟ ذنبك يخلص فيها ليه

_____________________

انتهت المربيه الموجوده بالمنزل من وضع الفطور علي الطاوله هتف سليم :

فادي مش هيفطر ولا ايه ؟

تناولت نيره قطعه الخبز من امامها هاتفه :

معرفش اطلع اساله احكيلي بقي السنيوره الي هتخطبها تاخدها علي ايه وهي مش حلوه ومتشافش

_ افطري يا نيره وانتي ساكته وبلاش رغي فاضي

_ هقولك حاجه انا بحبك مش شايفه حد غيرك في الدنيا دي كلها لو انا واحده مراهقه فعلا كنت وافقت اتخطب لـ ناس الي بيكلموا عمي بس انا كنت برفض لاني مش عايزه حد غيرك احلامي كلها بنيتها وانت معايا بيتنا حياتنا عيالنا هنربيهم ازاي كل حاجه يا سليم لو انت خطبت واحده غيري وانا شوفتها قدامي هموت يا سليم قلبي مش هيستحمل

لمست يديه قائله :

حبني يا سليم ربع حبي ليك بلاش كله ربعه بس انا راضيه بلاش تشوفني بنت عمك الصغيره شوفني واحده بتحبها وعايز تكمل حياتك معاها

ابعد يديه وتناول وبعث في الطعام الذي امامه وهو يقول :

شكلك بتفرجي علي افلام رومانسيه كتير لحد ما كلت عقلك اهو

_ يوووووووه يا سليم حرام عليك ميبقاش كده كل كلمه ردها بارد وتنح كده

قالتها بنفاذ صبر ليقول هو :

هقولهالك للمره المليار انتي اختي اختي الصغيره وبس فاهمه ؟ اختي وبس My Sister اهو قولتهالك بلغه مختلفه يمكن تفهمي

حركت جسدها بعصبيه ثم تناولت طعامها وهي تنظر له بغيظ ..

_____________________

_ صور البت والفيديو هنعمله ايه بيه ؟ انا بصراحه خايف اخليه يفضل عندي في الموبيل كده حد يشوفه وبتاع وتبقي مصيبه

قالها يوسف وهو يعبث بهاتفه ليقول حازم :

ابعتهولي واحذفه من عندك مهم انه يكون عند حد مننا لانه مهم

_ في ايه ؟ فادي مش هيتكلم هو بس كان بيهفلت بكلمتين وبعدين حسبها مع نفسه لقي ان اخوه الكبير هشرب من دمه وبنت عمه كمان اكيد مش هتسكت فكش ورجع في كلامه وجه قالك حد يتجوزها

قالها يوسف ليقول خالد ضاحكآ :

لو جواز هيحل المشكله عنده نجوزها احنا التلاته عادي

_ ايوه هو فرح الست الوالده اصله

نطق تلك العباره حازم

_______________________

وبعد مرور عدده ايام

والجميع جالس علي الطاوله لتناول الغداء ضغطت نيره علي راسها بتعب واضح هاتفه :

انا مش قادره اكل ولا اشم ريحه الاكل معلش

وعندما نطقت جملتها تلك شعر فادي بسقوط قلبه باكمله ماذا ان كانت حامل ؟!!

قالتها ونهضت ليقول سليم :

اقعدي كلي اي لقمه

_ مش قادره تعبانه اصلا من يوم عيدميلاد وانا بتحصلي حاجات غريبه جسمي كله واجعني ومكسر والاكل مليش نفس له

وفادي يتابع كل ذلك بصمت وجهه شاحب بالاضافه الي شحوب شفتيه ظل يبعث بالطعام امامه بتوتر ليقول سليم :

خلاص تعالي اخدك ونروح نكشف

_ لا تاخدها فين وتكشفوا ؟

قالها فادي وهو ينهض

وعندما وجد نظرات الاستفهام هتف :

يعني استني ماما تيجي وتاخدها مينفعش تروحوا سوا عند دكتور

_ ومينفعش ليه يا حيلتها ؟!

قالها سليم بتساؤل ليقول هو :

الدكتور يفتكرك جوزها ولا حاجه وتوقف حالها مينفعش

_ لا يا شيخ

قالها سليم بدهشه ساخره لتقول نيره :

اهدي انت وهو انا اصلا محتاجه طنط معايا مينفعش حد منكم يجي معايا

_ وده ليه حضرتك ؟

قالها سليم

هتفت بتوتر وهي تزيح خصلات شعرها خلف اذنيها :

يعني انا محتاجه اروح لدكتوره معينه كده

فهم فادي ما تقصده ونبض قلبه بقوه هي تشعر بوجود شئ تشعر بذلك !! اما سليم قال :

مش فاهم دكتوره معينه ايه ؟ ما تكلمي عدل وتوضحي كلامك

_ دكتوره نسائيه خلاص ايه ده محدش بيحترم خصوصيه اي حد في البيت هنا ا

قالتها بانفعال مكتوم ليقول فادي :

تلاقي انيميا رجعتلك تاني ولا حاجه تعالي نروح نعمل تحليل علشان نطمن

_ لا مش انيميا ولا حاجه متشغلوش بالكم انا كويسه مليش نفس لاكل بس عن اذنكم

اقترب منها فادي وهو يقول باصرار :

لا لازن تعملي تحليل يا نيره لازم يلا دلوقتي علشان خاطري يلا يا نيره علشان خاطري

وعندما لمحت الدموع الحبيسه في عينيه هتفت :

انا كويسه يا فادي مفيش حاجه متقلقش عليا

_ طب نروح نعمل تحليل من فضلك

قالها برجاء لتحرك هي راسها بالايجاب هاتفه :

حاضر يا فادي هطلع اجهز ونروح

قالتها ورحلت اما سليم هتف بشك :

هو في ايه يا فادي ايه حكايتك ؟!!!

_ مفيش حاجه انا قلقان علي نيره كفايه الي انت عملته فيها طول عمرها بتتحايل عليك تعبرها وانت ولا هنا

قالها بتوتر ليقول سليم :

متحورش في كلام انت من يوم العيد ميلاد وانت مش مظبوط حصل ايه في الحفله ؟

_ محصلش حاجه يا سليم محصلش يااخي بطل كلام بقي

قالها فادي بانفعال ليقول سليم :

ماهو اسمع بقي انت يا تجيب من الاخر يااما انا هوصل لشله الصيع بتاعتك بمعرفتي وافهم منهم حصل ايه

_ اجبلك من الاخر كانوا بيعاكسوا نيره وعينهم منها اتخانقت معاهم ووشي اتبهدل زي ما انت شايف

_ علشان مهزا عارف ان صحابك زباله وواخد بنت عمك معاك

قالها بعصبيه ليقول فادي :

انا عارف اني غلطت ممكن متجبش سيره لنيره بموضوع ده هي كان مغمي عليها اصلا لما اتخانت معاهم ومتعرفش حاجه وفاهمه اننا اتخانقنا مع بعض عادي

_ ومصمم ليه علي تحليل وهبل ده

ليقول فادي بنفاذ صبر :

قلقان عليها يا سليم فيها حاجه دي كمان؟!! اغمي عليها في الحفله وزمان حصلها كده وطلع عندها انيميا فاكر لما كان كل شويه بيغمي عليها؟ اهو نطمن عليها من دلوقتي علشان لو نسبه طلعت عندها عاليه نلحقها ومتتعبش زي زمان

حرك راسه سليم بالايجاب وهو ينظر الي فادي بشك كبيير وغير مصدق بداخله تلك القصص التي يرويها اخيه عليه ..

 

يتبع الفصل التالي اضغط هنا

 

الفهرس يحتوي علي جميع فصول الرواية '' كيف اغفر'' اضغط علي اسم الرواية