رواية الملتزمة الصغيرة الفصل الواحد والثلاثون 31 بقلم سمر ابراهيم

رواية الملتزمة الصغيرة الفصل الواحد والثلاثون 31 بقلم سمر ابراهيم

رواية الملتزمة الفصل الواحد والثلاثون

خالد:- ايه القرف دا قدامك عشر دقايق تكوني قلعتي القرف دا مفيش شعره تظهر منك قدام حد فاهمة

فرح:- هي تفرق معاك يعني

خالد:- طبعاً تفرق أنتي مراتي يا فرح

فرح:- مراتك اللي قبضت تمن شرفها صح

خالد الكلمة وجهته اوي:- من غير رغي كتير يلا من قدامي غيري والا مفيش فرح وأخدك كدا على البيت

فرح:- وأنا مش عايزة فرح مش عايزة أشوف عيون الناس ونظرة الإتهام من عيلتي مش قادرة اتحملها يـ خالد

خالد:- فرح بطلي تشيلي هم كدا أبتسمي وسيبي الأمور تمشي من غير تفكير وعد أنا مش ممكن أعمل ليكي حاجة

فرح:- وهو في اكتر من اللي عملته ممكن تريحني وتقولي عملت ليه كدا ومجهول هو اللي قالك تعمل كدا والتمن بتاعي كان كام ي خالد أنا حاسه نفسي رخيصة اوي مش قادرة أشوف نظرات الناس ليا حرام عليك

خالد:- حاضر اليوم دا يعدي على خير وأحكيلك كل حاجة بس غيري لبسك دا وأنتي مش رخيصة يـ فرح أنتي مراتي وتاج راسي غصب عن اي حد

فرح:- طيب لحظة أختار فستان غير دا

خالد:- ماشي أدخلي يلا وأنا جاي معاكي

تفاؤل:- ايه رأيك

فهد:- قمر في كل الحالات أنتي أميرتي ي توتو

تفاؤل:- طيب هو خالد وفرح مش جاين معانا ولا ايه

فهد:- لا أويس جاي ليهم هو ومصطفى يلا أنتي معايا المصور تحت منتظرنا وفي مصورة ست ذي ما أميرتي طلبت عشان تاخدي راحتك من غير النقاب

تفاؤل:- مش حابب تشوف فرح باللبس الابيض

فهد بحزن:- لا يالا بينا ي تفاؤل

تفاؤل:- كانت منتظرك أنت أو أسد تيجو تخدوها مش أويس

فهد:- قولت يلا مش عايزك تزعلي مني في يوم زي دا

تفاؤل:- حاضر آسفه

،،،،،،،،،،

نفس بتكلم نفسها:- شوفتي ي بت نفس أخرك كل وحده أول ما شافت عريسها سابتني هنا ومشيت على رأي المثل العروسة للعريس والجريه للمتاعيس ايه الهبل دا أنا بكلم نفسي لا وكمان بشرح لنفسي أني بكلم نفسي وبقول أمثال

بنت جات:- احم ممكن ي مدام تخدي الهدوم بتاعت العروستين اللي جم بيهم أنتي معاهم صح

نفس:- مدام أنا مدام وبالنسبة للفيونكة دي مش موضحة اني آنسه شيك ولو مدام ليه ها ليه شايفاني بجر في تلت عيال وأبوهم كل تلت دقايق يتصل يسألني على مكان فردة الشراب السوده ماااا علينا من كل دا من صبحية ربنا وأنا أصوت وأغني عايزه أتجوز عايزه أتجوز بس المهر غالي هي تطلب وأمها تطلب وأنا على قد حالي كل دا وفي الأخر تقولي ليا مدام اااه قلبي

البت:- آسفه وربنا مقصد هي طلعت مني كدا دا أنتي زي القمر ما شاء الله عليكي

نفس:- بعد ايه خلاص اللي راح راح وصوتي ي انشراح

البت بتاكل لبان:- ايه الاوڤر دا ما خلاص ي أوختشي جرى ايه لكل دا الله بنات أخر زمن

نفس:- احم لا آسفه أنا بس لقيتها جابت تفعول سوقت فيها وسعت مني مش عرفت ألمها لا مواخذة ي قطة

البت:- حصل خير شيلي بقى الهدوم بتاعتكم العروسة التانية قربت تمشي المصور منتظرها تحت

نفس خدت شنطتين هدوم بتاعت تفاؤل وفرح ونزلت المصور وصحاب البيوتي وأويس وقفين بالكاميرا منتظرين العروسة تنزل متصلين بخالد موجهين الكاميرا على السلالم والكل مستعد

خالد:- بسرعة يـ فرح المصور منتظر عند السلم

نفس كان شكلها يضحك وهي شاية كيس على الكتف دا وكيس على دا وبتغني هدوم قديمة للبيع قرب قرب مين يشتري وأنصدمت لما شافت الكاميرا متوجها ليها و أويس بيضحك على شكلها ونفس أول ما شافت الكاميرا متوجهة ليها رمت الشنطتين على الأرض بسرعة بطرقة مضحكة وعملت نفسها مش وأخده بالها من الكاميرا ومسكت طرف فستنها برقة ونزلت تتمختر على السلم كأنها أميرة بفستانها النبيتي الواسع زي البحر عليه خمار ونقاب وحزام وجزمة كعب عالي كلهم بالون الاسود وصلت نهاية السلم ووقفت قدام الكاميرا

فرح نزلت هي وخالد بس الكاميرا على نفس مش راضية تتحرك خصوصا أن المصور مركز معاها اوي

أويس:- وسعي يـ نفس العروسة جات

نفس:- أسكت أنت وأنت ي عم الحج صورني وركز على الجزمة دي بمتين جنية ليه ي بلد تكونش جزمة سندريلا اللي هتجيب العريس وأنا معرفش ما علينا وصور صور

المصور:- دا فيديو مش صور على فكرة يـ آنسه يعني الكلام دا طلع في الفيديو

نفس:- عادي ركز أنت الكاميرا معايا طول الفرح وأنا أسرق من النقطة خمسنتين وأديهم ليك اي خدمة أكمني أنا أخت العريس وصحبة العروسة وصحبت العروسة التانية متربين سوى في بيت واحد ومعانا العريس التاني بس الحق فهد دا ذي اخويا واكتر أكمن يعني خالد أخويا ندل شوية مش ذي فهد

أويس:- أحكي ليهم عن شبشبك اللي أنقطع وأنتي صغيرة وصلحتيه بمسمار ومش فضل بعد ما صلحتيه غير شهر وأحد بس

نفس:- يووووه ليه كدا قلبت عليا المواجع بس الندل مش يتقطع وخلاص لا دا علم عليا نزلت دم قااااد كدا هو يومها

أويس شدها لما شاف نظرات الإعجاب من المصور ومركز الكاميرا معها وهي بتحكي بعفوية لأنها في الأفراح من السعادة بتتجنن وتعمل تصروفات كتير غلط من غير ما تحس على نفسها

أويس:- العروسة ليها ساعة وقفة على السلم ركز معاها هي ي محترم

نفس بعدت شوية بأحرج أنه مسك ايدها وطلعت بره ركبت عربيته من وراء وهي مضايقة من تصرفه

فرح لبست فستان حشم عن اللي فات وحجاب أبيض وتاج كانت مخبياهم من قبل لأنها منتظرة خالد يرفض لبسها دا

نزلت هي وخالد وبعد صور كتير خرجت كانت نفس وأويس منتظرينهم في العربية

أويس:- نفس أركبي قدام وخليهم هما وراء

فرح لمحت لنفس أنها خايفة تركب جمبه وخالد لحظ وسكت أحترم. خوفها

نفس:- لا عيب كدا أنا لازم أكون أخت جوز شاطرة كدا مش اي كلام ومش قاعده غير وسطهم أركبي ي فرح جمب الشباك اي خدمة

فرح:- احم شكراً ي نفس

نفس ركبت وفضلت تغني وترد على نفسها:- أفرح ي عفش الأوضة جايك عروسة موضة أفرح ي عفش المندرة جايك عروسة منورة

ي خالد ي نوارة ي كليب دايب في الحارة

ي خالد ي دالع خليت الشارع ولع

أويس:- أسكتي صوتك معفن

نفس:- ملكش فيه وهيصه هيصه وهيصه هيصه

عند العاريس نأكل ونهيص عند العاروسة نأكل بسبوسة

وقربت من ودن أويس أوي ولولولولولولولولولولولولولولولولولولوي

أويس:- أسكتي ي مجنونة الناس بتضحك عليكي شايفة العروسة ساكتة وكيوت وقمر أذاي مبروك ي بنت عمي

خالد:- كيوت ايه ي أخ ما تحترم نفس قال قمر قال

أويس:- فرح بنت عمي وأقول عليها قمر براحتي أن كان عاجبك

خالد كان لسه بيتكلم قطعته نفس:- وربنا ما في قمر غير أمك حتت سكرة كدا طول الفرح لا ليها في التور ولا العجينة مش تفاؤل دي بنتها المفروض يعني تفرح كدا بس هى ومريم عاملين وضع الصامت مش عارفة أنا ستات العيلة دي مش طلعين شطرين كدا زيي ليه يوه سوها عليا أنا في شطارتي مفيش مني اتنين

قدرت تغير الموضع بدل الخناقة مع أنها كانت مدايقة من كلام أويس عن فرح

خالد:- نفس أنا صدعت بطلي رغي

نفس:- جرى ايه يخويا مش احسن من مراتك اللي بلعت لسانها دا شكل عروسة دا أنا فرحانة أكتر منها

خالد بص لفرح اللي راسها على الشباك ومش معاهم خالص

نفس:- خالد أنت دعيت حد من عيلة بابا وماما نفسي أشوف حد منهم

خالد:- ايوه خالو ومرات خالو وأبنهم فارس والبت علياء ومريم وأم كريم جارتنا وعمك مروان مسافر جه أبنه نور

نفس:- واخيراً نور حبيبي جه

في اللحظة دي أويس وقف العربية مرة وحدة فرح راسها جات في قزاز الشباك

فرح:- اااااه ايه في ايه

خالد بقلق:- أنتي كويسة سلامتك ي فرح مش تحاسب ي عم أنت

نفس:- مش تفتح ي عم أنا غلطانة لو جبت عربيتي كنت لفيت بالعروسة مصر كلها بدل ما أنت مش عارف تسوق كدا

أويس:- مين نور دا وايه جايبه الفرح أن شاء الله

نفس:- نور ابن عمي وجاي يأكل ويمشي ويشقط لو في الفرح حد حلوا يعني بس مأظنش في حد حلو غيري أنا قمر

أويس:- نفس جرى ايه لدماغك ما تفوقي كدا أنتي أنهبلتي على كبر ولا ايه نفس ركزي على كلامك وكله كوم هزارك مع المصور كوم تاني خالص

نفس:- لا ي أويس بيه أنا كنت محترمة قبل ما حضرتك تعلمني أصول الاحترام وأخرهم بالليل متنساش نفسك وتصرفاتك معايا هي اللي خلتني كدا على فكره

أويس:- وصلنا نفس أنتي خليكي عايزك في موضوع

خالد:- قدامي ي نفس وودعي الأخ انهاردة أخر يوم تشوفيه

أويس:- قصدك ايه

نفس وخالد وفرح نزلوا وأويس فضل مكانه برغم أنها مبسوطة بس عيونها فيها نظرة حزن ودموع محبوسة وهي بتقول علمتها أصول الاحترم يعني زعلانه لأنه شافها زعلانه لأنه قرب طيب لو دا مزعلها يعترف ليها يقولها انها حلاله وأن دا من حقه حقه هو وبس مش نور ومين نور دا كمان هو ناقص يكون لي عدوا يحاربه مش كفاية بيحارب عند نفس وقراراتها الغبية

أما نفس دخلت شافت بنت لابسه فستان زهري من تحت ومن فوق أصفر يشبه فستان فله وعليه خمار رقيق زهري

نفس:- نوووووور وحشتني ي راجل

نور:- رجل في عينك دا أنا أجمل منك ي شوال الفحم

نفس:- سيبك من النفسنه اللي بينا وتعالي أقولك سر

نور:- قولي

نفس:- في أكل ببلاش وكنز وجاتو وشوية بنات إنما ايه يخوا العقل

نور:- بجد بتعرفي بنات من غيري خيانة اه قلبي

نفس:- أستنا بس أفهمك ي نور

نور:- مش عايز أفهم أنتي طالق طالق طالق

نفس:- هونت عليك طيب وعيالك السبعة أجيب ليهم أكل وشرب وعلاج وبامبرز من فين

نور:- يااااه ي بت وحشتني وحشني التمثيل الفاشل بتاعنا ليا كدا تلت سنين مش شوفنا بعض

نفس:- مش أنتي ندلة ومن أول ما سافرتي إسكندرية نسيتي أصلك وبت عمك لحمك ودمك

نور:- خلاص طول ما الحق عليا بلاش عتاب بقى اليوم دا مش عادي دا في أكل ببلاش

نفس:- هههههه تعالي أعرفك على صحباتي وصحبات صحباتي وجيران صحبات صحباتي و...

نور:- بس والله ما أنتي مكمله تعالي

سالي والبنات جم عليهم والفرح بدأ البنات في نص الجنينة دا والشباب في النص التاني العروسين على الكوشه والمعازيم بتبارك ليهم والأغاني الإسلامية شغالة والمعازيم كل وأحد بيحكي في موضوع مختلف

عند نفس والبنات قاعدين مع بعض نفس ونور وسالي وتقى ونور بنت خالت أويس ونسرين وشوية بنات تاني من الجيران وصحبات نفس

نفس:- بنت أول ما الجاتو ينزل نعمل نفسنا بنات ناس قدام الجارسون

سالي:- قصدك ايه لا طبعاً أحنا وجهه مشرفة الأفراح الراقية دي دا نص المعازيم رجال أعمال وباش مهندسين ودكاتره مشهورين في البلد

نفس:- وأنتي ايه عرفك ها أعترفي لتكوني شوفتي الأخ

سالي:- ها لا طبعاً أشوفه فين يعني

نفس:- امممم نشوف الموضوع دا بعدين المهم الجو دا مش عاجبني

تقى:- تفتكري فرح ممكن تكمل مع خالد دا فرح شخصيتها قوية وأسد كمان

نفس:- بصي يـ حبيبتي البنات أنواع تعرفيها من البكاء البت القوية تنسحب وتبكي بعيد عن الكل والبت الضعيفة تبكي على كل حاجة عمال على بطال والبت الذكية تستخدم دموعها في الوقت المناسب في المكان المناسب وبكمية مناسبة زي تفاؤل كدا

نور:- وأنتي ايه شخصيتك

سالي:- لا دي عانس

نفس:- بس ي بت تاني حاجة البت القوية مش بتفرح لكل حاجة او مش بتظهر مشاعرها بسهولة مثلاً قال ليها الفستان دا حلو تقوله شكراً أما الضعيفة بجد دا أنا اشتريته من المول الفلاني بالسعر العلني ما علينا أحنا نقوم نبارك للعروسة.

سالي:- اشطا يلا بينا

تقى:- لحظة مش قادره اتحرك بالواد اللي في بطني دا منك لله يـ أسد

عند تفاؤل

فهد:- بطلي هبل مش أنتي قولتي نعمله في الجنينة لو أتحركتي من هنا ايه يعني

تفاؤل:- مش شايف نفس فرحانة وبتضحك أنا عايزة أروح عندها هنا ملل حفظت الكلمات أهلا وسهلا الله يبارك فيك الله يبارك فيكي تسلمي يـ مدام معلش ي فندم المدام مش بتسلم بغير عليها ههه وفي الأخر ضحكه صفرة

فهد:- نفس جاتك هي والشله بتاعتها

تفاؤل:- وأخيراً

نفس:- أنا جيت نورت البيت طفي الجاز ي واد حبه زغريت

تفاؤل:- لولولولولولولولولوى

نفس:- يـ هبله في عروسة تزغرت ها يـ فهد لبسها الشبكة

فهد:- امممم فرح ممكن تزعل خلي الشبكة بعدين

نفس مشيت راحت اوضتها هي وسالي فضلت تدور في دولبها جابت الطقم اللي لقيته في الهدايا اللي على السرير كان سلسلة وخاتمين وغوشتين أدتهم لخالد

خالد:- ايه دا

نفس:- شبكة فرح يلا لبسها ليها زي البنات

خالد:- بس

نفس:- أنجز يلا لولولولولولولولولوى

أويس قرب من نفس وهي بتتفرج على الشبكة:- تعالي يـ نفس عايزك

نفس:- لا قولت لا يـ أويس ممكن تبعد الناس عيونها علينا أحترم نفسك

أويس:- كويس خليهم يعرفوا أنك بتاعتي أنا وبس

نفس:- شكلك نسيت القلم يـ أويس

عامر:- احم في ايه يـ نفس

نفس بدموع:- عمو أبعد عني ابنك أنا حرام عليه بقى حل عني أنا بكرهك

عامر:- في ايه يـ أويس مزعلها ليه

أويس:- أنا بسألها جابت الدهب دا من فين يعني مش بتاعها

نفس:- مش أنت جبته ليا يوم عيد ميلادي

أويس:- لا أنا جبت ليكي العربية والطقم التاني

نفس:- يعني كان في حد أنا لقيت الطقم دا على السرير أنا خايفة في حد مرقبني

أويس:- بطلي خوف أنا معاكي

عامر:- ما تخدها بالحضن وأنا وقف في ايه يـ أويس

نفس:- احم عن اذنكم

سالي:- عايز ايه يـ مصطفى

مصطفى:- ناوية ترجعي امتى

سالي:- مفيش رجوع ي مصطفى أحنا خلاص موضوعا أنتهاء

مصطفى:- أسمعي بقى أنتي مراتي سوء برضاكي أو غصب عنك ماشي

سالي شافته تعبان سكتت

مصطفى:- سالي أنا أسف أنا محتاجك جمبي قبل ما أموت تكوني معايا

سالي:- بعد الشر عليك يا مصطفى أنهاردة فرح بلاش زعل أن شاء الله خير يلا نرجع للفرح

مصطفى:- يعني دا وعد أنك ترجعي قريب

سالي أبتسمت ومشيت

الفرح خلص والمعازيم معظمهم مشيو

نفس وقفة بتضحك مع البنات جات نحيتها مرات خالها اللي مركزة معاها من اول الفرح

نفس:- أهلاً وسهلاً ي فوزية أخبارك

فوزية:- ي بت عيب دا أنا قد أمك

نفس:- مين ضحك عليكي وقالك كدا دا أنتي أصغر مني شايفة الناس اللي هناك دي تلقيهم بيقولوا علينا هما دول أخوات

فوزية:- ههههه اضحكي عليا وكلي بعقلي حلوه المهم شفتي فارس أبني اهو عايز يسلم عليكي ومكسوف تعالى ي فارس دي نفس بنت خالك

أويس أنتبه ليهم وراح نحيتهم

فارس:- عاملة ايه ي نفس

نفس:- الحمد لله بخير

فارس:- مش تقولي حتى أنت عامل ايه

نفس:- مفيش داعي للسؤال طول ما الإجابة معروفة تمام الحمد لله

فارس:- هههههههههههههههههه دمك خفيف

نفس بتفكير أبو تقل دمك ي شيخ:- طيب عن أذنكم

فوزية:- والله ما حصل دا أحنا ما صدقنا ضيوفك مشيوا عشان نتكلم معاكي

نفس:- خير ي مرات خالو

فوزية:- فارس أبني طالب أيدك قولتي

نفس:- قولـ......

أويس:- قالت لا مش موافقة

نفس:- وأنت مالك بيا

أويس:- قصدك ايه

نفس:- براحتي أوفق أرفض أنت المتحدث الرسمي بتاعي

أويس:- على أوضتك ي نفس لو شفت وشك هنا تاني هعمل حاجة مش هتعجبك

نفس:- أخرك فاضي

فوزية:- وعاملة نفسك محترمة ولبسه نقاب وأنتي بتلعبي على كل وأحد شوية

نفس:- طيب يلا ي حبيبتي خدي ابنك في أيدك سكة السلامة

أويس:- عدي كام غلطة

نفس:- ماشية وسيباها ليك مخضرة ي أويس أفرح بيها

بعد ما الكل مشي نفس طلعت اوضتها بتعب بس صدمها كلام فرح

فرح:- طبعاً كلكم فاكرين أني أنا الغلطانه ونفس حبيبت قلبكم صح بس هي زيها زيي وهي اللي خططت لكل دا

مريم:- قصدك ايه

فرح:- نفس هي اللي دخلت أخوها الفيلا بحجة أنه يخدها للدكتور وهي اللي أدته صور ليا يهددني بيها ويغصبني على الجواز وأنا وفقت حفاظ على العيلة

الجد:- أنتي كدابه نفس مستحيل تعمل كدا وإذا كان صح تعمل كدا ليه

فرح:- عايزة تخلص مني زي ما أنا أذيتها زمان وبتنتقم مني وكمان عايزة الجو يخلى ليها مع أويس

أحمد:- أطلعي بره ي فرح مش عايزين نشوف وشك تاني

فرح طيب أسمع التسجيل دا الأول ي بابا وفتحت تلفونها وكان تسجيل لنفس وهي بتكلم خالد

،،،،،،،،،،،،،،،

نفس:- ها ي خالد قولت ايه

خالد:- أنتي عايزة ايه

نفس:- تتجوز فرح

خالد:- ممكن ترفض

نفس:- غصب عنها توافق

خالد:- طيب بكرة أجي أتقدم ليها

نفس:- لا طبعاً تتقدم ايه أكيد عمو أحمد يرفضك أنت تاخدها عند المأذون وتحط العيلة كلها تحت الأمر الواقع

خالد:- ممكن يقتلونا لو عملت كدا

نفس:- لا هما آخرهم يجوزكم عشان يخبوا الموضوع أهم حاجة شرف العيلة لو خبر ذي دا أتعرف الشركة تقع واسم العيلة يدمر

خالد:- يعني أنتي متاكدة أننا في أمان

نفس:- سيب الموضوع دا عليا المهم بكرة تجيب المأذون وسيب جيبت فرح عليا

خالد:- ماشي موافق ي نفس

وقفل الخط

,,,,,,,,,,

فرح:- سامع ي جدو حبيبت القلب طلعت ايه

الجد:- نفس أنتي قولتي كدا فعلا الكلام دا صح

نفس سكتت

أحمد:- أتكلمي ي بت أنتي يعني أنتي اللي عملتي كدا

أويس:- براحة ي عمو نفس أكيد في سبب خلاها تقول كدا بعدين بنتك مش ملاك

عامر:- أويس أطلع فوق مش عايز أشوف وشك هنا بتدفع عنها ليه

أويس:- يعني ايه أنتم مصدقين الكلام دا

عامر:- بتكسر كلامي قولتلك أطلع فوق

أويس:- ماشي طالع بس كله إلا نفس خط أحمر محدش يقرب منها

الجد:- أتكلمي ي نفس

نفس:- أقول ايه معندش حاجة أقولها ي جدو

مريم:- يعني أنتي اللي عملتي كدا في بنتي وأنا اعتبرتك أغلى منها وحبيتك ليه كدا حرام عليكي

الجد:- .....

 يتبع الفصل التالي اضغط هنا

الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية