رواية فرصة تانية الفصل التاسع عشر 19 بقلم ميسون عبد المجيد
رواية فرصة تانية الفصل التاسع عشر
خديجة بخوف:ماله دكتور يوسف
الممرض بقلق:مش عارف فجأة قال انو دايخ والدنيا بتلف بيه وراح وقع وفقد الوعي
خديجة بتجري بخوف:هو فين
الممرض:في الدور التالت في الاستقبال
خديجة نزلت تجري لغاية ما وصلت
وقفت قدام الدور وفضلت تفكر لكام سانيه
الممرض:يلا ي دكتور بسرعة
خديجة بتوتر:انده لاي دكتور تاني
الممرض:مش لاقي
خديجة بعصبية وخوف بداريه:يعني ايه مستشفى كبيرة زي دي مش لاقي غيري
الممرض:مدورتش اصلا لانه وقع فجأة ومكنش معاه حد غيري فا انتي اول واحد جت قدامي
خديجة نفخت بضيق ودخلت
كان يوسف نايم علي السرير وفاقد الوعي
خديجة قربت منه وقعدة علي كرسي وبدات تحط السماعه علي وبدات تسمع نبضه
خديجة بصتله وسرحت فيه قد ايه هوا برئ نايم في عالم تاني وقد ايه جميل شعره الاصفر ورموشه الطويل والنمش الاشقر اللي جنب مناخيره وكل حاجة في
خديجة فاقت من شرودها لما لقيت يوسف بدء يفتح عينه
يوسف بوجع :اااه هو ايه اللي حصل
خديجة بحدة:اللي حصل ان حضرتك بتتعب نفسك زيادة عن اللزوم وحضرتك لسة مبقتش في احسن حال يعني علي الاقل تفضل شهر كمان في البيت عشان مخك لسة بيلم واكملت ببرطمة مع أن اشك
يوسف بغيظ:ايه مخك بيلم دا في تشخيص في الطب كله اسمها مخك بيلم ليه غبي انا عشان مخي لسه هيلم
خديجة ببرطمة:سبحان الله عارف نفسه
يوسف بغيظ وعصبيه: سمعيني بتقولي ايه
ااااه ومسك راسه
خديجة بضيق:مش بقول خرست بقول لازم تريح نفسك شوية عشان العملية اللي في راسك مع اللف والمشي الكتير هتسببلك دوار
يوسف ببرطمة:اذا كان عليا مش عايز اجي ابدا عشان مشفش وشك
خديجة برفعة حاجب:نعم بتقول حاجة
يوسف بضيق:بقول لا اله إلا الله
خديجة اكملت بأبتسامة مستفزة:سيدنا محمد رسول الله
وطلعت نوت وبدات تكتب
خديجة وهي بتكتب:هكتبلك علي مسكن عشان يخفف الدوار اللي بيجيلك دا شوية وكمان دوا تاخده علي الريق عشان يظبط ضغتك
يوسف باصصلها وهي بتكتب
يوسف بأبتسامة خفيفة:شكرا
خديجة بصتله:علي ايه
يوسف:علي انك بتكشفيلي يعني رغم اني بكرهك
خديجة بصتله بغيظ وقامت
يوسف قام قعد قعاد وضحك:خلاص بجد بهزر اسف ويستي ايه رايك نفسح صفحة جديدة مفيهاش كره
خديجة فضلت تبصله شوية دي نفس الدخلة اللي دخلها عليها قبل كدة وخلاها تحبه بس هي قررت مس مش هتقع نفس الوقعة من تاني
خديجة بحدة:عن اذنك
وخرجت
خديجة لنفسها:فوقي ي خديجة فوقي متنسيش اللي عمله فيكي دا خانك حطي ديما الجملة دي بينك وبينه مهما كان فاقد الذاكرة هيجي يوم ويفتكر هتعملي ايه ساعتها
خديجة مسحت دموعها واتجهت لشغلها
ويوسف قاعد مش فاهم حاجه وهي ليه مردتش عليه
________________'___________________عند فريدة
فريدة ماشيه في ممر
غيث بيجري وراها:بسسس بسسسس بسسسس
فريدة لفت بنرفزة:ايه بس بس شايفني قطة
غيث بغزل: احلي قطة في حياتي
فريدة بحدة:افندم
غيث:احم يعني اقصد اني كنت عايزك في موضوع
فريدة بحدة: موضوع ايه
غيث بص حواليه ومش لاقي موضوع
غيث قعد علي كرسي جنبه
غيث بوجع مصطنع:اااه مش عارف قلبي ماله
فريدة ببرود:ماله قلبك
غيث بوجع مصطنع:مش عارف تعالي تعالي اكشفي عليا بسرعه
فريدة مشيت بأرتباك:وانا مالي انا ما تكشف علي نفسك
غيث بخبث:هرجعك تبقي مساعدة الدكتور حسن تاني
فريدة نفخت بغيظ وقربت منه وبدات تحط السماعه علي قلبه وبتكشفله
فريدة قامت:مهو قلبك زي البومب اهو ماله
غيث بأبتسامة وغمزة: مش عارف كل اما بشوفك يفضل يدق كدة ليه
فريدة قامت بتوتر:انت مش محترم
وقامت خرجت برا الاوضة
غيث ابتسم بحب:وعد ي خديجة مش هتكوني لحد غيري وهعوضك عن اي حاجة زعلتك مني قبل كدة
يوسف كان معدي من قدام الأوضة شافه باصص للفراغ ومبتسم
يوسف قرب منه
يوسف بسخرية:مالك ي عبدالحليم زمانك سرحان في مين
غيث
غيييييث
غيث فاق:هاا لا ولا حاجة واكمل بضيق وارتباك:وانت مالك انت وقام
يوسف بصوت شبه عالي:خد بس يسطا قولي اوعي تكون بتحب من ورايا هزعل
غيث بصله بعنين حادة وغيظ ومشي
يوسف قعد مكانه وضحك وبص من شباك المستشفى كانت خديجة واقفة مع مراد بس مش سامع بيتكلمو عن ايه
مراد بأبتسامة:خدي احلي كوباية قهوة ليكي
خديجة بابتسامة هاديه:شكرا
واخدة اول بق وافتكرت لما يوسف عزمها علي قهوة وقلها خدي مش عيب بالله لما اول حاجة اعزمك عليها تبقي قهوة
خديجة بصت للقهوة وضحكت
فاقت علي صوت مراد
خديجة بأنتباه:هاا بتقول حاجة
مراد ابتسم:لا اصل شايفك بتبصي للقهوة وتضحكي هي القهوة فيها حاجه
خديجة ابتسمت بهدوء ودخلت
اما يوسف رغم انو مش فاكر خديجة وبالنسباله عمره ما شافها لكن كان حاسس بنار في قلبه ومش طايق يشوفها مع مراد
_____________________________________بعد وقت
خديجة واقفة تكشف علي مريض
خديجة: دلوقت حضرتك هتروح مع أستاذة هنا عشان تعمل كل التحاليل اللي طلبتها
الام بخوف:طب انتي شايفة ممكن يكون ايه ي دكتورة
خديجة بحزن:للاسف مقدرش افتي من عندي لما التحاليل تطلع هقدر أشخص حالته ونعرف ايه اللي فيه اذا كان كيس دهني عادي او ورم لقدر الله عن اذنكم
وخرجت وهي حزينه قد ايه المستشفي فيها حالات صعبة وبتبقي زعلانه اوي عليهم ونفسها تكتشف اي علاج عشان يخفو ويرجعو زي الاول
فاقت من تفكيرها علي صوت غيث
خديجة:نعم ي دكتور غيث
غيث بيبص حواليه:تعالي عايزك في موضوع مهم
خديجة بصتلهم بعدم فهم ومشيت معاه
وراحو قعدو في ركن في جنينه المستشفي
خديجة بقلق:خير ي دكتور غيث خوفتني في ايه
غيث:بقلك ايه بقي سيبك من الالقاب دلوقت انا عايزك في مهمه
خديجة برفعة حاجب:مهمة ايه
غيث بتلقائية:انا بحب فريدة
خديجة فتحت بقها بصدمة
غيث بسرعة:استني انا هفهمك كل حاجة مش انتي كنتي بتحبي يوسف من قبل ما اتقدملك و..
خديجة قاطعته بغضب:لا مش بحبه وا..
غيث قاطعها:خلاص عارف انك بتكرهي لما كنتي بتحبيه ي ستي وانا جيت اتقدمتلك انتي وافقتي عشان كنتي لسة مش متأكدة من مشاعرك تجاه يوسف انا بردو فريدة جت قبلها وقالتلي انها بتحبني واكمل بحزن وانا قلتلها اني مش بحبها ومش هقرب منها بس انا كنت زيك لسة متأكدتش من مشاعري وهي مش طيقاني ومهما حاولت اقرب منها بتصدني
خديجة مندهشه: مش قدرة اصدق بجد كل دا وانا معرفش حاجه
غيث بتوسل:عشان كدة عايز منك خدمة انك تخلي فريدة تتقبلني وتحبني زي الاول
خديجة برفعة حاجب:والمقابل
غيث بصلها بغيظ وبص لقي يوسف بيتابعهم من بعيد ابتسم بخبث
غيث بابتسامة:بصي الاخ اللي بيراقبنا من بعيد دا ايه رايك نضحك عليه وتعزبيه شوية وتاخدي حقك مدام ناسيكي ومش فاكر عنك اي حاجة وكل شوية يتخانق معاكي
خديجة بصت علي يوسف وابتسمت بغضب:حلو اللعبة ابتدت
وفي نفس الوقت كانت فريدة بتابعهم من بعيد وحثا بغيرة بس هي خلاص اخدة قرار مش هتهين كرامتها عشان محدش يستاهل
وفضلو قعدين كام دقيقه
يوسف قرب منهم بضيق:غيث خد
غيث ببرود:نعم
يوسف بغيظ وحدة:قوم لحظة عايزك
غيث ابتسم بأستفزاز وقام ومشيو كام خطوة
وفضلو مشيين سكتين
غيث بصله:ايوا هو دا الموضوع يعني
يوسف بضيق:ما ما انا نسيت
غيث:طب لما تفتكر ابقي قول
ولف وكان هيمشي
يوسف:انت رايح فين
غيث بأستفزاز: خديجة مستنياني وكنا بنحكي في موضوع مهم
يوسف سحبه من ايده بغيظ:طب تعالي تعالي نروح نتغدا مع بعض
مشيو وغيث ضحك علي اخوه اللي مهما حصله ومهما نسي العالم كله إلا أن قلبه محبش غير خديجة ومهما حصله ومهما فقد الذاكرة قلبه هيرجع يحب خديجة تاني
___________________________________في مكان ما
بريهان:انا مش هظهر تاني ولا ايه خلاص هتخلاص كدة اللعبة جيم اوفر
كريم بضيق:انتي شايفة ايه انا وانتي مينفعش نظهر دلوقت لانه بسبب غبائك هو فقد الذاكرة
بريهان بغل:انا مش هسمحله يقرب من خديجة تاني يوسف ملكي انا وبس
كريم بغل:حلو بعد كدة اللعب مش هيبقي معاه اللعب هيبقي علي المحروصة اللي دخلت حياته شقلبت حياتنا إحنا بس نصبر شوية
بريهان نفخت بضيق
★★★★★★★★★★★★★★★★★★★★★★★★★★تاني يوم وكان يوم الجمعه
خديجة بتصحي من النوم بتاخد شاور وبتلبس دريس ونقاب وبتخرج البلكونة
خديجة بتسمع حد بينده عليها بتبص في اخر البلكونة
خديجة بصدمة: يوسف انت جيت هنا ازاي
يوسف قرب منها وابتسم:ممكن ننسي اي حاجة عدت وتحضنيني حضنك هوا اللي بيديني القوة اني استمر في الحياة
خديجة بذهول وفرحة بداريه: يوسف انت رجعتلك الذاكرة وافتكرتني
يوسف بأبتسامة وحب وقرب منها: خديجة انا مهما حصلي انا عمري ما هنساكي انتي هتفضلي في قلبي ولو تفتكري الوعد اللي وعدتهولك مهما حصل مش هتكوني غير ليا ولقلبي قلب يوسف مش بيدق غير بأسم واحد وهو خديجة حتي اسمعي كدة
ومسك ايد خديجة حطها علي قلبه برقة ومبتسم
خديجة بصاله ومبتسمه بحب
خديجة فاقت وبعدة عنه بغضب:ابعد عني انت ازاي تعمل كدة أنت اكتر بني ادم كرهته في حياتي انت خاين ابعد عني واخرج من حياتي
يوسف قرب منها تاني وعنيه اتملت دموع: معقول ي خديجة تصدقي ان يوسف ممكن يخونك يوسف قلك انو محبش حد في الدنيا بعد والدته ومدام حبك مستحيل يفرط فيكي تصدقي ان ممكن اخونك
خديجة بعدم فهم وذهول:يعني ايه فهمني
: خديجة خديجة
خديجة فتحت عنيها:ها فين يوسف يوسف فين
معاذ بعدم فهم:ي بنتي فوقي يوسف ايه اللي هيجيبه في اوضة نومك
خديجة مسكت راسها وكانت مصدعة
معاذ رفع وشها وبصلها: كنتي بتحلمي ولا ايه ي كتكوتة
خديجة بضيق وصداع:معاذ سبني معلش دلوقت
معاذ قام:طب يلا بسرعه عشان نفطر
معاذ قام وخرج برا اوضة خديجة
وخديجة بتحاول تجمع وتفوق دا مكانش حقيقة كان مجرد حلم مفيش يوسف ولا هو فاكرها بس افتكرت جملة يوسف
___________________________________فلاش باااك
يوسف قرب منها تاني وعنيه اتملت دموع: معقول ي خديجة تصدقي ان يوسف ممكن يخونك يوسف قلك انو محبش حد في الدنيا بعد والدته ومدام حبك مستحيل يفرط فيكي تصدقي ان ممكن اخونك
__________________________________بااااااااك
خديجة فاقت من شرودها ومخها مشوش جدا
خديجة بصا لنسفها في المرايا:ي تري الحلم دا تفسيره ايه ممكن يكون يوسف فاكرني بس بيضحك عليا بس ازاي انا شفت الاشاعات بنفسي طب هو ليه قلي كدة ممكن يكون فعلا مخنيش وفي حاجة غلط طب بردو ازاي هو بنفسه قلي انو ضعف ي رب انا مليش غيرك خليك معايا وعرفني الطريق الصح
خديجة قامت واخدة شاور وفطرت من معاذ
معاذ وهو بياكل:الا قوليلي ها كان اسمها ايه الدكتورة اللي وصلتني ليكي
خديجة ببرود وخبث:ليه
معاذ بصلها بعنين حادة:اسمها ايه
خديجة:احم اسمها سحر دكتورة سحر
معاذ:منين
خديجة بغيظ:يعني ايه منين يعني هتكون من جنوب افريقيا مثلا
معاذ شدها من لياقة البجاما بغيظ:ايوا يعني بيتها فين كدة عايز اعرف كل حاجة عنها
خديجة بتزق ايده:طب اوعي كدة انت قافش حرامي هي عادي يعني من هنا بس هي هتسافر اخر الشهر شرم الشيخ
معاذ بحزن :ليه وهتقعد قد
خديجة: عشان بباها عايش هناك وكل فترة يتزوره وتقريبا هتقعد كتير
معاذ بصلها بحزن
خديجة بغمزة:بس اشطا يعني معايا رقمها ممكن اظبطهالك
معاذ بفرحة:كويس انا عايز اتقدملها
خديجة ضحكت:بسرعة كدة دا حب من النظرة الاولي علي كدة
معاذ ضحك بخفة
_________________________________________________
بعد وقت
خديجة كانت قاعدة في كافيه علي البحر
وكان في نفس المكان قاعد يوسف
كل واحد في عالم تاني ومش شيفين بعض
خديجة قاعدة وبصا للبحر وسرحانه وبتفكر
يوسف قاعد وفاتح اللاب توب ومركز معاهج وساند العكاز جنبه
خديجة بصا للبحر وبتكلم نفسها:ي تري حكايتك ايه يوسف وايه اللي لسة معرفوش
فاقت لما حد سحب كرسي وقعد قدمها
لقيت شاب وشكله وقح جدا
خديجة برفعة حاجب:نعم حضرتك في حاجة
الشاب ببجاحة:يعني لقيتك قاعدة لوحدك قلت اجي اسليكي
خديجة بغضب:والله طب لو سمحت قوم
الشاب بوقاحة:ليه بس صدقيني هعجبك واهو نسلي بعض ي حلوة
خديجة قامت بغضب:ايه قلة الذوق دي فين مدير المكان دا
وهنا يوسف سمع صوتها
يوسف خلع نظارة النظر وبيتابع الموقف من بعيد والكافيه كله بيبص من بعيد
حد الموظفين:لو سمحت ي فندم اطلع برا بهدوء مش عيزين مشاكل
الشاب ببجاحة وغضب:ابعد انت متدخلش وانتي تعالي هنا
وكان هيمسك ايد خديجة
لولا يوسف جه في اخر لحظة وداله بكوس بأيد واحدة وقعه علي الكرسي
خديجة شهقت بصدمة
يوسف بغضب:اطلع برا وايااك تفكر تقرب منها تاني
الشاب قام بغضب: وانت مال اهلك انت كنت رقيب عليها واكمل بوقاحة ولا تكونش الجو
يوسف ابتسم بغضب وقرب منه وشده من لياقة القميص
يوسف بعنين حادة:ايوا ي روح ا*مك يخصك في حاجة
وهوب اداله روسيه وقعه علي الارض
الشاب قام بغضب وداله بكوس وفي وشه ويوسف متهزش من مكانه بس رجع لورا وسند علي العكاز
خديجة بخوف: يووسف سيبه خلاص
يوسف ابتسم بغضب وقرب منها اداله بوكس تاني
والشاب كان هيديله بوكس لولا امن المكان جه واخدوه
مدير الكافيه: اسفين ي فندم علي اللي حصل
يوسف بغضب :الاشكال الزبالة دي ازاي تسمحولها انها تدخل اماكن نضيفة وتضايق الناس كدة
المدير بأحراج:إحنا اسفين ي فندم وبكرر اعتزاري للهانم
يوسف نفخ بضيق وبص لقي الكافيه كله بيتفرج عليهم
يوسف بعصبية:خلااص اللمة خلصت كل واحد يخليه في حاله بدل ما قعدين تتفرجو كان حد قام دافع عن اذنك البنت بدل ما بتتفرجو
خديجة بصاله بستغراب معقول دا يوسف كل يوم بيثبتلها انو بيتغير للاحسن بكتير
خديجة بخوف وهمس:بوقك بينزف
يوسف بصلها بحدة:لمي حاجتك وتعالي
ومشي قدمها وخديجة سمعت كلامه وهي مش فاهمه نفسها
يوسف رجع لتربيزته وحط اللاب توب في الشنطة ومسكها وسند علي عكازه ومشي ووراه خديجة
مشين في وكان الصمت سيد الموقف
خديجة بهدوء :احم شكرا ليك
يوسف بصلها:علي ايه
خديجة:يعني علي انك وقفت معايا واخدة حقي
يوسف بأبتسامة خفيفة:دي حاجة اي راجل لازم يعملها مش حاجه فزيعة يعني
خديجة ابتسمن بخفة:لا بس بجد شكرا ليك
يوسف ضحك بخفة: بس شفتي كنت جامد ازاي وضربته بأيد واحدة ولا سوبر مان
خديجة ضحكت: You are my hero(انت بطلي)
يوسف بصلها بدهشه:هاا
خديجة بأرتباك:ها لالا ولا حاجة عن اذنك وشكرا ليك تاني
وسابته ومشيت بردو
ويوسف بيبص علي اثرها ومش فاهم ليه كل ما يحاول يتكلم معاها تمشي
مرت ساعات حتي عم الظلام
_______________________________عند غيث
غيث قاعد في جنينة الڤلة ومربع ايده وباصص للبول وسرحان في عالم تاني
يوسف كان داخل بالعربيه من بوابة الڤلة شافه كدة بصله بأستغراب
يوسف للامن:هو دكتور غيث ماله قاعد كدة ليه
الامن: مش عارف والله ي يوسف بيه هو بقاله اكتر من تلات ساعات قاعد نفس القعدة وكل ما حد يقرب منه يشاور بأيده عشان نبعد
يوسف بيحاول ميضحكش:تمام
الامن بفضول:هو في حاجة ولا ايه ي باشا
يوسف بحدة وضيق:وانت مالك انت خليك في شغلك
وسابة ودخل ركن العربية وقرب من غيث
وغيث مش حاسس بيه
يوسف أبتسم بخبث وقرب منه حط ايده علي عنين غيث برقة
غيث مسك ايد يوسف: فريدة
ولف لقي يوسف
يوسف بصله وضحك على ما اخر ما عنده
غيث بصله بغيظ وغضب:متخلف غور ياد
يوسف ضحك وقعد قدامه:ايه يسطا الحركات دي حركات مراهقين عندهم ١٨ سنة مش شاب عنده ٣٥ سنة خالص
غيث بصله بغيظ ويوسف بيكتم ضحكته
غيث: يوسف امشي بعيد عن وشي
يوسف بيضحك:لا خلاص هقعد ساكت
غيث بصله بقرف
يوسف:طب خلاص متزعلش هسميك غيث القماص مالك بقي
غيث بضيق وغيظ:لا مش هقلك انت انسان متنمر
يوسف بيحاول ميضحكش:طب تمام خلاص مفيش هزار تاني بجد قلي مالك
غيث اتنهد وسرح ومسك ايد يوسف: يوسف انا ب....
يوسف بعد ايده بخوف: اوعي يسطا في ايه انت هرموناتك ضرتبة ولا ايه
غيث بيحدف عليه الكوتشي بغيظ:امشي ي حيوان
ويوسف بيجري بالبطئ أثر العكاز
★★★★★★★★★★★★★★★★★★★★★★★★★★
اشرقت شمس يوم جديد
في المستشفي
دكتور مراد واقف وبيدور علي حاجة في شنطة عربيته
خديجة ماشية من جنبه
خديجة بهدوء:صباح الخير
مراد بصلها وابتسم:صباح الخير والنور والفل وكل انواع الورد
خديجة بصتله برفعة حاجب وهو اؤحرج وبص قدامه
وبردو يوسف كان داخل وراها وخبط في كتف مراد جامد
مراد بعصبية:ما تخلي بالك بقي
يوسف قرب منه جدا
يوسف بهمس و بعنين حادة مثل الصقر:متتعداش حدودك معاها فاهم
وسابه ودخل ومراد مش فاهم حاجه
عند فريدة
فريدة ماشيه في الممر
امير من بعيد:دكتورة فريدة
فريدة بصتله
امير بيقرب منها:ازيك فكراني
فريدة بأبتسامة هاديه:طبعا ازيك ي امير عامل ايه
امير بأبتسامة:اهو الحمدلله واديني فكيت الجبس
فريدة:طيب حمدالله علي سلامتك
وكانت هتمشي
امير بسرعة: دكتورة فريدة استني
فريدة بصتله بزهق:نعم
امير بأبتسامة: ممكن نشرب قهوة سوا
فريدة كانت لسا هترد
غيث بأبتسامة غيظ:اهلا اهلا ي امير
امير بأبتسامة مستفزة وبرود:اهلا ي دكتور غيث ايه رايك ي دكتورة
فريدة بصت لغيث لقيته هيطق
فريدة بأبتسامة:ايوا طبعا يلا بينا
مشيو سوا
وامير لف وبص لغيث وغمزله بأستفزاز
وغيث واقف هيطق
________________________________بعد وقت
كان في اجتماع في المستشفي وكل الدكاترة موجودين
بعد ما خلص والكل خارج
كان خارج غيث ووراه مراد ووراه خديجة ووراها فريدة ووراهم يوسف وكانو كلهم وقفين علي مسافة قريبة من بعض
يوسف:تعالي نقعد في جنينة المستشفي
غيث بصله بعدها بص لخديجة وفريدة وابتسم ببرود
غيث:لا معلش مش هينفع صح ي ديجا
فريدة بصالهم برفعة حاجب
يوسف بغيظ:ودا ليه أن شاء الله
غيث بأستفزاز:هنروح نتغدا انا وخديجة يلا بينا ي ديجا
يوسف بهمس وقرف وغيظ وبيقلد صوت خديجة
يوسف:يلا بينا ي غوغو
ومشيو سوا
فريدة بصلهم برفعة حاجب ومربعة اديها بغيظ ويوسف كذلك وكانو وقفين جنب بعض
فريدة بغيظ:هو ايه اللي بيحصل بينهم بظبط
يوسف بغيظ:مش عارف بس لازم اعرف
فريدة بصتله:خلاص من هنا ورايح انا وانت ايد واحدة
يوسف:اشطا يلا بينا نتغدا سوا احنا الاتنين
وبردو يوسف وفريدة يشاء القدر انهم يروحو نفس المطعم اللي راحوه خديجة وغيث
يوسف وفريدة دخلو قعدو وعملو انهم مش اخدين بالهم من غيث وخديجة
غيث حاطت ايده علي بقه وبيتكلم بهمس:شفني خطتنا بدأت تنجح
خديجة بهمس وبتكتم ضحكتها:فعلا الاتنين هيولعو
غيث بخبث:بس قوليلي انا بعمل كدة عشان اتأكد ان فريدة لسة بتحبني واكمل بغمزة: انتي بقي بتعملي كدة ليه
خديجة بأرتباك:احم عادي يعني عشان اخد حقي من اخوك
غيث ضحك
علي تربيزة يوسف وفريدة
يوسف بهمس وغيظ:هما بيتكلمو في ايه
فريدة بغيرة وغيظ:مش عرفة وكمان عمالين يضحكو
يوسف بصلها بمكر:بس قوليلي انتي متغاظة ووشك احمر كدة ليه
فريدة بأرتباك:عادي يعني الجو حر وبتمثل انها بتهوي
فريدة جت عنيها في عنين خديجة والاتنين برقو لبعض
خديجة: احم انا هدخل التويلت لحظة
عند فريدة:احم لحظة هدخل التويلت اظبط خماري واجي
يوسف ابتسم بهدوء
ودخلو خديجة وفريدة التويلت
دخلت خديجة الاول وبصت وراها
خديجة بأستهبال:اييه دا فريدة انتي هنا ياا مشفتكيش خاالص
فريدة قربت منها بغيظ
فريدة:بت انا عايزة ايه اللي بيحصل دا دلوقت
عند يوسف
يوسف بص حواليه وقام قعد قدام غيث
غيث بأستهبال وبيبص حواليه وبص ليوسف
غيث بذهول مصطنع:ايييه دا يوسف حبيب قلبي انت جيت امتي
يوسف بغيظ:انا عايز افهم اي اللي بيحصل دا
تعليقات
إرسال تعليق