رواية عشق في حي شعبي الفصل السابع عشر 17 بقلم ايات وقلب نورك

رواية عشق في حي شعبي الفصل السابع عشر 17 بقلم ايات وقلب نورك 

رواية عشق في حي شعبي الفصل السابع عشر

مشيت جودي مع الشباب حتى وقفت امام منزل لكن ليس هذا الذي كانت موجودة فية مع عيسى

جودي بتوتر........ بس ده مش البيت بتاع بابي

احد الشباب وهو يدخلها بق*وة...... لا ياحيل*تها دا بتاع مامي

جودي وهيا تصرخ.. اااااع انتوا هتودوني فين

قام احد الشباب بحملها وكان سيصعد بها لكن استوقفه صوت من الخلف...... علي فين العزم يا رجاله

أداروا وجههم كلهم ليروا سيد يقف علي الباب وينظر لهم بدقه

مسعد و هو احد الشباب.. جرا اي ياسيد مالك بينا

سيد.. لا مالي ونص واخدين البت علي فين

مسعد بحدة........ ملكش دعوه طالعين نشممها الهواء فوق

سيد بجديه.. نزل البت ياض انت وهو

جودي ببكاء....... عمو انا عايزه بابي

سيد.. قلت نزل البت يا*ض منك له

احد الشباب بغضب......... قولنا ملكش دعوه و اطلع ياض انت وهو على البيت و اللي عندك اعملوا يا سيد

سيد وهو ينزع التيشرت عنه بغضب....... وحيات امكم لهخلي الشارع كله يتفرج عليكوا انهارده

اقترب مسعد ولكم سيد في وجهه لكن سرعان ما وقف سيد ورد له اللكمه لكن كانت اقوى

بدأ العراك بين سيد والشباب حتى تجمع الناس على الصوت وبداوا في مساعدة سيد

عمر وهو يساعد سيد و يض*رب معه....... في اي يخربيت امك عملت اي تاني

سيد وهو يمسك احدهم ويلكمه في وجهه....... وربنا معملت حاجه هما اللي كانوا هياخدوا البت

عمر وهو يمسك الشاب ويضر**به في رأ*سه.......... بت مين انت مش هتوب

بعد مرور بعض الوقت

كان كل الشباب الذين كانوا يأخذون جودي قد وقع*وا علي الأرض

اقترب سيد من جودي وهيا جالسه تبكي علي الارض......... انتي مين شكلك مش من هنا

جودي بصوت ضعيف......... انا انا جودي وبابي عيسى هو اللي جبني هنا

سيد... ااااه عيسى وشادي انتي تبعهم

هزت جودي راسها بنعم

سيد........ طب تعالي عشان اروحك

جودي بخوف....... لا انت بتكدب عليا زيهم

سيد.. وهكدب عليكي لي انا لو عايزك هخدك من غير ما اكدب عليكي يلا قومي معايا

وقفت جودي وهيا ترتجف.

سيد وهو ينظر لملابسها.......

وهو في حد ينزل الشارع بلبس ده

جودي بغباء........ لي هو وحش اوي كده

سيد بضحك.. اه بصراحه فظيع اوعي تنزلي كده تاني البسي عبايه سودا ولا عبايه سودا اي دي العبايه عليكي هتبقاا اكتر من كده بكتير

جودي.. مش فاهمة قصدك اي

سيد... الحمدلله انك مش فاهمة

عمر وهو يصفر....... العب يا ابو السيد ياجامد اي الحته الروسي دي

سيد بحدة....... ولا دي من انهارده بنت منطقتنا يعني عينك تيجي كده ولا كده هغزهملك

عمر...........خلاص ياعم متزوقش روح انت روح الحته ونتقابل بليل اشطا يابرنس

سيد.. اشطاا ياصاحبي

مشي سيد وهو يمسك يد جودي وهو يرا جميع اعين الناس تنظر اليهم

أحد الشباب وهو يصفق.. اصلي ايوة كدة يا أبو السيد يا جامد

سيد... اتهد ياض دي بنت منطقتي

الشاب........ ماشي ياعم والعه معاك

جودي ببراءة.. هما لي بيصقفولك كدة

سيد بحدة....... مهو طول ما انتي لابسه كده ومسيبة شعرك هتلاقي امه لا إله إلا الله بتصقف ولا كإني ماشي مع رانيا يوسف في مهرجان الجونه

........

عند شادي

كان يحمل أكوام من الخشب خبط في فتاه وتدعى سلمي

منال بحدة....... مش تفتح يا اعمى اي مبتشوفش

شادي........ انتي اللي ماشيه مش شايفة قدامك

منال....... اما انت راجل قليل الزوق بصحيح اكمنك يعني عندك عضلتين و حلو شويه وشعرك حلو و عيونك تسحر تمشي تخبط في الناس كدة

شادي برفعة حاجب........ بقولك ايه مش نقصك على الصبح يلا غو*ري من هنا

منال بردح... نعم ياعمر اغو*ر من فين يا عنيه دا انت نهار ابو*ك اسود

شادي بصوت حزين فهو قد تذكر هايدي وحركاتها........ طب انا اسف ممكن اعدي عشان الخشب ميقعش

منال بعدما احست أنها قد زودتها... طب انا اسفه خلاص متزعلش

وضع شادي الخشب في مكانه وقف وهو يضع يده علي جبينة و يتذكر كل لحظه مع هايدي.... هنساكي هنساكي ياهايدي وهبتدي من جديد

.....................

عند هايدي كانت شارده وهيا تفكر في شادي حتى دلفت امها

الام... مالك يابنتي

هايدي... هااااة مفيش يا ماما

الام.. لا في هو انا مش عرفاكي انتي حبيتي شادي

هايدي.. لا ياماما مش حب هو اتجوزني غصب وانا مش عيزاه ...... و حقي و حق اختي اخدتوا

الام........ مينفعش اللي بتقولية ده انتي حامل منة حرام عليكي ابنك بعدين انتي جربتي تفكري ف شادي أنه ينفع يكون مع واحده تانيه غيرك

هايدي و قد بدأت دموعها بالتساقط......... هو هو شادي ممكن يتجوز يا ماما

الأم... طبعاً لي لا انتي كسرتية يا هايدي وسبتية بطريقه وحشه اوي انتي تدعي يكون مكرهكيش بس موضوع الجواز ده اكيد هيتجوز لو شاف واحده بتحبة

هايدي وبدأت ملامحها تتغير....... لا هو اكيد مش هيتجوز ولا هيحب أصلا

الام.. لي بقا انتي هبلة يابت بعدين خلاص موضوعكم خلص المهم اللي ف بطنك لازم أبوة يشوفوا

......................

بعد يوم طويل من الشغل رجع شادي وعيسي إلى المنزل

جودي وهيا تحضن عيسى... بابي انا آسفه

عيسى.. مالك ياحبيبتي آسفه على اي

جودي بصوت ضعيف....... اصلي نزلت انهارده كنت عايزه اجيب اكل و

عيسى بحدة........ واي مالك حد عملك حاجه

جودي....... لا في واحد اسمه سيد هو اللي رجعني البيت

عيسى بغضب... انتي ازاي تنزلي لوحدك اصلا و من ورايا كمان

شادي....... خلاص يا عيسى اهدى اهي رجعت بالسلامه الحمدلله المهم إحنا نسينا الموضوع بتاع جودي لازم نشوف لها مدرسه قريبه انا هسال سيد و هشوفلها مدرسه

عيسى....... لا مدرسة اي هنا انت اتجننت جودي مش هتستحمل

شادي.......... ياعيسى مقدمناش غير كده اومال هتقعد كده من غير متكمل تعليمها .......... قوليلي ياجودي جبتي الورق بتاعك في الشنطه

جودي.. اه جبتو وانا بحضر الشنطه

شادي.. خلاص تمام انا هنزل اشوف سيد وهشوفلك مدرسه قريبه

كاد عيسى ان يتحدث لكن قاطعهم صوت دق الباب

عيسى.. افتح...تلاقية سيد هو اللي جاي

فتح شادي الباب و اتسعت عيونه ..... إنتي خير جاية تكملي هنا

منال وهيا تحمل طبق فيه حلويات.......... تصدق انك عيل غلس خد طبق حلويات و ده على فكره مش عشانك دى علشان القمر الصغير اللي عندكم أصل لحظك المهبب انا جارتكم في الدور اللي تحت

شادي .. شكرا خدي الطبق و اتكلي كفايه الصبح

منال وتدفعه بعنف وتدلف إلى المنزل بمرح......... يا اهل الدار

جودي بضحك........... مين دي ياشادي

شادي بضيق... معرفش ومش عايز اعرف

منال بحدة........ اي قلت الذوق دي تعالي ياقمر انتي جبتلك شوية بسبوسه اي يستاهلوا بوقك

عيسى... شكراً أصل جودي مش بتاكل حلويات

منال وقد احست انها غير مرغوب بها...... احم انا اسفه عن اذنكم

كادت ان تخرج لكن اوقفها صوت شادي..... استني متزعليش جودي مبتكلش حلويات فعلاً

منال بإبتسامة....... ولا يهمك انا اسفه على اللى حصل الصبح

شادي وهو يبادلها الإبتسامة......... ولا يهمك

منال وهي تمد يدها لتصافحة........ انا منال

شادي وهو يصافحها....... شادي منصور و اللي جوة ده عيسى

منال........ اتشرفنا لو احتاجتو اي حاجه انا موجوده

شادي.. شكرا وانتي لو احتاجتي اي حاجه انا برضك موجود

هبطت منال إلى منزلها بينما اغلق شادي الباب خلفها

عيسى.. اي يعم كل الرغي ده

شادي.. سيبك يلا حط الاكل تلقي جودي مكلتش من الصبح وانا هنزل اشوف سيد على موضوع المدرسه

عيسى.. ماشي ياشادي شكل القاعدة هتطول

.... جلس عيسى وجودي يتناولن الطعام

عيسى جلس شارد

جودي.. بابي مالك

عيسى.. وحشتني اوي

جودي.. هيا مين

عيسى.. هاااااة مفيش ياحبيبتي كملي أكلك

.....

عند جيجي كانت تتسحب لتاخذ الهاتف من والدها

جيجي وهيا تمسك الهاتف... ياربي بقاا عايزه اكلم بابي

جلست جيجي وهيا تحاول الاتصال على هاتف عيسى فهو قد قام بتحفيظها رقم الهاتف

...

جودي... بابي تليفونك بيرن

عيسى بدون ان ينظر للهاتف.. سيبك تلاقي حد بيسال انا فين هقولوا اي يعني اقفلي التليفون خالص

........

شادي وهو يجلس في القهوه ومعه سيد

شادي... انا عرفت ياسيد انك رجعت جودي البيت شكرا والله منغيرك معرفش اي اللي ممكن كان يحصلها

سيد.. لاشكر علي واجب انا عرفتها من لبسها كان باين عليها انها غريبه مش من المنطقه

شادي.. معلش ياسيد هتقل عليك

سيد.. تتقل اي بس احنا بقينا ولاد منطقه واحده

شادي.. كنت عايز اقدم لجودي في مدرسه ثانوي تكون قريبه من هنا

سيد.. عيوني في مدرسه قريبه من هنا مش بعيده هقابلك الصبح انت و الانسه الصغيره والورق وهنروح نشوف الدنيا فيها اي

شادي... تسلم ياسيد همشي انا بقاا عشان الحق اصحى بدري

سيد... اذنك معاك يابرنس خلاص بقاا نتقابل ان شاءالله

ذهب شادي وهو شارد وينظر للشوارع حتى تعب ورجع الى المنزل و صعد الدرج حتى وصل للدور الذي تسكن فيه منال وسمع صويت من داخل شقتها

دق شادي الباب لكنة كان مفتوحا فدلف سريعا الى الداخل

رأت منال شادي و جرت لتتحامي فية

عندما راي عمها هذا المنظر أخذ يسبها بأبشع الألفاظ

عم منال و هو يصرخ فيها ....... اه يا بنت الك*لب بقى ماش*ية على حل شعرك يا فا**جرة اه منا هستنى اي منك يا قلي*لة الحيا .....بت هو سؤال واحد الراجل دة يبقى مين

منال و هي ترتجف .......ا..الراجل ده يبقى جوزي...

 

يتبع الفصل التالي اضغط هنا

 

الفهرس يحتوي علي جميع فصول الرواية '' عشق في حي شعبي''  اضغط علي اسم الرواية